Utshovসর্গ 6
6.1
গতে পুরোহিতে রামঃ স্নাতো নিয়তমানসঃ ।
সহ পত্ন্যা বিশালাক্ষ্যা নারায়ণমুপাগমৎ ॥২-৬-১॥
6.2
প্রগৃহ্য শিরসা পাত্রং হবিষো বিধিবত্তদা ।
মহতে দৈবতায়াজ্যং জুহাব জ্বলিতানলে ॥২-৬-২॥
6.3
শেষং চ হবিষস্তস্য প্রাশ্যাশাস্যাত্মনঃ প্রিয়ম্ ।
ধ্যায়ন্নারায়ণং দেবং স্বাস্তীর্ণে কুশসংস্তরে ॥২-৬-৩॥
6.4
বাগ্যতঃ সহ বৈদেহ্যা ভূত্বা নিয়তমানসঃ ।
শ্রীমত্যায়তনে বিষ্ণোঃ শিশ্যে নরবরাত্মজঃ ॥২-৬-৪॥
6.5
একয়ামাবশিষ্টায়াং রাত্র্যাং প্রতিবিবুধ্য সঃ ।
অলঞ্কারবিধিং কৃত্স্নং কারয়ামাস বেশ্মনঃ ॥২-৬-৫॥
6.6
তত্র শৃণ্বন্ সুখা বাচঃ সূতমাগধবন্দিনাম্ ।
পূর্বাং সন্ধ্যামুপাসীনো জজাপ যতমানসঃ ॥২-৬-৬॥
6.7
তুষ্টাব প্রণতশ্চৈব শিরসা মধুসূদনম্ ।
বিমলক্ষৌমসংবীতো বাচয়ামাস চ দ্বিজান্ ॥২-৬-৭॥
6.8
তেষাং পুণ্যাহঘোষোঽধ গম্ভীরমধুরস্তদা ।
অয়োধ্যাং পূরয়ামাস তূর্যঘোষানুনাদিতঃ ॥২-৬-৮॥
6.9
কৃতোপবাসং তু তদা বৈদেহ্যা সহ রাঘবম্ ।
অয়োধ্যানিলয়ঃ শ্রুত্বা সর্বঃ প্রমুদিতো জনঃ ॥২-৬-৯॥
6.10
ততঃ পৌরজনঃ সর্বঃ শ্রুত্বা রামাভিষেচনম্ ।
প্রভাতাং রজনীং দৃষ্ট্বা চক্রে শোভয়িতুং পুরীম্ ॥২-৬-১০॥
6.11
সিতাভ্রশিখরাভেষু দেবতায়তনেষু চ ।
চতুষ্পধেষু রধ্যাসু চৈত্যেষ্বট্টাল কেষু চ ॥২-৬-১১॥
6.12
নানাপণ্যসমৃদ্ধেষু বণিজামাপণেষু চ ।
কুটুম্বিনাং সমৃদ্ধেষু শ্রীমত্সু ভবনেষু চ ॥২-৬-১২॥
6.13
সভাসু চৈব সর্বাসু বৃক্ষেষ্বালক্ষিতেএশু চ ।
ধ্বজাঃ সমুচ্ছ্রিতাশ্চিত্রাঃ পতাকাশ্চাভবংস্তদা ॥২-৬-১৩॥
6.14
নটনর্তকসংঘানাং গায়কানাং চ গায়তাম্ ।
মনঃকর্ণসুখা বাচঃ শুশ্রুবুশ্চ ততস্ততঃ ॥২-৬-১৪॥
6.15
রামাভিষেকয়ুক্তাশ্চ কথাশ্চক্রুর্মিথো জনাঃ ।
রামাভিষেকে সংপ্রপ্তে চত্বরেষু গৃহেষু চ ॥২-৬-১৫॥
6.16
বালা অপি ক্রীডমানা গৃ হদ্বারেষু সংঘশঃ ।
রামাভিষবসংয়ুক্তাশ্চক্রুরেবং মিথঃ কথাঃ ॥২-৬-১৬॥
6.17
কৃতপুষ্পোপহারশ্চ ধূপগন্ধাধিবাসিতঃ ।
রাজমার্গঃ কৃতঃ শ্রীমান্ পৌরৈ রামাভিষেচনে ॥২-৬-১৭॥
6.18
প্রকাশকরণার্ধং চ নিশাগমনশঞ্কয়া ।
দীপবৃক্ষাং স্তথাচক্রু রনুর্থ্যসু সর্বশঃ ॥২-৬-১৮॥
6.19
অলঙ্কারং পুরস্ত্যবং কৃত্বা তত্পুরবাসিনঃ ।
আকাঙ্ক্ষমাণা রামস্য যৌবরাজ্যাভিষেচনম্ ॥২-৬-১৯॥
6.20
সমেত্য সংঘশঃ সর্বে চত্বরেষু সভাসু চ ।
কথয়ন্তো মিথস্তত্র প্রশশংসুর্জনাধিপম্ ॥২-৬-২০॥
6.21
অহোও মহাত্মা রাজায়মিক্ষ্বাকুকুলনন্দনঃ ।
জ্ঞাত্বা যো বৃদ্ধ মাত্মানং রামং রাজ্যেঽভিষেক্ষ্যতি ॥২-৬-২১॥
6.22
সর্বেঽপ্যনুগৃহীতাঃ স্ম যন্নো রামো মহীপতিঃ ।
চিরায় ভবিতা গোপ্তা দৃষ্টলোকপরাবরঃ ॥২-৬-২২॥
6.23
আনুদ্ধতমনা বিদ্বান্ ধর্মাত্মা ভ্রাতৃবত্সলঃ ।
যধা চ ভ্রাতৃষু স্নিগ্ধস্তথাস্মাস্বপি রাঘবঃ ॥২-৬-২৩॥
6.24
চিরং জীবতু ধর্মাত্মা রাজা দশরথোঽনঘঃ ।
যত্প্রসাদেনাভিষিক্তং রামং দ্রক্ষ্যামহে বয়ম্ ॥২-৬-২৪॥
6.25
এবংবিধং কথয়তাং পৌরাণাং শুশ্রুবুস্তদা ।
দিগ্ভ্যোঽপি শ্রুতবৃত্তান্তাঃ প্রাপ্তাজানপদা নরাঃ ॥২-৬-২৫॥
6.26
তে তু দিগ্ভ্যঃ পুরীং প্রাপ্তা দ্রষ্টুং রামাভিষেচনম্ ।
রামস্য পূরয়ামাসুঃ পুরীং জানপদা জনাঃ ॥২-৬-২৬॥
6.27
জনৌঘৈ স্তৈর্বিসর্পদ্ভিঃ শুশ্রুবে তত্র নিস্বনঃ ।
পর্বসূদীর্ণবেগস্য সাগরস্যেব নিস্বনঃ ॥২-৬-২৭॥
6.28
ততস্তদিন্দ্রক্ষয়সন্নিভং পুরং ।
দিদৃক্ষুভির্জানপদৈ রুপাগতৈঃ ।সমন্ততঃ সস্বনমাকুলং বভৌ ।সমুদ্রয়াদোভি রিবার্ণবোদকম্ ॥২-৬-২৮॥