Utshovসর্গ 18
18.1
তাম্ তু শূর্পণখাম্ রামঃ কাম পাশ অবপাশিতাম্ ।
স্বচ্ছয়া শ্লক্ষ্ণয়া বাচা স্মিত পূর্বম্ অথ অব্রবীৎ ॥৩-১৮-১॥
18.2
কৃত দারো অস্মি ভবতি ভার্যা ইয়ম্ দয়িতা মম ।
ত্বৎ বিধানাম্ তু নারীণাম্ সুদুঃখা সসপত্নতা ॥৩-১৮-২॥
18.3
অনুজঃ তু এষ মে ভ্রাতা শীলবান্ প্রিয় দর্শনঃ ।
শ্রীমান্ অকৃত দারঃ চ লক্ষ্মণো নাম বীর্যবান্ ॥৩-১৮-৩॥
18.4
অপূর্বী ভার্যয়া চ অর্থী তরুণঃ প্রিয় দর্শনঃ ।
অনুরূপঃ চ তে ভর্তা রূপস্য অস্য ভবিষ্যতি ॥৩-১৮-৪॥
18.5
এনম্ ভজ বিশালাক্ষি ভর্তারম্ ভ্রাতরম্ মম ।
অসপত্না বরারোহে মেরুম্ অর্ক প্রভা যথা ॥৩-১৮-৫॥
18.6
ইতি রামেণ সা প্রোক্তা রাক্ষসী কাম মোহিতা ।
বিসৃজ্য রামম্ সহসা ততো লক্ষ্মণম্ অব্রবীৎ ॥৩-১৮-৬॥
18.7
অস্য রূপস্য তে যুক্তা ভার্যা অহম্ বরবর্ণিনী ।
ময়া সহ সুখম্ সর্বান্ দণ্ডকান্ বিচরিষ্যসি ॥৩-১৮-৭॥
18.8
এবম্ উক্তঃ তু সৌমিত্রী রাক্ষস্যা বাক্য কোবিদঃ ।
ততঃ শূর্পণখীম্ স্মিত্বা লক্ষ্মণো যুক্তম্ অব্রবীৎ ॥৩-১৮-৮॥
18.9
কথম্ দাসস্য মে দাসী ভার্যা ভবিতুম্ ইচ্ছসি ।
সো অহম্ আর্যেণ পরবান্ ভ্রাত্রা কমল বর্ণিনী ॥৩-১৮-৯॥
18.10
সমৃদ্ধ অর্থস্য সিদ্ধার্থা মুদিত অমল বর্ণিনী ।
আর্যস্য ত্বম্ বিশালাক্ষি ভার্যা ভব যবীয়সী ॥৩-১৮-১০॥
18.11
এনাম্ বিরূপাম্ অসতীম্ করালাম্ নির্ণত উদরীম্ ।
ভার্যাম্ বৃদ্ধাম্ পরিত্যজ্য ত্বাম্ এব এষ ভজিষ্যতি ॥৩-১৮-১১॥
18.12
কো হি রূপম্ ইদম্ শ্রেষ্ঠম্ সংত্যজ্য বরবর্ণিনি ।
মানুষেষু বরারোহে কুর্যাৎ ভাবম্ বিচক্ষণঃ ॥৩-১৮-১২॥
18.13
ইতি সা লক্ষ্মণেন উক্তা করালা নির্ণতোদরী ।
মন্যতে তৎ বচঃ সত্যম্ পরিহাস অবিচক্ষণা ॥৩-১৮-১৩॥
18.14
সা রামম্ পর্ণশালায়াম্ উপবিষ্টম্ পরংতপম্ ।
সীতয়া সহ দুর্ধর্ষম্ অব্রবীৎ কাম মোহিতা ॥৩-১৮-১৪॥
18.15
ইমাম্ বিরূপাম্ অসতীম্ করালাম্ নির্ণতোদরীম্ ।
বৃদ্ধাম্ ভার্যাম্ অবষ্টভ্য ন মাম্ ত্বম্ বহু মন্যসে ॥৩-১৮-১৫॥
18.16
অদ্য ইমাম্ ভক্ষয়িষ্যামি পশ্যতঃ তব মানুষীম্ ।
ত্বয়া সহ চরিষ্যামি নিঃসপত্না যথা সুখম্ ॥৩-১৮-১৬॥
18.17
ইতি উক্ত্বা মৃগশাবাক্ষীম্ অলাত সদৃশ ঈক্ষণা ।
অভ্যধাবৎ সুসংক্রুদ্ধা মহা উল্কা রোহিণীম্ ইব ॥৩-১৮-১৭॥
18.18
তাম্ মৃত্যু পাশ প্রতিমাম্ আপতংতীম্ মহাবলঃ ।
বিগৃহ্য রামঃ কুপিতঃ ততো লক্ষ্মণম্ অব্রবীৎ ॥৩-১৮-১৮॥
18.19
ক্রূরৈঃ অনার্যৈঃ সৌমিত্রে পরিহাসঃ কথংচন ।
ন কার্যঃ পশ্য বৈদেহীম্ কথংচিৎ সৌম্য জীবতীম্ ॥৩-১৮-১৯॥
18.20
ইমাম্ বিরূপাম্ অসতীম্ অতিমত্তাম্ মহোদরীম্ ।
রাক্ষসীম্ পুরুষব্যাঘ্র বিরূপয়িতুম্ অর্হসি ॥৩-১৮-২০॥
18.21
ইতি উক্তো লক্ষ্মণঃ তস্যাঃ ক্রুদ্ধো রামস্য পশ্যতঃ ।
উদ্ধৃত্য খড্গম্ চিচ্ছেদ কর্ণ নাসম্ মহাবলঃ ॥৩-১৮-২১॥
18.22
নিকৃত্ত কর্ণ নাসা তু বিস্বরম্ সা বিনদ্য চ ।
যথা আগতম্ প্রদুদ্রাব ঘোরা শূর্পণখা বনম্ ॥৩-১৮-২২॥
18.23
সা বিরূপা মহাঘোরা রাক্ষসী শোণিত উক্ষিতা ।
ননাদ বিবিধান্ নাদান্ যথা প্রাবৃষি তোয়দঃ ॥৩-১৮-২৩॥
18.24
সা বিক্ষরংতী রুধিরম্ বহুধা ঘোর দর্শনা ।
প্রগৃহ্য বাহূ গর্জন্তী প্রবিবেশ মহাবনম্ ॥৩-১৮-২৪॥
18.25
ততঃ তু সা রাক্ষস সংঘ সম্বৃতম্ খরম্ জন স্থান গতম্ বিরূপিতা ।
উপেত্য তম্ ভ্রাতরম্ উগ্র তেজসম্ পপাত ভূমৌ গগনাদ্ যথা অশনিঃ ॥৩-১৮-২৫॥
18.26
ততঃ সভার্যম্ ভয় মোহ মূর্চিতা সলক্ষ্মণম্ রাঘবম্ আগতম্ বনম্ ।
বিরূপণম্ চ আত্মনি শোণিত উক্ষিতা শশম্স সর্বম্ ভগিনী খরস্য সা ॥৩-১৮-২৬॥