Utshovসর্গ 33
33.1
ততঃ শূর্পণখা দীনা রাবণম্ লোক রাবণম্ ।
অমাত্য মধ্যে সংক্রুদ্ধা পরুষম্ বাক্যম্ অব্রবীৎ ॥৩-৩৩-১॥
33.2
প্রমত্তঃ কাম ভোগেষু স্বৈর বৃত্তো নিরংকুশঃ ।
সমুত্পন্নম্ ভয়ম্ ঘোরম্ বোদ্ধব্যম্ ন অববুধ্যসে ॥৩-৩৩-২॥
33.3
সক্তম্ গ্রাম্যেষু ভোগেষু কাম বৃত্তম্ মহীপতিম্ ।
লুব্ধম্ ন বহু মন্যন্তে শ্মশান অগ্নিম্ ইব প্রজাঃ ॥৩-৩৩-৩॥
33.4
স্বয়ম্ কার্যাণি যঃ কালে ন অনুতিষ্ঠতি পার্থিবঃ ।
স তু বৈ সহ রাজ্যেন তৈঃ চ কার্যৈঃ বিনশ্যতি ॥৩-৩৩-৪॥
33.5
অয়ুক্ত চারম্ দুর্দর্শম্ অস্বাধীনম্ নরাধিপম্ ।
বর্জয়ন্তি নরা দূরাৎ নদী পংকম্ ইব দ্বিপাঃ ॥৩-৩৩-৫॥
33.6
যে ন রক্ষন্তি বিষয়ম্ অস্বাধীনা নরাধিপঃ ।
তে ন বৃদ্ধ্যা প্রকাশন্তে গিরয়ঃ সাগরে যথা ॥৩-৩৩-৬॥
33.7
আত্মবদ্ভিঃ বিগৃহ্য ত্বম্ দেব গংধর্ব দানবৈঃ ।
অয়ুক্ত চারঃ চপলঃ কথম্ রাজা ভবিষ্যসি ॥৩-৩৩-৭॥
33.8
ত্বম্ তু বাল স্বভাবৎ চ বুদ্ধি হীনঃ চ রাক্ষস ।
জ্ঞাতব্যম্ তু ন জানীষি কথম্ রাজা ভবিষ্যসি ॥৩-৩৩-৮॥
33.9
যেষাম্ চারঃ চ কোশঃ চ নয়ঃ চ জয়তাম্ বর ।
অস্বাধীনা নরেন্দ্রাণাম্ প্রাকৃতৈঃ তে জনৈঃ সমাঃ ॥৩-৩৩-৯॥
33.10
যস্মাৎ পশ্যন্তি দূরস্থান্ সর্বান্ অর্থান্ নরাধিপাঃ ।
চারেণ তস্মাৎ উচ্যন্তে রাজানো দীর্ঘ চক্ষুষঃ ॥৩-৩৩-১০॥
33.11
অয়ুক্ত চারম্ মন্যে ত্বাম্ প্রাকৃতৈঃ সচিবৈঃ যুতঃ ।
স্ব জনম্ চ জনস্থানম্ নিহতম্ ন অববুধ্যসে ॥৩-৩৩-১১॥
33.12
চতুর্দশ সহস্রাণি রক্ষসাম্ ভীম কর্মণাম্ ।
হতানি একেন রামেণ খরঃ চ সহ দূষণঃ ॥৩-৩৩-১২॥
33.13
ঋষীণাম্ অভয়ম্ দত্তম্ কৃত ক্ষেমাঃ চ দণ্ডকাঃ ।
ধর্ষিতম্ চ জনস্থানম্ রামেণ অক্লিষ্ট কারিণা ॥৩-৩৩-১৩॥
33.14
ত্বম্ তু লুব্ধঃ প্রমত্তঃ চ পরাধীনঃ চ রাবণ ।
বিষয়ে স্বে সমুত্পন্নম্ যো ভয়ম্ ন অববুধ্যসে ॥৩-৩৩-১৪॥
33.15
তীক্ষ্ণম্ অল্প প্রদাতারম্ প্রমত্তম্ গর্বিতম্ শঠম্ ।
ব্যসনে সর্ব ভূতানি ন অভিধাবন্তি পার্থিবম্ ॥৩-৩৩-১৫॥
33.16
অতিমানিনম্ অগ্রাহ্যম্ আত্ম সংভাবিতম্ নরম্ ।
ক্রোধিনম্ ব্যসনে হন্তি স্ব জনো অপি নরাধিপম্ ॥৩-৩৩-১৬॥
33.17
ন অনুতিষ্ঠতি কার্যাণি ভয়েষু ন বিভেতি চ ।
ক্ষিপ্রম্ রাজ্যাৎ চ্যুতো দীনঃ তৃণৈঃ তুল্যো ভবেৎ ইহ ॥৩-৩৩-১৭॥
33.18
শুষ্ক কাষ্ঠৈঃ ভবেৎ কার্যম্ লোষ্টৈঃ অপি চ পাংসুভিঃ ।
ন তু স্থানাৎ পরিভ্রষ্টৈঃ কার্যম্ স্যাৎ বসুধাধিপৈঃ ॥৩-৩৩-১৮॥
33.19
উপভুক্তম্ যথা বাসঃ স্রজো বা মৃদিতা যথা ।
এবম্ রাজ্যাৎ পরিভ্রষ্টঃ সমর্থো অপি নিরর্থকঃ ॥৩-৩৩-১৯॥
33.20
অপ্রমত্তঃ চ যো রাজা সর্বজ্ঞো বিজিতেন্দ্রিয়ঃ ।
কৃতজ্ঞো ধর্ম শীলঃ চ স রাজা তিষ্ঠতে চিরম্ ॥৩-৩৩-২০॥
33.21
নয়নাভ্যাম্ প্রসুপ্তো বা জাগর্তি নয় চক্ষুষা ।
ব্যক্ত ক্রোধ প্রসাদঃ চ স রাজা পূজ্যতে জনৈঃ ॥৩-৩৩-২১॥
33.22
ত্বম্ তু রাবণ দুর্বুদ্ধিঃ গুণৈঃ এতৈঃ বিবর্জিতঃ ।
যস্য তে অবিদিতঃ চারৈঃ রক্ষসাম্ সুমহান্ বধঃ ॥৩-৩৩-২২॥
33.23
পর অবমংতা বিষয়েষু সংগবান্ন দেশ কাল প্রবিভাগ তত্ত্ব বিৎ ।
অয়ুক্ত বুদ্ধিঃ গুণ দোষ নিশ্চয়েবিপন্ন রাজ্যো ন চিরাৎ বিপত্স্যতে ॥৩-৩৩-২৩॥
33.24
ইতি স্ব দোষান্ পরিকীর্তিতাম্ তয়াসমীক্ষ্য বুদ্ধ্যা ক্ষণদা চরেশ্বরঃ ।
ধনেন দর্পেণ বলেন চ অন্বিতোবিচিন্তয়ামাস চিরম্ স রাবণঃ ॥৩-৩৩-২৪॥