Utshovসর্গ 45
45.1
আর্তস্বরম্ তু তম্ ভর্তুঃ বিজ্ঞায় সদৃশম্ বনে ।
উবাচ লক্ষ্মণম্ সীতা গচ্ছ জানীহি রাঘবম্ ॥৩-৪৫-১॥
45.2
ন হি মে জীবিতম্ স্থানে হৃদয়ম্ বা অবতিষ্ঠতে ।
ক্রোশতঃ পরম আর্তস্য শ্রুতঃ শব্দো ময়া ভৃশম্ ॥৩-৪৫-২॥
45.3
আক্রন্দমানম্ তু বনে ভ্রাতরম্ ত্রাতুম্ অর্হসি ।
তম্ ক্ষিপ্রম্ অভিধাব ত্বম্ ভ্রাতরম্ শরণ এষিণম্ ॥৩-৪৫-৩॥
45.4
রক্ষসাম্ বশম্ আপন্নম্ সিংহানাম্ ইব গোবৃষম্ ।
ন জগাম তথা উক্তঃ তু ভ্রাতুঃ আজ্ঞায় শাসনম্ ॥৩-৪৫-৪॥
45.5
তম্ উবাচ ততঃ তত্র ক্ষুভিতা জনক আত্মজা ।
সৌমিত্রে মিত্র রূপেণ ভ্রাতুঃ ত্বম্ অসি শত্রুবৎ ॥৩-৪৫-৫॥
45.6
যঃ ত্বম্ অস্যাম্ অবস্থায়াম্ ভ্রাতরম্ ন অভিপদ্যসে ।
ইচ্ছসি ত্বম্ বিনশ্যন্তম্ রামম্ লক্ষ্মণ মৎ কৃতে ॥৩-৪৫-৬॥
45.7
লোভাৎ তু মৎ কৃতম্ নূনম্ ন অনুগচ্ছসি রাঘবম্ ।
ব্যসনম্ তে প্রিয়ম্ মন্যে স্নেহো ভ্রাতরি ন অস্তি তে ॥৩-৪৫-৭॥
45.8
তেন তিষ্ঠসি বিস্রব্ধঃ তম্ অপশ্যন্ মহাদ্যুতিম্ ।
কিম্ হি সংশয়ম্ আপন্নে তস্মিন্ ইহ ময়া ভবেৎ ॥৩-৪৫-৮॥
45.9
কর্তব্যম্ ইহ তিষ্ঠন্ত্যা যৎ প্রধানঃ ত্বম্ আগতঃ ।
এবম্ ব্রুবাণম্ বৈদেহীম্ বাষ্প শোক সমন্বিতম্ ॥৩-৪৫-৯॥
45.10
অব্রবীৎ লক্ষ্মণঃ ত্রস্তাম্ সীতাম্ মৃগ বধূম্ ইব ।
পন্নগ অসুর গন্ধর্ব দেব দানব রাক্ষসৈঃ ॥৩-৪৫-১০॥
45.11
অশক্যঃ তব বৈদেহী ভর্তা জেতুম্ ন সংশয়ঃ ।
দেবি দেব মনুষ্যেষু গন্ধর্বেষু পতত্রিষু ॥৩-৪৫-১১॥
45.12
রাক্ষসেষু পিশাচেষু কিন্নরেষু মৃগেষু চ ।
দানবেষু চ ঘোরেষু ন স বিদ্যেত শোভনে ॥৩-৪৫-১২॥
45.13
যো রামম্ প্রতিয়ুধ্যেত সমরে বাসব উপমম্ ।
অবধ্যঃ সমরে রামো ন এবম্ ত্বম্ বক্তুম্ অর্হসি ॥৩-৪৫-১৩॥
45.14
ন ত্বাম্ অস্মিন্ বনে হাতুম্ উত্সহে রাঘবম্ বিনা ।
অনিবার্যম্ বলম্ তস্য বলৈঃ বলবতাম্ অপি ॥৩-৪৫-১৪॥
45.15
ত্রিভিঃ লোকৈঃ সমুদিতৈঃ স ঈশ্বরৈঃ স অমরৈঃ অপি ।
হৃদয়ম্ নির্বৃতম্ তে অস্তু সংতাপঃ ত্যজ্যতাম্ তব ॥৩-৪৫-১৫॥
45.16
আগমিষ্যতি তে ভর্তা শীঘ্রম্ হত্বা মৃগোত্তমম্ ।
ন সস্ তস্য স্বরো ব্যক্তম্ ন কশ্চিৎ অপি দৈবতঃ ॥৩-৪৫-১৬॥
45.17
গন্ধর্ব নগর প্রখ্যা মায়া তস্য চ রক্ষসঃ ।
ন্যাস ভূতা অসি বৈদেহি ন্যস্তা ময়ি মহাত্মনা ॥৩-৪৫-১৭॥
45.18
রামেণ ত্বম্ বরারোহে ন ত্বাম্ ত্যক্তুম্ ইহ উত্সহে ।
কৃত বৈরাঃ চ কল্যাণি বয়ম্ এতৈঃ নিশাচরৈঃ ॥৩-৪৫-১৮॥
45.19
খরস্য নিধনে দেবি জনস্থান বধম্ প্রতি ।
রাক্ষসা বিবিধা বাচো ব্যবহরন্তি মহাবনে ॥৩-৪৫-১৯॥
45.20
হিংসা বিহারা বৈদেহি ন চিন্তয়িতুম্ অর্হসি ।
লক্ষ্মণেন এবম্ উক্তা তু ক্রুদ্ধা সংরক্ত লোচনা ॥৩-৪৫-২০॥
45.21
অব্রবীৎ পরুষম্ বাক্যম্ লক্ষ্মণম্ সত্য বাদিনম্ ।
অনার্য করুণারংভ নৃশংস কুল পাংসন ॥৩-৪৫-২১॥
45.22
অহম্ তব প্রিয়ম্ মন্যে রামস্য ব্যসনম্ মহৎ ।
রামস্য ব্যসন্ম্ দৃষ্ট্বা তেন এতানি প্রভাষসে ॥৩-৪৫-২২॥
45.23
ন এব চিত্রম্ সপত্নেষু পাপম্ লক্ষ্মণ যৎ ভবেৎ ।
ত্বৎ বিধেষু নৃশংসেষু নিত্যম্ প্রচ্ছন্ন চারিষু ॥৩-৪৫-২৩॥
45.24
সুদুষ্টঃ ত্বম্ বনে রামম্ একম্ একো অনুগচ্ছসি ।
মম হেতোঃ প্রতিচ্ছন্নঃ প্রয়ুক্তো ভরতেন বা ॥৩-৪৫-২৪॥
45.25
তৎ ন সিদ্ধ্যতি সৌমিত্রে তব অপি ভরতস্য বা ।
কথম্ ইংদীবর শ্যামম্ রামম্ পদ্ম নিভেক্ষণম্ ॥৩-৪৫-২৫॥
45.26
উপসংশ্রিত্য ভর্তারম্ কাময়েয়ম্ পৃথক্ জনম্ ।
সমক্ষম্ তব সৌমিত্রে প্রাণান্ ত্যক্ষ্যামি অসংশয়ম্ ॥৩-৪৫-২৬॥
45.27
রামম্ বিনা ক্ষণম্ অপি ন এব জীবামি ভূ তলে ।
ইতি উক্তঃ পরুষম্ বাক্যম্ সীতয়া রোমহর্ষণম্ ॥৩-৪৫-২৭॥
45.28
অব্রবীৎ লক্ষ্মণঃ সীতাম্ প্রাংজলিঃ বিজিতেন্দ্রিয়ঃ ।
উত্তরম্ ন উত্সহে বক্তুম্ দৈবতম্ ভবতী মম ॥৩-৪৫-২৮॥
45.29
বাক্যম্ অপ্রতিরূপম্ তু ন চিত্রম্ স্ত্রীষু মৈথিলি ।
স্বভাবঃ তু এষ নারীণাম্ এষু লোকেষু দৃশ্যতে ॥৩-৪৫-২৯॥
45.30
বিমুক্ত ধর্মাঃ চপলাঃ তীক্ষ্ণা ভেদকরাঃ স্ত্রিয়ঃ ।
ন সহে হি ঈদৃশম্ বাক্যম্ বৈদেহী জনক আত্মজে ॥৩-৪৫-৩০॥
45.31
শ্রোত্রয়োঃ উভয়োঃ মধ্যে তপ্ত নারাচ সন্নিভম্ ।
উপশৃণ্বংতু মে সর্বে সাক্ষিনো হি বনেচরাঃ ॥৩-৪৫-৩১॥
45.32
ন্যায় বাদী যথা বাক্যম্ উক্তো অহম্ পরুষম্ ত্বয়া ।
ধিক্ ত্বাম্ অদ্য প্রণশ্যন্তীম্ যন্ মাম্ এবম্ বিশংকসে ॥৩-৪৫-৩২॥
45.33
স্ত্রীত্বাৎ দুষ্ট স্বভাবেন গুরু বাক্যে ব্যবস্থিতম্ ।
গমিষ্যে যত্র কাকুত্স্থঃ স্বস্তি তে অস্তু বরাননে ॥৩-৪৫-৩৩॥
45.34
রক্ষন্তু ত্বাম্ বিশালাক্ষি সমগ্রা বন দেবতাঃ ।
নিমিত্তানি হি ঘোরাণি যানি প্রাদুর্ভবন্তি মে ।অপি ত্বাম্ সহ রামেণ পশ্যেয়ম্ পুনরাগতঃ ॥৩-৪৫-৩৪॥
45.35
লক্ষ্মণেন এবম্ উক্তা তু রুদতী জনকাঅত্মজা ।
প্রত্যুবাচ ততো বাক্যম্ তীব্রম্ বাষ্প পরিপ্লুতা ॥৩-৪৫-৩৫॥
45.36
গোদাবরীম্ প্রবেক্ষ্যামি হীনা রামেণ লক্ষ্মণ ।
আবন্ধিষ্যে অথবা ত্যক্ষ্যে বিষমে দেহম্ আত্মনঃ ॥৩-৪৫-৩৬॥
45.37
পিবামি বা বিষম্ তীক্ষ্ণম্ প্রবেক্ষ্যামি হুতাশনম্ ।
ন তু অহম্ রাঘবাৎ অন্যম্ কদাঅপি পুরুষম্ স্পৃশে ॥৩-৪৫-৩৭॥
45.38
ইতি লক্ষ্মণম্ আশ্রুত্য সীতা দুহ্খ সমন্বিতা ।
পাণিভ্যাম্ রুদতী দুহ্খাদ্ উদরম্ প্রজঘান হ ॥৩-৪৫-৩৮॥
45.39
তাম্ আর্ত রূপাম্ বিমনা রুদন্তীম্সৌমিত্রিঃ আলোক্য বিশাল নেত্রাম্ ।
আশ্বাসয়ামাস ন চৈব ভর্তুঃতম্ ভ্রাতরম্ কিংচিৎ উবাচ সীতা ॥৩-৪৫-৩৯॥
45.40
ততঃ তু সীতাম্ অভিবাদ্য লক্ষ্মণঃকৃত অন্জলিঃ কিম্চিদ্ অভিপ্রণম্য ।
অবেক্ষমাণো বহুশঃ স মৈথিলীম্জগাম রামস্য সমীপম্ আত্মবান্ ॥৩-৪৫-৪০॥