Utshovসর্গ 26
26.1
দূষণঃ তু স্বকম্ সৈন্যম্ হন্যমানম্ বিলোক্য চ ।
সংদিদেশ মহাবাহুঃ ভীম বেগান্ নিশাচরান্ ॥৩-২৬-১॥
26.2
রাক্ষসান্ পংচ সাহস্রান্ সমরেষু অনিবর্তিনঃ ।
তে শূলৈঃ পট্টিশৈঃ কদগৈঃ শিলা বরষৈঃ দ্রুমৈঃ ॥৩-২৬-২॥
26.3
শর বর্ষৈঃ বিচ্ছিন্নম্ ববর্ষুঃ তম্ সমন্ততঃ ।
তৎ দ্রুমাণাম্ শিলানাম্ চ বর্ষম্ প্রাণ হরম্ মহৎ ॥৩-২৬-৩॥
26.4
প্রতিজগ্রাহ ধর্মাত্মা রাঘবঃ তীক্ষ্ণ সায়কৈঃ ।
প্রতিগৃহ্য চ তদ্ বর্ষম্ নিমীলিত ইব ঋষভঃ ॥৩-২৬-৪॥
26.5
রামঃ ক্রোধম্ পরম্ লেভে বধ অর্থম্ সর্ব রক্ষসাম্ ।
ততঃ ক্রোধ সমাবিষ্টঃ প্রদীপ্ত ইব তেজসা ॥৩-২৬-৫॥
26.6
শরৈঃ অভ্যকিরৎ সৈন্যম্ সর্বতঃ সহ দূষণম্ ।
ততঃ সেনা পতিঃ ক্রুদ্ধো দূষণঃ শত্রু দূষণঃ ॥৩-২৬-৬॥
26.7
শরৈঃ অশনি কল্পৈঃ তম্ রাঘবম্ সমবারয়ৎ ।
ততো রামঃ সংক্রুদ্ধঃ ক্ষুরেণ অস্য মহৎ ধনুঃ ॥৩-২৬-৭॥
26.8
চিচ্ছেদ সমরে বীরঃ চতুর্ভিঃ চতুরো হয়ান্ ।
হত্বা চ অশ্বান্ শরৈঃ তীক্ষ্ণৈঃ অর্থ চন্দ্রেণ সারথে ॥৩-২৬-৮॥
26.9
শিরো জহার তদ্ রক্ষঃ ত্রিভির্ বিব্যাধ বক্ষসি ।
স চ্ছিন্ন ধন্বা বিরথো হত অশ্বো হত সারথিঃ ॥৩-২৬-৯॥
26.10
জগ্রাহ গিরি শৃংগ আভম্ পরিঘম্ রোম হর্ষণম্ ।
বেষ্টিতম্ কাংচনৈঃ পট্টৈঃ দেব সৈন্য অভিমর্দনম্ ॥৩-২৬-১০॥
26.11
আয়সৈঃ শংকুভিঃ তীক্ষ্ণৈঃ কীর্ণম্ পর বসা উক্ষিতাম্ ।
বজ্র অশনি সম স্পর্শম্ পর গোপুর দারণম্ ॥৩-২৬-১১॥
26.12
তম্ মহা উরগ সংকাশম্ প্রগৃহ্য পরিঘম্ রণে ।
দূষণো অভ্যপতৎ রামম্ ক্রূর কর্মা নিশাচরঃ ॥৩-২৬-১২॥
26.13
তস্য অভিপতমানস্য দূষণস্য স রাঘবঃ ।
দ্বাভ্যাম্ শরাভ্যাম্ চিচ্ছেদ স হস্ত আভরণৌ ভুজৌ ॥৩-২৬-১৩॥
26.14
ভ্রষ্টঃ তস্য মহাকায়ঃ পপাত রণ মূর্ধনি ।
পরিঘঃ ছিন্ন হস্তস্য শক্র ধ্বজ ইব অগ্রতঃ ॥৩-২৬-১৪॥
26.15
করাভ্যাম্ চ বিকীর্ণাভ্যাম্ পপাত ভুবি দূষণঃ ।
বিষাণাভ্যাম্ বিশীর্ণাভ্যাম্ মনস্বী ইব মহাগজঃ ॥৩-২৬-১৫॥
26.16
দৃষ্ট্বা তম্ পতিতম্ ভূমৌ দূষণম্ নিহতম্ রণে ।
সাধু সাধু ইতি কাকুত্স্থম্ সর্ব ভূতানি অপূজয়ন্ ॥৩-২৬-১৬॥
26.17
এতস্মিন্ অন্তরে ক্রুদ্ধাঃ ত্রয়ঃ সেনা অগ্র যায়িনঃ ।
সংহত্য অভ্যদ্রবন্ রামম্ মৃত্যু পাশ অবপাশিতাঃ ॥৩-২৬-১৭॥
26.18
মহাকপালঃ স্থূলাক্ষঃ প্রমাথী চ মহাবলঃ ।
মহাকপালো বিপুলম্ শূলম্ উদ্যম্য রাক্ষসঃ ॥৩-২৬-১৮॥
26.19
স্থূলাক্ষঃ পট্টিশম্ গৃহ্য প্রমাথী চ পরশ্বধম্ ।
দৃষ্ট্বা এব আপততঃ তাম্ তু রাঘবঃ সায়কৈঃ শিতৈঃ ॥৩-২৬-১৯॥
26.20
তীক্ষ্ণ অগ্রৈঃ প্রতিজগ্রাহ সংপ্রাপ্তান্ অতিথীন্ ইব ।
মহাকপালস্য শিরঃ চিচ্ছেদ রঘুনংদনঃ ॥৩-২৬-২০॥
26.21
অসংখ্যেয়ৈঃ তু বাণ ওঘৈঃ প্রমমাথ প্রমাথিনম্ ।
স্থূলাক্ষস্য অক্ষিণী স্থূলে পূরয়ামাস সায়কৈঃ ॥৩-২৬-২১॥
26.22
স পপাত হতো ভূমৌ বিটপী ইব মহাদ্রুমঃ ।
দূষণস্য অনুগান্ পংচ সহস্রান্ কুপিতঃ ক্ষণাৎ ॥৩-২৬-২২॥
26.23
হত্বা তু পংচ সহস্রান্ অনয়ৎ যম সদনম্ ।
দূষণম্ নিহতম্ শ্রুত্বা তস্য চ এব পদানুগান্ ॥৩-২৬-২৩॥
26.24
ব্যাদিদেশ খরঃ ক্রুদ্ধো সেন অধ্যক্ষান্ মহাবলান্ ।
অয়ম্ বিনিহতঃ সংখ্যে দূষণঃ স পদানুগাঃ ॥৩-২৬-২৪॥
26.25
মহত্যা সেনয়া সার্ধম্ যুদ্ধ্বা রামম্ কুমানুষম্ ।
শস্ত্রৈঃ নানা বিধ অকারৈঃ হনধ্বম্ সর্ব রাক্ষসাঃ ॥৩-২৬-২৫॥
26.26
এবম্ উক্ত্বা খরঃ ক্রুদ্ধো রামম্ এব অভি দুদ্রুবে ।
শ্যেনগামী পৃথুগ্রীবো যজ্ঞশত্রুর্ বিহংগমঃ ॥৩-২৬-২৬॥
26.27
দুর্জয়ঃ করবীরাক্ষঃ পরুষঃ কালকার্মুকঃ ।
হেমমালী মহামালী সর্পস্যো রুধিরাশনঃ ॥৩-২৬-২৭॥
26.28
দ্বাদশ এতে মহাবীর্যা বল অধ্যক্ষাঃ ।
স সৈনিকাঃরমম্ এব অভ্যধাবংত বিসৃজংতঃ শরোত্তমান্ ॥৩-২৬-২৮॥
26.29
ততঃ পাবক সংকাশৈঃ হেম বজ্র বিভূষিতৈঃ ।
জঘন শেষম্ তেজস্বী তস্য সৈন্যস্য সায়কৈঃ ॥৩-২৬-২৯॥
26.30
তে রুক্ম পুংখা বিশিখাঃ স ধূমা ইব পাবকাঃ ।
নিজঘ্নুঃ তানি রক্ষাংসি বজ্রা ইব মহাদ্রুমান্ ॥৩-২৬-৩০॥
26.31
রক্ষসাম্ তু শতম্ রামঃ শতেন একেন কর্ণিনা ।
সহস্রম্ তু সহস্রেণ জঘান রণ মূর্ধনি ॥৩-২৬-৩১॥
26.32
তৈঃ ভিন্ন বর্ম আভরণাঃ ছিন্ন ভিন্ন শর আসনাঃ ।
নিপেতুঃ শোণিত আদিগ্ধা ধরণ্যাম্ রজনীচরাঃ ॥৩-২৬-৩২॥
26.33
তৈঃ মুক্ত কেশৈঃ সমরে পতিতৈঃ শোণিত উক্ষিতৈঃ ।
বিস্তীর্ণা বসুধা কৃত্স্না মহাবেদিঃ কুশৈঃ ইব ॥৩-২৬-৩৩॥
26.34
তৎ ক্ষণে তু মহা ঘোরম্ বনম্ নিহত রাক্ষসম্ ।
বভূব নিরয় প্রখ্যম্ মাংস শোণিত কর্দমম্ ॥৩-২৬-৩৪॥
26.35
চতুর্দশ সহস্রাণি রক্ষসাম্ ভীম কর্মণাম্ ।
হতানি একেন রামেণ মানুষেণ পদাতিনা ॥৩-২৬-৩৫॥
26.36
তস্য সৈন্যস্য সর্বস্য খরঃ শেষো মহারথঃ ।
রাক্ষসঃ ত্রিশিরাঃ চৈব রামঃ চ রিপুসূদনঃ ॥৩-২৬-৩৬॥
26.37
শেষা হতা মহাবীর্যা রাক্ষসা রণ মূর্ধনি ।
ঘোরা দুর্বিষহাঃ সর্বে লক্ষ্মণস্য অগ্রজেন ॥৩-২৬-৩৭॥
26.38
ততঃ তু তদ্ ভীম বলম্ মহা আহবেসমীক্ষ্য রামেণ হতম্ বলীয়সা ।
রথেন রামম্ মহতা খরঃ ততঃসমাসসাদ ইন্দ্র ইব উদ্যত অশনিঃ ॥৩-২৬-৩৮॥