সর্গ 21

21.1

স পুনঃ পতিতাম্ দৃষ্ট্বা ক্রোধাৎ শূর্পণখাম্ খরঃ ।
উবাচ ব্যক্ততা বাচা তাম্ অনর্থ অর্থম্ আগতাম্ ॥৩-২১-১॥

ময়া তু ইদানীম্ শূরাঃ তে রাক্ষসা পিশিত অশনাঃ ।
ত্বৎ প্রিয়ার্থম্ বিনির্দিষ্টাঃ কিম্ অর্থম্ রুদ্যতে পুনঃ ॥৩-২১-২॥

ভক্তাঃ চৈব অনুরক্তাঃ চ হিতাঃ চ মম নিত্যশঃ ।
হন্যমানা অপি ন হন্যন্তে ন ন কুর্যুঃ বচো মম ॥৩-২১-৩॥

কিম্ এতৎ শ্রোতুম্ ইচ্ছামি কারণম্ যৎ কৃতে পুনঃ ।
হা নাথ ইতি বিনর্দন্তী সর্পবৎ চেষ্টসে ক্ষিতৌ ॥৩-২১-৪॥

অনাথ বৎ বিলপসি কিম্ নু নাথে ময়ি স্থিতে ।
উত্তিষ্ঠোত্তিষ্ঠ মা মৈবম্ বৈক্লব্যম্ ত্যজ্যতাম্ ইতি ॥৩-২১-৫॥

ইতি এবম্ উক্তা দুর্ধর্ষা খরেণ পরিসান্ত্বিতা ।
বিমৃজ্য নয়নে স অস্রে খরম্ ভ্রাতরম্ অব্রবীৎ ॥৩-২১-৬॥

অস্মি ইদানীম্ অহম্ প্রপ্তা হত শ্রবণ নাসিকা ।
শোণিত ওঘ পরিক্লিন্না ত্বয়া চ পরিসমন্বিতা ॥৩-২১-৭॥

প্রেষিতাঃ চ ত্বয়া শূরা রাক্ষসাঃ তে চতুর্ দশ ।
নিহন্তুম্ রাঘবম্ ঘোরাম্ মৎ প্রিয়ার্থম্ স লক্ষ্মণম্ ॥৩-২১-৮॥

তে তু রামেণ সামর্ষাঃ শূল পট্টিস পাণয়ঃ ।
সমরে নিহতাঃ সর্বে সায়কৈঃ মর্ম ভেদিভিঃ ॥৩-২১-৯॥

তান্ ভূমৌ পতিতান্ দৃষ্ট্বা ক্ষণেন এব মহাজবান্ ।
রামস্য চ মহৎ কর্ম মহান্ ত্রাসো অভবন্ মম ॥৩-২১-১০॥

সা অস্মি ভীতা সমুদ্বিগ্না বিষণ্ণা চ নিশাচর ।
শরণম্ ত্বাম্ পুনঃ প্রাপ্তা সর্বতো ভয় দর্শিনী ॥৩-২১-১১॥

বিষাদ নক্র অধ্যুষিতে পরিত্রাস ঊর্মি মালিনি ।
কিম্ মাম্ ন ত্রায়সে মগ্নাম্ বিপুলে শোক সাগরে ॥৩-২১-১২॥

এতে চ নিহতা ভূমৌ রামেণ নিশিতৈঃ শরৈঃ ।
যে চ মে পদবীম্ প্রাপ্তা রাক্ষসাঃ পিশিত অশনাঃ ॥৩-২১-১৩॥

ময়ি তে যদি অনুক্রোশো যদি রক্ষঃসু তেষু চ ।
রামেণ যদি শক্তিঃ তে তেজো বা অস্তি নিশা চর ॥৩-২১-১৪॥

দণ্ডকারণ্য নিলয়ম্ জহি রাক্ষস কণ্টকম্ ।
যদি রামম্ অমিত্রঘ্নম্ ন ত্বম্ অদ্য বধিষ্যসি ॥৩-২১-১৫॥

তব চৈব অগ্রতঃ প্রাণান্ ত্যক্ষ্যামি নিরপত্রপা ।
বুদ্ধ্যা অহম্ অনুপশ্যামি ন ত্বম্ রামস্য সংয়ুগে ॥৩-২১-১৬॥

স্থাতুম্ প্রতি মুখে শক্তঃ স বলো অপি মহা রণে ।
শূরমানী ন শূরঃ ত্বম্ মিথ্যা আরোপিত বিক্রমঃ ॥৩-২১-১৭॥

অপয়াহি জন স্থানাৎ ত্বরিতঃ সহ বান্ধবঃ ।
জহি ত্বম্ সমরে মূঢান্ যথা তু কুলপাংসন ॥৩-২১-১৮॥

মানুষৌ তৌ ন শক্নোষি হন্তুম্ বৈ রাম লক্ষ্মণৌ ।
নিঃসত্ত্বস্য অল্প বীর্যস্য বাসঃ তে কীদৃশঃ তু ইহ ॥৩-২১-১৯॥

রাম তেজো অভিভূতো হি ত্বম্ ক্ষিপ্রম্ বিনশিষ্যসি ।
স হি তেজঃ সমায়ুক্তো রামো দশরথাত্মজঃ ॥৩-২১-২০॥

ভ্রাতা চ অস্য মহা বীর্যো যেন চ অস্মি বিরূপিতা ।
এবম্ বিলাপ্য বহুশো রাক্ষ্সী প্রদরোদরী ॥৩-২১-২১॥

ভ্রাতুঃ সমীপে শোক আর্তা নষ্ট সংজ্ঞা বভূব হ ।
করাভ্যাম্ উদরম্ হত্বা রুরোদ ভৃশ দুঃখিতা ॥৩-২১-২২॥