Utshovসর্গ 47
47.1
রাবণেন তু বৈদেহী তদা পৃষ্টা জিহীর্ষুণা ।
পরিব্রাজক রূপেণ শশংস আত্মানম্ আত্মনা ॥৩-৪৭-১॥
47.2
ব্রাহ্মণঃ চ অতিথিঃ চ এষ অনুক্তো হি শপেত মাম্ ।
ইতি ধ্যাত্বা মুহূর্তম্ তু সীতা বচনম্ অব্রবীৎ ॥৩-৪৭-২॥
47.3
দুহিতা জনকস্য অহম্ মৈথিলস্য মহাত্মনঃ ।
সীতা নাম্না অস্মি ভদ্রম্ তে রামস্য মহিষী প্রিয়া ॥৩-৪৭-৩॥
47.4
উষিত্বা দ্বা দশ সমাঃ ইক্ষ্বাকূণাম্ নিবেশনে ।
ভুংজানা মানুষান্ ভোগান্ সর্ব কাম সমৃদ্ধিনী ॥৩-৪৭-৪॥
47.5
তত্র ত্রয়ো দশে বর্ষে রাজ অমংত্র্যত প্রভুঃ ।
অভিষেচয়িতুম্ রামম্ সমেতো রাজ মন্ত্রিভিঃ ॥৩-৪৭-৫॥
47.6
তস্মিন্ সংভ্রিয়মাণে তু রাঘবস্য অভিষেচনে ।
কৈকেয়ী নাম ভর্তারম্ মম আর্যা যাচতে বরম্ ॥৩-৪৭-৬॥
47.7
প্রতিগৃহ্য তু কৈকেয়ী শ্বশুরম্ সুকৃতেন মে ।
মম প্রব্রাজনম্ ভর্তুর্ ভরতস্য অভিষেচনম্ ॥৩-৪৭-৭॥
47.8
দ্বৌ অয়াচত ভর্তারম্ সত্যসংধম্ নৃপোত্তমম্ ।
ন অদ্য ভোক্ষ্যে ন চ স্বপ্স্যে ন পাস্যে কদাচন ॥৩-৪৭-৮॥
47.9
এষ মে জীবিতস্য অন্তো রামো যদি অভিষিচ্যতে ।
ইতি ব্রুবাণাম্ কৈকেয়ীম্ শ্বশুরো মে স পার্থিবঃ ॥৩-৪৭-৯॥
47.10
অয়াচত অর্থৈঃ অন্বর্থৈঃ ন চ যাংচাম্ চকার সা ।
মম ভর্তা মহাতেজা বয়সা পংচ বিংশকঃ ॥৩-৪৭-১০॥
47.11
অষ্টা দশ হি বর্ষাণি মম জন্মনি গণ্যতে ।
রাম ইতি প্রথিতো লোকে সত্যবান্ শীলবান্ শুচিঃ ॥৩-৪৭-১১॥
47.12
বিশালাক্ষো মহাবাহুঃ সর্ব ভূত হিতে রতঃ ।
কামার্তঃ চ মহারাজঃ পিতা দশরথঃ স্বয়ম্ ॥৩-৪৭-১২॥
47.13
কৈকেয্যাঃ প্রিয় কামার্থম্ তম্ রামম্ ন অভিষেচয়ৎ ।
অভিষেকায় তু পিতুঃ সমীপম্ রামম্ আগতম্ ॥৩-৪৭-১৩॥
47.14
কৈকেয়ী মম ভর্তারম্ ইতি উবাচ দ্রুতম্ বচঃ ।
তব পিত্রা সমাজ্ঞপ্তম্ মম ইদম্ শৃণু রাঘব ॥৩-৪৭-১৪॥
47.15
ভরতায় প্রদাতব্যম্ ইদম্ রাজ্যম্ অকণ্টকম্ ।
ত্বয়া তু খলু বস্তব্যম্ নব বর্ষাণি পংচ চ ॥৩-৪৭-১৫॥
47.16
বনে প্রব্রজ কাকুত্স্থ পিতরম্ মোচয় অনৃতাৎ ।
তথা ইতি উবাচ তাম্ রামঃ কৈকেয়ীম্ অকুতো ভয়ঃ ॥৩-৪৭-১৬॥
47.17
চকার তৎ বচঃ তস্যা মম ভর্তা দৃঢ ব্রতঃ ।
দদ্যাৎ ন প্রতিগৃহ্ণীয়াৎ সত্যম্ ব্রূয়াৎ ন চ অনৃতম্ ॥৩-৪৭-১৭॥
47.18
এতৎ ব্রাহ্মণ রামস্য ব্রতম্ ধ্রুবম্ অনুত্তমম্ ।
তস্য ভ্রাতা তু বৈমাত্রো লক্ষ্মণো নাম বীর্যবান্ ॥৩-৪৭-১৮॥
47.19
রামস্য পুরুষব্যাঘ্রঃ সহায়ঃ সমরে অরিহা ।
স ভ্রাতা লক্ষ্মণো নাম ধর্ম চারী দৃঢ ব্রতঃ ॥৩-৪৭-১৯॥
47.20
অন্বগচ্ছৎ ধনুষ্ পাণিঃ প্রব্রজংতম্ ময়া সহ ।
জটী তাপস রূপেণ ময়া সহ সহ অনুজঃ ॥৩-৪৭-২০॥
47.21
প্রবিষ্টো দংডকারণ্যম্ ধর্ম নিত্যো ধৃঢ ব্রতঃ ।
তে বয়ম্ প্রচ্যুতা রাজ্যাৎ কৈকেয্যাঃ তু কৃতে ত্রয়ঃ ॥৩-৪৭-২১॥
47.22
বিচরাম দ্বিজ শ্রেষ্ঠ বনম্ গংভীরম্ ওজসা ।
সমাশ্বস মুহূর্তম্ তু শক্যম্ বস্তুম্ ইহ ত্বয়া ॥৩-৪৭-২২॥
47.23
আগমিষ্যতি মে ভর্তা বন্যম্ আদায় পুষ্কলম্ ।
রুরূন্ গোধান্ বরাহান্ চ হত্বা আদায় অমিষান্ বহু ॥৩-৪৭-২৩॥
47.24
সঃ ত্বম্ নাম চ গোত্রম্ চ কুলম্ আচক্ষ্ব তত্ত্বতঃ ।
একঃ চ দণ্ডকারণ্যে কিম্ অর্থম্ চরসি দ্বিজ ॥৩-৪৭-২৪॥
47.25
এবম্ ব্রুবত্যাম্ সীতায়াম্ রাম পত্নীআম্ মহাবলঃ ।
প্রত্যুবাচ উত্তরম্ তীব্রম্ রাবণো রাক্ষসাধিপঃ ॥৩-৪৭-২৫॥
47.26
যেন বিত্রাসিতা লোকাঃ স দেব অসুর মানুষা ।
অহম্ সঃ রাবণো নাম সীতে রক্ষো গণ ঈশ্বরঃ ॥৩-৪৭-২৬॥
47.27
ত্বাম্ তু কাংচন বর্ণ আভাম্ দৃষ্ট্বা কৌশেয় বাসিনীম্ ।
রতিম্ স্বকেষু দারেষু ন অধিগচ্ছামি অনিন্দিতে ॥৩-৪৭-২৭॥
47.28
বহ্বীনাম্ উত্তম স্ত্রীণাম্ আহৃতানাম্ ইতঃ ততঃ ।
সর্বাসাম্ এব ভদ্রম্ তে মম অগ্র মহিষী ভব ॥৩-৪৭-২৮॥
47.29
লংকা নাম সমুদ্রস্য মধ্যে মম মহাপুরী ।
সাগরেণ পরিক্ষিপ্তা নিবিষ্টা গিরি মূর্ধনি ॥৩-৪৭-২৯॥
47.30
তত্র সীতে ময়া সার্ধম্ বনেষু বিচরিষ্যসি ।
ন চ অস্য বন বাসস্য স্পৃহয়িষ্যসি ভামিনি ॥৩-৪৭-৩০॥
47.31
পংচ দাস্যঃ সহস্রাণি সর্ব আভরণ ভূষিতাঃ ।
সীতে পরিচরিষ্যন্তি ভার্যা ভবসি মে যদি ॥৩-৪৭-৩১॥
47.32
রাবণেন এবম্ উক্তা তু কুপিতা জনক আত্মজা ।
প্রত্যুবাচ অনবদ্যাংগী তম্ অনাদৃত্য রাক্ষসম্ ॥৩-৪৭-৩২॥
47.33
মহা গিরিম্ ইব অকংপ্যম্ মহেন্দ্র সদৃশম্ পতিম্ ।
মহা উদধিম্ ইব অক্ষোভ্যম্ অহম্ রামম্ অনুব্রতা ॥৩-৪৭-৩৩॥
47.34
সর্ব লক্ষণ সংপন্নম্ ন্যগ্রোধ পরি মণ্ডলম্ ।
সত্য সংধম্ মহাভাগম্ রামম্ অনুব্রতা ॥৩-৪৭-৩৪॥
47.35
মহাবাহুম্ মহোরস্কম্ সিংহ বিক্রাংত গামিনম্ ।
নৃসিংহম্ সিংহ সংকাশম্ অহম্ রামম্ অনুব্রতা ॥৩-৪৭-৩৫॥
47.36
পূর্ণ চন্দ্র আননম্ বীরম্ রাজ বত্সম্ জিতেন্দ্রিয়ম্ ।
পৃথু কীর্তিম্ মহাবাহুম্ অহম্ রামম্ অনুব্রতা ॥৩-৪৭-৩৬॥
47.37
ত্বম্ পুনঃ জংবুকঃ সিংহীম্ মাম্ ইহ ইচ্ছসি দুর্লভাম্ ।
ন অহম্ শক্যা ত্বয়া স্প্রষ্টুম্ আদিত্যস্য প্রভা যথা ॥৩-৪৭-৩৭॥
47.38
পাদপান্ কাংচনান্ নূনম্ বহূন্ পশ্যসি মংদভাক্ ।
রাঘবস্য প্রিয়াম্ ভার্যাম্ যঃ ত্বম্ ইচ্ছসি রাক্ষস ॥৩-৪৭-৩৮॥
47.39
ক্ষুধিতস্য চ সিংহস্য মৃগ শত্রোঃ তরস্বিনঃ ।
আশী বিষস্য বদনাৎ দম্ষ্ট্রাম্ আদাতুম্ ইচ্ছসি ॥৩-৪৭-৩৯॥
47.40
মংদরম্ পর্বত শ্রেষ্ঠম্ পাণিনা হর্তুম্ ইচ্ছসি ।
কাল কূটম্ বিষম্ পীত্বা স্বস্তিমান্ গংতুম্ ইচ্ছসি ॥৩-৪৭-৪০॥
47.41
অক্ষি সূচ্যা প্রমৃজসি জিহ্বয়া লেঢি চ ক্ষুরম্ ।
রাঘবস্য প্রিয়াম্ ভার্যাম্ অধিগংতুম্ ত্বম্ ইচ্ছসি ॥৩-৪৭-৪১॥
47.42
অবসজ্য শিলাম্ কণ্ঠে সমুদ্রম্ তর্তুম্ ইচ্ছসি ।
সূর্যা চন্দ্রমসৌ চ উভৌ প্রাণিভ্যাম্ হর্তুম্ ইচ্ছসি ॥৩-৪৭-৪২॥
47.43
যো রামস্য প্রিয়াম্ ভার্যাম্ প্রধর্ষয়িতুম্ ইচ্ছসি ।
অগ্নিম্ প্রজ্বলিতম্ দৃষ্ট্বা বস্ত্রেণ আহর্তুম্ ইচ্ছসি ॥৩-৪৭-৪৩॥
47.44
কল্যাণ বৃত্তাম্ যো ভার্যাম্ রামস্য হর্তুম্ ইচ্ছসি ।
অয়ো মুখানাম্ শূলানাম্ অগ্রে চরিতুম্ ইচ্ছসি ।রামস্য সদৃশীম্ ভার্যাম্ যো অধিগংতুম্ ত্বম্ ইচ্ছসি ॥৩-৪৭-৪৪॥
47.45
যদ্ অংতরম্ সিংহ শৃগালয়োঃ বনেয়দ্ অংতরম্ স্যন্দনিকা সমুদ্রয়োঃ ।
সুর অগ্র্য সৌবীরকয়োঃ যদ্ অংতরম্তদ্ অংতরম্ দাশরথেঃ তব এব চ ॥৩-৪৭-৪৫॥
47.46
যদ্ অংতরম্ কাংচন সীস লোহয়োঃয়দ্ অংতরম্ চন্দন বারি পংকয়োঃ ।
যদ্ অংতরম্ হস্তি বিডালয়োঃ বনেতদ্ অংতরম্ দশরথেঃ তব এব চ ॥৩-৪৭-৪৬॥
47.47
যদ্ অংতরম্ বায়স বৈনতেয়য়োঃয়দ্ অংতরম্ মদ্গু ময়ূরয়োঃ অপি ।
যদ্ অংতরম্ হংস গৃধ্রয়োঃ বনেতদ্ অংতরম্ দাশরথেঃ তব এব চ ॥৩-৪৭-৪৭॥
47.48
তস্মিন্ সহস্রাক্ষ সম প্রভাবেরামে স্থিতে কার্মুক বাণ পাণৌ ।
হৃতা অপি তে অহম্ ন জরাম্ গমিষ্যেবজ্রম্ যথা মক্ষিকয়া অবগীর্ণম্ ॥৩-৪৭-৪৮॥
47.49
ইতি ইব তৎ বাক্যম্ অদুষ্ট ভাবাসুদুষ্টম্ উক্ত্বা রজনী চরম্ তম্ ।
গাত্র প্রকংপাৎ ব্যথিতা বভূববাত উদ্ধতা সা কদলী ইব তন্বী ॥৩-৪৭-৪৯॥
47.50
তাম্ বেপমানাম্ উপলক্ষ্য সীতাম্স রাবণো মৃত্যু সম প্রভাবঃ ।
কুলম্ বলম্ নাম চ কর্ম চ আত্মনঃসমাচচক্ষে ভয় কারণ অর্থম্ ॥৩-৪৭-৫০॥