Utshovসর্গ 17
17.1
কৃত অভিষেকো রামঃ তু সীতা সৌমিত্রির্ এব চ ।
তস্মাৎ গোদাবরী তীরাৎ ততো জগ্মুঃ স্বম্ আশ্রমম্ ॥৩-১৭-১॥
17.2
আশ্রমম্ তম্ উপাগম্য রাঘবঃ সহ লক্ষ্মণঃ ।
কৃত্বা পৌর্বাহ্ণিকম্ কর্ম পর্ণশালাম্ উপাগমৎ ॥৩-১৭-২॥
17.3
উবাস সুখিতঃ তত্র পূজ্যমানো মহর্ষভঃ।
স রামঃ পর্ণ শালায়াম্ আসীনঃ সহ সীতয়া ॥৩-১৭-৩॥
17.4
বিররাজ মহা বাহুঃ চিত্রয়া চন্দ্রমা ইব ।
লক্ষ্মণেন সহ ভ্রাত্রা চকার বিবিধাঃ কথাঃ ॥৩-১৭-৪॥
17.5
তদা আসীনস্য রামস্য কথা সংসক্ত চেতসঃ ।
তম্ দেশম্ রাক্ষসী কাচিদ্ আজগাম যদৃচ্ছয়া ॥৩-১৭-৫॥
17.6
সা তু শূর্পণখা নাম দশগ্রীবস্য রক্ষসঃ ।
ভগিনী রামম্ আসাদ্য দদর্শ ত্রিদশ উপমম্ ॥৩-১৭-৬॥
17.7
দীপ্তাস্যম্ চ মহাবাহুম্ পদ্ম পত্রায়ত ঈক্ষণম্ ।
গজ বিক্রাংত গমনম্ জটা মণ্দল ধারিণম্ ॥৩-১৭-৭॥
17.8
সুকুমারম্ মহা সত্ত্বম্ পার্থিব ব্যংজন অন্বিতম্ ।
রামম্ ইন্দীবর শ্যামম্ কন্দর্প সদৃশ প্রভম্ ॥৩-১৭-৮॥
17.9
বভূব ইন্দ্রোপমম্ দৃষ্ট্বা রাক্ষসী কাম মোহিতা ।
সুমুখম্ দুর্মুখী রামম্ বৃত্ত মধ্যম্ মহোদরী ॥৩-১৭-৯॥
17.10
বিশালাক্ষম্ বিরূপাক্ষী সুকেশম্ তাম্র মূর্ধজা ।
প্রিয়রূপম্ বিরূপা সা সুস্বরম্ ভৈরব স্বনা ॥৩-১৭-১০॥
17.11
তরুণম্ দারুণা বৃদ্ধা দক্ষিণম্ বাম ভাষিণী ।
ন্যায় বৃত্তম্ সুদুর্বৃত্তা প্রিয়ম্ অপ্রিয় দর্শনা ॥৩-১৭-১১॥
17.12
শরীরজ সমাবিষ্টা রাক্ষসী রামম্ অব্রবীৎ ।
জটী তাপস রূপেণ সভার্যঃ শর চাপ ধৃক্ ॥৩-১৭-১২॥
17.13
আগতঃ ত্বম্ ইমম্ দেশম্ কথম্ রাক্ষস সেবিতম্ ।
কিম্ আগমন কৃত্যম্ তে তৎ ত্বম্ আখ্যাতুম্ অর্হসি ॥৩-১৭-১৩॥
17.14
এবম্ উক্তঃ তু রাক্ষস্যা শূর্পণখ্যা পরংতপঃ ।
ঋজু বুদ্ধিতয়া সর্বম্ আখ্যাতুম্ উপচক্রমে ॥৩-১৭-১৪॥
17.15
আসীৎ দশরথো নাম রাজা ত্রিদশ বিক্রমঃ ।
তস্য অহম্ অগ্রজঃ পুত্রো রামো নাম জনৈঃ শ্রুতঃ ॥৩-১৭-১৫॥
17.16
ভ্রাতা অয়ম্ লক্ষ্মণো নাম যবীয়ান্ মাম্ অনুব্রতঃ ।
ইয়ম্ ভার্যা চ বৈদেহী মম সীতেতি বিশ্রুতা ॥৩-১৭-১৬॥
17.17
নিয়োগাৎ তু নরেন্দ্রস্য পিতুর্ মাতুঃ চ যংত্রিতঃ ।
ধর্মার্থম্ ধর্মকাংক্ষী চ বনম্ বস্তুম্ ইহ আগতঃ ॥৩-১৭-১৭॥
17.18
ত্বাম্ তু বেদিতুম্ ইচ্ছামি কস্য ত্বম্ কা অসি কস্য বা ।
ত্বম্ হি তাবন্মনোজ্ঞাংগী রাক্ষসী প্রতিভাসি মে ॥৩-১৭-১৮॥
17.19
ইহ বা কিম্ নিমিত্তম্ ত্বম্ আগতা ব্রূহি তত্ত্বতঃ ।
সা অব্রবীৎ বচনম্ শ্রুত্বা রাক্ষসী মদন অর্দিতা ॥৩-১৭-১৯॥
17.20
শ্রূয়তাম্ রাম বক্ষ্যামি তত্ত্বার্থম্ বচনম্ মম ।
অহম্ শূর্পণখা নাম রাক্ষসী কামরূপিণী ॥৩-১৭-২০॥
17.21
অরণ্যম্ বিচরামি ইদম্ একা সর্ব ভয়ংকরা ।
রাবণো নাম মে ভ্রাতা যদি তে শ্রোত্রম্ আগতঃ ॥৩-১৭-২১॥
17.22
বীরো বিশ্রবসঃ পুত্রো যদি তে শ্রোত্রম্ আগতঃ ।
প্রবৃদ্ধ নিদ্রঃ চ সদা কুংভকর্ণো মহাবলঃ ॥৩-১৭-২২॥
17.23
বিভীষণঃ তু ধর্মাত্মা ন তু রাক্ষস চেষ্টিতঃ ।
প্রখ্যাত বীর্যৌ চ রণে ভ্রাতরৌ খর দূষণৌ ॥৩-১৭-২৩॥
17.24
তান্ অহম্ সমতিক্রান্তা রাম ত্বা পূর্ব দর্শনাৎ ।
সমুপেতা অস্মি ভাবেন ভর্তারম্ পুরুষোত্তমম্ ॥৩-১৭-২৪॥
17.25
অহম্ প্রভাব সংপন্না স্বচ্ছংদ বল গামিনী ।
চিরায় ভব ভর্তা মে সীতয়া কিম্ করিষ্যসি ॥৩-১৭-২৫॥
17.26
বিকৃতা চ বিরূপা চ ন সা ইয়ম্ সদৃশী তব ।
অহম্ এব অনুরূপা তে ভার্যা রূপেণ পশ্য মাম্ ॥৩-১৭-২৬॥
17.27
ইমাম্ বিরূপাম্ অসতীম্ করালাম্ নির্ণত উদরীম্ ।
অনেন সহ তে ভ্রাত্রা ভক্ষয়িষ্যামি মানুষীম্ ॥৩-১৭-২৭॥
17.28
ততঃ পর্বত শৃংগাণি বনানি বিবিধানি চ ।
পশ্যন্সহময়াকামীদণ্ডকান্বিচরিষ্যসি - যদ্বা - পশ্যন্ সহ ময়া কামী দণ্ডকান্ বিচরিষ্যসি ॥৩-১৭-২৮॥
17.29
ইতি এবম্ উক্তঃ কাকুত্স্থঃ প্রহস্য মদির ঈক্ষণাম্ ।
ইদম্ বচনম্ আরেভে বক্তুম্ বাক্য বিশারদঃ ॥৩-১৭-২৯॥