Utshovসর্গ 7
7.1
জঞাতিদাসী যতো জাতা কৈকেয্যা তু সহোষিতা ।
প্রাসাদং চন্দ্রসঙ্কাশমারুরোহ যদৃচ্ছয়া ॥২-৭-১॥
7.2
সিক্তরাজপথাং কৃত্স্নাং প্রকীর্ণকুসুমোত্করাম্ ।
অয়োধ্যাং মন্থরা তস্মাত্প্রাসাদাদন্ববৈক্ষত ॥২-৭-২॥
7.3
পতাকাভির্বরার্হাভির্ধ্বজৈশ্চ সমলঙ্কৃতাম্ ।
বৃতাং চংদপথৈশ্চাপি শিরঃস্নাতজনৈর্বৃতাম্ ॥২-৭-৩॥
7.4
মাল্যমোদকহস্তৈশ্চ দ্বিজেন্দ্রৈরভিনাদিতাম্ ।
শুক্লদেবগৃহদ্বারাং সর্ববাদিত্রনিস্বনাম্ ॥২-৭-৪॥
7.5
সংপ্রহৃষ্টজনাকীর্ণাং ব্রহ্মঘোষাভিনাদিতাম্ ।
প্রহৃষ্টবরহস্ত্যশ্বাং সংপ্রণর্ধিতগোবৃশাম্ ॥২-৭-৫॥
7.6
প্রহৃউষ্টমুদিতৈঃ পৌরৈরুচ্চ্রি তদ্বজমালিনীম্ ।
অয়োধ্যাং বন্থরা তস্মাত্প্রাসাদাদন্ববৈক্ষত ॥২-৭-৬॥
7.7
প্রহর্ষোত্ফুল্লনয়নাং পাণ্ডুরক্ষৌমবাসিনীম্ ।
অবিদূরে স্থিতাং দৃষ্ট্বা ধাত্রীং পপ্রচ্ছ মন্থরা ॥২-৭-৭॥
7.8
উত্তমেনাভিসংয়ুক্তা হর্ষেণার্থপরা সতী ।
রামমাতা ধনং কিং নু জনেভ্যঃ সংপ্রয়চ্ছতি ॥২-৭-৮॥
7.9
অতিমাত্রপ্রহর্ষোঽয়ং কিং জনস্য চ শংস মে ।
কারয়িষ্যতি কিং বাপি সংপ্রহৃষ্টো মহীপতিঃ ॥২-৭-৯॥
7.10
বিদীর্যমাণা হর্ষেণ ধাত্রী তু পরয়া মুদা ।
আচ্চ্ক্ষে/অথ কুব্জায়ৈ ভূয়সীং রাঘবশ্রিয়ম্ ॥২-৭-১০॥
7.11
শ্বঃ পুষ্যেণ জিতক্রোধং যৌবরাজ্যেন রাঘবম্ ।
রাজা দশরথো রামমভিষেচয়িতানঘম্ ॥২-৭-১১॥
7.12
ধাত্র্যাস্তু বচনং শ্রুত্বা কুব্জা ক্ষিপ্রমমর্ষিতা ।
কৈলাসশিখরাকারাত্প্রাসাদাদবরোহত ॥২-৭-১২॥
7.13
সা দহ্যমানা কোপেন মনথরা পাপদর্শিনী ।
শয়ানামেত্য কৈকেয়ীমিদং বচন মব্রবীৎ ॥২-৭-১৩॥
7.14
উত্তিষ্ঠ মূঢে কিং শেষে ভয়ং ত্বামভিবর্ততে ।
উপপ্লুতমঘৌঘেন কিমাত্মানং ন বুধ্যসে ॥২-৭-১৪॥
7.15
অনিষ্টে সুভগাকারে সৌভগ্যেন বিকত্থসে ।
চলং হি তব সৌভাগ্যং নদ্যাঃ স্রোত ইবোষ্ণগে ॥২-৭-১৫॥
7.16
এবমুক্তা তু কৈকেয়ী রুষ্টয়া পরুষং বচঃ ।
কুব্জয়া পাপদর্শিন্যা বিষাদমগমত্পরম্ ॥২-৭-১৬॥
7.17
কৈকেয়ি ত্বব্রবীত্কুভাং কচ্চিত্ক্ষেমং ন মনথরে ।
বিষণ্ণবদনাং হি ত্বাং লক্ষয়ে ভৃ শদুঃখিতাম্ ॥২-৭-১৭॥
7.18
মন্থরা তু বচঃ শ্রুত্বা কৈকেয্যা মধুরাক্ষরম্ ।
উবাচ ক্রোধসংয়ুক্তা বাক্যং বাক্যবিশারদা ॥২-৭-১৮॥
7.19
সা বিষণ্ণতরা ভূত্বা কুব্জা তস্যা হিতৈষিণী ।
বিষদয়ন্তী প্রোবাচ ভেদয়ন্তী চ রাঘবম্ ॥২-৭-১৯॥
7.20
অক্ষয্যং সুমহদ্দেবি প্রবৃত্তং দ্বদ্বিনাশনম্ ।
রামং দশরথো রাজা যৌবরাজ্যেঽভিষেক্ষ্যতি ॥২-৭-২০॥
7.21
সাস্ম্যগাধে ভয়ে মগ্না দুঃখশোকসমন্বিতা ।
দহ্যমানাঽ নলেনেব ত্বদ্ধিতার্থমিহাগতা ॥২-৭-২১॥
7.22
তব দুঃখেন কৈকেয়ি মম দুঃখং মহদ্ভবেৎ ।
ত্বদ্বৃদ্ধৌ মম বৃদ্ধিশ্চ ভবেদত্র ন সংশয়ঃ ॥২-৭-২২॥
7.23
নরাধিপকুলে জাতা মহিষী ত্বং মহীপতেঃ ।
উগ্রত্বং রাজধর্মাণাং কথং দেবি ন বুধ্যসে ॥২-৭-২৩॥
7.24
ধর্মবাদী শঠো ভর্তা শ্লক্ষ্ণবাদী চ দারুণঃ ।
শুদ্ধভাবে ন জানীষে তেনৈবমতিসন্ধিতা ॥২-৭-২৪॥
7.25
উপস্থিতং পয়ুঞ্জানস্ত্বয়ি সান্ত্বমনর্থকম্ ।
অর্থেনৈবাদ্য তে ভর্তা কৌসল্যাং যোজয়িষ্যতি ॥২-৭-২৫॥
7.26
অপবাহ্য স দুষ্টাত্মা ভরতং তব বন্ধুষু ।
কাল্যং স্থাপয়িতা রামং রাজ্যে নিহতকণ্টকে ॥২-৭-২৬॥
7.27
শত্রুঃ পতিপ্রবাদেন মাত্রেব হিতকাম্যয়া ।
আশীবিষ ইবাঙ্কেন বালে পরিধৃতস্ত্বয়া ॥২-৭-২৭॥
7.28
যথা হি কুর্যাত্সর্পো বা শত্রুর্বা প্রত্যুপেক্ষিতঃ ।
রাজঞা দশরথেনাদ্য সপুত্রা ত্বং তথা কৃতা ॥২-৭-২৮॥
7.29
পাপেনানৃতসান্ত্বেন বালে নিত্যং সুখোচিতে ।
রামং স্থাপয়তা রাজ্যে সানুবন্ধা হতা হ্যসি ॥২-৭-২৯॥
7.30
সা প্রাপ্তকালং কৈকেয়ি ক্ষিপ্রং কুরু হিতং তব ।
ত্রায়স্ব পুত্রমাত্মানং মাং চ বিস্ময়দর্শনে ॥২-৭-৩০॥
7.31
মন্থরায়া বচঃ শ্রুত্বা শয়নাত্স শুভাননা ।
উত্তস্থৌ হর্ষসংপূর্ণা চন্দ্রলেখব শারদী ॥২-৭-৩১॥
7.32
অতীব সা তু সংহৃষ্টাঅ কৈকেয়ী বিস্ময়ান্বিতা ।
একমাভরণং তস্যৈ কুব্জায়ৈ প্রদদৌ শুভম্ ॥২-৭-৩২॥
7.33
দত্ত্বা ত্বাভরণং তস্যৈ কুব্জায়ৈ প্রমদোত্তমা ।
কৈকেয়ী মন্থরাং হৃষ্টা পুনরেবাব্রবীদিদম্ ॥২-৭-৩৩॥
7.34
ইদং তু মন্থরে মহ্যমাখ্যাসি পরমং প্রিয়ম্ ।
এতন্মে প্রিয়মাখ্যাতুঃ কিং বা ভূয়ঃ করোমি তে ॥২-৭-৩৪॥
7.35
রামে বা ভরতে বাহং বিশেষং নোপলক্ষয়ে ।
তস্মাত্তুষ্টাস্মি যদ্রাজা রামং রাজ্যেঽভিষেক্ষ্যতি ॥২-৭-৩৫॥
7.36
ন মে পরং কিঞ্চি দিতস্ত্বয়াপি ন ।
প্রিয়ং প্রিয়ার্হে সুবচং বচো বরম্ ।তথা হ্যবোচস্ত্বমতঃ প্রিয়োত্তরং ।বরং বরং তে প্রদদামি তং বৃণু ॥২-৭-৩৬॥