Utshovসর্গ 49
49.1
সীতায়া বচনম্ শ্রুত্বা দশগ্রীবঃ প্রতাপবান্ ।
হস্তে হস্তম্ সমাহত্য চকার সুমহৎ বপুঃ ॥৩-৪৯-১॥
49.2
স মৈথিলীম্ পুনঃ বাক্যম্ বভাষে বাক্য কোবিদঃ ।
ন উন্মত্তয়া শ্রুতৌ মন্যে মম বীর্য পরাক্রমৌ ॥৩-৪৯-২॥
49.3
উদ্ বহেয়ম্ ভুজাভ্যাম্ তু মেদিনীম্ অংবরে স্থিতঃ ।
আপিবেয়ম্ সমুদ্রম্ চ মৃত্যুম্ হন্যাম্ রণে স্থিতঃ ॥৩-৪৯-৩॥
49.4
অর্কম্ তুংদ্যাম্ শরৈঃ তীক্ষ্ণৈর্ বিভিংদ্যাম্ হি মহীতলম্ ।
কাম রূপিণম্ উন্মত্তে পশ্য মাম্ কামদম্ পতিম্ ॥৩-৪৯-৪॥
49.5
এবম্ উক্তবতঃ তস্য রাবণস্য শিখি প্রভে ।
ক্রুদ্ধস্য হরি পর্যন্তে রক্তে নেত্রে বভূবতুঃ ॥৩-৪৯-৫॥
49.6
সদ্যঃ সৌম্যম্ পরিত্যজ্য তীক্ষ্ণ রূপম্ স রাবণঃ ।
স্বম্ রূপম্ কাল রূপ আভম্ ভেজে বৈশ্রবণ অনুজঃ ॥৩-৪৯-৬॥
49.7
সংরক্ত নয়নঃ শ্রীমান্ তপ্ত কাংচন ভূষণঃ ।
ক্রোধেন মহতা আবিষ্টো নীল জীমূত সন্নিভঃ ॥৩-৪৯-৭॥
49.8
দশ আস্যো বিংশতি ভুজো বভূব ক্ষণদা চরঃ ।
স পরিব্রাজক চ্ছদ্ম মহাকায়ো বিহায় তৎ ॥৩-৪৯-৮॥
49.9
প্রতিপেদে স্বকম্ রূপম্ রাবণো রাক্ষস অধিপঃ ।
রক্ত অংবর ধরঃ তস্থৌ স্ত্রী রত্নম্ প্রেক্ষ্য মৈথিলীম্ ॥৩-৪৯-৯॥
49.10
স তাম্ অসিত কেশ অন্তাম্ ভাস্করস্য প্রভাম্ ইব ।
বসন আভরণ উপেতাম্ মৈথিলীম্ রাবণো অব্রবীৎ ॥৩-৪৯-১০॥
49.11
ত্রিষু লোকেষু বিখ্যাতম্ যদি ভর্তারম্ ইচ্ছসি ।
মাম্ আশ্রয় বরারোহে তব অহম্ সদৃশঃ পতিঃ ॥৩-৪৯-১১॥
49.12
মাম্ ভজস্ব চিরায় ত্বম্ অহম্ শ্লাঘ্যঃ পতিঃ তব ।
ন এব চ অহম্ ক্বচিৎ ভদ্রে করিষ্যে তব বিপ্রিয়ম্ ॥৩-৪৯-১২॥
49.13
ত্যজ্যতাম্ মানুষো ভাবো ময়ি ভাবঃ প্রণীয়তাম্ ।
রাজ্যাৎ চ্যুতম্ অসিদ্ধ অর্থম্ রামম্ পরিমিত আয়ুষম্ ॥৩-৪৯-১৩॥
49.14
কৈঃ গুণৈঃ অনুরক্তা অসি মূঢে পণ্ডিত মানিনি ।
যঃ স্ত্রিয়া বচনাৎ রাজ্যম্ বিহায় সসুহৃৎ জনম্ ॥৩-৪৯-১৪॥
49.15
অস্মিন্ ব্যাল অনুচরিতে বনে বসতি দুর্মতিঃ ।
ইতি উক্ত্বা মৈথিলীম্ বাক্যম্ প্রিয় অর্হাম্ প্রিয় বাদিনীম্ ॥৩-৪৯-১৫॥
49.16
অভিগম্য সুদুষ্ট আত্মা রাক্ষসঃ কাম মোহিতঃ ।
জগ্রাহ রাবণঃ সীতাম্ বুধঃ খে রোহিণীম্ ইব ॥৩-৪৯-১৬॥
49.17
বামেন সীতাম্ পদ্মাক্ষীম্ মূর্ধজেষু করেণ সঃ ।
ঊর্বোঃ তু দক্ষিণেন এব পরিজগ্রাহ পাণিনা ॥৩-৪৯-১৭॥
49.18
তম্ দৃষ্ট্বা গিরি শৃংগ আভম্ তীক্ষ্ণ দংষ্ট্রম্ মহা ভুজম্ ।
প্রাদ্রবন্ মৃত্যু সংকাশম্ ভয় আর্তা বন দেবতাঃ ॥৩-৪৯-১৮॥
49.19
স চ মায়াময়ো দিব্যঃ খর যুক্তঃ খর স্বনঃ ।
প্রত্যদৃশ্যত হেমাংগো রাবণস্য মহারথঃ ॥৩-৪৯-১৯॥
49.20
ততঃ তাম্ পরুষৈঃ বাক্যৈঃ অভিতর্জ্য মহাস্বনঃ ।
অংকেন আদায় বৈদেহীম্ রথম্ আরোপয়ৎ তদা ॥৩-৪৯-২০॥
49.21
সা গৃহীতা অতিচুক্রোশ রাবণেন যশস্বিনী ।
রামা ইতি সীতা দুঃখ আর্তা রামম্ দূরম্ গতম্ বনে ॥৩-৪৯-২১॥
49.22
তাম্ অকামাম্ স কাম আর্তঃ পন্নগ ইন্দ্র বধূম্ ইব ।
বিবেষ্টমানাম্ আদায় উত্পপাত অথ রাবণঃ ॥৩-৪৯-২২॥
49.23
ততঃ সা রাক্ষসেন্দ্রেণ হ্রিয়মাণা বিহায়সা ।
ভৃশম্ চুক্রোশ মত্তা ইব ভ্রাংত চিত্তা যথা আতুরা ॥৩-৪৯-২৩॥
49.24
হা লক্ষ্মণ মহাবাহো গুরু চিত্ত প্রসাদক ।
হ্রিয়মাণাম্ ন জানীষে রক্ষসা কাম রূপিণা ॥৩-৪৯-২৪॥
49.25
জীবিতম্ সুখম্ অর্থাম্ চ ধর্ম হেতোঃ পরিত্যজন্ ।
হ্রিয়মাণাম্ অধর্মেণ মাম্ রাঘব ন পশ্যসি ॥৩-৪৯-২৫॥
49.26
ননু নাম অবিনীতানাম্ বিনেতা অসি পরংতপ ।
কথম্ এবম্ বিধম্ পাপম্ ন ত্বম্ শাস্সি হি রাবণম্ ॥৩-৪৯-২৬॥
49.27
ননু সদ্যো অবিনীতস্য দৃশ্যতে কর্মণঃ ফলম্ ।
কালো অপি অংগী ভবতি অত্র সস্যানাম্ ইব পক্তয়ে ॥৩-৪৯-২৭॥
49.28
ত্বম্ কর্ম কৃতবান্ এতৎ কাল উপহত চেতনঃ ।
জীবিত অংতকরম্ ঘোরম্ রামাৎ ব্যসনম্ আপ্নুহি ॥৩-৪৯-২৮॥
49.29
হন্ত ইদানীম্ সকামা তু কৈকেয়ী বান্ধবৈঃ সহ ।
হ্রিয়েয়ম্ ধর্ম কামস্য ধর্ম পত্নী যশস্বিনঃ ॥৩-৪৯-২৯॥
49.30
আমংত্রয়ে জনস্থানম্ কর্ণিকারান্ চ পুষ্পিতান্ ।
ক্ষিপ্রম্ রামায় শংসধ্বম্ সীতাম্ হরতি রাবণঃ ॥৩-৪৯-৩০॥
49.31
হংস সারস সংঘুষ্টাম্ বন্দে গোদাবরীম্ নদীম্ ।
ক্ষিপ্রম্ রামায় শংস ত্বম্ সীতাম্ হরতি রাবণঃ ॥৩-৪৯-৩১॥
49.32
দৈবতানি চ যান্তি অস্মিন্ বনে বিবিধ পাদপে ।
নমস্করোমি অহম্ তেভ্যো ভর্তুঃ শংসত মাম্ হৃতাম্ ॥৩-৪৯-৩২॥
49.33
যানি কানিচিৎ অপি অত্র সত্ত্বানি নিবসন্তি উত ।
সর্বাণি শরণম্ যামি মৃগ পক্ষি গণান্ অপি ॥৩-৪৯-৩৩॥
49.34
হ্রিয়মাণাম্ প্রিয়াম্ ভর্তুঃ প্রাণেভ্যো অপি গরীয়সীম্ ।
বিবশ অপহৃতা সীতা রাবণেন ইতি শংসত ॥৩-৪৯-৩৪॥
49.35
বিদিত্বা মাম্ মহাবাহুঃ অমুত্র অপি মহাবলঃ ।
আনেষ্যতি পরাক্রম্য বৈবস্বত হৃতাম্ অপি ॥৩-৪৯-৩৫॥
49.36
সা তদা করুণা বাচো বিলপংতী সুদুঃখিতা ।
বনস্পতি গতম্ গ্রিধ্রম্ দদর্শ আয়ত লোচনা ॥৩-৪৯-৩৬॥
49.37
সা তম্ উদ্ বীক্ষ্য সুশ্রোণী রাবণস্য বশম্ গতা ।
সমাক্রংদৎ ভয়পরা দুঃখ উপহতয়া গিরা ॥৩-৪৯-৩৭॥
49.38
জটায়ো পশ্য মম আর্য হ্রিয়মাণম্ অনাথ বৎ ।
অনেন রাক্ষসেদ্রেণ করুণম্ পাপ কর্মণা ॥৩-৪৯-৩৮॥
49.39
ন এষ বারয়িতুম্ শক্যঃ ত্বয়া ক্রূরো নিশাচর ।
সত্ত্ববান্ জিতকাশী চ স আয়ুধঃ চৈব দুর্মতিঃ ॥৩-৪৯-৩৯॥
49.40
রামায় তু যথা তত্ত্বম্ জটায়ো হরণম্ মম ।
লক্ষ্মণায় চ তৎ সর্বম্ আখ্যাতব্যম্ অশেষতঃ ॥৩-৪৯-৪০॥