Utshovসর্গ 16
16.1
বসতঃ তস্য তু সুখম্ রাঘবস্য মহাত্মনঃ ।
শরদ্ ব্যপায়ে হেমংতঋতুর্ ইষ্টঃ প্রবর্তত ॥৩-১৬-১॥
16.2
স কদাচিৎ প্রভাতায়াম্ শর্বর্যাম্ রঘুনংদনঃ ।
প্রয়য়াব অভিষেকার্থম্ রম্যম্ গোদাবরীম্ নদীম্ ॥৩-১৬-২॥
16.3
প্রহ্বঃ কলশ হসতঃ তম্ সীতয়া সহ বীর্যবান্ ।
পৃষ্ঠতো অনুব্রজন্ ভ্রাতা সৌমিত্রির্ ইদম্ অব্রবীৎ ॥৩-১৬-৩॥
16.4
অয়ম্ স কালঃ সংপ্রাপ্তঃ প্রিয়ো যঃ তে প্রিয়ংবদ ।
অলংকৃত ইব আভাতি যেন সংবত্সরঃ শুভঃ ॥৩-১৬-৪॥
16.5
নীহার পরুষো লোকঃ পৃথিবী সস্য মালিনী ।
জলানি অনুপভোগ্যানি সুভগো হব্য বাহনঃ ॥৩-১৬-৫॥
16.6
নব আগ্রয়ণ পূজাভির্ অভ্যর্চ্য পিতৃ দেবতাঃ ।
কৃত আগ্রয়ণকাঃ কালে সন্তো বিগত কল্মষাঃ ॥৩-১৬-৬॥
16.7
প্রাজ্যকামা জনপদাঃ সংপন্নতর গো রসাঃ ।
বিচরন্তি মহীপালা যাত্র অর্থম্ বিজিগীষবঃ ॥৩-১৬-৭॥
16.8
সেবমানে দৃঢম্ সূর্যে দিশম্ অন্তক সেবিতাম্ ।
বিহীন তিলকা ইব স্ত্রী ন উত্তরা দিক্ প্রকাশতে ॥৩-১৬-৮॥
16.9
প্রকৃত্যা হিম কোশ আঢ্যো দূর সূর্যাঃ চ সাংপ্রতম্ ।
যথার্থ নামা সুব্যক্তম্ হিমবান্ হিমবান্ গিরিঃ ॥৩-১৬-৯॥
16.10
অত্যন্ত সুখ সংচারা মধ্যাহ্নে স্পর্শতঃ সুখাঃ ।
দিবসাঃ সুভগ আদিত্যাঅঃ ছায়া সলিল দুর্ভগাঃ ॥৩-১৬-১০॥
16.11
মৃদু সূর্যাঃ সনীহারাঃ পটু শীতাঃ সমারুতাঃ ।
শূন্য অরণ্যা হিম ধ্বস্তা দিবসা ভান্তি সাম্প্রতম্ ॥৩-১৬-১১॥
16.12
নিবৃত্ত আকাশ শয়নাঃ পুষ্যনীতা হিম অরুণাঃ ।
শীতা বৃদ্ধতর আয়ামঃ ত্রি যামা যান্তি সাংপ্রতম্ ॥৩-১৬-১২॥
16.13
রবি সংক্রান্ত সৌভাগ্যঃ তুষার অরুণ মণ্ডলঃ ।
নিঃশ্বাস অন্ধ ইব আদর্শাঃ চংদ্রমা ন প্রকাশতে ॥৩-১৬-১৩॥
16.14
জ্যোত্স্না তুষার মলিনা পৌর্ণমাস্যাম্ ন রাজতে ।
সীতা ইব চ আতপ শ্যামা লক্ষ্যতে ন তু শোভতে ॥৩-১৬-১৪॥
16.15
প্রকৃত্যা শীতল স্পর্শো হিম বিদ্ধাঃ চ সাংপ্রতম্ ।
প্রবাতি পশ্চিমো বায়ুঃ কালে দ্বি গুণ শীতলঃ ॥৩-১৬-১৫॥
16.16
বাষ্প চ্ছন্নানি অরণ্যানি যব গোধূমবংতি চ ।
শোভন্তে অভ্যুদিতে সূর্যে নদদ্ভিঃ ক্রৌন্চ সারসৈঃ ॥৩-১৬-১৬॥
16.17
খর্জূর পুষ্প আকৃতিভিঃ শিরোভিঃ পূর্ণ তণ্ডুলৈঃ ।
শোভন্তে কিংচিদ্ আলংবাঃ শালয়ঃ কনক প্রভাঃ ॥৩-১৬-১৭॥
16.18
ময়ূখৈঃ উপসর্পদ্ভিঃ হিম নীহার সংবৃতৈঃ ।
দূরম্ অভ্যুদিতঃ সূর্যঃ শশাংক ইব লক্ষ্যতে ॥৩-১৬-১৮॥
16.19
অগ্রাহ্য বীর্যঃ পূর্বাহ্ণে মধ্যাহ্নে স্পর্শতঃ সুখঃ ।
সংরক্তঃ কিংচিদ্ আপাণ্ডুঃ আতপঃ শোভতে ক্ষিতৌ ॥৩-১৬-১৯॥
16.20
অবশ্যায় নিপাতেন কিংচিৎ প্রক্লিন্ন শাদ্বলা ।
বনানাম্ শোভতে ভূমির্ নিবিষ্ট তরুণ আতপা ॥৩-১৬-২০॥
16.21
স্পৃশন্ তু সুবিপুলম্ শীতম্ উদকম্ দ্বিরদঃ সুখম্ ।
অত্যন্ত তৃষিতো বন্যঃ প্রতিসংহরতে করম্ ॥৩-১৬-২১॥
16.22
এতে হি সমুপাসীনা বিহগা জলচারিণঃ ।
ন অবগাহন্তি সলিলম্ অপ্রগল্ভা ইব আবহম্ ॥৩-১৬-২২॥
16.23
অবশ্যায় তমো নদ্ধা নীহার তমসা আবৃতাঃ ।
প্রসুপ্তা ইব লক্ষ্যন্তে বিপুষ্পা বন রাজয়ঃ ॥৩-১৬-২৩॥
16.24
বাষ্প সংচন্ন সলিলা রুত বিজ্ঞেয় সারসাঃ ।
হিমাঅর্দ্র বালুকৈঃ তীরৈঃ সরিতো ভান্তি সাংপ্রতম্ ॥৩-১৬-২৪॥
16.25
তুষার পতনাৎ চৈব মৃদুত্বাৎ ভাস্করস্য চ ।
শৈত্যাৎ অগ অগ্রস্থম্ অপি প্রায়েণ রসবৎ জলম্ ॥৩-১৬-২৫॥
16.26
জরা জর্জরিতৈঃ পত্রৈঃ শীর্ণ কেসর কর্ণিকৈঃ ।
নাল শেষা হিম ধ্বস্তা ন ভান্তি কমলাকরাঃ ॥৩-১৬-২৬॥
16.27
অস্মিন্ তু পুরুষব্যাঘ্র কালে দুঃখ সমন্বিতঃ ।
তপশ্চরতি ধর্মাত্মা ত্বৎ ভক্ত্যা ভরতঃ পুরে ॥৩-১৬-২৭॥
16.28
ত্যক্ত্বা রাজ্যম্ চ মানম্ চ ভোগাংশ্চ বিবিধান্ বহূন্ ।
তপস্বী নিয়তাহারঃ শেতে শীতে মহীতলে ॥৩-১৬-২৮॥
16.29
সোঽপি বেলাম্ ইমাম্ নূনম্ অভিষেক অর্থম্ উদ্যতঃ ।
বৃতঃ প্রকৃতিভির্ নিত্যম্ প্রয়াতি সরয়ূম্ নদীম্ ॥৩-১৬-২৯॥
16.30
অত্যন্ত সুখ সংবৃদ্ধঃ সুকুমারো হিমার্দিতঃ ।
কথম্ তু অপর রাত্রেষু সরয়ূম্ অবগাহতে ॥৩-১৬-৩০॥
16.31
পদ্মপত্রেক্ষণঃ শ্যামঃ শ্রীমান্ নিরুদরো মহান্ ।
ধর্মজ্ঞঃ সত্যবাদী চ হ্রী নিষেধো জিতেন্দ্রিয়ঃ ॥৩-১৬-৩১॥
16.32
প্রিয়াভিভাষী মধুরো দীর্ঘবাহুঃ অরিন্দমঃ ।
সংত্যজ্য বিবিধান্ ভোগান্ আর্যম্ সর্বাত্মনা আশ্রিতঃ ॥৩-১৬-৩২॥
16.33
জিতঃ স্বর্গঃ তব ভ্রাত্রা ভরতেন মহাত্মনা ।
বনস্থম্ অপি তাপস্যে যঃ ত্বাম্ অনুবিধীয়তে ॥৩-১৬-৩৩॥
16.34
ন পিত্র্যম্ অনুবর্ন্তন্তে মাতৃকম্ দ্বিপদা ইতি ।
খ্যাতো লোক প্রবাদো অয়ম্ ভরতেন অন্যথা কৃতঃ ॥৩-১৬-৩৪॥
16.35
ভর্তা দশরথো যস্যাঃ সাধুঃ চ ভরতঃ সুতঃ ।
কথম্ নু সা অম্বা কৈকেয়ী তাদৃশী ক্রূরদর্শিনী ॥৩-১৬-৩৫॥
16.36
ইতি এবম্ লক্ষ্মণে বাক্যম্ স্নেহাৎ বদতি ধর্মিকে ।
পরিবাদম্ জনন্যঃ তম্ অসহন্ রাঘবো অব্রবীৎ ॥৩-১৬-৩৬॥
16.37
ন তে অম্বা মধ্যমা তাত গর্হিতব্যা কথংচন ।
তাম্ এব ইক্ষ্বাকু নাথস্য ভরতস্য কথাম্ কুরু ॥৩-১৬-৩৭॥
16.38
নিশ্চিতা এব হি মে বুদ্ধিঃ বন বাসে দৃঢ ব্রতা ।
ভরত স্নেহ সংতপ্তা বালিশী ক্রিয়তে পুনঃ ॥৩-১৬-৩৮॥
16.39
সংস্মরামি অস্য বাক্যানি প্রিয়াণি মধুরাণি চ ।
হৃদ্যানি অমৃত কল্পানি মনঃ প্রহ্লাদানি চ ॥৩-১৬-৩৯॥
16.40
কদা হি অহম্ সমেষ্যামি ভরতেন মহাত্মনা ।
শত্রুঘ্নেন চ বীরেণ ত্বয়া চ রঘুনংদন ॥৩-১৬-৪০॥
16.41
ইতি এবম্ বিলপন্ তত্র প্রাপ্য গোদাবরীম্ নদীম্ ।
চক্রে অভিষেকম্ কাকুত্স্থঃ সানুজঃ সহ সীতয়া ॥৩-১৬-৪১॥
16.42
তর্পয়িত্বা অথ সলিলৈঃ তৈঃ পিতৄন্ দৈবতানি চ ।
স্তুবন্তি স্ম উদিতম্ সূর্যম্ দেবতাঅঃ চ তথা অনঘাঃ ॥৩-১৬-৪২॥
16.43
কৃতাভিষেকঃ স ররাজ রামঃ সীতা দ্বিতীয়ঃ সহ লক্ষ্মণেন ।
কৃত অভিষেকো তু অগ রাজ পুত্র্যা রুদ্রঃ স নন্দিঃ ভগবান্ ইব ঈশঃ ॥৩-১৬-৪৩॥