Utshovসর্গ 22
22.1
এবম্ আধর্ষিতঃ শূরঃ শূর্পণখ্যা খরঃ ততঃ ।
উবাচ রক্ষসাম্ মধ্যে খরঃ খরতরম্ বচঃ ॥৩-২২-১॥
22.2
তব অপমান প্রভবঃ ক্রোধো অয়ম্ অতুলো মম ।
ন শক্যতে ধারয়িতুম্ লবণ অংভ ইব উল্বণম্ ॥৩-২২-২॥
22.3
ন রামম্ গণয়ে বীর্যান্ মানুষম্ ক্ষীণ জীবিতম্ ।
আত্ম দুশ্চরিতৈঃ প্রাণান্ হতো যো অদ্য বিমোক্ষ্যতি ॥৩-২২-৩॥
22.4
বাষ্পঃ সম্ধার্যতাম্ এষ সংভ্রমঃ চ বিমুচ্যতাম্ ।
অহম্ রামম্ সহ ভ্রাত্রা নয়ামি যম সাদনম্ ॥৩-২২-৪॥
22.5
পরশ্বধ হতস্য অদ্য মন্দ প্রাণস্য ভূ তলে ।
রামস্য রুধিরম্ রক্তম্ উষ্ণম্ পাস্যসি রাক্ষসি ॥৩-২২-৫॥
22.6
সা প্রহৃষ্ট্বা বচঃ শ্রুত্বা খরস্য বদনাৎ চ্যুতম্ ।
প্রশশংস পুনর্ মৌর্খ্যাৎ ভ্রাতরম্ রক্ষসাম্ বরম্ ॥৩-২২-৬॥
22.7
তয়া পরুষিতঃ পূর্বম্ পুনর্ এব প্রশংসিতঃ ।
অব্রবীৎ দূষণম্ নাম খরঃ সেনা পতিম্ তদা ॥৩-২২-৭॥
22.8
চতুর্দশ সহস্রাণি মম চিত্ত অনুবর্তিনাম্ ।
রক্ষসাম্ ভীম বেগানাম্ সমরেষু অনিবর্তিনাম্ ॥৩-২২-৮॥
22.9
নীল জীমূত বর্ণানাম্ লোক হিংসা বিহারাণাম্ ।
সর্ব উদ্যোগম্ উদীর্ণানাম্ রক্ষসাম্ সৌম্য কারয় ॥৩-২২-৯॥
22.10
উপস্থাপয় মে ক্ষিপ্রম্ রথম্ সৌম্য ধনূংষি চ ।
শরান্ চ চিত্রান্ খড্গাং চ শক্তী চ বিবিধাঃ শিতাঃ ॥৩-২২-১০॥
22.11
অগ্রে নির্যাতুম্ ইচ্ছামি পৌলস্ত্যানাম্ মহাত্মনাম্ ।
বধার্থম্ দুর্বিনীতস্য রামস্য রণ কোবিদ ॥৩-২২-১১॥
22.12
ইতি তস্য ব্রুবাণস্য সূর্য বর্ণম্ মহারথম্ ।
সৎ অশ্বৈঃ শবলৈঃ যুক্তম্ আচচক্ষে অথ দূষণঃ ॥৩-২২-১২॥
22.13
তম্ মেরু শিখর আকারম্ তপ্ত কাংচন ভূষণম্ ।
হেম চক্রম্ অসংবাধম্ বৈদূর্যময় কূবরম্ ॥৩-২২-১৩॥
22.14
মত্স্যৈঃ পুষ্পৈঃ দ্রুমৈঃ শৈলৈঃ চন্দ্র সূর্যৈঃ চ কাংচনৈঃ ।
মাংগল্যৈঃ পক্ষি সম্ঘৈঃ চ তারাভিঃ চ সমাবৃতম্ ॥৩-২২-১৪॥
22.15
ধ্বজ নিস্ত্রিংশ সংপন্নম্ কিংকিণী বর ভূষিতম্ ।
সৎ অশ্ব যুক্তম্ সঃ অমর্ষাৎ আরুরোহ খরঃ তদা ॥৩-২২-১৫॥
22.16
খরঃ তু তান্ মহৎ সৈন্যাম্ রথ চর্ম আয়ুধ ধ্বজান্ ।
নির্যাত ইতি অব্রবীৎ প্রেক্ষ্য দূষণঃ সর্ব রাক্ষসান্ ॥৩-২২-১৬॥
22.17
ততঃ তদ্ রাক্ষসম্ সৈন্যম্ ঘোর চর্ম আয়ুধ ধ্বজম্ ।
নির্জগাম জন স্থানাৎ মহানাদম্ মহাজবম্ ॥৩-২২-১৭॥
22.18
মুদ্গরৈঃ পট্টিশৈঃ শূলৈঃ সুতীক্ষ্ণৈঃ চ পরশ্বধৈঃ ।
খড্গৈঃ চক্রৈঃ চ হস্তস্থৈঃ ভ্রাজমানৈঃ স তোমরৈঃ ॥৩-২২-১৮॥
22.19
শক্তিভিঃ পরিঘৈঃ ঘোরৈঃ অতিমাত্রৈঃ চ কার্মুকৈঃ ।
গদা অসি মুসলৈঃ বজ্রৈঃ গৃহীতৈঃ ভীম দর্শনৈঃ ॥৩-২২-১৯॥
22.20
রাক্ষসানাম্ সুঘোরাণাম্ সহস্রাণি চতুর্দশ ।
নির্যাতানি জন স্থানাৎ খর চিত্ত অনুবর্তিনাম্ ॥৩-২২-২০॥
22.21
তান্ তু নির্ধাবতো দৃষ্ট্বা রাক্ষসান্ ভীম দর্শনম্ ।
খরস্য অথ রথঃ কিংচিৎ জগাম তৎ অনন্তরম্ ॥৩-২২-২১॥
22.22
ততঃ তান্ শবলান্ অশ্বান্ তপ্ত কাংচন ভূষিতান্ ।
খরস্য মতম্ আজ্ঞায় সারথিঃ পর্যচোদয়ৎ ॥৩-২২-২২॥
22.23
সংচোদিতো রথঃ শীঘ্রম্ খরস্য রিপু ঘাতিনঃ ।
শব্দেন আপূরয়ামাস দিশঃ স প্রদিশঃ তথা ॥৩-২২-২৩॥
22.24
প্রবৃদ্ধ মন্যুঃ তু খরঃ খর স্বরেরিপোঃ বধ অর্থম্ ত্বরিতো যথা অংতকঃ ।
অচূচুদৎ সারথিম্ উন্নদন্ পুনর্মহাবলো মেঘ ইব অশ্ম বর্ষবান্ ॥৩-২২-২৪॥