Utshovসর্গ 34
34.1
ততঃ শূর্পণখাম্ দৃষ্ট্বা ব্রুবন্তীম্ পরুষম্ বচঃ ।
অমাত্য মধ্যে সংকৃউদ্ধঃ পরিপপ্রচ্ছ রাবণঃ ॥৩-৩৪-১॥
34.2
কঃ চ রামঃ কথম্ বীর্যঃ কিম্ রূপঃ কিম্ পরাক্রমঃ ।
কিম্ অর্থম্ দণ্ডকারণ্যম্ প্রবিষ্টঃ চ সুদুস্তরম্ ॥৩-৩৪-২॥
34.3
আয়ুধম্ কিম্ চ রামস্য যেন তে রাক্ষসাঃ হতা ।
খরঃ চ নিহতঃ সংখ্যে দূষণঃ ত্রিশিরাঃ তথা ॥৩-৩৪-৩॥
34.4
তৎ ত্বম্ ব্রূহি মনোজ্ঞান্গী কেন ত্বম্ চ বিরূপিতা ।
ইতি উক্তা রাক্ষস ইন্দ্রেণ রাক্ষসী ক্রোধ মূর্চ্ছিতা ॥৩-৩৪-৪॥
34.5
ততো রামম্ যথা ন্যায়ম্ আখ্যাতুম্ উপচক্রমে ।
দীর্ঘবাহুঃ বিশালাক্ষঃ চীর কৃষ্ণ অজিন অম্বরঃ ॥৩-৩৪-৫॥
34.6
কন্দর্প সম রূপঃ চ রামো দশরথ আত্মজঃ ।
শক্র চাপ নিভম্ চাপম্ বিকৃষ্য কনকাংগদম্ ॥৩-৩৪-৬॥
34.7
দীপ্তান্ ক্ষিপতি নারাচান্ সর্পান্ ইব মহা বিষান্ ।
ন আদদানম্ শরান্ ঘোরান্ ন মুংচংতম্ মহাবলম্ ॥৩-৩৪-৭॥
34.8
ন কার্মুকম্ বিকর্ষন্তম্ রামম্ পশ্যামি সংয়ুগে ।
হন্যমানম্ তু তৎ সৈন্যম্ পশ্যামি শর বৃষ্টিভিঃ ॥৩-৩৪-৮॥
34.9
ইন্দ্রেণ ইব উত্তমম্ সস্যম্ আহতম্ তু অশ্ম বৃষ্টিভিঃ ।
রক্ষসাম্ ভীম বীর্যাণাম্ সহস্রাণি চতুর্দশ ॥৩-৩৪-৯॥
34.10
নিহতানি শরৈঃ তীক্ষ্ণৈঃ তেন একেন পদাতিনা ।
অর্ধাধিক মুহূর্তেন খরঃ চ সহ দূষণঃ ॥৩-৩৪-১০॥
34.11
ঋষীণাম্ অভয়ম্ দত্তম্ কৃত ক্ষেমাঃ চ দণ্ডকাঃ ॥৩-৩৪-১১॥
34.12
একা কথংচিৎ মুক্তা অহম্ পরিভূয় মহাত্মনা ।
স্ত্রী বধম্ শংকমানেন রামেণ বিদিতাত্মনা ॥৩-৩৪-১২॥
34.13
ভ্রাতা চ অস্য মহাতেজা গুণতঃ তুল্য বিক্রমঃ ।
অনুরক্তঃ চ ভক্তঃ চ লক্ষ্মণো নাম বীর্যবান্ ॥৩-৩৪-১৩॥
34.14
অমর্ষী দুর্জয়ো জেতা বিক্রান্তো বুদ্ধিমান্ বলী ।
রামস্য দক্ষিণে বাহুঃ নিত্যম্ প্রাণো বহিঃ চরঃ ॥৩-৩৪-১৪॥
34.15
রামস্য তু বিশালাক্ষী পূর্ণেন্দু সদৃশ আননা ।
ধর্ম পত্নী প্রিয়া নিত্যম্ ভর্তৃঃ প্রিয় হিতে রতা ॥৩-৩৪-১৫॥
34.16
সা সুকেশী সুনাসোরুঃ সুরূপা চ যশস্বিনী ।
দেবত ইব বনস্থ অস্যরাজতে শ্রীর্ ইব অপরা ॥৩-৩৪-১৬॥
34.17
তপ্ত কাংচন বর্ণ আভা রক্ত তুংগ নখী শুভা ।
সীতা নাম বরারোহা বৈদেহী তনু মধ্যমা ॥৩-৩৪-১৭॥
34.18
ন এব দেবী ন গংধর্বা ন যক্ষী ন চ কিংনরী ।
তথা রূপা ময়া নারী দৃষ্ট পূর্বা মহীতলে ॥৩-৩৪-১৮॥
34.19
যস্য সীতা ভবেৎ ভার্যা যম্ চ হৃষ্টা পরিষ্বজেৎ ।
অতি জীবেৎ স সর্বেষু লোকেষু অপি পুরংদরাৎ ॥৩-৩৪-১৯॥
34.20
সা সুশীলা বপুঃ শ্লাঘ্যা রূপেণ অপ্রতিমা ভুবি ।
তব অনুরূপা ভার্যা সা ত্বম্ চ তস্যাঃ পতিঃ বরঃ ॥৩-৩৪-২০॥
34.21
তাম্ তু বিস্তীর্ণ জঘনাম্ পীন উত্তুংগ পয়ো ধরাম্ ।
ভার্যা অর্থে তু তব আনেতুম্ উদ্যতা অহম্ বর আননাম্ ॥৩-৩৪-২১॥
34.22
তাম্ তু দৃষ্ট্বা অদ্য বৈদেহীম্ পূর্ণ চন্দ্র নিভ আননাম্ ॥৩-৩৪-২২॥
34.23
মন্মথস্য শরাণাম্ চ ত্বম্ বিধেয়ো ভবিষ্যসি ।
যদি তস্যাম্ অভিপ্রায়ো ভার্যা অর্থে তব জায়তে ।শীঘ্রম্ উদ্ ধ্রিয়তাম্ পাদো জয়ার্থম্ ইহ দক্ষিণঃ ॥৩-৩৪-২৩॥
34.24
রোচতে যদি তে বাক্যম্ মম এতৎ রাক্ষসেশ্বর ।
ক্রিয়তাম্ নির্বিশংকেন বচনম্ মম রাবণ ॥৩-৩৪-২৪॥
34.25
বিজ্ঞায় ইহ আত্ম শক্তিম্ চ ক্রিয়তাম্ চ মহাবল ।
সীতা তব অনবদ্যাংগী ভার্যত্বে রাক্ষসেশ্বর ॥৩-৩৪-২৫॥
34.26
নিশম্য রামেণ শরৈঃ অজিহ্মগৈঃহতান্ জনস্থান গতান্ নিশাচরান্ ।
খরম্ চ দৃষ্ট্বা নিহতম্ চ দূষণম্ত্বম্ অদ্য কৃত্যম্ প্রতিপত্তুম্ অর্হসি ॥৩-৩৪-২৬॥