Utshovসর্গ 15
15.1
ততঃ পংচবটীম্ গত্বা নানা ব্যাল মৃগায়ুতাম্ ।
উবাচ ভ্রাতরম্ রামো লক্ষ্মণম্ দীপ্ত তেজসম্ ॥৩-১৫-১॥
15.2
আগতাঃ স্ম যথা উদ্দিষ্টম্ যম্ দেশম্ মুনিঃ অব্রবীৎ ।
অয়ম্ পংচবটী দেশঃ সৌম্য পুষ্পিত কাননঃ ॥৩-১৫-২॥
15.3
সর্বতঃ চার্যতাম্ দৃষ্টিঃ কাননে নিপুণো হি অসি ।
আশ্রমঃ কতর অস্মিন্ নঃ দেশে ভবতি সম্মতঃ ॥৩-১৫-৩॥
15.4
রমতে যত্র বৈদেহী ত্বম্ অহম্ চৈব লক্ষ্মণ ।
তাদৃশো দৃশ্যতাম্ দেশঃ সংনিকৃষ্ট জলাশয়ঃ ॥৩-১৫-৪॥
15.5
বন রামণ্যকম্ যত্র জল রামণ্যকম্ তথা ।
সংনিকৃষ্টম্ চ যস্মিন্ তু সমিৎ পুষ্প কুশ উদকম্ ॥৩-১৫-৫॥
15.6
এবম্ উক্তঃ তু রামেণ লক্মণঃ সংয়ত অংজলিঃ ।
সীতা সমক্ষম্ কাকুত্স্থম্ ইদম্ বচনম্ অব্রবীৎ ॥৩-১৫-৬॥
15.7
পরবান্ অস্মি কাকুত্স্থ ত্বয়ি বর্ষ শতম্ স্থিতে ।
স্বয়ম্ তু রুচিরে দেশে ক্রিয়তাম্ ইতি মাম্ বদ ॥৩-১৫-৭॥
15.8
সুপ্রীতঃ তেন বাক্যেন লক্ষ্মণস্য মহাদ্যুতিঃ ।
বিমৃশন্ রোচয়ামাস দেশম্ সর্ব গুণ অন্বিতম্ ॥৩-১৫-৮॥
15.9
স তম্ রুচিরম্ আক্রম্য দেশম্ আশ্রম কর্মণি ।
হস্তে গৃহীত্বা হস্তেন রামঃ সৌমিত্রিম্ অব্রবীৎ ॥৩-১৫-৯॥
15.10
অয়ম্ দেশঃ সমঃ শ্রীমান্ পুষ্পিতৈর্ তরুভির্ বৃতঃ ।
ইহ আশ্রম পদম্ সৌম্য যথাবৎ কর্তুম্ অর্হসি ॥৩-১৫-১০॥
15.11
ইয়ম্ আদিত্য সংকাশৈঃ পদ্মৈঃ সুরভি গংধিভিঃ ।
অদূরে দৃশ্যতে রম্যা পদ্মিনী পদ্ম শোভিতা ॥৩-১৫-১১॥
15.12
যথা আখ্যাতম্ অগস্ত্যেন মুনিনা ভাবিতাত্মনা ।
ইয়ম্ গোদাবরী রম্যা পুষ্পিতৈঃ তরুভির্ বৃতা ॥৩-১৫-১২॥
15.13
হংস কারণ্ডব আকীর্ণা চক্রবাক উপশোভিতা ।
ন অতিদূরে ন চ আসন্নে মৃগ যূথ নিপীডিতা ॥৩-১৫-১৩॥
15.14
ময়ূর নাদিতা রম্যাঃ প্রাংশবো বহু কংদরাঃ ।
দৃশ্যন্তে গিরয়ঃ সৌম্য ফুল্লৈঃ তরুভির্ আবৃতাঃ ॥৩-১৫-১৪॥
15.15
সৌবর্ণৈ রাজতৈঃ তাম্রৈঃ দেশে দেশে চ ধাতুভিঃ ।
গবাক্ষিতা ইব আভান্তি গজাঃ পরম ভক্তিভিঃ ॥৩-১৫-১৫॥
15.16
সালৈঃ তালৈঃ তমালৈঃ চ খর্জূরৈঃ পনসৈঃ দ্রুমৈঃ ।
নীবারৈঃ তিনিশৈঃ চৈব পুন্নাগৈঃ চ উপশোভিতাঃ ॥৩-১৫-১৬॥
15.17
চূতৈর্ অশোকৈঃ তিলকৈঃ কেতকৈর্ অপি চংপকৈঃ ।
পুষ্প গুল্ম লতা উপেতৈঃ তৈঃ তৈঃ তরুভির্ আবৃতাঃ ॥৩-১৫-১৭॥
15.18
স্যন্দনৈঃ চংদনৈঃ নীপৈঃ পর্ণাসৈঃ লকুচৈঃ অপি ।
ধব অশ্বকর্ণ খদিরৈঃ শমী কিংশুক পাটলৈঃ ॥৩-১৫-১৮॥
15.19
ইদম্ পুণ্যম্ ইদম্ রম্যম্ ইদম্ বহু মৃগ দ্বিজম্ ।
ইহ বত্স্যাম সৌমিত্রে সার্ধম্ এতেন পক্ষিণা ॥৩-১৫-১৯॥
15.20
এবম্ উক্তঃ তু রামেণ লক্ষ্মণঃ পরবীরহা ।
অচিরেণ আশ্রমম্ ভ্রাতুঃ চকার সুমহাবলঃ ॥৩-১৫-২০॥
15.21
পর্ণশালাম্ সুবিপুলাম্ তত্র সংঘাত মৃত্তিকাম্ ।
সুস্তংভাম্ মস্করৈর্ দীর্ঘৈঃ কৃত বংশাম্ সুশোভনাম্ ॥৩-১৫-২১॥
15.22
শমী শাখাভিঃ আস্তীর্য ধৃঢ পাশাবপাশিতম্ ।
কুশ কাশ শরৈঃ পর্ণৈঃ সুপরিচ্ছাদিতাম্ তথা ॥৩-১৫-২২॥
15.23
সমীকৃত তলাম্ রম্যাম্ চকার সুমহাবলঃ ।
নিবাসম্ রাঘবস্য অর্থে প্রেক্ষ্ণীয়ম্ অনুত্তমম্ ॥৩-১৫-২৩॥
15.24
স গত্বা লক্ষ্মণঃ শ্রীমান্ নদীম্ গোদাবরীম্ তদা ।
স্নাত্বা পদ্মানি চ আদায় সফলঃ পুনর্ আগতঃ ॥৩-১৫-২৪॥
15.25
ততঃ পুষ্প বলিম্ কৃত্বা শান্তিম্ চ স যথাবিধি ।
দর্শয়ামাস রামায় তদ্ আশ্রম পদম্ কৃতম্ ॥৩-১৫-২৫॥
15.26
স তম্ দৃষ্ট্বা কৃতম্ সৌম্যম্ আশ্রমম্ সহ সীতয়া ।
রাঘবঃ পর্ণশালায়াম্ হর্ষম্ আহারয়ৎ পরম্ ॥৩-১৫-২৬॥
15.27
সুসংহৃষ্টঃ পরিষ্বজ্য বাহুভ্যাম্ লক্ষ্মণম্ তদা ।
অতি স্নিগ্ধম্ চ গাঢম্ চ বচনম্ চ ইদম্ অব্রবীৎ ॥৩-১৫-২৭॥
15.28
প্রীতো অস্মি তে মহৎ কর্ম ত্বয়া কৃতম্ ইদম্ প্রভো ।
প্রদেয়ো যন্ নিমিত্তম্ তে পরিষ্বংগো ময়া কৃতঃ ॥৩-১৫-২৮॥
15.29
ভাবজ্ঞেন কৃতজ্ঞেন ধর্মজ্ঞেন চ লক্ষ্মণ ।
ত্বয়া পুত্রেণ ধর্মাত্মা ন সংবৃত্তঃ পিতা মম ॥৩-১৫-২৯॥
15.30
এবম্ লক্ষ্মণম্ উক্ত্বা তু রাঘবো লক্ষ্মিবর্ধনঃ ।
তস্মিন্ দেশে বহু ফলে ন্যবসৎ স সুখম্ সুখী ॥৩-১৫-৩০॥