Utshovসর্গ 44
44.1
তথা তু তম্ সমাদিশ্য ভ্রাতরম্ রঘুনংদনঃ ।
ববন্ধ অসিম্ মহাতেজা জাংবূনদময়ঃ ত্সরুম্ ॥৩-৪৪-১॥
44.2
ততঃ ত্রি বিনতম্ চাপম্ আদায় আত্ম বিভূষণম্ ।
আবধ্য চ কলাপৌ দ্বৌ জগাম উদগ্র বিক্রমঃ ॥৩-৪৪-২॥
44.3
তম্ বংচয়ানো রাজেন্দ্রম্ আপতন্তম্ নিরীক্ষ্য বৈ ।
বভূব অংতর্হিতঃ ত্রাসাৎ পুনঃ সংদর্শনে অভবৎ ॥৩-৪৪-৩॥
44.4
বদ্ধ অসিঃ ধনুঃ আদায় প্রদুদ্রাব যতো মৃগঃ ।
তম্ স্ম পশ্যতি রূপেণ দ্যোতমানম্ ইব অগ্রতঃ ॥৩-৪৪-৪॥
44.5
অবেক্ষ্য অবেক্ষ্য ধাবন্তম্ ধনুষ্ পাণিঃ মহাবনে ।
অতিবৃত্তম্ ইষোঃ পাতাৎ লোভয়ানম্ কদাচন ॥৩-৪৪-৫॥
44.6
শংকিতম্ তু সমুদ্ ভ্রান্তম্ উত্পতন্তম্ ইব অংবরে ।
দৃঅশ্যমানম্ অদৃশ্যম্ চ বন উদ্দেশেষু কেষুচিৎ ॥৩-৪৪-৬॥
44.7
চিন্ন অভ্রৈঃ ইব সংবীতম্ শারদম্ চন্দ্র মণ্ডলম্ ।
মুহূর্তাৎ এব দদৃশে মুহুর্ দূরাৎ প্রকাশতে ॥৩-৪৪-৭॥
44.8
দর্শন অদর্শনেন এব সঃ অপাকর্ষত রাঘবম্ ।
সুদূরম্ আশ্রমস্য অস্য মারিচো মৃগতাম্ গতঃ ॥৩-৪৪-৮॥
44.9
আসীৎ ক্রুদ্ধঃ তু কাকুত্স্থো বিবশঃ তেন মোহিতঃ ।
অথ অবতস্থে সুশ্রান্তঃ চ্ছায়াম্ আশ্রিত্য শাদ্বলে ॥৩-৪৪-৯॥
44.10
স তম্ উন্মাদয়ামাস মৃগরূপো নিশাচর ।
মৃগৈঃ পরিবৃতো অথ বন্যৈঃ অদূরাৎ প্রত্যদৃশ্যত ॥৩-৪৪-১০॥
44.11
গ্রহীতু কামম্ দৃষ্ট্বা তম্ পুনঃ এব অভ্যধাবত ।
তৎ ক্ষণাৎ এব সংত্রাসাৎ পুনর্ অংতর্হিতো অভবৎ ॥৩-৪৪-১১॥
44.12
পুনর্ এব ততো দূরাৎ বৃক্ষ খণ্ডাৎ বিনিঃসৃতঃ ।
দৃষ্ট্বা রামো মহাতেজাঃ তম্ হন্তুম্ কৃত নিশ্চয়ঃ ॥৩-৪৪-১২॥
44.13
ভূয়ঃ তু শরম্ উদ্ধৃত্য কুপিতঃ তত্র রাঘবঃ ।
সূর্য রশ্মি প্রতীকাশম্ জ্বলংতম্ অরি মর্দনম্ ॥৩-৪৪-১৩॥
44.14
সংধায় সুদৃঢে চাপে বিকৃষ্য বলবৎ বলী ।
তম্ এব মৃগম্ উদ্দিশ্য শ্বসংতম্ ইব পন্নগম্ ॥৩-৪৪-১৪॥
44.15
মুমোচ জ্বলিতম্ দীপ্তম্ অস্ত্রম্ ব্রহ্ম বিনির্মিতম্ ।
শরীরম্ মৃগ রূপস্য বিনির্ভিদ্য শরোত্তমঃ ॥৩-৪৪-১৫॥
44.16
মারীচস্য এব হৃদয়ম্ বিভেদ অশনি সংনিভঃ ।
তাল মাত্রম্ অথ উত্প্লুত্য ন্যপতৎ স ভৃশ আতুরঃ ॥৩-৪৪-১৬॥
44.17
ব্যনদৎ ভৈরবম্ নাদম্ ধরণ্যাম্ অল্প জীবিতঃ ।
ম্রিয়মাণঃ তু মারীচো জহৌ তাম্ কৃত্রিমাম্ তনুম্ ॥৩-৪৪-১৭॥
44.18
স্মৃত্বা তৎ বচনম্ রক্ষো দধ্যৌ কেন তু লক্ষ্মণম্ ।
ইহ প্রস্থাপয়েৎ সীতা তাম্ শূন্যে রাবণে হরেৎ ॥৩-৪৪-১৮॥
44.19
স প্রাপ্ত কালম্ অজ্ঞায় চকার চ ততঃ স্বরম্ ।
সদৃশম্ রাঘবস্য এব হা সীতে লক্ষ্মণ ইতি চ ॥৩-৪৪-১৯॥
44.20
তেন মর্মণি নির্বিদ্ধম্ শরেণ অনুপমেন হি ।
মৃগ রূপম্ তু তৎ ত্যক্ত্বা রাক্ষসম্ রূপম্ আস্থিতঃ ॥৩-৪৪-২০॥
44.21
চক্রে স সুমহা কায়ম্ মারীচো জীবিতম্ ত্যজন্ ।
তম্ দৃষ্ট্বা পতিতম্ ভূমৌ রাক্ষসম্ ভীম দর্শনম্ ॥৩-৪৪-২১॥
44.22
রামো রুধির সিক্ত অংগম্ চেষ্টমানম্ মহীতলে ।
জগাম মনসা সীতাম্ লক্ষ্মণস্য বচঃ স্মরন্ ॥৩-৪৪-২২॥
44.23
মারীচস্য তু মায় এষা পূর্ব উক্তম্ লক্ষ্মণেন তু ।
তৎ তদা হি অভবৎ চ অদ্য মারীচো অয়ম্ ময়া হতঃ ॥৩-৪৪-২৩॥
44.24
হা সীতে লক্ষ্মণ ইতি এবম্ আক্রুশ্য তু মহা স্বনম্ ।
মমার রাক্ষসঃ সো অয়ম্ শ্রুত্বা সীতা কথম্ ভবেৎ ॥৩-৪৪-২৪॥
44.25
লক্ষ্মণঃ চ মহাবাহুঃ কাম্ অবস্থাম্ গমিষ্যতি ।
ইতি সংচিন্ত্য ধর্মাঅত্মা রামো হৃষ্ট তনূ রুহঃ ॥৩-৪৪-২৫॥
44.26
তত্র রামম্ ভয়ম্ তীব্রম্ আবিবেশ বিষাদজম্ ।
রাক্ষসম্ মৃগ রূপম্ তম্ হত্বা শ্রুত্বা চ তৎ স্বনম্ ॥৩-৪৪-২৬॥
44.27
নিহত্য পৃষতম্ চ অন্যম্ মাংসম্ আদায় রাঘবঃ ।
ত্বরমাণো জনস্থানম্ সসার অভিমুখঃ তদা ॥৩-৪৪-২৭॥