Utshovসর্গ 46
46.1
তয়া পরুষম্ উক্তঃ তু কুপিতো রাঘব অনুজঃ ।
স বিকাংক্ষন্ ভৃশম্ রামম্ প্রতস্থে ন চিরাৎ ইব ॥৩-৪৬-১॥
46.2
তদা আসাদ্য দশগ্রীবঃ ক্ষিপ্রম্ অংতরম্ আস্থিতঃ ।
অভিচক্রাম বৈদেহীম্ পরিব্রাজক রূপ ধৃক্ ॥৩-৪৬-২॥
46.3
শ্লক্ষ্ণ কাষায় সংবীতঃ শিখী চত্রী উপানহী ।
বামে চ অংসে অবসজ্য অথ শুভে যষ্টি কমণ্ডলূ ॥৩-৪৬-৩॥
46.4
পরিব্রাজক রূপেণ বৈদেহীম্ অন্ববর্তত ।
তাম্ আসসাদ অতিবলো ভ্রাতৃভ্যাম্ রহিতাম্ বনে ॥৩-৪৬-৪॥
46.5
রহিতাম্ সূর্য চন্দ্রাভ্যাম্ সংধ্যাম্ ইব মহৎ তমঃ ।
তাম্ অপশ্যৎ ততো বালাম্ রাজ পুত্রীম্ যশস্বিনীম্ ॥৩-৪৬-৫॥
46.6
রোহিণীম্ শশিনা হীনাম্ গ্রহবৎ ভৃশ দারুণঃ ।
তম্ উগ্রম্ পাপ কর্মাণম্ জনস্থান গতা দ্রুমাঃ ॥৩-৪৬-৬॥
46.7
সংদৃশ্য ন প্রকংপন্তে ন প্রবাতি চ মারুতঃ ।
শীঘ্র স্রোতাঃ চ তম্ দৃষ্ট্বা বীক্ষংতম্ রক্ত লোচনম্ ॥৩-৪৬-৭॥
46.8
স্তিমিতম্ গংতুম্ আরেভে ভয়াৎ গোদাবরী নদী ।
রামস্য তু অংতরম্ প্রেপ্সুঃ দশগ্রীবঃ তৎ অংতরে ॥৩-৪৬-৮॥
46.9
উপতস্থে চ বৈদেহীম্ ভিক্ষু রূপেণ রাবণঃ ।
অভব্যো ভব্য রূপেণ ভর্তারম্ অনুশোচতীম্ ॥৩-৪৬-৯॥
46.10
অভ্যবর্তত বৈদেহীম্ চিত্রাম্ ইব শনৈশ্চরঃ ।
সহসা ভব্য রূপেণ তৃণৈঃ কূপ ইব আবৃতঃ ॥৩-৪৬-১০॥
46.11
অতিষ্ঠৎ প্রেক্ষ্য বৈদেহীম্ রাম পত্নীম্ যশস্বিনীম্ ।
তিষ্টন্ সংপ্রেক্ষ্য চ তদা পত্নীম্ রামস্য রাবণ ॥৩-৪৬-১১॥
46.12
শুভাম্ রুচির দন্ত ওষ্ঠীম্ পূর্ণ চন্দ্র নিভ আননাম্ ।
আসীনাম্ পর্ণশালায়াম্ বাষ্প শোক অভিপীডিতাম্ ॥৩-৪৬-১২॥
46.13
স তাম্ পদ্ম পলাশ অক্ষীম্ পীত কৌশেয় বাসিনীম্ ।
অভ্যগচ্ছত বৈদেহীম্ হৃষ্ট চেতা নিশা চরঃ ॥৩-৪৬-১৩॥
46.14
দৃষ্ট্বা কাম শর আবিদ্ধো ব্রহ্ম ঘোষম্ উদীরয়ন্ ।
অব্রবীৎ প্রশ্রিতম্ বাক্যম্ রহিতে রাক্ষস অধিপঃ ॥৩-৪৬-১৪॥
46.15
তাম্ উত্তমাম্ ত্রিলোকানাম্ পদ্ম হীনাম্ ইব শ্রিয়ম্ ।
বিভ্রাজমানাম্ বপুষা রাবণঃ প্রশশম্স হ ॥৩-৪৬-১৫॥
46.16
কা ত্বম্ কাংচন বর্ণ আভে পীত কৌশেয় বাসিনি ।
কমলানাম্ শুভাম্ মালাম্ পদ্মিনী ইব চ বিভ্রতী ॥৩-৪৬-১৬॥
46.17
হ্রীঃ শ্রীঃ কীর্তিঃ শুভা লক্ষ্মীঃ অপ্সরা বা শুভ আননে ।
ভূতির্ বা ত্বম্ বরাঅরোহে রতির্ বা স্বৈর চারিণী ॥৩-৪৬-১৭॥
46.18
সমাঃ শিখরিণঃ স্নিগ্ধাঃ পাণ্ডুরা দশনাঃ তব ।
বিশালে বিমলে নেত্রে রক্তান্তে কৃষ্ণ তারকে ॥৩-৪৬-১৮॥
46.19
বিশালম্ জঘনম্ পীনম্ ঊরূ করি কর উপমৌ ।
এতৌ উপচিতৌ বৃত্তৌ সংহতৌ সংপ্রগল্ভিতৌ ॥৩-৪৬-১৯॥
46.20
পীন উন্নত মুখৌ কান্তৌ স্নিগ্ধ তাল ফল উপমৌ ।
মণি প্রবেক আভরণৌ রুচিরৌ তে পয়ো ধরৌ ॥৩-৪৬-২০॥
46.21
চারু স্মিতে চারু দতি চারু নেত্রে বিলাসিনি ।
মনো হরসি মে রামে নদী কূলম্ ইব অংভসা ॥৩-৪৬-২১॥
46.22
করান্তমিত মধ্যা অসি সুকেশী সংহত স্তনী ।
ন এব দেবী ন গন্ধর্বী ন যক্ষী ন চ কিংনরী ॥৩-৪৬-২২॥
46.23
ন এবম্ রূপা ময়া নারী দৃষ্ট পূর্বা মহী তলে ।
রূপম্ অগ্র্যম্ চ লোকেষু সৌকুমার্যম্ বয়ঃ চ তে ॥৩-৪৬-২৩॥
46.24
ইহ বাসঃ চ কাংতারে চিত্তম্ উন্মথয়ন্তি মে ।
সা প্রতিক্রাম ভদ্রম্ তে ন ত্বম্ বস্তুম্ ইহ অর্হসি ॥৩-৪৬-২৪॥
46.25
রাক্ষসানাম্ অয়ম্ বাসো ঘোরাণাম্ কাম রূপিণাম্ ।
প্রাসাদ অগ্রাণি রম্যাণি নগর উপবনানি চ ॥৩-৪৬-২৫॥
46.26
সংপন্নানি সুগন্ধীনি যুক্তানি আচরিতুম্ ত্বয়া ।
বরম্ মাল্যম্ বরম্ গংধম্ বরম্ বস্ত্রম্ চ শোভনে ॥৩-৪৬-২৬॥
46.27
ভর্তারম্ চ বরম্ মন্যে ত্বৎ যুক্তম্ অসিতেক্ষণে ।
কা ত্বম্ ভবসি রুদ্রাণাম্ মরুতাম্ বা শুচিস্মিতে ॥৩-৪৬-২৭॥
46.28
বসূনাম্ বা বরাঅরোহে দেবতা প্রতিভাসি মে ।
ন ইহ গচ্ছংতি গংধর্বা ন দেবা ন চ কিন্নরাঃ ॥৩-৪৬-২৮॥
46.29
রাক্ষসানাম্ অয়ম্ বাসঃ কথম্ তু ত্বম্ ইহ আগতা ।
ইহ শাখামৃগাঃ সিংহা দ্বীপি ব্যাঘ্র মৃগাঃ তথা ॥৩-৪৬-২৯॥
46.30
ঋক্ষাঃ তরক্ষবঃ কংকাঃ কথম্ তেভ্যো ন বিভ্যসে ।
মদ অন্বিতানাম্ ঘোরাণাম্ কুংজরাণাম্ তরস্বিনাম্ ॥৩-৪৬-৩০॥
46.31
কথম্ একা মহারণ্যে ন বিভেষি বরাঅননে ।
কা অসি কস্য কুতঃ চ ত্বম্ কিম্ নিমিত্তম্ চ দণ্ডকান্ ॥৩-৪৬-৩১॥
46.32
একা চরসি কল্যাণি ঘোরান্ রাক্ষস সেবিতান্ ।
ইতি প্রশস্তা বৈদেহী রাবণেন দুরাত্মনা - মহাত্মনা- ॥৩-৪৬-৩২॥
46.33
দ্বিজাতি বেষেণ হি তম্ দৃষ্ট্বা রাবণম্ আগতম্ ।
সর্বৈঃ অতিথি সত্কারৈঃ পূজয়ামাস মৈথিলী ॥৩-৪৬-৩৩॥
46.34
উপানীয় আসনম্ পূর্বম্ পাদ্যেন অভিনিমংত্র্য চ ।
অব্রবীৎ সিদ্ধম্ ইতি এব তদা তম্ সৌম্য দর্শনম্ ॥৩-৪৬-৩৪॥
46.35
দ্বিজাতি বেষেণ সমীক্ষ্য মৈথিলীতম্ আগতম্ পাত্র কুসুংভ ধারিণম্ ।
অশক্যম্ উদ্দ্বেষ্টুম্ উপায় দর্শনান্ন্যমংত্রয়ৎ ব্রাহ্মণবৎ যথা আগতম্ ॥৩-৪৬-৩৫॥
46.36
ইয়ম্ বৃসী ব্রাহ্মণ কামম্ আস্যতাম্ইদম্ চ পাদ্যম্ প্রতিগৃহ্যতাম্ ইতি ।
নিমংত্র্যমাণঃ প্রতিপূর্ণ ভাষিণীম্নরেন্দ্র পত্নীম্ প্রসমীক্ষ্য মৈথিলীম্ ।প্রসহ্য তস্যা হরণে ধৃঢম্ মনঃসমর্পয়ামাস আত্ম বধায় রাবণঃ ॥৩-৪৬-৩৬॥
46.37
ততঃ সুবেষম্ মৃগয়া গতম্ পতিম্প্রতীক্ষমাণা সহ লক্ষ্মণম্ তদা ।
নিরীক্ষমাণা হরিতম্ দদর্শ তত্মহদ্ বনম্ ন এব তু রাম লক্ষ্মণৌ ॥৩-৪৬-৩৭॥