Utshovসর্গ 9
9.1
এবমুক্তা তু কৈকেয়ী কোপেন জ্বলিতাননা ।
দীর্ঘমুষ্টম্ বিনিঃশ্বস্য মন্থরামিদম্ অব্রবীৎ ॥২-৯-১॥
9.2
অদ্য রামমিতঃ ক্ষিপ্রং বনং প্রস্থাপয়াম্যহম্ ।
যৌবরাজ্যে চ ভরতং ক্ষিপ্রমেবাভিষেচয়ে ॥২-৯-২॥
9.3
ইদং ত্বিদানীং সংপশ্য কেনোপায়েন মন্থরে ।
ভরতঃ প্রাপ্নুয়াদ্রাজ্যং ন তু রামঃ কথংচন ॥২-৯-৩॥
9.4
এবমুক্তা তয়া দেব্যা মন্থরা পাপদর্শিনী ।
রামার্থমুপহিংসন্তী কৈকেয়ীমিদমব্রবীৎ ॥২-৯-৪॥
9.5
হন্তেদানীং প্রবক্ষ্যামি কৈকেয়ি শ্রূয়তাং চ মে ।
যথা তে ভরতো রাজ্যং পুত্রঃ প্রাপ্স্যতি কেবলম্ ॥২-৯-৫॥
9.6
কিং ন স্মরসি কৈকেয়ি স্মরন্তী বা নিগূহসে ।
যদুচ্যমানমাত্মার্থং মত্তস্ত্বং শ্রোতুমিচ্ছসি ॥২-৯-৬॥
9.7
ময়োচ্যমানং যদি তে শ্রোতুং চ্ছ্ন্দো বিলাসিনি ।
শ্রূয়তামভিধাস্যামি শ্রুত্বা চৈতদ্ বিধীয়তাম্ ॥২-৯-৭॥
9.8
শ্রুত্বৈবং বচনং তস্যা মন্থরায়াস্তু কৈকয়ি ।
কিংচিদুত্থায় শয়নাত্স্বাস্তীর্ণাদিদমব্রবীৎ ॥২-৯-৮॥
9.9
কথয় ত্বং মমোপায়ং কেনোপায়েন মন্থরে ।
ভরতঃ প্রাপ্নুয়াদ্রজ্যং ন তু রামঃ কথংচন ॥২-৯-৯॥
9.10
এবমুক্তা তয়া দেব্যা মন্থরা পাপদর্শিনী ।
রামার্থমুপহিংসন্তী কুব্জা বচনমব্রবীৎ ॥২-৯-১০॥
9.11
তব দৈবাসুরে যুদ্ধে সহরাজর্ষিভিঃ পতিঃ ।
অগচ্ছত্ত্বামুপাদায় দেবরাজস্য সাহ্যকৃৎ ॥২-৯-১১॥
9.12
দিশমাস্থায় বৈ দেবি দক্ষিণাং দণ্ডকান্ প্রতি ।
বৈজয়ন্তমিতি ক্যাতং পুরং যত্র তিমিধ্বজঃ ॥২-৯-১২॥
9.13
স শম্বর ইতি খ্যাতঃ শতমায়ো মহাসুরঃ ।
দদৌ শক্রস্য সংগ্রামং দেবসঙিঘৈরনির্জিতঃ ॥২-৯-১৩॥
9.14
তস্মিন্ মহতি সংগ্রামে পুরুষান্ ক্ষতবিক্ষতান্ ।
রাত্রৌ প্রসুপ্তান্ ঘ্নন্তি স্ম তরসাসাদ্য রাক্ষসাঃ ॥২-৯-১৪॥
9.15
তত্রাকরোন্মহায়ুদ্ধং রাজা দশরথ স্তদা ।
অসুরৈশ্চ মহাবাহুঃ শস্ত্রৈশ্চ শকলীকৃতঃ ॥২-৯-১৫॥
9.16
অপবাহ্য ত্বয়া দেবি সংগ্রামান্নষ্টচেতনঃ ।
তত্রপি বিক্ষতঃ শস্রৈঃ পতিস্তে রক্ষিতস্ত্বয়া ॥২-৯-১৬॥
9.17
তুষ্টেন তেন দত্তৌ তে দ্বৌ বরৌ শুভদর্শনে ।
সত্বয়োক্তঃ পতির্দেবি যদেচ্ছেয়ং তদা বরৌ ॥২-৯-১৭॥
9.18
গৃহ্ণীয়ামিতি তত্তন তধেত্যুক্তং মহাত্মনা ।
অনভিজ্ঞা হ্যহং দেবি ত্বয়ৈব কথিতা পুরা ॥২-৯-১৮॥
9.19
কথৈষা তব তু স্নেহান্মনসা ধার্যতে ময়া ।
রামাভিষেকসংভারান্নিগৃহ্য বিনিবর্তয় ॥২-৯-১৯॥
9.20
তৌ বরৌ যাচ ভর্তারং ভরতস্যাভিষেচনম্ ।
প্রব্রাজনং তু রামস্য ত্বং বর্ষাণি চতুর্দশ ॥২-৯-২০॥
9.21
চতুর্দশ হি বর্ষাণিরামে প্রব্রাজিতে বনম্ ।
প্রজাভাবগতস্নেহঃ স্থিরঃ পুত্রো ভবিষ্যতি ॥২-৯-২১॥
9.22
ক্রোধাগারং প্রবিশ্যাদ্য কৃদ্দ্ধেবাশ্বপতেঃ সুতে ।
শেষ্বানন্তর্হিতায়াং ত্বং ভূমৌ মলিনবাসিনী ॥২-৯-২২॥
9.23
মাস্মৈনং প্রত্যুদীক্ষেথা মাচৈন মভিভাষথাঃ ।
রুদন্তী চাপি তং দৃষ্ট্বা জগত্যাং শোকলালসা ॥২-৯-২৩॥
9.24
দয়িতা ত্বং সদা ভর্তুরত্র মে নাস্তি সংশয়ঃ ।
ত্বত্কৃতে স মহারাজো বিশেদপি হুতাশনম্ ॥২-৯-২৪॥
9.25
ন ত্বাং ক্রোধয়িতুং শক্তোন ক্রুদ্ধাং প্রত্যুদীক্ষিতুম্।
তব প্রিয়ার্থং রাজা হি প্রাণানপি পরিত্যজেৎ ॥২-৯-২৫॥
9.26
ন হ্যতিক্রমিতুং শক্তস্তব বাক্যং মহীপতিঃ ।
মন্দস্বভাবে বুদ্ধ্যস্ব সৌভাগ্যবলমাত্মনঃ ॥২-৯-২৬॥
9.27
মণিমুক্তং সুবর্ণানি রত্নানি বিবিধানি চ ।
দদ্যাদ্ধশরথো রাজা মা স্ম তেষু মনঃ কৃথাঃ ॥২-৯-২৭॥
9.28
যৌ তৌ দৈবাসুরে যুদ্ধে বরৌ দ্শরথোঽদদাৎ ।
তৌ স্মারয় মহাভাগে সোঽর্থো মাত্বামতিক্রমেৎ ॥২-৯-২৮॥
9.29
যদা তু তে বরং দদ্যাত্স্বয়মুত্থাপ্য রাঘবঃ ।
ব্যবস্থাপ্য মহারাজং তমিমং বৃণুয়া বরম্ ॥২-৯-২৯॥
9.30
রামং প্রব্রাজয়ারণ্যে নব বর্ষাণি পঞ্চ চ ।
ভরতঃ ক্রিয়তাং রাজা পৃথিব্যাঃ পার্থিবর্ষভ ॥২-৯-৩০॥
9.31
চতুর্দশ হি বর্ষাণি রামে প্রব্রাজিতে বন্ম্ ।
রূঢশ্চ কৃতমূলশ্চ শেষং স্থাস্যতি তে সুতঃ ॥২-৯-৩১॥
9.32
রামপ্রব্রাজনং চৈব দেবি যাচস্ব তং বরম্ ।
এবং সিদ্ধ্যন্তি পুত্রস্য সর্বার্থাস্তব ভামিনি ॥২-৯-৩২॥
9.33
এবং প্রব্রাজিতশ্চৈব রামোঽরামো ভবিষ্যতি ।
ভরতশ্চ হতামিত্রস্তব রাজা ভবিষ্যতি ॥২-৯-৩৩॥
9.34
যেন কালেন রামশ্চ বনাত্প্রত্যাগমিষ্যতি ।
তেন কালেন পুত্রস্তে কৃতমূলো ভবিষ্যতি ॥২-৯-৩৪॥
9.35
সুগৃহীতমনুষ্যশ্চ সুহৃদ্ভিঃ সার্ধমাত্মবান্ ।
প্রাপ্তকালং নু মন্যেঽহং রাজানং বীতসাধ্বসা ॥২-৯-৩৫॥
9.36
রামাভিষেকসংকল্পান্নিগৃহ্য বিনিবর্তয় ।
অনর্থমর্থরূপেণ গ্রাহিতা সা ততস্তয়া ॥২-৯-৩৬॥
9.37
হৃষ্টা প্রতীতা কৈকেয়ী মন্থরামিদমব্রবীৎ ।
সা হি বাক্যেন কুব্জায়াঃ কিশোরীবোত্পথং গতা ।কৈকেয়ী বিস্ময়ং প্রাপ্তা পরং পরমদর্শনা ॥২-৯-৩৭॥
9.38
কুব্জে ত্বাং নাভিজানামি শ্রেষ্ঠাং শ্রেষ্হ্ঠভিধায়িনীম্ ।
পৃথিব্যামসি কুব্জানামুত্তমা বুদ্ধিনির্ণয়ে ॥২-৯-৩৮॥
9.39
ত্বমেব তু মমার্থেষু নিত্যয়ুক্তা হিতৈষিণী ॥২-৯-৩৯॥
9.40
নাহং সমববুদ্ধ্যেয়ং কুব্জে রাজ্ঞশ্চিকীর্ষিতম্ ।
সন্তি দুঃসংস্থিতাঃ কুব্জা বক্রাঃ পরমদারুণাঃ ॥২-৯-৪০॥
9.41
ত্বং পদ্মমিব বাতেন সন্নতা প্রিয়দর্শনা ।
উরস্তেঽভিনিবিষ্টং বৈ যাবৎ স্কন্ধাত্সমুন্নতম্ ॥২-৯-৪১॥
9.42
অধস্তাচ্চোদরং শাতং সুনাভমিব লজ্জিতম্ ।
পরিপূর্ণং তু জঘনং সুপীনৌ চ পয়োধরৌ ॥২-৯-৪২॥
9.43
বিমলেন্দুসমং বক্ত্রমহো রাজসি মন্থরে ।
জঘনং তব নির্ঘুষ্টং রশনাদামশোভিতম্ ॥২-৯-৪৩॥
9.44
জঙঘে ভ্^ইশমুপন্যস্তে পাদৌ চাপ্যায়তাবুভৌ ।
ত্বমায়তাভ্যাং সক্থিভ্যাং মন্থরে ক্ষৌমবাসিনী ।অগ্রতো মম গচ্ছন্তী রাজহংসেব ভাসসে ॥২-৯-৪৪॥
9.45
আসন্যাঃ শম্বরে মায়াঃ সহস্রমসুরাধিপে ॥২-৯-৪৫॥
9.46
সর্বাস্ত্বয়ি নিবিষ্টাস্তা ভূয়শ্চান্যাঃ সহস্রশঃ ।
তবেদং স্থগু যদ্দীর্ঘং রথঘোণমিবায়তম্ ॥২-৯-৪৬॥
9.47
মতয়ঃ ক্ষত্রবিদ্যাশ্চ মায়াশ্চাত্র বসন্তি তে ।
অত্রতে প্রতিমোক্ষ্যামি মালাং কুব্জে হিরণ্ময়ীম্ ॥২-৯-৪৭॥
9.48
অভিষিক্তে চ ভরতে রাঘবে চ বনং গতে ।
জাত্যেন চ সুবর্ণেন সুবিষ্টপ্তেন মন্থরে ॥২-৯-৪৮॥
9.49
লব্ধার্থা চ প্রতীতা চ লেপয়িষ্যামি তে স্থগু ।
মুখে চ তিলকং চিত্রং জাতরূপময়ং শুভম্ ॥২-৯-৪৯॥
9.50
কারয়িষ্যামি তে কুব্জে শুভান্যভরণানি চ।
পরিধায় শুভে বস্ত্রে দেবতেব চরিষ্যসি ॥২-৯-৫০॥
9.51
চংদ্রমাহ্বয়মানেন মুখেনাপ্রতিমাননা।
গমিষ্যসি গতিং মুখ্যাংগর্বয়ন্তী দ্বিষজ্জনে ॥২-৯-৫১॥
9.52
তবাপি কুব্জায়াঃ সর্বাভরণভূষিতাঃ ।
পাদৌ পরিচরিষ্যন্তি যথৈব ত্বং সদা মম ॥২-৯-৫২॥
9.53
ইতি প্রশস্যমানা সা কৈকেয়ীমিদমব্রবীৎ ।
শয়ানাং শয়নে শুভ্রে বেদ্যামগ্নিশিখামিব ॥২-৯-৫৩॥
9.54
গতোদকে সেতুবন্দো ন কল্যাণি বিধীয়তে ।
উত্তিষ্ঠ কুরু কল্যাণং রাজানমসুদর্শয় ॥২-৯-৫৪॥
9.55
তথা প্রোত্সাহিতা দেবী গতা মন্থরয়া সহ ।
ক্রোধাগারং বিশালাক্ষী সৌভাগ্যমদগর্বিতা ॥২-৯-৫৫॥
9.56
অনেকশতসাহস্রং মুক্তাহারং বরাঙ্গনা ।
অবমুচ্য বরারাণি শুভান্যাভরণানি চ ॥২-৯-৫৬॥
9.57
ততো হেমোপমা তত্র কুব্জাবাক্যবশংগতা ।
সংবিশ্য ভূমৌ কৈকেয়ী মন্থরামিদমব্রবীৎ ॥২-৯-৫৭॥
9.58
ইহ বা মাং মৃতাং কুব্জে ণৃপায়াবেদয়িষ্যসি ।
বনং তু রাঘবে প্রাপ্তেভরতঃ প্রাপ্স্যতি ক্ষিতিম্ ॥২-৯-৫৮॥
9.59
ন সুবর্ণেন মে হ্যর্থো ন রত্নৈর্ন চ ভূষণৈঃ ।
এষ মে জীবিতস্যান্তো রামো যদ্যভিষিচ্যতে ॥২-৯-৫৯॥
9.60
অথো পুনস্তাং মহিষীং মহীক্ষিতো ।
বচোভিরত্যর্থ মহাপরাক্রমৈঃ ।উবাচ কুব্জা ভরতস্য মাতরং ।হিতং বচো রামমুপেত্য চাহিতম্ ॥২-৯-৬০॥
9.61
প্রপত্স্যতে রাজ্যমিদং হি রাঘবো ।
যদি ধ্রুবং ত্বং স সুতা চ তপ্স্যসে ।অতো হি কল্যাণি যতস্ব তত্তথা ।যথা সুতস্তে ভরতোঽভিষেক্ষ্যতে ॥২-৯-৬১॥
9.62
তথাতিবিদ্ধা মহিষি তু কুব্জয়া ।
সমাহতা বাগিষুভির্মুহুর্মুহুঃ ।বিধায় হস্তৌ হৃদয়েঽতিবিস্মিতা ।শ্শংস কুব্জাং কুপিতা পুনঃ পুনঃ ॥২-৯-৬২॥
9.63
যমস্য বা মাং বিষয়ং গতামিতো ।
নিশাম্য কুব্জে প্রতিবেদয়িষ্যসি ।বনং গতে বা সুচিরায় রাঘবে ।সমৃদ্ধকামো ভরতো ভবিষ্যতি ॥২-৯-৬৩॥
9.64
অহং হি বৈ নাস্তরণানি ন স্রজো ।
ন চন্দনং নাঞ্জনপানভোজনম্ ।ন কিংচিদিচ্ছামি ন চেহ জীবিতং ।ন চেদিতো গচ্ছতি রাঘবো বনম্ ॥২-৯-৬৪॥
9.65
অথৈতদুক্ত্বা বচনং সুদারুণং ।
ন্ধায় সর্বাভরণানি ভামিনী ।অসংবৃতামাস্তরণেন মেদিনীং ।তদাধিশিশ্যে পতিতেব কিন্নরী ॥২-৯-৬৫॥
9.66
উদীর্ণসংরম্ভতমোবৃতাননা ।
তদাবমুক্তোত্তমমূল্যভূষণা ।নরেন্দ্রপত্নী বিমনা বভূব সা ।তমোবৃতা দ্যৌরিব মগ্নতারকা ॥২-৯-৬৬॥