Utshovসর্গ 29
29.1
খরম্ তু বিরথম্ রামো গদা পাণিম্ অবস্থিতম্ ।
মৃদু পূর্বম্ মহাতেজাঃ পরুষম্ বাক্যম্ অব্রবীৎ ॥৩-২৯-১॥
29.2
গজ অশ্ব রথ সংবাধে বলে মহতি তিষ্ঠতা ।
কৃতম্ সুদারুণম্ কর্ম সর্ব লোক জুগুপ্সিতম্ ॥৩-২৯-২॥
29.3
উদ্বেজনীয়ো ভূতানাম্ নৃশংসঃ পাপ কর্মকৃৎ ।
ত্রয়াণাম্ অপি লোকানাম্ ঈশ্বরো অপি ন তিষ্ঠতি ॥৩-২৯-৩॥
29.4
কর্ম লোক বিরুদ্ধম্ তু কুর্বাণম্ ক্ষণদা চর ।
তীক্ষ্ণম্ সর্ব জনো হন্তি সর্পম্ দুষ্টম্ ইব আগতম্ ॥৩-২৯-৪॥
29.5
লোভাৎ পাপানি কুর্বাণঃ কামাৎ বা যো ন বুধ্যতে ।
হৃষ্টঃ পশ্যতি তস্য অন্তম্ ব্রাহ্মণী করকাৎ ইব ॥৩-২৯-৫॥
29.6
বসতো দণ্ডকারণ্যে তাপসান্ ধর্ম চারিণঃ ।
কিম্ নু হত্বা মহাভাগান্ ফলম্ প্রাপ্স্যসি রাক্ষস ॥৩-২৯-৬॥
29.7
ন চিরম্ পাপ কর্মাণঃ ক্রূরা লোক জুগুপ্সিতাঃ ।
ঐশ্বর্যম্ প্রাপ্য তিষ্ঠন্তি শীর্ণ মূলা ইব দ্রুমাঃ ॥৩-২৯-৭॥
29.8
অবশ্যম্ লভতে কর্তা ফলম্ পাপস্য কর্মণঃ ।
ঘোরম্ পর্যাগতে কালে দ্রুমঃ পুষ্পম্ ইব আর্তবম্ ॥৩-২৯-৮॥
29.9
ন চিরাৎ প্রাপ্যতে লোকে পাপানাম্ কর্মণাম্ ফলম্ ।
স বিষাণাম্ ইব অন্নানাম্ ভুক্তানাম্ ক্ষণদাচর ॥৩-২৯-৯॥
29.10
পাপম্ আচরতাম্ ঘোরম্ লোকস্য অপ্রিয়ম্ ইচ্ছতাম্ ।
অহম্ আসাদিতো রাজ্ঞা প্রাণান্ হন্তুম্ নিশাচর ॥৩-২৯-১০॥
29.11
অদ্য ভিত্বা ময়া মুক্তাঃ শরাঃ কাংচন ভূষণাঃ ।
বিদার্য অতিপতিষ্যন্তি বল্মীকম্ ইব পন্নগাঃ ॥৩-২৯-১১॥
29.12
যে ত্বয়া দণ্ডকারণ্যে ভক্ষিতা ধর্ম চারিণঃ ।
তান্ অদ্য নিহতঃ সংখ্যে স সৈন্যো অনুগমিষ্যসি ॥৩-২৯-১২॥
29.13
অদ্য ত্বাম্ নিহতম্ বাণৈঃ পশ্যন্তু পরমর্ষয়ঃ ।
নিরয়স্থম্ বিমানস্থা যে ত্বয়া নিহতা পুরা ॥৩-২৯-১৩॥
29.14
প্রহরস্ব যথা কামম্ কুরু যত্নম্ কুলাধম ।
অদ্য তে পাতয়িষ্যামি শিরঃ তাল ফলম্ যথা ॥৩-২৯-১৪॥
29.15
এবম্ উক্তঃ তু রামেণ ক্রুদ্ধঃ সংরক্ত লোচনঃ ।
প্রতি উবাচ ততো রামম্ প্রহসন্ ক্রোধ মূর্চিতঃ ॥৩-২৯-১৫॥
29.16
প্রাকৃতান্ রাক্ষসান্ হত্বা যুদ্ধে দশরথ আত্মজ ।
আত্মনা কথম্ আত্মানম্ অপ্রশস্যম্ প্রশম্সসি ॥৩-২৯-১৬॥
29.17
বিক্রান্তা বলবন্তো বা যে ভবন্তি নরর্ষভাঃ ।
কথয়ন্তি ন তে কিংচিৎ তেজসা স্বেন গর্বিতাঃ ॥৩-২৯-১৭॥
29.18
প্রাকৃতাঃ তু অকৃত আত্মানো লোকে ক্ষত্রিয় পাংসনাঃ ।
নিরর্থকম্ বিকত্থন্তে যথা রাম বিকত্থসে ॥৩-২৯-১৮॥
29.19
কুলম্ ব্যপদিশন্ বীরঃ সমরে কো অভিধাস্যতি ।
মৃত্যু কালে হি সংপ্রাপ্তে স্বয়ম্ অপ্রস্তবে স্তবম্ ॥৩-২৯-১৯॥
29.20
সর্বথা তু লঘুত্বম্ তে কত্থনেন বিদর্শিতম্ ।
সুবর্ণ প্রতিরূপেণ তপ্তেন ইব কুশ অগ্নিনা ॥৩-২৯-২০॥
29.21
ন তু মাম্ ইহ তিষ্ঠংতম্ পশ্যসি ত্বম্ গদা ধরম্ ।
ধরাধরম্ ইব অকংপ্যম্ পর্বতম্ ধাতুভিঃ চিতম্ ॥৩-২৯-২১॥
29.22
পর্যাপ্তো অহম্ গদা পাণির্ হন্তুম্ প্রাণান্ রণে তব ।
ত্রয়াণাম্ অপি লোকানাম্ পাশ হস্ত ইব অংতকঃ ॥৩-২৯-২২॥
29.23
কামম্ বহু অপি বক্তব্যম্ ত্বয়ি বক্ষ্যামি ন তু অহম্ ।
অস্তম্ প্রাপ্নোতি সবিতা যুদ্ধ বিঘ্নঃ ততো ভবেৎ ॥৩-২৯-২৩॥
29.24
চতুর্দশ সহস্রাণি রাক্ষসানাম্ হতানি তে ।
ত্বৎ বিনাশাৎ করোমি অদ্য তেষাম্ অশ্রু প্রমার্জনম্ ॥৩-২৯-২৪॥
29.25
ইতি উক্ত্বা পরম ক্রুদ্ধঃ তাম্ গদাম্ পরম অন্গদাম্ ।
খরঃ চিক্ষেপ রামায় প্রদীপ্তাম্ অশনিম্ যথা ॥৩-২৯-২৫॥
29.26
খর বাহু প্রমুক্তা সা প্রদীপ্তা মহতী গদা ।
ভস্ম বৃক্ষাম্ চ গুল্মাম্ চ কৃত্বা অগাৎ তৎ সমীপতঃ ॥৩-২৯-২৬॥
29.27
তাম্ আপতন্তীম্ মহতীম্ মৃত্যু পাশ উপমাম্ গদাম্ ।
অংতরিক্ষ গতাম্ রামঃ চিচ্ছেদ বহুধা শরৈঃ ॥৩-২৯-২৭॥
29.28
সা বিশীর্ণা শরৈঃ ভিন্না পপাত ধরণী তলে ।
গদা মংত্র ঔষধি বলৈর্ ব্যালী ইব বিনিপাতিতা ॥৩-২৯-২৮॥