Utshovসর্গ 11
11.1
তং মন্মথশরৈর্বিদ্ধং কামবেগবশানুগম্ ।
উবাচ পৃথিবীপালং কৈকেয়ী দারুণং বচঃ ॥২-১১-১॥
11.2
নাস্মি বিপ্রকৃতা দেব কেন চিন্নাবমানিতা ।
অভিপ্রায়স্তু মে কশ্চিত্তমিচ্ছামি ত্বয়া কৃতম্ ॥২-১১-২॥
11.3
প্রতিজ্ঞাং প্রতিজানীষ্ব যদি ত্বং কর্তু মিচ্ছসি ।
অথ তদ্ব্যাহরিষ্যামি যদভিপ্রার্থিতং ময়া ॥২-১১-৩॥
11.4
তামুবাচ মহাতেজাঃ কৈকেয়ীমীষদুত্স্মৈতঃ ।
কামী হস্তেন সংগৃহ্য মূর্ধজেষু শুচিস্মিতাম্ ॥২-১১-৪॥
11.5
অবলিপ্তে ন জানাসি ত্বত্তঃ প্রিয়তরো মম ।
মনুজো মনুজব্যাঘ্রাদ্রামাদন্যো ন বিদ্যতে ॥২-১১-৫॥
11.6
তেনাজয্যেন মুখ্যেন রাঘবেণ মহাত্মনা ।
শপে তে জীবনার্হেণ ব্রূহি যন্মনসেচ্ছসি ॥২-১১-৬॥
11.7
যং মুহূর্তমপশ্যংস্তু ন জীবেয়মহং ধ্রুবম্ ।
তেন রামেণ কৈকেয়ি শপে তে বচনক্রিয়াম্ ॥২-১১-৭॥
11.8
আত্মনা বাত্মজৈশ্চান্যৈর্বৃণে যং মনুজর্ষভম্ ।
তেন রামেণ কৈকেয়ি শপে তে বচনক্রিয়াম্ ॥২-১১-৮॥
11.9
ভদ্রে হৃদয়মপ্যেতদন্নুমৃশ্যোদ্ধরস্ব মে ।
এতত্সমীক্ষ্য কৈকেয়ি ব্রূহি যত্সাধু মন্যসে ॥২-১১-৯॥
11.10
বলমাত্মনি জানন্তী ন মাং শঙ্কিতুমর্হসি ।
করিষ্যামি তব প্রীতিং সুকৃতেনাপি তে শপে ॥২-১১-১০॥
11.11
সা তদর্থমনা দেবী তমভিপ্রায়মাগতম্ ।
নির্মাধ্যস্থ্যাচ্চ হর্ষাচ্চ বভাষে দুর্বচং বচঃ ॥২-১১-১১॥
11.12
তেন বাক্যেন সংহৃষ্টা তমভিপ্রায়মাগতম্ ।
ব্যাজহার মহাঘোরমভ্যাগতমিবান্তকম্ ॥২-১১-১২॥
11.13
যথা ক্রমেণ শপসি বরং মম দদাসি চ ।
তচ্ছৃণ্বন্তু ত্রয়স্ত্রীংশদ্দেবাঃ সাগ্নিপুরোগমাঃ ॥২-১১-১৩॥
11.14
চন্দ্রাদিত্যৌ নভশৈব গ্রহা রাত্র্যহনী দিশঃ ।
জগচ্চ পৃথিবী চেয়ং সগন্ধর্বা সরাক্ষসা ॥২-১১-১৪॥
11.15
নিশাচরাণি ভূতানি গৃহেষু গৃহদেবতাঃ ।
যানি চান্যানি ভূতানি জানীয়ুর্ভাষিতং তব ॥২-১১-১৫॥
11.16
সত্য্সন্ধো মহাতেজাধর্মজ্ঞঃ সুসমাহিতঃ ।
বরং মম দদাত্যেষ তন্মে শৃণ্বন্তু দেবতাঅঃ ॥২-১১-১৬॥
11.17
ইতি দেবী মহেষ্বাসং পরিগৃহ্যভিশস্য চ ।
ততঃ পরমুবাচেদং বরদং কামমোহিতম্ ॥২-১১-১৭॥
11.18
স্মর রাজ্ন্ পুরা বৃত্তং তস্মিন্ দৈবাসুরে রণে ।
তত্র চাচ্যাবয়চ্ছত্রুস্তব জীবতমন্তরা ॥২-১১-১৮॥
11.19
তত্র চাপি ময়া দেব যত্ত্বং সমভিরক্ষিতঃ ।
জাগ্রত্যা যতমানায়াস্ততো মে প্রাদদা বরৌ ॥২-১১-১৯॥
11.20
তৌ তু দত্তৌ বরৌ দেব নিক্ষেপৌ মৃগয়াম্যহম্ ।
তথৈব পৃথিবীপাল সকাশে সত্যসংগর ॥২-১১-২০॥
11.21
তত্প্রতিশ্রুত্য ধর্মেণ ন চেদ্দাস্যসি মে বরম্ ।
অদ্যৈব হি প্রহাস্যামি জীবিতং ত্বদ্বিমানিতা ॥২-১১-২১॥
11.22
বাঙ্মাত্রেণ তদা রাজা কৈকেয্যা স্ববশে কৃতঃ ।
প্রচ্স্কন্দ বিনাশায় পাশং বৃগ ইবাত্মনঃ ॥২-১১-২২॥
11.23
ততঃ পরমুবাচেদং বরদং কামমোহিতম্ ।
বরৌ যৌ মে ত্বয়া দেব তদা দত্তৌ মহীপতে ॥২-১১-২৩॥
11.24
তৌ তাবদহম্দ্যৈব বক্ষ্যামি শৃণু মে বচঃ ।
অভিষেকসমারম্ভও রাঘবস্যোপকল্পিতঃ ॥২-১১-২৪॥
11.25
অনেনৈবাভিষে কেণ ভরতো মেঽভিষিচ্যতাম্ ।
যো দ্বিতীয়ো বরো দেব দত্তঃ প্রীতেন মে ত্বয়া ॥২-১১-২৫॥
11.26
তদা দৈবাসুরে যুদ্ধে তস্য কালোঽয় মাগতঃ ।
নব পঞ্চ চ বর্ষাণি দণ্ডকারণ্যমাশ্রিতঃ ॥২-১১-২৬॥
11.27
চীরাজিনজটাধারী রামো ভবতু তাপসঃ ।
ভরতো ভজতামদ্য যৌবরাজ্যমকণ্টকম্ ॥২-১১-২৭॥
11.28
এষ মে পরমঃ কামো দত্তমেব বরং বৃণে ।
অদ্যচৈব হি পশ্যেয়ং প্রয়ান্তং রাঘবং বন্ম্ ॥২-১১-২৮॥
11.29
স রাজরাজো ভব স্ত্যসংগরঃ ।
কুলং চ শীলং চ হি রক্ষ জন্ম চ ।পরত্র বাসে হি বদ্ন্ত্যনুত্তমং ।তপোধনাঃ সত্যবচো হিতং নৃণাম্ ॥২-১১-২৯॥