Utshovসর্গ 32
32.1
ততঃ শূর্পণখা দৃষ্ট্বা সহস্রাণি চতুর্দশ ।
হতানি একেন রামেণ রক্ষসাম্ ভীম কর্মণাম্ ॥৩-৩২-১॥
32.2
দূষণম্ চ খরম্ চৈব হতম্ ত্রিশিরসম্ রণে ।
দৃষ্ট্বা পুনর্ মহানাদম্ ননাদ জলদ উপমা ॥৩-৩২-২॥
32.3
সা দৃষ্ট্বা কর্ম রামস্য কৃতম্ অন্যৈঃ সুদুষ্করম্ ।
জগাম পরম উদ্বিগ্না লংকাম্ রাবণ পালিতাম্ ॥৩-৩২-৩॥
32.4
সা দদর্শ বিমান অগ্রে রাবণম্ দীপ্ত তেজসম্ ।
উপোপবিষ্টম্ সচিবৈঃ মরুদ্ভিঃ ইব বাসবম্ ॥৩-৩২-৪॥
32.5
আসীনম্ সূর্য সংকাশে কাংচনে পরমাসনে ।
রুক্ম বেদি গতম্ প্রাজ্যম্ জ্বলংতম্ ইব পাবকম্ ॥৩-৩২-৫॥
32.6
দেব গন্ধর্ব ভূতানাম্ ঋষীণাম্ চ মহাত্মনাম্ ।
অজেয়ম্ সমরে ঘোরম্ ব্যাত্ত আননম্ ইব অন্তকম্ ॥৩-৩২-৬॥
32.7
দেব অসুর বিমর্দেষু বজ্র অশনি কৃত ব্রণম্ ।
ঐরাবত বিষাণ অগ্রৈঃ উত্কৃষ্ট কিণ বক্ষসম্ ॥৩-৩২-৭॥
32.8
বিংশৎ ভুজম্ দশ গ্রীবম্ দর্শনীয় পরিচ্ছদম্ ।
বিশাল বক্ষসম্ বীরম্ রাজ লক্ষ্মণ লক্ষিতম্ ॥৩-৩২-৮॥
32.9
নদ্ধ বৈদূর্য সংকাশম্ তপ্ত কান্চন কুণ্ডলম্ ।
সুভুজম্ শুক্ল দশনম্ মহা আস্যম্ পর্বতোপমম্ ॥৩-৩২-৯॥
32.10
বিষ্ণু চক্র নিপাতৈঃ চ শতশো দেব সংয়ুগে ।
অন্যৈঃ শস্ত্রৈঃ প্রহারৈঃ চ মহায়ুদ্ধেষু তাডিতম্ ॥৩-৩২-১০॥
32.11
আহত অংগম্ সমস্তৈঃ চ দেব প্রহরণৈঃ তথা ।
অক্ষোভ্যাণাম্ সমুদ্রাণাম্ ক্ষোভণম্ ক্ষিপ্র কারিণম্ ॥৩-৩২-১১॥
32.12
ক্ষেপ্তারম্ পর্বত অগ্রাণাম্ সুরাণাম্ চ প্রমর্দনম্ ।
উচ্ছেত্তারম্ চ ধর্মাণাম্ পর দার অভিমর্শনম্ ॥৩-৩২-১২॥
32.13
সর্ব দিব্য অস্ত্র যোক্তারম্ যজ্ঞ বিঘ্ন করম্ সদা ।
পুরীম্ ভোগবতীম্ গত্বা পরাজিত্য চ বাসুকিম্ ॥৩-৩২-১৩॥
32.14
তক্ষকস্য প্রিয়াম্ ভার্যাম্ পরাজিত্য জহার যঃ ।
কৈলাসম্ পর্বতম্ গত্বা বিজিত্য নর বাহনম্ ॥৩-৩২-১৪॥
32.15
বিমানম্ পুষ্পকম্ তস্য কামগম্ বৈ জহার যঃ ।
বনম্ চৈত্ররথম্ দিব্যম্ নলিনীম্ নংদনম্ বনম্ ॥৩-৩২-১৫॥
32.16
বিনাশয়তি যঃ ক্রোধাৎ দেব উদ্যানানি বীর্যবান্ ।
চন্দ্র সূর্যৌ মহা ভাগৌ উত্তিষ্ঠন্তৌ পরংতপৌ ॥৩-৩২-১৬॥
32.17
নিবারয়তি বাহুভ্যাম্ যঃ শৈল শিখরোপমঃ ।
দশ বর্ষ সহস্রাণি তপঃ তপ্ত্বা মহাবনে ॥৩-৩২-১৭॥
32.18
পুরা স্বয়ংভুবে ধীরঃ শিরাংসি উপজহার যঃ ।
দেব দানব গধর্ব পিশাচ পতগ উরগৈঃ ॥৩-৩২-১৮॥
32.19
অভয়ম্ যস্য সংগ্রামে মৃত্যুতো মানুষাদ্ ঋতে ।
মন্ত্রৈঃ অভিতুষ্টম্ পুণ্যম্ অধ্বরেষু দ্বিজাতিভিঃ ॥৩-৩২-১৯॥
32.20
হবির্ধানেষু যঃ সোমম্ উপহন্তি মহাবলঃ ।
প্রাপ্ত যজ্ঞ হরম্ দুষ্টম্ ব্রহ্ম ঘ্নম্ ক্রূর কারিণম্ ॥৩-৩২-২০॥
32.21
কর্কশম্ নিরনুক্রোশম্ প্রজানাম্ অহিতে রতম্ ।
রাবণম্ সর্ব ভূতানাম্ সর্ব লোক ভয়াবহম্ ॥৩-৩২-২১॥
32.22
রাক্ষসী ভ্রাতরম্ ক্রূরম্ সা দদর্শ মহাবলম্ ।
তম্ দিব্য বস্ত্র আভরণম্ দিব্য মাল্য উপশোভিতম্ ॥৩-৩২-২২॥
32.23
আসনে সূপবিষ্টম্ তম্ কালে কালম্ ইব উদ্যতম্ ।
রাক্ষসেন্দ্রম্ মহাভাগম্ পৌলস্ত্য কুল নন্দনম্ ॥৩-৩২-২৩॥
32.24
উপগম্য অব্রবীৎ বাক্যম্ রাক্ষসী ভয় বিহ্বলা ।
রাবণম্ শত্রু হন্তারম্ মংত্রিভিঃ পরিবারিতম্ ॥৩-৩২-২৪॥
32.25
তম্ অব্রবীৎ দীপ্ত বিশাল লোচনম্প্রদর্শয়িত্বা ভয় লোভ মোহিতা ।
সুদারুণম্ বাক্যম্ অভীত চারিণীমহাত্মনা শূর্পণখা বিরূপিতা ॥৩-৩২-২৫॥