Utshovসর্গ 28
28.1
নিহতম্ দূষণম্ দৃষ্ট্বা রণে ত্রিশিরসা সহ ।
খরস্য অপি অভবৎ ত্রাসো দৃষ্ট্বা রামস্য বিক্রমম্ ॥৩-২৮-১॥
28.2
স দৃষ্ট্বা রাক্ষসম্ সৈন্যম্ অবিষহ্যম্ মহাবলম্ ।
হতম্ একেন রামেণ দূষণঃ ত্রিশিরা অপি ॥৩-২৮-২॥
28.3
তদ্ বলম্ হত ভূয়িষ্ঠম্ বিমনাঃ প্রেক্ষ্য রাক্ষসঃ ।
আসসাদ খরো রামম্ নমুচির্ বাসবম্ যথা ॥৩-২৮-৩॥
28.4
বিকৃষ্য বলবৎ চাপম্ নারাচান্ রক্ত ভোজনান্ ।
খরঃ চিক্ষেপ রামায় ক্রুদ্ধান্ আশী বিষান্ ইব ॥৩-২৮-৪॥
28.5
জ্যাম্ বিধুন্বন্ সুবহুশঃ শিক্ষয়া অস্ত্রাণি দর্শয়ন্ ।
চচার সমরে মার্গান্ শরৈ রথ গতঃ খরঃ ॥৩-২৮-৫॥
28.6
স সর্বাঃ চ দিশো বাণৈঃ প্রদিশঃ চ মহারথঃ ।
পূরয়ামাস তম্ দৃষ্ট্বা রামো অপি সুমহৎ ধনুঃ ॥৩-২৮-৬॥
28.7
স সায়কৈঃ দুর্বিষহৈঃ স স্ফুলিন্গৈঃ ইব অগ্নিভিঃ ।
নভঃ চকার অবিবরম্ পর্জন্য ইব বৃষ্টিভিঃ ॥৩-২৮-৭॥
28.8
তদ্ বভূব শিতৈঃ বাণৈঃ খর রাম বিসর্জিতৈঃ ।
পরি আকাশম্ অনাকাশম্ সর্বতঃ শর সংকুলম্ ॥৩-২৮-৮॥
28.9
শর জাল আবৃতঃ সূর্যো ন তদা স্ম প্রকাশতে ।
অন্যোন্য বধ সংরম্ভাৎ উভয়োঃ সংপ্রয়ুধ্যতোঃ ॥৩-২৮-৯॥
28.10
ততো নালীক নারাচৈঃ তীক্ষ্ণ অগ্রৈঃ চ বিকর্ণিভিঃ ।
আজঘান রণে রামম্ তোত্রৈর্ ইব মহা দ্বিপম্ ॥৩-২৮-১০॥
28.11
তম্ রথস্থম্ ধনুষ্ পাণিম্ রাক্ষসম্ পর্যবস্থিতম্ ।
দদৃশুঃ সর্ব ভূতানি পাশ হস্তম্ ইব অংতকম্ ॥৩-২৮-১১॥
28.12
হন্তারম্ সর্ব সৈন্যস্য পৌরুষে পর্যবস্থিতম্ ।
পরিশ্রন্তম্ মহাসত্ত্বম্ মেনে রামম্ খরঃ তদা ॥৩-২৮-১২॥
28.13
তম্ সিংহম্ ইব বিক্রান্তম্ সিংহ বিক্রান্ত গামিনম্ ।
দৃষ্ট্বা ন উদ্বিজতে রামঃ সিংহঃ ক্ষুদ্র মৃগম্ যথা ॥৩-২৮-১৩॥
28.14
ততঃ সূর্য নিকাশেন রথেন মহতা খরঃ ।
আসসাদ অথ তম্ রামম্ পতংগ ইব পাবকম্ ॥৩-২৮-১৪॥
28.15
ততো অস্য সশরম্ চাপম্ মুষ্টি দেশে মহাত্মনঃ ।
খরঃ চিচ্ছেদ রামস্য দর্শয়ন্ হস্ত লাঘবম্ ॥৩-২৮-১৫॥
28.16
স পুনঃ তু অপরান্ সপ্ত শরান্ আদায় বর্মণি ।
নিজঘান রণে ক্রুদ্ধঃ শক্র অশনি সম প্রভান্ ॥৩-২৮-১৬॥
28.17
ততঃ শর সহস্রেণ রামম্ অপ্রতিম ওজসম্ ।
অর্দয়িত্বা মহানাদম্ ননাদ সমেরে খরঃ ॥৩-২৮-১৭॥
28.18
ততঃ তৎ প্রহতম্ বাণৈঃ খর মুক্তৈঃ সুপর্বভিঃ ।
পপাত কবচম্ ভূমৌ রামস্য আদিত্য বর্চসঃ ॥৩-২৮-১৮॥
28.19
স শরৈঃ অর্পিতঃ ক্রুদ্ধঃ সর্ব গাত্রেষু রাঘবঃ ।
ররাজ সমরে রামো বিধূমো অগ্নির্ ইব জ্বলন্ ॥৩-২৮-১৯॥
28.20
ততো গংভীর নির্হ্রাদম্ রামঃ শত্রু নিবর্হণঃ ।
চকার অংতায় স রিপোঃ সজ্যম্ অন্যন্ মহৎ ধনুঃ ॥৩-২৮-২০॥
28.21
সুমহৎ বৈষ্ণবম্ যৎ তৎ অতিসৃষ্টম্ মহর্ষিণা ।
বরম্ তৎ ধনুঃ উদ্যম্য খরম্ সমভিধাবত ॥৩-২৮-২১॥
28.22
ততঃ কনক পুংখৈঃ তু শরৈঃ সংনত পর্বভিঃ ।
চিচ্ছেদ রামঃ সংক্রুদ্ধঃ খরস্য সমরে ধ্বজম্ ॥৩-২৮-২২॥
28.23
স দর্শনীয়ো বহুধা বিচ্ছিন্নঃ কাংচনো ধ্বজঃ ।
জগাম ধরণীম্ সূর্যো দেবতানাম্ ইব আজ্ঞয়া ॥৩-২৮-২৩॥
28.24
তম্ চতুর্ভিঃ খরঃ ক্রুদ্ধো রামম্ গাত্রেষু মার্গণৈঃ ।
বিব্যাধ হৃদি মর্মজ্ঞো মাতংগম্ ইব তোমরৈঃ ॥৩-২৮-২৪॥
28.25
স রামো বহুভিঃ বাণৈঃ খর কার্মুক নিঃসৃতৈঃ ।
বিদ্ধো রুধির সিক্তাংগো বভূব রুষিতো ভৃশম্ ॥৩-২৮-২৫॥
28.26
স ধনুর্ ধন্বিনাম্ শ্রেষ্ঠঃ প্রগৃহ্য পরম আহবে ।
মুমোচ পরম ইষ্বাসঃ ষট্ শরান্ অভিলক্ষিতান্ ॥৩-২৮-২৬॥
28.27
শিরসি একেন বাণেন দ্বাভ্যাম্ বাহ্বোর্ অথ আর্পয়ৎ ।
ত্রিভিঃ চন্দ্র অর্ধ বক্ত্রৈঃ চ বক্ষসি অভিজঘান হ ॥৩-২৮-২৭॥
28.28
ততঃ পশ্চাৎ মহাতেজা নারাচান্ ভাস্কর উপমান্ ।
জঘান রাক্ষসম্ ক্রুদ্ধঃ ত্রয়োদশ শিলা অশিতান্ ॥৩-২৮-২৮॥
28.29
রথস্য যুগম্ একেন চতুর্ভিঃ শবলান্ হয়ান্ ।
ষষ্ঠেন চ শিরঃ সংখ্যে চিচ্ছেদ খর সারথেঃ ॥৩-২৮-২৯॥
28.30
ত্রিভিঃ ত্রিবেণূন্ বলবান্ দ্বাভ্যাম্ অক্ষম্ মহাবলঃ ।
দ্বাদশেন তু বাণেন খরস্য স শরম্ ধনুঃ ॥৩-২৮-৩০॥
28.31
ছিত্ত্বা বজ্র নিকাশেন রাঘবঃ প্রহসন্ ইব ।
ত্রয়োদশেন ইন্দ্র সমো বিভেদ সমরে খরম্ ॥৩-২৮-৩১॥
28.32
প্রভগ্ন ধন্বা বিরথো হত অশ্বো হত সারথিঃ ।
গদা পাণিঃ অবপ্লুত্য তস্থৌ ভূমৌ খরঃ তদা ॥৩-২৮-৩২॥
28.33
তৎ কর্ম রামস্য মহারথস্যসমেত্য দেবাঃ চ মহর্ষয়ঃ চ ।
অপূজয়ন্ প্রাংজলয়ঃ প্রহৃষ্টাঃতদা বিমান অগ্র গতাঃ সমেতাঃ ॥৩-২৮-৩৩॥