Utshovসর্গ 48
48.1
এবম্ ব্রুবত্যাম্ সীতায়াম্ সংরব্ধঃ পরুষ অক্ষরম্ ।
ললাটে ভ্রুকুটীম্ কৃত্বা রাবণঃ প্রতি উবাচ হ ॥৩-৪৮-১॥
48.2
ভ্রাতা বৈশ্রবণস্য অহম্ সাপত্নো বরবর্ণিনি ।
রাবণো নাম ভদ্রম্ তে দশগ্রীবঃ প্রতাপবান্ ॥৩-৪৮-২॥
48.3
যস্য দেবাঃ স গংধর্বাঃ পিশাচ পতগ উরগাঃ ।
বিদ্রবন্তি ভয়াৎ ভীতা মৃত্যোঃ ইব সদা প্রজাঃ ॥৩-৪৮-৩॥
48.4
যেন বৈশ্রবণো ভ্রাতা বৈমাত্রঃ কারণাংতরে ।
দ্বন্দ্বম্ আসাদিতঃ ক্রোধাৎ রণে বিক্রম্য নির্জিতঃ ॥৩-৪৮-৪॥
48.5
মৎ ভয় আর্তঃ পরিত্যজ্য স্বম্ অধিষ্ঠানম্ ঋদ্ধিমৎ ।
কৈলাসম্ পর্বত শ্রেষ্ঠম্ অধ্যাস্তে নর বাহনঃ ॥৩-৪৮-৫॥
48.6
যস্য তৎ পুষ্পকম্ নাম বিমানম্ কামগম্ শুভম্ ।
বীর্যাদ্ আবর্জিতম্ ভদ্রে যেন যামি বিহায়সম্ ॥৩-৪৮-৬॥
48.7
মম সংজাত রোষস্য মুখম্ দৃষ্ট্বা এব মৈথিলি ।
বিদ্রবন্তি পরিত্রস্তাঃ সুরাঃ শক্র পুরোগমাঃ ॥৩-৪৮-৭॥
48.8
যত্র তিষ্ঠামি অহম্ তত্র মারুতো বাতি শন্কিতঃ ।
তীব্র অংশুঃ শিশির অংশুঃ চ ভয়াৎ সংপদ্যতে রবিঃ ॥৩-৪৮-৮॥
48.9
নিষ্কংপ পত্রাঃ তরবো নদ্যঃ চ স্তিমিত উদকাঃ ।
ভবন্তি যত্র তত্র অহম্ তিষ্ঠামি চ চরামি চ ॥৩-৪৮-৯॥
48.10
মম পারে সমুদ্রস্য লংকা নাম পুরী শুভা ।
সংপূর্ণা রাক্ষসৈঃ ঘোরৈঃ যথা ইন্দ্রস্য অমরাবতী ॥৩-৪৮-১০॥
48.11
প্রাকারেণ পরিক্ষিপ্তা পাণ্ডুরেণ বিরাজিতা ।
হেম কক্ষ্যা পুরী রম্যা বৈদূর্যময় তোরণা ॥৩-৪৮-১১॥
48.12
হস্তি অশ্ব রথ সংভাধা তূর্য নাদ বিনাদিতা ।
সর্ব কাম ফলৈঃ বৃক্ষৈঃ সংকুল উদ্যান ভূষিতা ॥৩-৪৮-১২॥
48.13
তত্র ত্বম্ বস হে সীতে রাজপুত্রি ময়া সহ ।
ন স্মরিষ্যসি নারীণাম্ মানুষীণাম্ মনস্বিনি ॥৩-৪৮-১৩॥
48.14
ভুংজানা মানুষান্ ভোগান্ দিব্যান্ চ বরবর্ণিনি ।
ন স্মরিষ্যসি রামস্য মানুষস্য গত আয়ুষঃ ॥৩-৪৮-১৪॥
48.15
স্থাপয়িত্বা প্রিয়ম্ পুত্রম্ রাজ্ঞা দশরথেন যঃ ।
মন্দ বীর্যঃ সুতো জ্যেষ্ঠঃ ততঃ প্রস্থাপিতো বনম্ ॥৩-৪৮-১৫॥
48.16
তেন কিম্ ভ্রষ্ট রাজ্যেন রামেণ গত চেতসা ।
করিষ্যসি বিশালাক্ষি তাপসেন তপস্বিনা ॥৩-৪৮-১৬॥
48.17
সর্ব রাক্ষস ভর্তারম্ কাময় - কামাৎ - স্বয়ম্ আগতম্ ।
ন মন্মথ শর আবিষ্টম্ প্রতি আখ্যাতুম্ ত্বম্ অর্হসি ॥৩-৪৮-১৭॥
48.18
প্রতি আখ্যায় হি মাম্ ভীরু পরিতাপম্ গমিষ্যসি ।
চরণেন অভিহত্য ইব পুরূরবসম্ ঊর্বশী ॥৩-৪৮-১৮॥
48.19
অংগুল্যা ন সমো রামো মম যুদ্ধে স মানুষঃ ।
তব ভাগ্যেন্ সংপ্রাপ্তম্ ভজস্ব বরবর্ণিনি ॥৩-৪৮-১৯॥
48.20
এবম্ উক্তা তু বৈদেহী ক্রুদ্ধা সংরক্ত লোচনা ।
অব্রবীৎ পরুষম্ বাক্যম্ রহিতে রাক্ষস অধিপম্ ॥৩-৪৮-২০॥
48.21
কথম্ বৈশ্রবণম্ দেবম্ সর্ব দেব নমস্কৃতম্ ।
ভ্রাতরম্ ব্যপদিশ্য ত্বম্ অশুভম্ কর্তুম্ ইচ্ছসি ॥৩-৪৮-২১॥
48.22
অবশ্যম্ বিনশিষ্যন্তি সর্বে রাবণ রাক্ষসাঃ ।
যেষাম্ ত্বম্ কর্কশো রাজা দুর্বুদ্ধিঃ অজিত ইন্দ্রিয়ঃ ॥৩-৪৮-২২॥
48.23
অপহৃত্য শচীম্ ভার্যাম্ শক্যম্ ইন্দ্রস্য জীবিতুম্ ।
ন হি রামস্য ভার্যাম্ মাম্ অপনীয় অস্তি জীবিতম্ ॥৩-৪৮-২৩॥
48.24
জীবেৎ চিরম্ বজ্র ধরস্য হস্তাত্শচীম্ প্রধৃষ্য অপ্রতিরূপ রূপাম্ ।
ন মা দৃশীম্ রাক্ষস ধর্ষয়িত্বাপীত অমৃতস্য অপি তব অস্তি মোক্ষঃ ॥৩-৪৮-২৪॥