Utshovসর্গ 43
43.1
সা তম্ সংপ্রেক্ষ্য সুশ্রোণী কুসুমানি বিচিন্বতী ।
হেম রাজত বর্ণাভ্যাম্ পার্শ্বাভ্যাম্ উপশোভিতম্ ॥৩-৪৩-১॥
43.2
প্রহৃষ্টা চ অনবদ্যান্গী মৃষ্ট হাটক বর্ণিনী ।
ভর্তারম্ অপি চ আক্রন্দ লক্ষ্মণম্ চৈব সায়ুধম্ ॥৩-৪৩-২॥
43.3
আহূয় আহূয় চ পুনঃ তম্ মৃগম্ সাধু বীক্ষতে ।
আগচ্ছ আগচ্ছ শীঘ্রম্ বৈ আর্যপুত্র সহ অনুজ ॥৩-৪৩-৩॥
43.4
তয়া আহূতৌ নরব্যাঘ্রৌ বৈদেহ্যা রাম লক্ষ্মণৌ ।
বীক্ষমাণৌ তু তম্ দেশম্ তদা দদৃশতুঃ মৃগম্ ॥৩-৪৩-৪॥
43.5
শংকমানঃ তু তম্ দৃষ্ট্বা লক্ষ্মণো রামম্ অব্রবীৎ ।
তম্ এব এনম্ অহম্ মন্যে মারীচম্ রাক্ষসম্ মৃগম্ ॥৩-৪৩-৫॥
43.6
চরন্তো মৃগয়াম্ হৃষ্টাঃ পাপেন উপাধিনা বনে ।
অনেন নিহতা রাম রাজানঃ কাম রূপিণা ॥৩-৪৩-৬॥
43.7
অস্য মায়াবিদো মায়া মৃগ রূপম্ ইদম্ কৃতম্ ।
ভানুমৎ পুরুষব্যাঘ্র গন্ধর্ব পুর সংনিভম্ ॥৩-৪৩-৭॥
43.8
মৃগো হি এবম্ বিধো রত্ন বিচিত্রো ন অস্তি রাঘব ।
জগত্যাম্ জগতীনাথ মায়া এষা হি ন সংশয়ঃ ॥৩-৪৩-৮॥
43.9
এবম্ ব্রুবাণম্ কাকুত্স্থম্ প্রতিবার্য শুচি স্মিতা ।
উবাচ সীতা সংহৃষ্টা চদ্মনা হৃত চেতনা ॥৩-৪৩-৯॥
43.10
আর্যপুত্র অভিরামো অসৌ মৃগো হরতি মে মনঃ ।
আনয় এনম্ মহাবাহো ক্রীডার্থম্ নঃ ভবিষ্যতি ॥৩-৪৩-১০॥
43.11
ইহ আশ্রম পদে অস্মাকম্ বহবঃ পুণ্য দর্শনাঃ ।
মৃগাঃ চরন্তি সহিতাঃ চমরাঃ সৃমরাঃ তথা ॥৩-৪৩-১১॥
43.12
ঋক্ষাঃ পৃষত সংঘাঃ চ বানরাঃ কিনরাঃ তথা ।
বিচরন্তি মহাবাহো রূপ শ্রেষ্ঠা মহাবলাঃ ॥৩-৪৩-১২॥
43.13
ন চ অস্য সদৃশো রাজন্ দৃষ্ট পূর্বো মৃগঃ ময়া ।
তেজসা ক্ষময়া দীপ্ত্যা যথা অয়ম্ মৃগ সত্তমঃ ॥৩-৪৩-১৩॥
43.14
নানা বর্ণ বিচিত্র অংগো রত্ন ভূতো মম অগ্রতঃ ।
দ্যোতয়ন্ বনম্ অব্যগ্রম্ শোভতে শশি সংনিভঃ ॥৩-৪৩-১৪॥
43.15
অহো রূপম্ অহো লক্ষ্মীঃ স্বর সংপৎ চ শোভনা ।
মৃগো অদ্ভুতো বিচিত্রাংগো হৃদয়ম্ হরতি ইব মে ॥৩-৪৩-১৫॥
43.16
যদি গ্রহণম্ অভ্যেতি জীবন্ এব মৃগঃ তব ।
আশ্চর্য ভূতম্ ভবতি বিস্ময়ম্ জনয়িষ্যতি ॥৩-৪৩-১৬॥
43.17
সমাপ্ত বন বাসানাম্ রাজ্য স্থানাম্ চ নঃ পুনঃ ।
অংতঃপুরে বিভূষার্থো মৃগ এষ ভবিষ্যতি ॥৩-৪৩-১৭॥
43.18
ভরতস্য আর্যপুত্রস্য শ্বশ্রূণাম্ মম চ প্রভো ।
মৃগ রূপম্ ইদম্ দিব্যম্ বিস্ময়ম্ জনয়িষ্যতি ॥৩-৪৩-১৮॥
43.19
জীবন্ ন যদি তে অভ্যেতি গ্রহণম্ মৃগ সত্তমঃ ।
অজিনম্ নরশার্দূল রুচিরম্ তু ভবিষ্যতি ॥৩-৪৩-১৯॥
43.20
নিহতস্য অস্য সত্ত্বস্য জাংবূনদময় ত্বচি ।
শষ্প বৃস্যাম্ বিনীতায়াম্ ইচ্ছামি অহম্ উপাসিতুম্ ॥৩-৪৩-২০॥
43.21
কামবৃত্তম্ ইদম্ রৌদ্রম্ স্ত্রীণাম্ অসদৃশম্ মতম্ ।
বপুষা তু অস্য সত্ত্বস্য বিস্ময়ো জনিতো মম ॥৩-৪৩-২১॥
43.22
তেন কাংচন রোম্ণা তু মণি প্রবর শৃংগিণা ।
তরুণ আদিত্য বর্ণেন নক্ষত্র পথ বর্চসা ॥৩-৪৩-২২॥
43.23
বভূব রাঘবস্য অপি মনো বিস্ময়ম্ আগতম্ ।
এবম্ সীতা বচঃ শ্রুত্বা দৃষ্ট্বা চ মৃগম্ অদ্ভুতম্ ॥৩-৪৩-২৩॥
43.24
লোবিতঃ তেন রূপেণ সীতায়া চ প্রচোদিতঃ ।
উবাচ রাঘবো হৃষ্টো ভ্রাতরম্ লক্ষ্মণম্ বচঃ ॥৩-৪৩-২৪॥
43.25
পশ্য লক্ষ্মণ বৈদেহ্যাঃ স্পৃহাম্ উল্লসিতাম্ ইমাম্ ।
রূপ শ্রেষ্ঠতয়া হি এষ মৃগো অদ্য ন ভবিষ্যতি ॥৩-৪৩-২৫॥
43.26
ন বনে নংদনোদ্দেশে ন চৈত্ররথ সংশ্রয়ে ।
কুতঃ পৃথিব্যাম্ সৌমিত্রে যো অস্য কশ্চিৎ সমো মৃগঃ ॥৩-৪৩-২৬॥
43.27
প্রতিলোম অনুলোমাঃ চ রুচিরা রোম রাজয়ঃ ।
শোভন্তে মৃগম্ আশ্রিত্য চিত্রাঃ কনক বিন্দুভিঃ ॥৩-৪৩-২৭॥
43.28
পশ্য অস্য জৃংভমাণস্য দীপ্তাম্ অগ্নি শিখোপমাম্ ।
জিহ্বাম্ মুখাৎ নিঃসরংতীম্ মেঘাৎ ইব শত হ্রদাম্ ॥৩-৪৩-২৮॥
43.29
মসার গল্বর্ক মুখঃ শংখ মুক্তা নিভ উদরঃ ।
কস্য নাম অনিরূপ্যঃ অসৌ ন মনো লোভয়েৎ মৃগঃ ॥৩-৪৩-২৯॥
43.30
কস্য রূপম্ ইদম্ দৃষ্ট্বা জাংবূনদময় প্রভম্ ।
নানা রত্নময়ম্ দিব্যম্ ন মনো বিস্ময়ম্ ব্রজেৎ ॥৩-৪৩-৩০॥
43.31
মাংস হেতোঃ অপি মৃগান্ বিহারার্থম্ চ ধন্বিনঃ ।
ঘ্নন্তি লক্ষ্মণ রাজানো মৃগয়ায়াম্ মহাবনে ॥৩-৪৩-৩১॥
43.32
ধনানি ব্যবসায়েন বিচীয়ন্তে মহাবনে ।
ধাতবো বিবিধাঃ চ অপি মণি রত্ন সুবর্ণিনঃ ॥৩-৪৩-৩২॥
43.33
তৎ সারম্ অখিলম্ নৄণাম্ ধনম্ নিচয় বর্ধনম্ ।
মনসা চিন্তিতম্ সর্বম্ যথা শুক্রস্য লক্ষ্মণ ॥৩-৪৩-৩৩॥
43.34
অর্থী যেন অর্থ কৃত্যেন সংব্রজতি অবিচারয়ন্ ।
তম্ অর্থম্ অর্থ শাস্ত্রজ্ঞঃ প্রাহুঃ অর্থ্যাঃ চ লক্ষ্মণ ॥৩-৪৩-৩৪॥
43.35
এতস্য মৃগ রত্নস্য পরার্ধ্যে কাংচন ত্বচি ।
উপবেক্ষ্যতি বৈদেহী ময়া সহ সুমধ্যমা ॥৩-৪৩-৩৫॥
43.36
ন কাদলী ন প্রিয়কী ন প্রবেণী ন চ অবিকী ।
ভবেৎ এতস্য সদৃশী স্পর্শনেন ইতি মে মতিঃ ॥৩-৪৩-৩৬॥
43.37
এষ চৈব মৃগঃ শ্রীমান্ যঃ চ দিব্যো নভঃ চরঃ ।
উভৌ এতৌ মৃগৌ দিব্যৌ তারামৃগ মহীমৃগৌ ॥৩-৪৩-৩৭॥
43.38
যদি বা অয়ম্ তথা যৎ মাম্ ভবেৎ বদসি লক্ষ্মণ ।
মায়া এষা রাক্ষসস্য ইতি কর্তব্যো অস্য বধো ময়া ॥৩-৪৩-৩৮॥
43.39
এতেন হি নৃশংসেন মারীচেন অকৃত আত্মনা ।
বনে বিচরতা পূর্বম্ হিংসিতা মুনি পুংগবাঃ ॥৩-৪৩-৩৯॥
43.40
উত্থায় বহবো অনেন মৃগয়ায়াম্ জনাধিপাঃ ।
নিহতাঃ পরম ইষ্বাসাঃ তস্মাৎ বধ্যঃ তু অয়ম্ মৃগঃ ॥৩-৪৩-৪০॥
43.41
পুরস্তাৎ ইহ বাতাপিঃ পরিভূয় তপস্বিনঃ ।
উদরস্থো দ্বিজান্ হন্তি স্ব গর্ভো অশ্বতরীম্ ইব ॥৩-৪৩-৪১॥
43.42
স কদাচিৎ চিরাৎ লোভাৎ আসসাদ মহামুনিম্ ।
অগস্ত্যম্ তেজসা যুক্তম্ ভক্ষ্যঃ তস্য বভূব হ ॥৩-৪৩-৪২॥
43.43
সমুত্থানে চ তৎ রূপম্ কর্তু কামম্ সমীক্ষ্য তম্ ।
উত্স্ময়িত্বা তু ভগবান্ বাতাপিম্ ইদম্ অব্রবীৎ ॥৩-৪৩-৪৩॥
43.44
ত্বয়া অবিগণ্য বাতাপে পরিভূতাঃ চ তেজসা ।
জীব লোকে দ্বিজ শ্রেষ্ঠাঃ তস্মাৎ অসি জরাম্ গতঃ ॥৩-৪৩-৪৪॥
43.45
তৎ এতৎ ন ভবেৎ রক্ষো বাতাপিঃ ইব লক্ষ্মণ ।
মৎ বিধম্ যো অতিমন্যেত ধর্ম নিত্যম্ জিতেন্দ্রিয়ম্ ॥৩-৪৩-৪৫॥
43.46
ভবেৎ হতো অয়ম্ বাতাপিঃ অগস্ত্যেন ইব মা গতঃ ।
ইহ ত্বম্ ভব সংনদ্ধো যংত্রিতো রক্ষ মৈথিলীম্ ॥৩-৪৩-৪৬॥
43.47
অস্যাম্ আয়ত্তম্ অস্মাকম্ যৎ কৃত্যম্ রঘুনংদন ।
অহম্ এনম্ বধিষ্যামি গ্রহীষ্যামি অথবা মৃগম্ ॥৩-৪৩-৪৭॥
43.48
যাবৎ গচ্ছামি সৌমিত্রে মৃগম্ আনয়িতুম্ দ্রুতম্ ।
পশ্য লক্ষ্মণ বৈদেহীম্ মৃগ ত্বচি গতাম্ স্পৃহাম্ ॥৩-৪৩-৪৮॥
43.49
ত্বচা প্রধানয়া হি এষ মৃগো অদ্য ন ভবিষ্যতি ।
অপ্রমত্তেন তে ভাব্যম্ আশ্রমস্থেন সীতয়া ॥৩-৪৩-৪৯॥
43.50
যাবৎ পৃষতম্ একেন সায়কেন নিহন্মি অহম্ ।
হত্বা এতৎ চর্ম চ আদায় শীঘ্রম্ এষ্যামি লক্ষ্মণ ॥৩-৪৩-৫০॥
43.51
প্রদক্ষিণেন অতিবলেন পক্ষিণাজটায়ুষা বুদ্ধিমতা চ লক্ষ্মণ ।
ভব অপ্রমত্তঃ প্রতিগৃহ্য মৈথিলীম্প্রতি ক্ষণম্ সর্বত এব শন্কিতঃ ॥৩-৪৩-৫১॥