Utshovসর্গ 27
27.1
খরম্ তু রাম অভিমুখম্ প্রয়াংতম্ বাহিনী পতিঃ ।
রাক্ষসঃ ত্রিশিরা নাম সংনিপত্য ইদম্ অব্রবীৎ ॥৩-২৭-১॥
27.2
মাম্ নিয়োজয় বিক্রাংতম্ ত্বম্ নিবর্তস্ব সাহসাৎ ।
পশ্য রামম্ মহাবাহুম্ সংয়ুগে বিনিপাতিতম্ ॥৩-২৭-২॥
27.3
প্রতিজানামি তে সত্যম্ আয়ুধম্ চ অহম্ আলভে ।
যথা রামম্ বধিষ্যামি বধার্হম্ সর্ব রক্ষসাম্ ॥৩-২৭-৩॥
27.4
অহম্ বা অস্য রণে মৃত্যুঃ এষ বা সমরে মম ।
বিনিবর্ত্য রণ উত্সাহম্ মুহূর্তম্ প্রাশ্নিকো ভব ॥৩-২৭-৪॥
27.5
প্রহৃষ্টো বা হতে রামে জনস্থানম্ প্রয়াস্যসি ।
ময়ি বা নিহতে রামম্ সংয়ুগায় প্রয়াস্যসি ॥৩-২৭-৫॥
27.6
খরঃ ত্রিশিরসা তেন মৃত্যু লোভাৎ প্রসাদিতঃ ।
গচ্ছ যুধ্য ইতি অনুজ্ঞাতো রাঘব অভিমুখো যয়ৌ ॥৩-২৭-৬॥
27.7
ত্রিশিরাঃ তু রথেন এব বাজি যুক্তেন ভাস্বতা ।
অভ্যদ্রবৎ রণে রামম্ ত্রি শৃংগ ইব পর্বতঃ ॥৩-২৭-৭॥
27.8
শর ধারা সমূহান্ স মহামেঘ ইব উত্সৃজন্ ।
ব্যসৃজৎ সদৃশম্ নাদম্ জল আর্দ্রস্য ইব দুন্দুভেঃ ॥৩-২৭-৮॥
27.9
আগচ্ছংতম্ ত্রিশিরসম্ রাক্ষসম্ প্রেক্ষ্য রাঘবঃ ।
ধনুষা প্রতিজগ্রাহ বিধুন্বন্ সায়কান্ শিতান্ ॥৩-২৭-৯॥
27.10
স সংপ্রহারঃ তুমুলো রাম ত্রিশিরসোঃ তদা ।
সংবভূব অতীব বলিনোঃ সিংহ কুং~জরয়োঃ ইব ॥৩-২৭-১০॥
27.11
ততঃ ত্রিশিরসা বাণৈঃ ললাটে তাডিতঃ ত্রিভিঃ ।
অমর্ষী কুপিতো রামঃ সংরব্ধম্ ইদম্ অব্রবীৎ ॥৩-২৭-১১॥
27.12
অহো বিক্রম শূরস্য রাক্ষসস্য ঈদৃশম্ বলম্ ।
পুষ্পৈঃ ইব শরৈঃ যস্য ললাটে অস্মি পরিক্ষতঃ ॥৩-২৭-১২॥
27.13
মম অপি প্রতিগৃহ্ণীষ্ব শরান্ চাপ গুণ চ্যুতান্ ।
এবম্ উক্ত্বা সুসংরব্ধঃ শরান্ আশীবিষ উপমান্ ॥৩-২৭-১৩॥
27.14
ত্রিশিরো বক্ষসি ক্রুদ্ধো নিজঘান চতুর্ দশ ।
চতুর্ভিঃ তুরগান্ অস্য শরৈঃ সংনত পর্বাভিঃ ॥৩-২৭-১৪॥
27.15
ন্যপাতয়ত তেজস্বী চতুরঃ তস্য বাজিনঃ ।
অষ্টভিঃ সায়কৈঃ সূতম্ রথ উপস্থে ন্যপাতয়ৎ ॥৩-২৭-১৫॥
27.16
রামঃ চিচ্ছেদ বাণেন ধ্বজম্ চ অস্য সমুচ্ছ্রিতম্ ।
ততো হত রথাৎ তস্মাৎ উত্পতংতম্ নিশাচরম্ ॥৩-২৭-১৬॥
27.17
চিচ্ছেদ রামঃ তম্ বাণৈঃ হৃদয়ে সো অভবৎ জডঃ ।
সায়কৈঃ চ অপ্রমেয় আত্মা সামর্ষঃ তস্য রক্ষসঃ ॥৩-২৭-১৭॥
27.18
শিরাংসি অপাতয়ৎ ত্রীণি বেগবদ্ভিঃ ত্রিভিঃ শতৈঃ ।
স ধূম শোণিত উদ্গারী রাম বাণ অভিপীডিতঃ ॥৩-২৭-১৮॥
27.19
ন্যপতৎ পতিতৈঃ পূর্বম্ সমরস্থো নিশাচরঃ ।
হত শেষাঃ ততো ভগ্না রাক্ষসাঃ খর সংশ্রয়াঃ ॥৩-২৭-১৯॥
27.20
দ্রবন্তি স্ম ন তিষ্ঠন্তি ব্যাঘ্র ত্রস্তা মৃগা ইব ।
তান্ খরো দ্রবতো দৃষ্ট্বা নিবর্ত্য রুষিতঃ ত্বরন্ ।রামম্ এব অভিদুদ্রাব রাহুঃ চন্দ্রমসম্ যথা ॥৩-২৭-২০॥