UtshovSarga 6
6.1
गते पुरोहिते रामः स्नातो नियतमानसः ।
सह पत्न्या विशालाक्ष्या नारायणमुपागमत् ॥२-६-१॥
Gate purohite ramah snato niyatamanasah
Saha patnya vishalakshya narayanamupagamat
6.2
प्रगृह्य शिरसा पात्रं हविषो विधिवत्तदा ।
महते दैवतायाज्यं जुहाव ज्वलितानले ॥२-६-२॥
Pragrihya shirasa patram havisho vidhivattada
Mahate daivatayajyam juhava jvalitanale
6.3
शेषं च हविषस्तस्य प्राश्याशास्यात्मनः प्रियम् ।
ध्यायन्नारायणं देवं स्वास्तीर्णे कुशसंस्तरे ॥२-६-३॥
Shesham cha havishastasya prashyashasyatmanah priyam
Dhyayannarayanam devam svastirne kushasanstare
6.4
वाग्यतः सह वैदेह्या भूत्वा नियतमानसः ।
श्रीमत्यायतने विष्णोः शिश्ये नरवरात्मजः ॥२-६-४॥
Vagyatah saha vaidehya bhutva niyatamanasah
Shrimatyayatane vishnoh shishye naravaratmajah
6.5
एकयामावशिष्टायां रात्र्यां प्रतिविबुध्य सः ।
अलञ्कारविधिं कृत्स्नं कारयामास वेश्मनः ॥२-६-५॥
Ekayamavashishtayam ratryam prativibudhya sah
Alankaravidhim kritsnam karayamasa veshmanah
6.6
तत्र शृण्वन् सुखा वाचः सूतमागधवन्दिनाम् ।
पूर्वां सन्ध्यामुपासीनो जजाप यतमानसः ॥२-६-६॥
Tatra shrinvan sukha vachah sutamagadhavandinam
Purvam sandhyamupasino jajapa yatamanasah
6.7
तुष्टाव प्रणतश्चैव शिरसा मधुसूदनम् ।
विमलक्षौमसंवीतो वाचयामास च द्विजान् ॥२-६-७॥
Tushtava pranatashchaiva shirasa madhusudanam
Vimalakshaumasanvito vachayamasa cha dvijan
6.8
तेषां पुण्याहघोषोऽध गम्भीरमधुरस्तदा ।
अयोध्यां पूरयामास तूर्यघोषानुनादितः ॥२-६-८॥
Tesham punyahaghoshodha gambhiramadhurastada
Ayodhyam purayamasa turyaghoshanunaditah
6.9
कृतोपवासं तु तदा वैदेह्या सह राघवम् ।
अयोध्यानिलयः श्रुत्वा सर्वः प्रमुदितो जनः ॥२-६-९॥
Kritopavasam tu tada vaidehya saha raghavam
Ayodhyanilayah shrutva sarvah pramudito janah
6.10
ततः पौरजनः सर्वः श्रुत्वा रामाभिषेचनम् ।
प्रभातां रजनीं दृष्ट्वा चक्रे शोभयितुं पुरीम् ॥२-६-१०॥
Tatah paurajanah sarvah shrutva ramabhishechanam
Prabhatam rajanim drishtva chakre shobhayitum purim
6.11
सिताभ्रशिखराभेषु देवतायतनेषु च ।
चतुष्पधेषु रध्यासु चैत्येष्वट्टाल केषु च ॥२-६-११॥
Sitabhrashikharabheshu devatayataneshu cha
Chatushpadheshu radhyasu chaityeshvattala keshu cha
6.12
नानापण्यसमृद्धेषु वणिजामापणेषु च ।
कुटुम्बिनां समृद्धेषु श्रीमत्सु भवनेषु च ॥२-६-१२॥
Nanapanyasamriddheshu vanijamapaneshu cha
Kutumbinam samriddheshu shrimatsu bhavaneshu cha
6.13
सभासु चैव सर्वासु वृक्षेष्वालक्षितेएशु च ।
ध्वजाः समुच्छ्रिताश्चित्राः पताकाश्चाभवंस्तदा ॥२-६-१३॥
Sabhasu chaiva sarvasu vriksheshvalakshiteeshu cha
Dhvajah samuchchhritashchitrah patakashchabhavanstada
6.14
नटनर्तकसंघानां गायकानां च गायताम् ।
मनःकर्णसुखा वाचः शुश्रुवुश्च ततस्ततः ॥२-६-१४॥
Natanartakasanghanam gayakanam cha gayatam
Manahkarnasukha vachah shushruvushcha tatastatah
6.15
रामाभिषेकयुक्ताश्च कथाश्चक्रुर्मिथो जनाः ।
रामाभिषेके संप्रप्ते चत्वरेषु गृहेषु च ॥२-६-१५॥
Ramabhishekayuktashcha kathashchakrurmitho janah
Ramabhisheke samprapte chatvareshu griheshu cha
6.16
बाला अपि क्रीडमाना गृ हद्वारेषु संघशः ।
रामाभिषवसंयुक्ताश्चक्रुरेवं मिथः कथाः ॥२-६-१६॥
Bala api kridamana gri hadvareshu sanghashah
Ramabhishavasanyuktashchakrurevam mithah kathah
6.17
कृतपुष्पोपहारश्च धूपगन्धाधिवासितः ।
राजमार्गः कृतः श्रीमान् पौरै रामाभिषेचने ॥२-६-१७॥
Kritapushpopaharashcha dhupagandhadhivasitah
Rajamargah kritah shriman paurai ramabhishechane
6.18
प्रकाशकरणार्धं च निशागमनशञ्कया ।
दीपवृक्षां स्तथाचक्रु रनुर्थ्यसु सर्वशः ॥२-६-१८॥
Prakashakaranardham cha nishagamanashankaya
Dipavriksham stathachakru ranurthyasu sarvashah
6.19
अलङ्कारं पुरस्त्यवं कृत्वा तत्पुरवासिनः ।
आकाङ्क्षमाणा रामस्य यौवराज्याभिषेचनम् ॥२-६-१९॥
Alankaram purastyavam kritva tatpuravasinah
Akankshamana ramasya yauvarajyabhishechanam
6.20
समेत्य संघशः सर्वे चत्वरेषु सभासु च ।
कथयन्तो मिथस्तत्र प्रशशंसुर्जनाधिपम् ॥२-६-२०॥
Sametya sanghashah sarve chatvareshu sabhasu cha
Kathayanto mithastatra prashashansurjanadhipam
6.21
अहोओ महात्मा राजायमिक्ष्वाकुकुलनन्दनः ।
ज्ञात्वा यो वृद्ध मात्मानं रामं राज्येऽभिषेक्ष्यति ॥२-६-२१॥
Ahoo mahatma rajayamikshvakukulanandanah
Gyatva yo vriddha matmanam ramam rajyebhishekshyati
6.22
सर्वेऽप्यनुगृहीताः स्म यन्नो रामो महीपतिः ।
चिराय भविता गोप्ता दृष्टलोकपरावरः ॥२-६-२२॥
Sarvepyanugrihitah sma yanno ramo mahipatih
Chiraya bhavita gopta drishtalokaparavarah
6.23
आनुद्धतमना विद्वान् धर्मात्मा भ्रातृवत्सलः ।
यधा च भ्रातृषु स्निग्धस्तथास्मास्वपि राघवः ॥२-६-२३॥
Anuddhatamana vidvan dharmatma bhratrivatsalah
Yadha cha bhratrishu snigdhastathasmasvapi raghavah
6.24
चिरं जीवतु धर्मात्मा राजा दशरथोऽनघः ।
यत्प्रसादेनाभिषिक्तं रामं द्रक्ष्यामहे वयम् ॥२-६-२४॥
Chiram jivatu dharmatma raja dasharathonaghah
Yatprasadenabhishiktam ramam drakshyamahe vayam
6.25
एवंविधं कथयतां पौराणां शुश्रुवुस्तदा ।
दिग्भ्योऽपि श्रुतवृत्तान्ताः प्राप्ताजानपदा नराः ॥२-६-२५॥
Evanvidham kathayatam pauranam shushruvustada
Digbhyopi shrutavrittantah praptajanapada narah
6.26
ते तु दिग्भ्यः पुरीं प्राप्ता द्रष्टुं रामाभिषेचनम् ।
रामस्य पूरयामासुः पुरीं जानपदा जनाः ॥२-६-२६॥
Te tu digbhyah purim prapta drashtum ramabhishechanam
Ramasya purayamasuh purim janapada janah
6.27
जनौघै स्तैर्विसर्पद्भिः शुश्रुवे तत्र निस्वनः ।
पर्वसूदीर्णवेगस्य सागरस्येव निस्वनः ॥२-६-२७॥
Janaughai stairvisarpadbhih shushruve tatra nisvanah
Parvasudirnavegasya sagarasyeva nisvanah
6.28
ततस्तदिन्द्रक्षयसन्निभं पुरं ।
दिदृक्षुभिर्जानपदै रुपागतैः ।समन्ततः सस्वनमाकुलं बभौ ।समुद्रयादोभि रिवार्णवोदकम् ॥२-६-२८॥
Tatastadindrakshayasannibham puram
Didrikshubhirjanapadai rupagataih, samantatah sasvanamakulam babhau, samudrayadobhi rivarnavodakam