Utshovসর্গ 30
30.1
ভিত্ত্বা তু তাম্ গদাম্ বাণৈঃ রাঘবো ধর্ম বত্সলঃ ।
স্ময়মানঃ খরম্ বাক্যম্ সংরব্ধম্ ইদম্ অব্রবীৎ ॥৩-৩০-১॥
30.2
এতৎ তে বল সর্বস্বম্ দর্শিতম্ রাক্ষসাধম ।
শক্তি হীনতরো মত্তো বৃথা ত্বম্ উপগর্জসি ॥৩-৩০-২॥
30.3
এষা বাণ বিনির্ভিন্না গদা ভূমি তলম্ গতা ।
অভিধান প্রগল্ভস্য তব প্রত্যয় ঘাতিনী ॥৩-৩০-৩॥
30.4
যৎ ত্বয়া উক্তম্ বিনষ্টানাম্ ইদম্ অশ্রু প্রমার্জনম্ ।
রাক্ষসানাম্ করোমি ইতি মিথ্যা তৎ অপি তে বচঃ ॥৩-৩০-৪॥
30.5
নীচস্য ক্ষুদ্র শীলস্য মিথ্যা বৃত্তস্য রক্ষসঃ ।
প্রাণান্ অপহরিষ্যামি গরুত্মান্ অমৃতম্ যথা ॥৩-৩০-৫॥
30.6
অদ্য তে ভিন্ন কণ্ঠস্য ফেন বুদ্বুদ ভূষিতম্ ।
বিদারিতস্য মৎ বাণৈঃ মহী পাস্যতি শোণিতম্ ॥৩-৩০-৬॥
30.7
পাংসু রূষিত সর্বান্গঃ স্রস্ত ন্যস্ত ভুজ দ্বয়ঃ ।
স্বপ্স্যসে গাম্ সমাশ্লিষ্য দুর্লভাম্ প্রমদাম্ ইব ॥৩-৩০-৭॥
30.8
প্রবৃদ্ধ নিদ্রে শয়িতে ত্বয়ি রাক্ষস পাংসনে ।
ভবিষ্যন্তি অশরণ্যানাম্ শরণ্যা দণ্ডকা ইমে ॥৩-৩০-৮॥
30.9
জনস্থানে হত স্থানে তব রাক্ষস মৎ শরৈঃ ।
নির্ভয়া বিচরিষ্যন্তি সর্বতো মুনয়ো বনে ॥৩-৩০-৯॥
30.10
অদ্য বিপ্রসরিষ্যন্তি রাক্ষস্যো হত বান্ধবাঃ ।
বাষ্প আর্দ্র বদনা দীনা ভয়াৎ অন্য ভয়াবহাঃ ॥৩-৩০-১০॥
30.11
অদ্য শোক রসজ্ঞাঃ তাঃ ভবিষ্যন্তি নিরর্থকাঃ ।
অনুরূপ কুলাঃ পত্ন্যো যাসাম্ ত্বম্ পতিঃ ঈদৃশঃ ॥৩-৩০-১১॥
30.12
নৃশংস শীল ক্ষুদ্র আত্মন্ নিত্যম্ ব্রাহ্মণ কণ্টক ।
ত্বৎ কৃতে শন্কিতৈঃ অগ্নৌ মুনিভিঃ পাত্যতে হবিঃ ॥৩-৩০-১২॥
30.13
তম্ এবম্ অভিসংরব্ধম্ ব্রুবাণম্ রাঘবম্ রণে ।
খরো নির্ভর্ত্সয়ামাস রোষাৎ খরতর স্বরঃ ॥৩-৩০-১৩॥
30.14
দৃঢম্ খলু অবলিপ্তো অসি ভয়েষু অপি চ নির্ভয়ঃ ।
বাচ্য অবাচ্যম্ ততো হি ত্বম্ মৃত্যু বশ্যো ন বুধ্যসে ॥৩-৩০-১৪॥
30.15
কাল পাশ পরিক্ষিপ্তা ভবংতি পুরুষা হি যে ।
কার্য অকার্যম্ ন জানন্তি তে নিরস্ত ষড্ ইন্দ্রিয়াঃ ॥৩-৩০-১৫॥
30.16
এবম্ উক্ত্বা ততো রামম্ সংরুধ্য ভৃকুটিম্ ততঃ ।
স দদর্শ মহা সালম্ অবিদূরে নিশাচরঃ ॥৩-৩০-১৬॥
30.17
রণে প্রহরণস্য অর্থে সর্বতো হি অবলোকয়ন্ ।
স তম্ উত্পাটয়ামাস সংদষ্ট দশন চ্ছদম্ ॥৩-৩০-১৭॥
30.18
তম্ সমুত্ক্ষিপ্য বাহুভ্যাম্ বিনর্দিত্বা মহাবলঃ ।
রামম্ উদ্দিশ্য চিক্ষেপ হতঃ ত্বম্ ইতি চ অব্রবীৎ ॥৩-৩০-১৮॥
30.19
তম্ আপতন্তম্ বাণ ওঘৈঃ চ্ছিত্ত্বা রামঃ প্রতাপবান্ ।
রোষম্ আহারয়ৎ তীব্রম্ নিহংতুম্ সমরে খরম্ ॥৩-৩০-১৯॥
30.20
জাত স্বেদঃ ততো রামো রোষাৎ রক্ত অন্ত লোচনঃ ।
নির্বিভেদ সহস্রেণ বাণানাম্ সমরে খরম্ ॥৩-৩০-২০॥
30.21
তস্য বাণ অংতরাৎ রক্তম্ বহু সুস্রাব ফেনিলম্ ।
গিরেঃ প্রস্রবণস্য ইব ধারাণাম্ চ পরিস্রবঃ ॥৩-৩০-২১॥
30.22
বিকল স কৃতো বাণৈঃ খরো রামেণ সংয়ুগে ।
মত্তো রুধির গন্ধেন তম্ এব অভ্যদ্রবৎ দ্রুতম্ ॥৩-৩০-২২॥
30.23
তম্ আপতংতম্ সংরব্ধম্ কৃত অস্ত্রো রুধির আপ্লুতম্ ।
অপসর্পৎ দ্বি ত্রি পদম্ কিংচিৎ ত্বরিত বিক্রমঃ ॥৩-৩০-২৩॥
30.24
ততঃ পাবক সংকাশম্ বধায় সমরে শরম্ ।
খরস্য রামো জগ্রাহ ব্রহ্ম দণ্ডম্ ইব অপরম্ ॥৩-৩০-২৪॥
30.25
স তৎ দত্তম্ মঘবতা সুর রাজেন ধীমতা ।
সংদধে চ স ধর্মাত্মা মুমোচ চ খরম্ প্রতি ॥৩-৩০-২৫॥
30.26
স বিমুক্তো মহাবাণো নির্ঘাত সম নিঃস্বনঃ ।
রামেণ ধনুরায়ম্য খরস্য উরসি চ আপতৎ ॥৩-৩০-২৬॥
30.27
স পপাত খরো ভূমৌ দহ্যমানঃ শর অগ্নিনা ।
রুদ্রেণ এব বিনির্দগ্ধঃ শ্বেত অরণ্যে যথা অন্ধকঃ ॥৩-৩০-২৭॥
30.28
স বৃত্র ইব বজ্রেণ ফেনেন নমুচির্ যথাঅ ।
বলো বা ইন্দ্র অশনি হতো নিপপাত হতঃ খরঃ ॥৩-৩০-২৮॥
30.29
এতস্মিন্ অংতরে দেবাঃ চারণয়োঃ সহ সংগতাঃ ।
দুন্দুভিঃ চ অভিনিঘ্নংতঃ পুষ্প বর্ষ সমংততঃ ॥৩-৩০-২৯॥
30.30
রামস্য উপরি সংহৃষ্টা ববর্ষুঃ বিস্মিতাঃ তদা ।
অর্থ অধিক মুহূর্তেন রামেণ নিশিতৈঃ শরৈঃ ॥৩-৩০-৩০॥
30.31
চতুর্ দশ সহস্রাণি রক্ষ্সাম্ কাম রূপিণাম্ ।
খর দূষণ মুখ্যানাম্ নিহতানি মহামৃধে ॥৩-৩০-৩১॥
30.32
অহো বত মহৎ কর্ম রামস্য বিদিত আত্মনঃ ।
অহো বীর্যম্ অহো দার্ঢ্যম্ বিষ্ণোঃ ইব হি দৃশ্যতে ॥৩-৩০-৩২॥
30.33
ইতি এবম্ উক্ত্বা তে সর্বে যয়ুঃ দেবা যথা আগতম্।
ততো রাজ ঋষয়ঃ সর্বে সম্গতাঃ পরম ঋষয়ঃ ॥৩-৩০-৩৩॥
30.34
সভাজ্য মুদিতা রামম্ স অগস্ত্যা ইদম্ অব্রুবন্ ।
এতৎ অর্থম্ মহাতেজা মহেন্দ্রঃ পাক শাসনঃ ॥৩-৩০-৩৪॥
30.35
শরভংগ আশ্রমম্ পুণ্যম্ আজগাম পুরংদরঃ ।
আনীতঃ ত্বম্ ইমম্ দেশম্ উপায়েন মহর্ষিভিঃ ॥৩-৩০-৩৫॥
30.36
এষাম্ বধ অর্থম্ শত্রূণাম্ রক্ষসাম্ পাপ কর্মণাম্ ।
তৎ ইদম্ নঃ কৃতম্ কার্যম্ ত্বয়া দশরথ আত্মজ ॥৩-৩০-৩৬॥
30.37
স্ব ধর্মম্ প্রচরিষ্যন্তি দণ্ডকেষু মহর্ষয়ঃ ।
এতস্মিন্ অনংতরে বীরো লক্ষ্মণঃ সহ সীতয়া ॥৩-৩০-৩৭॥
30.38
গিরি দুর্গাৎ বিনিষ্ক্রম্য সংবিবেশ আশ্রমম্ সুখী ।
ততো রামঃ তু বিজয়ী পূজ্যমানো মহর্ষিভিঃ ॥৩-৩০-৩৮॥
30.39
প্রবিবেশ আশ্রমম্ বীরো লক্ষ্মণেন অভিপূজিতঃ ।
তম্ দৃষ্ট্বা শত্রু হংতারম্ মহর্ষীণাম্ সুখ আবহম্ ॥৩-৩০-৩৯॥
30.40
বভূব হৃষ্টা বৈদেহী ভর্তারম্ পরিষ্বজে ।
মুদা পরময়া যুক্তা দৃষ্ট্বা রক্ষো গণান্ হতান্ ।রামম্ চ এব অব্যয়ম্ দৃষ্টা তুতোষ জনক আত্মজা ॥৩-৩০-৪০॥
30.41
ততঃ তু তম্ রাক্ষস সংঘ মর্দনম্স পূজ্যমানম্ মুদিতৈঃ মহাত্মভিঃ ।
পুনঃ পরিষ্বজ্য মুদা অন্বিত আননাবভূব হৃষ্টা জনক আত্মজা তদা ॥৩-৩০-৪১॥