Utshovসর্গ 10
10.1
বিদর্শিতা যদা দেবী কুব্জয়া পাপয়া ভৃশম্ ।
তদা শেতে স্ম সা ভূমৌ দিগ্ধবিদ্ধেব কিন্নরী ॥২-১০-১॥
10.2
নিশ্চিত্য মনসা কৃত্যম্ সা সম্যগিতি ভামিনী ।
মন্থরায়ৈ শ্নঃ সর্বমাচ্চক্ষে বিচক্ষণা ॥২-১০-২॥
10.3
সা দীনা নিশ্চয়ং কৃত্বা মন্থরাবাক্যমোহিতা ।
নাগকন্যেব নিঃস্বস্য দীর্ঘমুষ্ণং চ ভামিনী ॥২-১০-৩॥
10.4
মুহূর্তং চিন্তয়ামাস মার্গমাত্মসুখাবহম্ ।
সা সুহৃচ্চার্থকামা চ তং নিশম্য সুনিশ্চয়ম্ ॥২-১০-৪॥
10.5
বভূব পরমপ্রীতা সিদ্ধিং প্রাপ্যেব মন্থরা ।
অথ সা রুষিতা দেবী সম্যক্কৃত্বা বিনিশ্চয়ম্ ॥২-১০-৫॥
10.6
সংবিবেশাবলা ভূমৌ নিবেশ্য ভৃকুটিং মুখে ।
ততশ্চিত্রাণি মাল্যানি দিব্যান্যাভরণানি চ ॥২-১০-৬॥
10.7
অপবিদ্ধানি কৈকেয্যা তানি ভূমিং প্রপেদিরে ।
তয়া তান্যপবিদ্ধানি মাল্যান্যাভরণানি চ ॥২-১০-৭॥
10.8
অশোভয়ন্ত বসুধাং নক্ষত্রাণি যথা নভঃ ।
ক্রোধাগারে নিপতিতা সা বভৌ মলিনাম্বরা ॥২-১০-৮॥
10.9
একবেণীং দৃঢং বদ্ধ্বা গতসত্ত্বেব কিন্নরী ।
আজ্ঞাপ্য তু মহারাজো রাঘবস্যাভিষেচন্ম্ ॥২-১০-৯॥
10.10
উপস্থাসমনুজ্ঞাপ্য প্রবিবেশ নিবেশন্ম্ ।
অদ্য রামাভিষেকো বৈ প্রসিদ্ধ ইতি জজ্ঞিবান্ ॥২-১০-১০॥
10.11
প্রিয়ার্হং প্রিয়মাখ্যাতুং বিবেশান্তঃপুরং বশী ।
স কৈকেয্যা গৃহং শ্রেষ্ঠং প্রবিবেশ মহায়শাঃ ॥২-১০-১১॥
10.12
পাণ্ডুরাভ্রমিবাকাশং রাহুয়ুক্তং নিশাকরঃ ।
শুকবর্হিণসংয়ুক্তং ক্রৌঞ্চহংসরুতায়ুতম্ ॥২-১০-১২॥
10.13
বাদিত্ররবসংঘুষ্টং কুব্জাবামনিকায়ুতম্ ।
লতাগৃহৈশ্চিত্রগৃহৈশ্চম্পকাশোকশোভিতৈঃ ॥২-১০-১৩॥
10.14
দান্তরাজত সৌবর্ণবেদিকাভিস্সমায়ুতম্ ।
নিত্যপুষ্পফলৈর্বৃক্ষৈর্বাপীভিশ্চোপশোভিতম্ ॥২-১০-১৪॥
10.15
দান্তরাজতসৌবর্ণৈঃ সংবৃতং পরমাসনৈঃ ।
বিবিধ্যৈরন্নপানৈশ্ছ ভক্ষ্যৈশ্চবি বিধৈরপি ॥২-১০-১৫॥
10.16
উপপন্নং মহার্হৈশ্চ ভূষিতৈস্ত্রিদিবোপমম্ ।
তত্প্রবিশ্য মহারাজঃ স্বমন্তঃপুরমৃদ্ধিমৎ ॥২-১০-১৬॥
10.17
ন দদর্শ প্রিয়াং রাজা কৈকেয়ীং শয়নোত্তমে ।
স কামবলসংয়ুক্তো রত্যর্থং মনুজাধিপঃ ॥২-১০-১৭॥
10.18
অপশ্যন্ দয়িতাং ভার্যাং পপ্রচ্ছ বিষসাদ চ ।
ন হী তস্য পুরা দেবী তাং বেLআমত্যবর্তত ॥২-১০-১৮॥
10.19
ন চ রাজা গৃহং শূন্যং প্রবিবেশ কদাচন ।
ততো গৃহগতো রাজা কৈকেয়ীং পর্যপৃচ্ছত ॥২-১০-১৯॥
10.20
যথাপুরমবিজ্ঞায় স্বার্থলিপ্সুমপণ্ডিতাম্ ।
প্রতীহারী ত্বথোবাচ সংত্রস্তা তু ক্R^তাঞ্জলিঃ ॥২-১০-২০॥
10.21
দেব দেবী ভৃশং কৃদ্ধা ক্রোধাগারমভিদ্রুতা ।
প্রতীহার্যা বচঃ শ্রুত্বা রাজা পরমদুর্মনাঃ ॥২-১০-২১॥
10.22
বিষসাদ পুনর্ভুয়ো লুলিতব্যাকুলেন্ধ্রিয়ঃ ।
তত্রতাং পতিতাং ভূমৌ শয়ানামতথোচিতাম্ ॥২-১০-২২॥
10.23
প্রতপ্ত ইব দুঃখেন সোঽপশ্যজ্জগতীপতিঃ ।
স বৃদ্ধস্তরুণীং ভার্যাং প্রাণেভ্যোঽপি গরীয়সীম্ ॥২-১০-২৩॥
10.24
অপাপঃ পাপসঙ্কল্পাং দদর্শ ধরণীতলে ।
লতামিব বিনিষ্কৃত্তাং পতিতাং দেব তামিব ॥২-১০-২৪॥
10.25
কিন্নরীমিব নির্ধূতাং চ্যুতামপ্সরসং যথা ।
মায়ামিব পরিভ্রষ্টাং হরিণীমিব সংয়তাম্ ॥২-১০-২৫॥
10.26
ক্রেণুমিব দিগ্ধেন বিদ্ধাং মৃগয়ুনা বনে ।
মহাগজ ইন্বারণ্যে স্নেহাত্পরিমমর্শ তাম্ ॥২-১০-২৬॥
10.27
পরিমৃশ্য চ পাণিভ্যামভিসংত্রস্তচেতনঃ ।
কামী কমলপত্রাক্ষীমুবাচ বনিতামিদম্ ॥২-১০-২৭॥
10.28
ন তেঽহমভিজানামি ক্রোধমাত্মনি সংশ্রিতম্ ।
দেবি কেনাভিশপ্তাসি কেন বাসি বিমানিতা ॥২-১০-২৮॥
10.29
যদিদং মমম্ দুঃখায় শেশে ক্ল্যাণি পাংসুষু ।
ভূমৌ শেষে কিমর্থং ত্বং ময়ি কল্যাণচেতসি ।ভূতোপহতচিত্তেব মম চিত্তপ্রমাথিনী ॥২-১০-২৯॥
10.30
সন্তি মে কুশলা বৈদ্যাস্ত্বভিতুষ্টাশ্চ সর্বশঃ ।
সুখিতাং ত্বাং করিষ্যন্তি ব্যাধিমাচক্ষ্ব ভামিনি ॥২-১০-৩০॥
10.31
কস্য বা তে প্রিয়ং কার্যং কেন বা বিপ্রিয়ং কৃতম্ ।
কঃ প্রিয়ং লভতামদ্য কো বা সুমহদপ্রিয়ম্ ॥২-১০-৩১॥
10.32
মা রোদীর্মা চ কার্ষিস্ত্বং দেবি সংপরিশোষণম্ ॥২-১০-৩২॥
10.33
অবধ্যো বধ্যতাং কো বা কো বা বধ্যো বিমুচ্যতাম্ ।
দরিদ্রঃ কো ভবেদাঢ্যো দ্রব্যবান্বাপ্যকিঞ্চনঃ ॥২-১০-৩৩॥
10.34
অহং চৈব মদীয়াশ্চ সর্বে তব বশানুগাঃ ।
ন তে কিম্চিদভিপ্রায়ং ব্যাহন্তুমহমুত্সহে ॥২-১০-৩৪॥
10.35
আত্মনো জীবিতেনাপি ব্রুহি যন্মনসেচ্ছসি ।
বলমাত্মনি জানন্তী ন মাং শঙ্কিতুমর্হসি ॥২-১০-৩৫॥
10.36
করিষ্যামি তব প্রীতিং সুকৃতেনাপি তে শপে ।
যাবদাবর্ত তে চক্রং তাবতী মে বসুন্ধরা ॥২-১০-৩৬॥
10.37
প্রাচীনাঃ সিন্ধুসৌবীরাঃ সৌরাষ্ট্রা দক্ষিণাপথাঃ ।
বঙ্গাঙ্গমগধা মত্স্যাঃ সমৃদ্ধাঃ কাশিকোসলাঃ ॥২-১০-৩৭॥
10.38
তত্র জাতং বহুদ্রব্যং ধনধান্য মজাবিকম্ ।
ততো বৃণীষ্ব কৈকেয়ি যদ্যত্ত্বং মনসেচ্ছসি ॥২-১০-৩৮॥
10.39
কিমায়াসেন তে ভীরু উত্তিষ্টোত্তিষ্ট শোভনে ।
তত্বং মে ব্রূহি কৈকেয়ি যতস্তে ভয়মাগতম্ ॥২-১০-৩৯॥
10.40
তত্তে ব্যপনয়িষ্যামি নীহরমিব র্শ্মিবান্ ।
তথোক্তা সা সমাস্বস্তা বক্তুকামা তদপ্রিয়ম্ ॥২-১০-৪০॥
10.41
পরিপীডয়িতুং ভূয়ো ভর্তারমুপচক্রমে ।