Utshovসর্গ 42
42.1
এবম্ উক্ত্বা তু পরুষম্ মারীচো রাবণম্ ততঃ ।
গচ্ছাবঃ ইতি অব্রবীৎ দীনো ভয়াৎ রাত্রিম্ চর প্রভোঃ ॥৩-৪২-১॥
42.2
দৃষ্টাঃ চ অহম্ পুনঃ তেন শর চাপ অসি ধারিণা ।
মদ্বধো উদ্যত শস্ত্রেণ বিনষ্টম্ জীবিতম্ চ মে ॥৩-৪২-২॥
42.3
ন হি রামম্ পরাক্রম্য জীবন্ প্রতি নিবর্ততে ।
বর্ততে প্রতি রূপো অসৌ যম দণ্ড হতস্য তে ॥৩-৪২-৩॥
42.4
কিম্ নু কর্তুম্ ময়া শক্যম্ এবম্ ত্বয়ি দুরাত্মনি ।
এষ গচ্ছামি অহম্ তাত স্বস্তি তে অস্তু নিশাচরঃ ॥৩-৪২-৪॥
42.5
প্রহৃষ্টঃ তু অভবৎ তেন বচনেন স রাক্ষসঃ ।
পরিষ্বজ্য সুসংশ্লিষ্টম্ ইদম্ বচনম্ অব্রবীৎ ॥৩-৪২-৫॥
42.6
এতৎ শৌণ্ডীর্য - চৌত্তির্য -ন্যুক্তম্ তে মৎ চ্ছংদ বশ বর্তিনঃ ।
ইদানীম্ অসি মারীচঃ পূর্বম্ অন্যো নিশাচরঃ ॥৩-৪২-৬॥
42.7
আরুহ্যতাম্ শীঘ্রম্ খগো রত্ন বিভূষিতঃ ।
ময়া সহ রথো যুক্তঃ পিশাচ বদনৈঃ খরৈঃ ॥৩-৪২-৭॥
42.8
প্রলোভয়িত্বা বৈদেহীম্ যথা ইষ্টম্ গন্তুম্ অর্হসি ।
তাম্ শূন্যে প্রসভম্ সীতাম্ আনয়িষ্যামি মৈথিলীম্ ॥৩-৪২-৮॥
42.9
তথা ইতি উবাচ এনম্ রাবণম্ তাটকা সুতঃ ।
ততো রাবণ মারীচৌ বিমানম্ ইব তম্ রথম্ ॥৩-৪২-৯॥
42.10
আরুহ্য যয়তুঃ শীঘ্রম্ তস্মাৎ আশ্রম মণ্ডলাৎ ।
তথৈব তত্র পশ্যন্তৌ পত্তনানি বনানি চ ॥৩-৪২-১০॥
42.11
গিরীম্ চ সরিতাঃ সর্বা রাষ্ট্রাণি নগরাণি চ ।
সমেত্য দণ্ডক অরণ্যম্ রাঘবস্য আশ্রমম্ ততঃ ॥৩-৪২-১১॥
42.12
দদর্শ সহ মরীচো রাবণো রাক্ষসাধিপঃ ।
অবতীর্য রথাৎ তস্মাৎ ততঃ কাংচন ভূষণাৎ ॥৩-৪২-১২॥
42.13
হস্তে গৃহীত্বা মারীচম্ রাবণো বাক্যম্ অব্রবীৎ ।
এতৎ রাম আশ্রম পদম্ দৃশ্যতে কদলী বৃতম্ ॥৩-৪২-১৩॥
42.14
ক্রিয়তাম্ তৎ সখে শীঘ্রম্ যৎ অর্থম্ বয়ম্ আগতাঃ ।
স রাবণ বচঃ শ্রুত্বা মারীচো রাক্ষসঃ তদা ॥৩-৪২-১৪॥
42.15
মৃগো ভূত্বা আশ্রম দ্বারি রামস্য বিচচার হ ।
স তু রূপম্ সমাস্থায় মহৎ অদ্ভুত দর্শনম্ ॥৩-৪২-১৫॥
42.16
মণিপ্রবর শৃংগাগ্রঃ সিত অসিত মুখাকৃতিঃ ।
রক্তপদ্মোত্পল মুখ ইন্দ্রনীলোত্পল শ্রবাঃ ॥৩-৪২-১৬॥
42.17
কিম্চিৎ অভ্যুন্নত গ্রীব ইন্দ্রনীল নিভ উদরঃ ।
মধূক নিভ পার্শ্বঃ চ কংজ কিংজল্ক সম্নিভঃ ॥৩-৪২-১৭॥
42.18
বৈদূর্য সংকাশ খুরঃ তনু জংঘঃ সুসংহতঃ ।
ইন্দ্র আয়ুধ সবর্ণেন পুচ্ছেন ঊর্ধ্বম্ বিরাজিতঃ ॥৩-৪২-১৮॥
42.19
মনোহর স্নিগ্ধ বর্ণো রত্নৈঃ নানা বিধৈঃ বৃতঃ ।
ক্ষণেন রাক্ষসো জাতো মৃগঃ পরম শোভনঃ ॥৩-৪২-১৯॥
42.20
বনম্ প্রজ্বলয়ন্ রম্যম্ রাম আশ্রম পদম্ চ তৎ ।
মনোহরম্ দর্শনীয়ম্ রূপম্ কৃত্বা স রাক্ষসঃ ॥৩-৪২-২০॥
42.21
প্রলোভনার্থম্ বৈদেহ্যা নানা ধাতু বিচিত্রিতম্ ।
বিচরন্ গচ্ছতে সম্যক্ শাদ্বলানি সমংততঃ ॥৩-৪২-২১॥
42.22
রোপ্যৈঃ বিন্দু শতৈঃ চিত্রো ভূত্বা চ প্রিয় দর্শনঃ ।
বিটপীনাম্ কিসলয়ান্ ভক্ষয়ন্ বিচচার হ ॥৩-৪২-২২॥
42.23
কদলী গৃহকম্ গত্বা কর্ণিকারানি ততঃ ততঃ ।
সমাশ্রয়ন্ মংদগতিঃ সীতা সংদর্শনম্ ততঃ ॥৩-৪২-২৩॥
42.24
রাজীব চিত্র পৃষ্ঠঃ স বিররাজ মহামৃগঃ ।
রাম আশ্রম পদ অভ্যাশে বিচচার যথা সুখম্ ॥৩-৪২-২৪॥
42.25
পুনর্ গত্বা নিবৃত্তঃ চ বিচচার মৃগোত্তমঃ ।
গত্বা মুহূর্তম্ ত্বরয়া পুনঃ প্রতি নিবর্ততে ॥৩-৪২-২৫॥
42.26
বিক্রীডন্ চ পুনর্ ভূমৌ পুনর্ এব নিষীদতি ।
আশ্রম দ্বারম্ আগম্য মৃগ যূথানি গচ্ছতি ॥৩-৪২-২৬॥
42.27
মৃগ যূথৈঃ অনুগতঃ পুনর্ এব নিবর্ততে ।
সীতা দর্শনম্ আকাংক্ষন্ রাক্ষসো মৃগতাম্ গতঃ ॥৩-৪২-২৭॥
42.28
পরিভ্রমতি চিত্রাণি মণ্ডলানি বিনিষ্পতন্ ।
সমুদ্বীক্ষ্য চ সর্বে তম্ মৃগা যে অন্যে বনেচরাঃ ॥৩-৪২-২৮॥
42.29
উপগম্য সমাঘ্রায় বিদ্রবন্তি দিশো দশ ।
রাক্ষসঃ সো অপি তান্ বন্যান্ মৃগান্ মৃগবধে রতঃ ॥৩-৪২-২৯॥
42.30
প্রচ্ছাদনার্থম্ ভাবস্য ন ভক্ষয়তি সংস্পৃশন্ ।
তস্মিন্ এব ততঃ কালে বৈদেহী শুভলোচনা ॥৩-৪২-৩০॥
42.31
কুসুম অপচয়ে ব্যগ্রা পাদপান্ অভ্যবর্তত ।
কর্ণিকারান্ অশোকান্ চ চূতাম্ চ মদিরেক্ষণা ॥৩-৪২-৩১॥
42.32
কুসুমানি অপচিন্বন্তী চচার রুচিরাননা ।
অনর্হা অরণ্য বাসস্য সা তম্ রত্নময়ম্ মৃগম্ ॥৩-৪২-৩২॥
42.33
মুক্তা মণি বিচিত্র অংগম্ দদর্শ পরম অংগনা ।
তম্ বৈ রুচির দংত ওষ্ঠম্ রূপ্য ধাতু তনূ রুহম্ ॥৩-৪২-৩৩॥
42.34
বিস্ময়াৎ উত্ফুল্ল নয়না স স্নেহম্ সমুদৈক্ষত ।
স চ তাম্ রাম দয়িতাম্ পশ্যন্ মায়াময়ো মৃগঃ ॥৩-৪২-৩৪॥
42.35
বিচচার ততঃ তত্র দীপয়ন্ ইব তৎ বনম্ ।
অদৃষ্ট পূর্বম্ দৃষ্ট্বা তম্ নানা রত্নময়ম্ মৃগম্ ।বিস্ময়ম্ পরমম্ সীতা জগাম জনক আত্মজা ॥৩-৪২-৩৫॥