Utshovসর্গ 51
51.1
ইতি উক্তঃ ক্রোধ তাম্রাক্ষঃ তপ্ত কাংচন কুণ্ডলঃ ।
রাক্ষসেন্দ্রো অভিদুদ্রাব পতগেন্দ্রম্ অমর্ষণঃ ॥৩-৫১-১॥
51.2
স সংপ্রহারঃ তুমুলঃ তয়োঃ তস্মিন্ মহা মৃধে ।
বভূব বাত উদ্ধতয়োঃ মেঘয়োঃ গগনে যথা ॥৩-৫১-২॥
51.3
তৎ বভূব অদ্ভুতম্ যুদ্ধম্ গৃধ্র রাক্ষসয়োঃ তদা ।
সপক্ষয়োঃ মাল্যবতোঃ মহা পর্বতয়োঃ ইব ॥৩-৫১-৩॥
51.4
ততো নালীক নারাচৈঃ তীক্ষ্ণ অগ্রৈঃ চ বিকর্ণিভিঃ ।
অভ্যবর্ষৎ মহাঘোরৈঃ গৃধ্র রাজম্ মহাবলঃ ॥৩-৫১-৪॥
51.5
স তানি শর জালানি গৃধ্রঃ পত্ররথ ঈশ্বরঃ ।
জটায়ুঃ প্রতিজগ্রাহ রাবণ অস্ত্রাণি সংয়ুগে ॥৩-৫১-৫॥
51.6
তস্য তীক্ষ্ণ নখাভ্যাম্ তু চরণাভ্যাম্ মহাবলঃ ।
চকার বহুধা গাত্রে ব্রণান্ পতগ সত্তমঃ ॥৩-৫১-৬॥
51.7
অথ ক্রোধাৎ দশগ্রীবঃ জগ্রাহ দশ মার্গণান্ ।
মৃত্যু দণ্ড নিভান্ ঘোরান্ শত্রোর্ নিধন কান্ক্ষয়া ॥৩-৫১-৭॥
51.8
স তৈঃ বাণৈঃ মহাবীর্যঃ পূর্ণ মুক্তৈঃ অজিহ্ম গৈঃ ।
বিভেদ নিশিতৈঃ তীক্ষ্ণৈঃ গৃধ্রম্ ঘোরৈঃ শিলী মুখৈঃ ॥৩-৫১-৮॥
51.9
স রাক্ষস রথে পশ্যন্ জানকীম্ বাষ্প লোচনাম্ ।
অচিংতয়িত্বা বাণাম্ তান্ রাক্ষসম্ সমভিদ্রবৎ ॥৩-৫১-৯॥
51.10
ততো অস্য সশরম্ চাপম্ মুক্তা মণি বিভূষিতম্ ।
চরণাভ্যাম্ মহাতেজা বভংজ পতগোত্তমঃ ॥৩-৫১-১০॥
51.11
ততো অন্যৎ ধনুঃ আদায় রাবণঃ ক্রোধ মূর্চ্ছিতঃ ।
ববর্ষ শর বর্ষাণি শতশো অথ সহস্রশঃ ॥৩-৫১-১১॥
51.12
শরৈঃ আবারিতঃ তস্য সংয়ুগে পতগেশ্বরঃ ।
কুলায়ম্ অভিসংপ্রাপ্তঃ পক্ষিঃ ইব বভৌ তদা ॥৩-৫১-১২॥
51.13
স তানি শর জালানি পক্ষাভ্যাম্ তু বিধূয় হ ।
চরণাভ্যাম্ মহাতেজা বভংজ অস্য মহৎ ধনুঃ ॥৩-৫১-১৩॥
51.14
তৎ চ অগ্নি সদৃশম্ দীপ্তম্ রাবণস্য শরাবরম্ ।
পক্ষাভ্যাম্ চ মহাতেজা ব্যধুনোৎ পতগেশ্বরঃ ॥৩-৫১-১৪॥
51.15
কাংচন উরঃ ছদান্ দিব্যান্ পিশাচ বদনান্ খরান্ ।
তান্ চ অস্য জব সংপন্নান্ জঘান সমরে বলী ॥৩-৫১-১৫॥
51.16
অথ ত্রিবেণু সংপন্নম্ কামগম্ পাবক অর্চিষম্ ।
মণি সোপান চিত্র অংগম্ বভংজ চ মহারথম্ ॥৩-৫১-১৬॥
51.17
পূর্ণ চন্দ্র প্রতীকাশম্ ছত্রম্ চ ব্যজনৈঃ সহ ।
পাতয়ামাস বেগেন গ্রাহিভী রাক্ষসৈঃ সহ ॥৩-৫১-১৭॥
51.18
সারথেঃ চ অস্য বেগেন তুণ্ডেন চ মহৎ শিরঃ ।
পুনঃ ব্যপাহরৎ শ্রীমান্ পক্ষিরাজো মহাবলঃ ॥৩-৫১-১৮॥
51.19
স ভগ্ন ধন্বা বিরথো হত অশ্বো হত সারথিঃ ।
অংকেন আদায় বৈদেহীম্ পপাত ভুবি রাবণঃ ॥৩-৫১-১৯॥
51.20
দৃষ্ট্বা নিপতিতম্ ভূমৌ রাবণম্ ভগ্ন বাহনম্ ।
সাধু সাধু ইতি ভূতানি গৃধ্র রাজম্ অপূজয়ন্ ॥৩-৫১-২০॥
51.21
পরিশ্রান্তম্ তু তম্ দৃষ্ট্বা জরয়া পক্ষি যূথপম্ ।
উত্পপাত পুনর্ হৃষ্টো মৈথিলীম্ গৃহ্য রাবণঃ ॥৩-৫১-২১॥
51.22
তম্ প্রহৃষ্টম্ নিধায় অংকে রাবণম্ জনক আত্মজাম্ ।
গচ্ছংতম্ খড্গ শেষম্ চ প্রণষ্ট হত সাধনম্ ॥৩-৫১-২২॥
51.23
গৃধ্র রাজঃ সমুত্পত্য রাবণম্ সমভিদ্রবৎ ।
সমাবার্যম্ মহাতেজা জটায়ুঃ ইদম্ অব্রবীৎ ॥৩-৫১-২৩॥
51.24
বর্জ সংস্পর্শ বাণস্য ভার্যাম্ রামস্য রাবণ ।
অল্প বুদ্ধে হরসি এনাম্ বধায় খলু রক্ষসাম্ ॥৩-৫১-২৪॥
51.25
স মিত্র বন্ধুঃ স অমাত্যঃ স বলঃ স পরিচ্ছদঃ ।
বিষ পানম্ পিবসি এতৎ পিপাসিত ইব উদকম্ ॥৩-৫১-২৫॥
51.26
অনুবংধম্ অজানংতঃ কর্মণাম্ অবিচক্ষণাঃ ।
শীঘ্রম্ এব বিনশ্যন্তি যথা ত্বম্ বিনশিষ্যসি ॥৩-৫১-২৬॥
51.27
বদ্ধঃ ত্বম্ কাল পাশেন ক্ব গতঃ তস্য মোক্ষ্যসে ।
বধায় বডিশম্ গৃহ্য স অমিষম্ জলজো যথা ॥৩-৫১-২৭॥
51.28
ন হি জাতু দুরাধর্ষৌ কাকুত্স্থৌ তব রাবণ ।
ধর্ষণম্ চ আশ্রমস্য অস্য ক্ষমিষ্যেতে তু রাঘবৌ ॥৩-৫১-২৮॥
51.29
যথা ত্বয়া কৃতম্ কর্ম ভীরুণা লোক গর্হিতম্ ।
তস্কর আচরিতো মার্গো ন এষ বীর নিষেবিতঃ ॥৩-৫১-২৯॥
51.30
যুধ্যস্ব যদি শূরো অসি মুহূর্তম্ তিষ্ঠ রাবণ ।
শয়িষ্যসে হতো ভূমৌ যথা ভ্রাতা খরঃ তথা ॥৩-৫১-৩০॥
51.31
পরেত কালে পুরুষো যৎ কর্ম প্রতিপদ্যতে ।
বিনাশায় আত্মনো অধর্ম্যম্ প্রতিপন্নো অসি কর্ম তৎ ॥৩-৫১-৩১॥
51.32
পাপ অনুবংধো বৈ যস্য কর্মণঃ কো নু তৎ পুমান্ ।
কুর্বীত লোক অধিপতিঃ স্বয়ংভূঃ ভগবান্ অপি ॥৩-৫১-৩২॥
51.33
এবম্ উক্ত্বা শুভম্ বাক্যম্ জটায়ুঃ তস্য রক্ষসঃ ।
নিপপাত ভৃশম্ পৃষ্ঠে দশগ্রীবস্য বীর্যবান্ ॥৩-৫১-৩৩॥
51.34
তম্ গৃহীত্বা নখৈঃ তীক্ষ্ণৈঃ বিদদার সমংততঃ ।
অধিরূঢো গজ আরোহো যথা স্যাৎ দুষ্ট বারণম্ ॥৩-৫১-৩৪॥
51.35
বিদদার নখৈঃ অস্য তুণ্ডম্ পৃষ্ঠে সমর্পয়ন্ ।
কেশান্ চ উত্পাটয়ামাস নখ পক্ষ মুখ আয়ুধঃ ॥৩-৫১-৩৫॥
51.36
স তথা গৃধ্র রাজেন ক্লিশ্যমানো মুহুর্ মুহুঃ ।
অমর্ষ স্ফুরিত ওষ্ঠঃ সন্ প্রাকংপত স রাক্ষসঃ ॥৩-৫১-৩৬॥
51.37
সংপরিষ্বজ্য বৈদেহীম্ বামেন অংকেন রাবণঃ ।
তলেন অভিজঘান আর্তো জটায়ুম্ ক্রোধ মূর্চিতঃ ॥৩-৫১-৩৭॥
51.38
জটায়ুঃ তম্ অতিক্রম্য তুণ্ডেন অস্য খগ অধিপঃ ।
বাম বাহূন্ দশ তদা ব্যপাহরৎ অরিন্দমঃ ॥৩-৫১-৩৮॥
51.39
সংচ্ছিন্ন বাহোঃ সদ্যো বৈ বাহবঃ সহসা অভবন্ ।
বিষ জ্বালাবলী যুক্তা বল্মীকৎ ইব পন্নগাঃ ॥৩-৫১-৩৯॥
51.40
ততঃ ক্রোদ্ধাৎ দশগ্রীবঃ সীতাম্ উত্সৃজ্য বীর্যবান্ ।
মুষ্টিভ্যাম্ চরণাভ্যাম্ চ গৃধ্র রাজম্ অপোথয়ৎ ॥৩-৫১-৪০॥
51.41
ততো মুহূর্তম্ সংগ্রামো বভূব অতুল বীর্যয়োঃ ।
রাক্ষসানাম্ চ মুখ্যস্য পক্ষিণাম্ প্রবরস্য চ ॥৩-৫১-৪১॥
51.42
তস্য ব্যায়চ্ছমানস্য রামস্য অর্থে অথ রাবণঃ ।
পক্ষৌ পাদৌ চ পার্শ্বৌ চ খড্গম্ উদ্ধৃত্য সো অচ্ছিনৎ ॥৩-৫১-৪২॥
51.43
স ছিন্ন পক্ষঃ সহসা রক্ষসা রৌদ্র কর্মণা ।
নিপপাত মহা গৃধ্রো ধরণ্যাম্ অল্প জীবিতঃ ॥৩-৫১-৪৩॥
51.44
তম্ দৃষ্ট্বা পতিতম্ ভূমৌ ক্ষতজ আর্দ্রম্ জটায়ুষম্ ।
অভ্যধাবত বৈদেহী স্ব বংধুম্ ইব দুঃখিতা ॥৩-৫১-৪৪॥
51.45
তম্ নীল জীমূত নিকাশ কল্পম্সুপাণ্ডুর উরস্কম্ উদার বীর্যম্ ।
দদর্শ লংকা অধিপতিঃ পৃথিব্যাম্জটায়ুষম্ শান্তম্ ইব অগ্নি দাবম্ ॥৩-৫১-৪৫॥
51.46
ততঃ তু তম্ পত্ররথম্ মহী তলেনিপাতিতম্ রাবণ বেগ মর্দিতম্ ।
পুনঃ চ সংগৃহ্য শশি প্রভ আননারুরোদ সীতা জনক আত্মজা তদা ॥৩-৫১-৪৬॥