Utshovসর্গ 20
20.1
ততঃ শূর্পণখা ঘোরা রাঘব আশ্রমম্ আগতা ।
রক্ষসান্ আচচক্ষে তৌ ভ্রাতরৌ সহ সীতয়া ॥৩-২০-১॥
20.2
তে রামম্ পর্ণ শালায়াম্ উপবিষ্টম্ মহাবলম্ ।
দদৃশুঃ সীতয়া সার্ধম্ লক্ষ্মণেন অপি সেবিতম্ ॥৩-২০-২॥
20.3
তাম্ দৃষ্ট্বা রাঘবঃ শ্রীমান্ আগতাম্ তাম্ চ রাক্ষসীম্ ।
অব্রবীৎ ভ্রাতরম্ রামো লক্ষ্মণম্ দীপ্ত তেজসম্ ॥৩-২০-৩॥
20.4
মুহূর্তম্ ভব সৌমিত্রে সীতায়াঃ প্রত্যনংতরঃ ।
ইমান্ অস্যা বধিষ্যামি পদবীম্ আগতান্ ইহ ॥৩-২০-৪॥
20.5
বাক্যম্ এতৎ ততঃ শ্রুত্বা রামস্য বিদিত আত্মনঃ ।
তথা ইতি লক্ষ্মণো বাক্যম্ রামস্য প্রত্যপূজয়ৎ ॥৩-২০-৫॥
20.6
রাঘবো অপি মহৎ চাপম্ চামীকর বিভূষিতম্ ।
চকার সজ্যম্ ধর্মাত্মা তানি রক্ষাংসি চ অব্রবীৎ ॥৩-২০-৬॥
20.7
পুত্রৌ দশরথস্য আবাম্ ভ্রাতরৌ রাম লক্ষ্মণৌ ।
প্রবিষ্টৌ সীতয়া সার্ধম্ দুশ্চরম্ দণ্ডকা বনম্ ॥৩-২০-৭॥
20.8
ফল মূল অশনৌ দাংতৌ তাপসৌ ধর্ম চারিণৌ ।
বসন্তৌ দণ্ডকারণ্যে কিম্ অর্থম্ উপহিংসথ ॥৩-২০-৮॥
20.9
যুষ্মান্ পাপ আত্মকান্ হংতুম্ বিপ্রকারান্ মহাহবে ।
ঋষীণাম্ তু নিয়োগেন প্রাপ্তো অহম্ সশর আসনঃ ॥৩-২০-৯॥
20.10
তিষ্ঠত এব অত্র সংতুষ্টা ন উপবরিতিতুম্ অর্হথ ।
যদি প্রাণৈঃ ইহ অর্থো বো নিবর্তধ্বম্ নিশা চরাঃ ॥৩-২০-১০॥
20.11
তস্য তদ্ বচনম্ শ্রুত্বা রাক্ষসাঃ তে চতুর্দশ ।
ঊচুর্ বাচম্ সুসংক্রুদ্ধা ব্রহ্মঘ্নঃ শূল পাণয়ঃ ॥৩-২০-১১॥
20.12
সংরক্ত নয়না ঘোরা রামম্ রক্তাংত লোচনম্ ।
পরুষা মধুর আভাষম্ হৃষ্টাঃ অদৃষ্ট পরাক্রমম্ ॥৩-২০-১২॥
20.13
ক্রোধম্ উত্পাদ্য নো ভর্তুঃ খরস্য সুমহাত্মনঃ ।
ত্বম্ এব হাস্যসে প্রাণান্ অদ্য অস্মাভির্ হতো যুধি ॥৩-২০-১৩॥
20.14
কা হি তে শক্তির্ একস্য বহূনাম্ রণ মূর্ধনি ।
অস্মাকম্ অগ্রতঃ স্থাতুম্ কিম্ পুনর্ যোদ্ধুম্ আহবে ॥৩-২০-১৪॥
20.15
এভিঃ বাহু প্রয়ুক্তৈঃ নঃ পরিঘৈঃ শূল পট্টিশৈঃ ।
প্রাণাম্ ত্যক্ষ্যসি বীর্যম্ চ ধনুঃ চ কর পীডিতম্ ॥৩-২০-১৫॥
20.16
ইতি এবম্ উক্ত্বা সংরব্ধা রাক্ষসাঃ তে চতুর্দশ ।
উদ্যত আয়ুধ নিস্ত্রিংশা রামম্ এব অভিদুদ্রুবুঃ ॥৩-২০-১৬॥
20.17
চিক্ষিপুঃ তানি শূলানি রাঘবম্ প্রতি দুর্জয়ম্ ।
তানি শূলানি কাকুত্স্থঃ সমস্তানি চতুর্দশ ॥৩-২০-১৭॥
20.18
তাবদ্ভিঃ এব চিচ্ছেদ শরৈঃ কাংচন ভূষিতৈঃ ।
ততঃ পশ্চাৎ মহাতেজা নারাচান্ সূর্য সংনিভান্ ॥৩-২০-১৮॥
20.19
জগ্রাহ পরম ক্রুদ্ধঃ চতুর্দশ শিল অশিতান্ ।
গৃহীত্বা ধনুঃ আয়ম্য লক্ষ্যান্ উদ্দিশ্য রাক্ষসান্ ॥৩-২০-১৯॥
20.20
মুমোচ রাঘবো বাণান্ বজ্রান্ ইব শতক্রতুঃ ।
তে ভিত্ত্বা রক্ষসাম্ বেগাৎ বক্ষাংসি রুধির আপ্লুতাঃ ॥৩-২০-২০॥
20.21
বিনিষ্পেতুঃ তদা ভূমৌ বল্মীকাৎ ইব পন্নগাঃ ।
তৈঃ ভগ্ন হৃদয়া বূমৌ ছিন্ন মূলা ইব দ্রুমাঃ ॥৩-২০-২১॥
20.22
নিপেতুঃ শোণিত স্নাতা বিকৃতা বিগত অসবঃ ।
তান্ ভূমৌ পতিতান্ দৃষ্ট্বা রাক্ষসী ক্রোধ মূর্চ্ছিতা ॥৩-২০-২২॥
20.23
উপগম্য খরম্ সা তু কিংচিৎ সংশুষ্ক শোণিতা ।
পপাত পুনঃ এব আর্তা সনির্যাসা ইব বল্লরী ॥৩-২০-২৩॥
20.24
ভ্রাতুঃ সমীপে শোক আর্তা সসর্জ নিনদম্ মহৎ ।
সস্বরম্ মুমোচ বাষ্পম্ বিবর্ণ বদনা তদা ॥৩-২০-২৪॥
20.25
নিপাতিতান্ প্রেক্ষ্য রণে তু রাক্ষসান্ প্রধাবিতা শূর্পণখা পুনঃ ততঃ ।
বধম্ চ তেষাম্ নিখিলেন রক্ষসাম্ শশংস সর্বম্ ভগিনী খরস্য সা ॥৩-২০-২৫॥