Utshovসর্গ 19
19.1
তাম্ তথা পতিতাম্ দৃষ্ট্বা বিরূপাম্ শোণিত উক্ষিতাম্ ।
ভগিনীম্ ক্রোধ সংতপ্তঃ খরঃ পপ্রচ্ছ রাক্ষসঃ ॥৩-১৯-১॥
19.2
উত্তিষ্ঠ তাবৎ আখ্যাহি প্রমোহম্ জহি সংভ্রমম্ ।
ব্যক্তম্ আখ্যাহি কেন ত্বম্ এবম্ রূপা বিরূপিতা ॥৩-১৯-২॥
19.3
কঃ কৃষ্ণ সর্পম্ অসীনম্ আশী বিষম নাগসম্ ।
তুদতি অভিসমাপন্নম্ অংগুলি অগ্রেণ লীলয়া ॥৩-১৯-৩॥
19.4
কাল পাশম্ সমাসজ্য কণ্ঠে মোহাৎ ন জানতে ।
যঃ ত্বাম্ অদ্য সমাসাদ্য পীতবান্ বিষম্ উত্তমম্ ॥৩-১৯-৪॥
19.5
বল বিক্রম সংপন্না কামগা কাম রূপিণী ।
ইমাম্ অবস্থাম্ নীতা ত্বম্ কেন অংতক সমা গতা ॥৩-১৯-৫॥
19.6
দেব গন্ধর্ব ভূতানাম্ ঋষীণাম্ চ মহাত্মনাম্ ।
কো অয়ম্ এবম্ মহাবীর্যঃ ত্বাম্ বিরূপাম্ চকার হ ॥৩-১৯-৬॥
19.7
ন হি পশ্যামি অহম্ লোকে যঃ কুর্যাৎ মম বিপ্রিয়ম্ ।
অমরেষু সহস্রাক্ষম্ মহএন্দ্রম্ পাকশাসনম্ ॥৩-১৯-৭॥
19.8
অদ্য অহম্ মার্গণৈঃ প্রাণান্ আদাস্যে জীবিতাংতগৈঃ ।
সলিলে ক্ষীরম্ আসক্তম্ নিষ্পিবন্ ইব সারসঃ ॥৩-১৯-৮॥
19.9
নিহতস্য ময়া সংখ্যে শর সংকৃত্ত মর্মণঃ ।
সফেনম্ রুধিরম্ কস্য মেদিনী পাতুম্ ইচ্ছসি ॥৩-১৯-৯॥
19.10
কস্য পত্ররথাঃ কায়াৎ মাংসম্ উত্কৃত্য সংগতাঃ ।
প্রহৃষ্টা ভক্ষয়িষ্যন্তি নিহতস্য ময়া রণে ॥৩-১৯-১০॥
19.11
তম্ ন দেবা ন গংধর্বা ন পিশাচা ন রাক্ষসাঃ ।
ময়া অপকৃষ্টম্ কৃপণম্ শক্তাঃ ত্রাতুম্ ইহ আহবে ॥৩-১৯-১১॥
19.12
উপলভ্য শনৈঃ সংজ্ঞাম্ তম্ মে শংসিতুম্ অর্হসি ।
যেন ত্বম্ দুর্বিনীতেন বনে বিক্রম্য নির্জিতা ॥৩-১৯-১২॥
19.13
ইতি ভ্রাতুর্ বচঃ শ্রুত্বা ক্রুদ্ধস্য চ বিশেষতঃ ।
ততঃ শূর্পণখা বাক্যম্ সবাষ্পম্ ইদম্ অব্রবীৎ ॥৩-১৯-১৩॥
19.14
তরুণৌ রূপ সংপন্নৌ সুকূমারৌ মহাবলৌ ।
পুণ্ডরীক বিশালাক্ষৌ চীর কৃষ্ণ অজিন অংবরৌ ॥৩-১৯-১৪॥
19.15
ফল মূল অশিনৌ দান্তৌ তাপসৌ ব্রহ্মচারিণৌ ।
পুত্রৌ দশরথস্য আস্তাম্ ভ্রাতরৌ রাম লক্ষ্মনৌ ॥৩-১৯-১৫॥
19.16
গন্ধর্ব রাজ প্রতিমৌ পার্থিব ব্যন্জন অন্বিতৌ ।
দেবৌ বা দানবৌ - মানুষৌ - বা তৌ ন তর্কয়িতুম্ উত্সহে ॥৩-১৯-১৬॥
19.17
তরুণী রূপসংপন্না সর্বাঅভরণ ভূষিতা ।
দৃষ্টা তত্র ময়া নারী তয়োর্ মধ্যে সুমধ্যমা ॥৩-১৯-১৭॥
19.18
তাভ্যাম্ উভাভ্যাম্ সংভূয় প্রমদাম্ অধিকৃত্য তাম্ ।
ইমাম্ অবস্থাম্ নীতা অহম্ যথা অনাথা সতী তথা ॥৩-১৯-১৮॥
19.19
তস্যাঃ চ অনৃজু বৃত্তায়াঃ তয়োঃ চ হতয়োর্ অহম্ ।
সফেনম্ পাতুম্ ইচ্ছামি রুধিরম্ রণ মূর্ধনি ॥৩-১৯-১৯॥
19.20
এষ মে প্রথমঃ কামঃ কৃতঃ তত্র ত্বয়া ভবেৎ ।
তস্যাঃ তয়োঃ চ রুধিরম্ পিবেয়ম্ অহম্ আহবে ॥৩-১৯-২০॥
19.21
ইতি তস্যাম্ ব্রুবাণায়াম্ চতুর্ দশ মহাবলান্ ।
ব্যাদিদেশ খরঃ ক্রুদ্ধো রাক্ষসান্ অংতকোপমান্ ॥৩-১৯-২১॥
19.22
মানুষৌ শস্ত্র সম্পন্নৌ চীর কৃষ্ণ অজিন অংবরৌ ।
প্রবিষ্টৌ দণ্ডকারণ্যম্ ঘোরম্ প্রমদয়া সহ ॥৩-১৯-২২॥
19.23
তৌ হত্বা তাম্ চ দুর্বৃত্তাম্ উপাবর্তিতুম্ অর্হথ ।
ইয়ম্ চ রুধিরম্ তেষাম্ ভগিনী মম পাস্যতি ॥৩-১৯-২৩॥
19.24
মনোরথো অয়ম্ ইষ্টো অস্যা ভগিন্যা মম রাক্ষসাঃ ।
শীঘ্রম্ সংপদ্যতাম্ গত্বা তৌ প্রমথ্য স্ব তেজসা ॥৩-১৯-২৪॥
19.25
যুষ্মাবিঃ নির্হতো দৃষ্ট্বা তৌ উভৌ ভ্রাতৌ রণে ।
ইয়ম্ প্রহৃষ্টা মুদিতা রুধিরম্ যুধি পাস্যতি ॥৩-১৯-২৫॥
19.26
ইতি প্রতিসমাদিষ্টা রাক্ষসাঃ তে চতুর্ দশ ।
তত্র জগ্মুঃ তয়া সার্ধম্ ঘনা বাতেরিতাঃ যথা ॥৩-১৯-২৬॥
19.27
ততস্তু তে তম্ সমুদর্গ তেজসম্<BR>তথাপি তীক্ষ্ণ প্রদরা নিশাচরা ।
ন শেকুর্ এনম্ সহসা প্রমর্দিতুম্<BR>বনদ্বিপা দীপ্ত্বম্ ইব অগ্নিম্ উথিতম্ ॥৩-১৯-২৭॥