Utshovসর্গ 50
50.1
তম্ শব্দম্ অবসুপ্তস্য জটায়ুঃ অথ শুশ্রুবে ।
নিরৈক্ষৎ রাবণম্ ক্ষিপ্রম্ বৈদেহীম্ চ দদর্শ সঃ ॥৩-৫০-১॥
50.2
ততঃ পর্বত শৃংগ আভঃ তীক্ষ্ণ তুণ্ডঃ খগ উত্তমঃ ।
বনস্পতি গতঃ শ্রীমান্ ব্যাজহার শুভাম্ গিরম্ ॥৩-৫০-২॥
50.3
দশগ্রীব স্থিতো ধর্মে পুরাণে সত্য সংশ্রয়ঃ ।
ভ্রাতঃ সঃ ত্বম্ নিন্দিতম্ কর্ম কর্তুম্ ন অর্হসি সংপ্রতাম্ ॥৩-৫০-৩॥
50.4
জটায়ুঃ নাম নাম্না অহম্ গৃধ্র রাজো মহাবলঃ ।
রাজা সর্বস্য লোকস্য মহেন্দ্র বরুণ উপমঃ ॥৩-৫০-৪॥
50.5
লোকানাম্ চ হিতে যুক্তো রামো দশরথ আত্মজঃ ।
তস্য এষা লোক নাথস্য ধর্ম পত্নী যশস্বিনী ॥৩-৫০-৫॥
50.6
সীতা নাম বরারোহা যাম্ ত্বম্ হর্তুম্ ইহ ইচ্ছসি ।
কথম্ রাজা স্থিতো ধর্মে পর দারান্ পরামৃশেৎ ॥৩-৫০-৬॥
50.7
রক্ষণীয়া বিশেষেণ রাজ দারা মহাবলঃ ।
নিবর্তয় গতিম্ নীচাম্ পর দার অভিমর্শনাৎ ॥৩-৫০-৭॥
50.8
ন তৎ সমাচরেৎ ধীরো যৎ পরো অস্য বিগর্হয়েৎ ।
যথা আত্মনঃ তথা অন্যেষাম্ দারা রক্ষ্যা বিমর্শনাৎ ॥৩-৫০-৮॥
50.9
অর্থম্ বা যদি বা কামম্ শিষ্টাঃ শাস্ত্রেষু অনাগতম্ ।
ব্যবস্যন্তি অনু রাজানম্ ধর্মম্ পৌলস্ত্য নংদন ॥৩-৫০-৯॥
50.10
রাজা ধর্মঃ চ কামঃ চ দ্রব্যাণাম্ চ উত্তমো নিধিঃ ।
ধর্মঃ শুভম্ বা পাপম্ বা রাজ মূলম্ প্রবর্ততে ॥৩-৫০-১০॥
50.11
পাপ স্বভাবঃ চপলঃ কথম্ ত্বম্ রক্ষসাম্ বর ।
ঐশ্বর্যম্ অভিসংপ্রাপ্তো বিমানম্ ইব দুষ্কৃতী ॥৩-৫০-১১॥
50.12
কাম স্বভাবো যঃ সঃ অসৌ ন শক্যঃ তম্ প্রমার্জিতুম্ ।
ন হি দুষ্ট আত্মনাম্ আর্যম্ আবসতি আলয়ে চিরম্ ॥৩-৫০-১২॥
50.13
বিষয়ে বা পুরে বা তে যদা রামো মহাবলঃ ।
ন অপরাধ্যতি ধর্মাত্মা কথম্ তস্য অপরাধ্যসি ॥৩-৫০-১৩॥
50.14
যদি শূর্পণখা হেতোঃ জনস্থান গতঃ খরঃ ।
অতিবৃত্তো হতঃ পূর্বম্ রামেণ অক্লিষ্ট কর্মণা ॥৩-৫০-১৪॥
50.15
অত্র ব্রূহি যথা তত্ত্বম্ কো রামস্য ব্যতিক্রমঃ ।
যস্য ত্বম্ লোক নাথস্য হৃত্বা ভার্যাম্ গমিষ্যসি ॥৩-৫০-১৫॥
50.16
ক্ষিপ্রম্ বিসৃজ বৈদেহীম্ মা ত্বা ঘোরেণ চক্ষুষা ।
দহেৎ দহনভূতেন বৃত্রম্ ইন্দ্র অশনিঃ যথা ॥৩-৫০-১৬॥
50.17
সর্পম্ আশীবিষম্ বদ্ধ্বা বস্ত্র অন্তে ন অববুধ্যসে ।
গ্রীবায়াম্ প্রতিমুক্তম্ চ কাল পাশম্ ন পশ্যসি ॥৩-৫০-১৭॥
50.18
স ভারঃ সৌম্য ভর্তব্যো যো নরম্ ন অবসাদয়েৎ ।
তৎ অন্নম্ অপি ভোক্তব্যম্ জীর্যতে যৎ অনাময়ম্ ॥৩-৫০-১৮॥
50.19
যৎ কৃত্বা ন ভবেৎ ধর্মো ন কীর্তিঃ ন যশঃ ধ্রুবম্ ।
শরীরস্য ভবেৎ খেদঃ কঃ তৎ কর্ম সমাচরেৎ ॥৩-৫০-১৯॥
50.20
ষষ্টি বর্ষ সহস্রাণি জাতস্য মম রাবণ ।
পিতৃ পৈতামহম্ রাজ্যম্ যথাবৎ অনুতিষ্ঠতঃ ॥৩-৫০-২০॥
50.21
বৃদ্ধো অহম্ ত্বম্ যুবা ধন্বী স রথঃ কবচী শরী ।
ন চ অপি আদায় কুশলী বৈদেহীম্ ন গমিষ্যসি ॥৩-৫০-২১॥
50.22
ন শক্তঃ ত্বম্ বলাৎ হর্তুম্ বৈদেহীম্ মম পশ্যতঃ ।
হেতুভিঃ ন্যায় সংয়ুক্তৈঃ ধ্রুবাম্ বেদ শ্রুতীম্ ইব ॥৩-৫০-২২॥
50.23
যুধ্যস্ব যদি শূরো অসি মুহূর্তম্ তিষ্ঠ রাবণ ।
শয়িষ্যসে হতো ভূমৌ যথা পূর্বম্ খরঃ তথা ॥৩-৫০-২৩॥
50.24
অসকৃৎ সংয়ুগে যেন নিহতা দৈত্য দানবাঃ ।
ন চিরাৎ চীর বাসাঃ ত্বাম্ রামো যুধি বধিষ্যতি ॥৩-৫০-২৪॥
50.25
কিম্ নু শক্যম্ ময়া কর্তুম্ গতৌ দূরম্ নৃপ আত্মজৌ ।
ক্ষিপ্রম্ ত্বম্ নশ্যসে নীচ তয়োঃ ভীতো ন সংশয়ঃ ॥৩-৫০-২৫॥
50.26
ন হি মে জীবমানস্য নয়িষ্যসি শুভাম্ ইমাম্ ।
সীতাম্ কমল পত্র অক্ষীম্ রামস্য মহষীম্ প্রিয়াম্ ॥৩-৫০-২৬॥
50.27
অবশ্যম্ তু ময়া কার্যম্ প্রিয়ম্ তস্য মহাত্মনঃ ।
জীবিতেন অপি রামস্য তথা দশরথস্য চ ॥৩-৫০-২৭॥
50.28
তিষ্ঠ তিষ্ঠ দশগ্রীব মুহূর্তম্ পশ্য রাবণ ।
বৃন্তাৎ ইব ফলম্ ত্বাম্ তু পাতয়েয়ম্ রথ উত্তমাৎ ।যুদ্ধ আতিথ্যম্ প্রদাস্যামি যথা প্রাণম্ নিশা চর ॥৩-৫০-২৮॥