Utshovসর্গ 8
8.1
মন্থরা ত্বভ্যসূয়ৈনামুত্সৃজ্যাভরণং চ তৎ।
উবাচেদং ততো বাক্যং কোপদুঃখসমন্বিতা ॥২-৮-১॥
8.2
হর্ষং কিমিদমস্থানে কৃতবত্যসি বালিশে ।
শোকসাগরমধ্যস্থমাত্মানং নাববুধ্যসে ॥২-৮-২॥
8.3
মনসা প্রহসামি ত্বাং দেবি দুঃখার্ধিতা সতী ।
যচ্ছোচিতব্যে হৃষ্টাসি প্রাপ্যেদং ব্যসনং মহৎ ॥২-৮-৩॥
8.4
শোচামি দুর্মতিত্বং তে কা হি প্রাজ্ঞা প্রহর্ষয়েৎ ।
অরেঃ সপত্নীপুত্রস্য বৃদ্ধিং মৃত্যুমিবাগতাম্ ॥২-৮-৪॥
8.5
ভরতাদেব রামস্য রাজ্যসাধারণাদ্ভয়ম্ ।
তদ্বিচিন্ত্য বিষণ্ণাস্মি ভয় ভীতাদ্ধি জায়তে ॥২-৮-৫॥
8.6
লক্ষ্মণো হি মহেষ্বাসো রামং সর্বাত্মনা গতঃ ।
শত্রুঘ্নশ্চাপি ভরতং কাকুত্থ্সং লক্ষ্মণো যথা ॥২-৮-৬॥
8.7
প্রত্যাসন্নক্রমেণাপি ভরতস্তৈব ভামিনি ।
রাজ্যক্রমো বিপ্রকৃষ্টস্তয়োস্তাবত্কনীয়সোঃ ॥২-৮-৭॥
8.8
বিদুষঃ ক্ষত্রচারিত্রে প্রাজ্ঞস্য প্রাপ্তকারিণঃ ।
ভয়াত্প্রবেপে রামস্য চিন্তয়ন্তী তবাত্মজম্ ॥২-৮-৮॥
8.9
সুভগা খলু কৌসল্যা যস্যাঃ পুত্রোঽভিষেক্ষ্যতে ।
যৌবরাজ্যেন মহতা শ্বঃ পুষ্যেণ দ্বিজোত্তমৈঃ ॥২-৮-৯॥
8.10
প্রাপ্তাং সুমহতীং প্রীতিং প্রতীতাং তাং হতদ্বিষম্ ।
উপস্থাস্যসি কৌসল্যাং দাসীবত্ত্বং কৃতাঞ্জলিঃ ॥২-৮-১০॥
8.11
এবম্ চেত্ত্বং সহাস্মাভিস্তস্যাঃ প্রেষ্য ভবিষ্যসি ।
পুত্রশ্চ তব রামস্য প্রেষ্যভাবং গমিষ্যতি ॥২-৮-১১॥
8.12
হৃষ্টাঃ খলু ভবিষ্যন্তি রামস্য পরমাঃ স্ত্রিয়ঃ ।
অপ্রহৃষ্টা ভবিষ্যন্তি স্নুষাস্তে ভরতক্ষয়ে ॥২-৮-১২॥
8.13
তাং দৃষ্ট্বা পরমপ্রীতাং ব্রুবন্তীং মন্থরাং ততঃ ।
রামস্যৈব গুণান্ দেবী কৈকেয়ি প্রশশংস হ ॥২-৮-১৩॥
8.14
ধর্মজ্ঞো গুরুভির্দান্তঃ কৃতজ্ঞ সত্যবাক্চুচি ।
রামো রাজ্ঞঃ সুতো জ্যেষ্ঠো যৌবরাজ্যমতোঽর্হতি ॥২-৮-১৪॥
8.15
ভ্রাত্R^ঊন্ভঋত্যাংশ্চ দীর্ঘায়ুঃ পিতৃবত্পালয়িষ্যতি ।
সংতপ্যসে কথং কুব্জে শ্রুত্বা রামাভিষেচনম্ ॥২-৮-১৫॥
8.16
ভরতশ্চাপি রামস্য ধ্রুবং বর্ষশতাত্পরম্ ।
পিতৃপৈতামহং রাজ্যমবাপ্তা পুরুষর্ষভঃ ॥২-৮-১৬॥
8.17
সা ত্বমভ্যুদয়ে প্রাপ্তে বর্তমানে চ মন্থরে ।
ভবিষ্যতি চ ক্ল্যাণে কিমর্থং পরিতপ্যসে ॥২-৮-১৭॥
8.18
যথা নে ভরতো মান্যস্তথা ভূয়োঽপি রাঘাবঃ ।
কৌসল্যাতোঽরিক্তং চ সো হি শুশ্রূষতে হি মাম্ ॥২-৮-১৮॥
8.19
রাজ্যং যদি হি রামস্য ভরতস্যাপি তত্তদা ।
মন্যতে হি যথাত্মানং তথা ভ্রাত্R^ঊংশ্চ রাঘবঃ ॥২-৮-১৯॥
8.20
কৈকেয়ীবচনং শ্রুত্বা মন্থরা ভৃশদুঃখিতা ।
দীর্ঘমুষ্ণং নিঃশ্বস্য কৈকেয়ীমিদমব্রবীৎ ॥২-৮-২০॥
8.21
অনর্থদর্শিনী মৌর্খ্যান্নাত্মানমববুধ্যসে ।
শোকব্যসনবিস্তীর্ণে মজ্জন্তী দুঃখসাগরে ॥২-৮-২১॥
8.22
ভবিতা রাঘবো রাজা রাঘবস্যানু যঃ সুতঃ ।
রাজবংশাত্তু কৈকেয়ি ভরতঃ পরিহাস্যতে ॥২-৮-২২॥
8.23
ন হি রাজ্ঞঃ সুতাঃ সর্বে রাজ্যে তিষ্ঠন্তি ভামিনি ।
স্থাপ্যমানেষু সর্বেষু সুমহাননয়ো ভবেৎ ॥২-৮-২৩॥
8.24
তস্মাজ্জ্যেষ্ঠে হি কৈকেয়ি রাজ্যতন্ত্রাণি পার্থিবাঃ ।
স্থাপয়ন্ত্যনবদ্যাঙ্গি গুণবত্স্বতরেষ্বপি ॥২-৮-২৪॥
8.25
অসাবত্যন্তনির্ভগ্ন স্তবপুত্রো ভবিষ্যতি ।
অনাথবত্সুখেভ্যশ্চ রাজবংশাচ্চ বত্সলে ॥২-৮-২৫॥
8.26
সাহং ত্বদর্থে সংপ্রাপ্তা ত্বং তু মাং নাববুধ্যসে ।
সপত্নিবৃদ্দৌ যা মে ত্বং প্রদেয়ং দাতুমিচ্চিসি ॥২-৮-২৬॥
8.27
ধ্রুবং তু ভরতং রামঃ প্রাপ্য রাজ্যমকণ্টকম্ ।
দেশান্তরং বাসয়িতা লোকান্তরমথাপি ব ॥২-৮-২৭॥
8.28
বাল এব হি মাতুল্যং ভরতো নায়িতস্ত্বয়া ।
সন্নিকর্ষাচ্চ সৌহার্দং জায়তে স্থাবরেষ্বপি ॥২-৮-২৮॥
8.29
ভরতস্যানুবশগঃ শত্রুঘ্নোঽপি সমং গতঃ ।
লক্ষ্মণো হি যথা রামং তথাসৌ ভরতং গতঃ ॥২-৮-২৯॥
8.30
শ্রূয়তে হি দ্রুমঃ কশ্চিচ্চেত্তব্যো বনজীবিভিঃ ।
সন্নিকর্ষাদিষীকাভির্মো চিতঃ পরমাদ্ভয়াৎ ॥২-৮-৩০॥
8.31
গোপ্তা হি রামং সৌমিত্রির্লক্ষ্মণং চাপি রাঘবঃ ।
অশ্বিনোরিব সৌভ্রাত্রং তয়োর্লোকেষু বিশ্রুতম্ ॥২-৮-৩১॥
8.32
তস্মান্ন লক্ষ্মণে রামঃ পাপং কিঞ্চিত্করিষ্যতি ।
রামস্তু ভরতে পাপং কুর্যাদিতি ন সং শয়ঃ ॥২-৮-৩২॥
8.33
তস্মাদ্রাজগৃহাদেব বনং গচ্ছতু তে সুতঃ ।
এতদ্ধি রোচতে মহ্যং ভৃশং চাপি হিতং তব ॥২-৮-৩৩॥
8.34
এবং তে জ্ঞাতিপক্ষস্য শ্রেয়শ্চৈব ভবিষ্যতি ।
যদি চেদ্ভরতো ধর্মাত্পিত্র্যং রাজ্যমবাপ্স্যতি ॥২-৮-৩৪॥
8.35
স তে সুখোচিতো বালো রামস্য সহজো রিপুঃ ।
সমৃদ্ধার্থস্য নষ্টার্থো জীবিষ্যতি কথং বশে ॥২-৮-৩৫॥
8.36
অভিদ্রুতমিবারণ্যে সিংহেন গজয়ূথপম্ ।
প্রচ্ছাদ্যমানং রামেণ ভরতং ত্রাতুমর্হসি ॥২-৮-৩৬॥
8.37
দর্পান্নিরাকৃতা পূর্বং ত্বয়া সৌভাগ্যবত্তয়া ।
রামমাতা সপত্নী তে কথং বৈরং ন শাতয়েৎ ॥২-৮-৩৭॥
8.38
যদা হি রামঃ পৃথিবীমবাপ্স্যতি ।
প্রভূতরত্নাকরশৈলপত্তনাম্ ।তদা গমিষ্যস্যশুভং পরাভবং ।সহৈব দীনা ভরতেন ভামিনি ॥২-৮-৩৮॥
8.39
যদা হি রামঃ পৃথিবীমবাপ্স্যতি ।
ধ্রুবং প্রণষ্টো ভরতো ভবিষ্যতি ।অতো হি সংচিন্তয় রাজ্যমাত্মজে ।পর্স্য চৈবাদ্য বিবাসকারণম্ ॥২-৮-৩৯॥