Utshovসর্গ 71
71.1
স প্রান্ মুখো রাজ গৃহাৎ অভিনির্যায় বীর্যবান্ ।
ততঃ সুদামাম্ দ্যুতিমান্ সম্তীর্বাবেক্ষ্য তাম্ নদীম্ ॥২-৭১-১॥
71.2
হ্লাদিনীম্ দূর পারাম্ চ প্রত্যক্ স্রোতঃ তরন্গিণীম্ ।
শতদ্রূম্ অতরৎ শ্রীমান্ নদীম্ ইক্ষ্বাকু নন্দনঃ ॥২-৭১-২॥
71.3
এল ধানে নদীম্ তীর্ত্বা প্রাপ্য চ অপর পর্পটান্ ।
শিলাম্ আকুর্বতীম্ তীর্ত্বাআগ্নেয়ম্ শল্য কর্তনম্ ॥২-৭১-৩॥
71.4
সত্য সম্ধঃ শুচিঃ শ্রীমান্ প্রেক্ষমাণঃ শিলা বহাম্ ।
অত্যয়াৎ স মহা শৈলান্ বনম্ চৈত্র রথম্ প্রতি ॥২-৭১-৪॥
71.5
সরস্বতীম্ চ গঙ্গাম্ চ উগ্মেন প্রতিপদ্য চ ।
উত্তরম্ বীরমত্স্যানাম্ ভারুণ্ডম্ প্রাবিশদ্বনম্ ॥২-৭১-৫॥
71.6
বেগিনীম্ চ কুলিন্গ আখ্যাম্ হ্রাদিনীম্ পর্বত আবৃতাম্ ।
যমুনাম্ প্রাপ্য সম্তীর্ণো বলম্ আশ্বাসয়ৎ তদা ॥২-৭১-৬॥
71.7
শীতীকৃত্য তু গাত্রাণি ক্লান্তান্ আশ্বাস্য বাজিনঃ ।
তত্র স্নাত্বা চ পীত্বা চ প্রায়াৎ আদায় চ উদকম্ ॥২-৭১-৭॥
71.8
রাজ পুত্রঃ মহা অরণ্যম্ অনভীক্ষ্ণ উপসেবিতম্ ।
ভদ্রঃ ভদ্রেণ যানেন মারুতঃ খম্ ইব অত্যয়াৎ ॥২-৭১-৮॥
71.9
ভাগীরথীম্ দুষ্প্রতরামম্শুধানে মহানদীম্ ।
উপায়াদ্রাঘবস্তূর্ণম্ প্রাগ্বটে বিশ্রুতে পুরে ॥২-৭১-৯॥
71.10
স গঙ্গাম্ প্রাগ্বট্E তীর্ত্বে সমায়াত্কুটিকোষ্ঠিকাম্ ।
সবলস্তাম্ স তীর্ত্বাথ সমায়াদ্ধর্মবর্ধনম্ ॥২-৭১-১০॥
71.11
তোরণম্ দক্ষিণ অর্ধেন জম্বূ প্রস্থম্ উপাগমৎ ।
বরূথম্ চ যয়ৌ রম্যম্ গ্রামম্ দশরথ আত্মজঃ ॥২-৭১-১১॥
71.12
তত্র রম্যে বনে বাসম্ কৃত্বা অসৌ প্রান্ মুখো যয়ৌ ।
উদ্যানম্ উজ্জিহানায়াঃ প্রিয়কা যত্র পাদপাঃ ॥২-৭১-১২॥
71.13
সালাম্স্ তু প্রিয়কান্ প্রাপ্য শীঘ্রান্ আস্থায় বাজিনঃ ।
অনুজ্ঞাপ্য অথ ভরতঃ বাহিনীম্ ত্বরিতঃ যয়ৌ ॥২-৭১-১৩॥
71.14
বাসম্ কৃত্বা সর্ব তীর্থে তীর্ত্বা চ উত্তানকাম্ নদীম্ ।
অন্যা নদীঃ চ বিবিধাঃ পার্বতীয়ৈঅঃ তুরম্ গমৈঃ ॥২-৭১-১৪॥
71.15
হস্তি পৃষ্ঠকম্ আসাদ্য কুটিকাম্ অত্যবর্তত ।
ততার চ নর ব্যাঘ্রঃ লৌহিত্যে স কপীবতীম্ ॥২-৭১-১৫॥
71.16
এক সালে স্থাণুমতীম্ বিনতে গোমতীম্ নদীম্ ।
কলিন্গ নগরে চ অপি প্রাপ্য সাল বনম্ তদা ॥২-৭১-১৬॥
71.17
ভরতঃ ক্ষিপ্রম্ আগচ্চৎ সুপরিশ্রান্ত বাহনঃ ।
বনম্ চ সমতীত্য আশু শর্বর্যাম্ অরুণ উদয়ে ॥২-৭১-১৭॥
71.18
অয়োধ্যাম্ মনুনা রাজ্ঞা নির্মিতাম্ স দদর্শ হ ।
তাম্ পুরীম্ পুরুষ ব্যাঘ্রঃ সপ্ত রাত্র উষিটঃ পথি ॥২-৭১-১৮॥
71.19
অয়োধ্যাম্ অগ্রতঃ দৃষ্ট্বা রথে সারথিম্ অব্রবীৎ ।
এষা ন অতিপ্রতীতা মে পুণ্য উদ্যানা যশস্বিনী ॥২-৭১-১৯॥
71.20
অয়োধ্যা দৃশ্যতে দূরাৎ সারথে পাণ্ডু মৃত্তিকা ।
যজ্বভির্ গুণ সম্পন্নৈঃ ব্রাহ্মণৈঃ বেদ পারগৈঃ ॥২-৭১-২০॥
71.21
ভূয়িষ্ঠম্ ঋষৈঃ আকীর্ণা রাজ ঋষি বর পালিতা ।
অয়োধ্যায়াম্ পুরা শব্দঃ শ্রূয়তে তুমুলো মহান্ ॥২-৭১-২১॥
71.22
সমন্তান্ নর নারীণাম্ তম্ অদ্য ন শৃণোম্য্ অহম্ ।
উদ্যানানি হি সায় অহ্নে ক্রীডিত্বা উপরতৈঃ নরৈঃ ॥২-৭১-২২॥
71.23
সমন্তাৎ বিপ্রধাবদ্ভিঃ প্রকাশন্তে মম অন্যদা ।
তানি অদ্য অনুরুদন্তি ইব পরিত্যক্তানি কামিভিঃ ॥২-৭১-২৩॥
71.24
অরণ্য ভূতা ইব পুরী সারথে প্রতিভাতি মে ।
ন হি অত্র যানৈঃ দৃশ্যন্তে ন গজৈঃ ন চ বাজিভিঃ ॥২-৭১-২৪॥
71.25
নির্যান্তঃ বা অভিয়ান্তঃ বা নর মুখ্যা যথা পুরম্ ।
উদ্যানানি পুরা ভান্তি মত্তপ্রমুদিতানি চ ॥২-৭১-২৫॥
71.26
জনানাম্ রতিসম্যোগেষ্বত্যন্তগুণবন্তি চ ।
তান্যেতান্যদ্য বশ্যামি নিরানন্দানি সর্বশঃ ॥২-৭১-২৬॥
71.27
স্রস্তপর্ণৈরনুপথম্ বিক্রোশদ্ভিরিব দ্রুমৈঃ ।
নাদ্যাপি শ্রূয়তে শব্দো মত্তানাম্ মৃগপক্ষিণাম্ ॥২-৭১-২৭॥
71.28
সম্রক্তাম্ মধুরাম্ বাণীম্ কলম্ ব্যাহরতাম্ বহু ।
চন্দনাগুরুসম্পৃক্তো ধূপসম্মূর্চিতোঽতুলঃ ॥২-৭১-২৮॥
71.29
প্রবাতি পবনঃ শ্রীমান্ কিম্ নু নাদ্য যথাপুরম্ ।
ভেরীমৃদঙ্গবীণানাম্ কোণসম্ঘট্টিতঃ পুনঃ ॥২-৭১-২৯॥
71.30
কিমদ্য শব্দো বিরতঃ সদাঽদীনগতিঃ পুরা ।
অনিষ্টানি চ পাপানি পশ্যামি বিবিধানি চ ॥২-৭১-৩০॥
71.31
নিমিত্তানি অমনোজ্ঞানি তেন সীদতি তে মনঃ ।
সর্বথা কুশলম্ সূত দুর্লভম্ মম বন্ধুষু ॥২-৭১-৩১॥
71.32
তথা হ্যসতি সম্মোহে হৃদয়ম্ সীদতীব মে ।
বিষণ্ণঃ শান্তহৃদয়স্ত্রস্তঃ সুলুলিতেন্দ্রিয়ঃ ॥২-৭১-৩২॥
71.33
ভরতঃ প্রবিবেশাশু পুরীমিক্ষ্বাকুপালিতাম্ ।
দ্বারেণ বৈজয়ন্তেন প্রাবিশৎ শ্রান্ত বাহনঃ ॥২-৭১-৩৩॥
71.34
দ্বাহ্স্থৈঃ উত্থায় বিজয়ম্ পৃষ্টঃ তৈঃ সহিতঃ যয়ৌ ।
স তু অনেক অগ্র হৃদয়ো দ্বাহ্স্থম্ প্রত্যর্চ্য তম্ জনম্ ॥২-৭১-৩৪॥
71.35
সূতম্ অশ্ব পতেঃ ক্লান্তম্ অব্রবীৎ তত্র রাঘবঃ ।
কিমহম্ ত্বরয়ানীতঃ কারণেন বিনানঘ ॥২-৭১-৩৫॥
71.36
অশুভাশঙ্কি হৃদয়ম্ শীলম্ চ পততীব মে ।
শ্রুতা নো যাদৃশাঃ পূর্বম্ নৃপতীনাম্ বিনাশনে ॥২-৭১-৩৬॥
71.37
আকারাঃ তান্ অহম্ সর্বান্ ইহ পশ্যামি সারথে ।
সম্মার্জনবিহীনানি পরুষাণ্যুপলক্ষয়ে ॥২-৭১-৩৭॥
71.38
অসম্যতকবাটানি শ্রীবিহীনানি সর্বশঃ ।
বলিকর্মবিহীনানি ধূপসম্মেদনেন চ ॥২-৭১-৩৮॥
71.39
অনাশিতকুটুম্বানি প্রভাহীনজনানি চ ।
অলক্স্মীকানি পশ্যামি কুটুম্বিভবনান্যহম্ ॥২-৭১-৩৯॥
71.40
অপেতমাল্যশোভানি অসম্মৃষ্টাজিরাণি চ ।
দেবাগারাণি শূন্যানি ন চাভান্তি যথাপুরম্ ॥২-৭১-৪০॥
71.41
দেবতার্চাঃ প্রবিদ্ধাশ্চ যজ্ঞ্গোষ্ঠ্যস্তথাবিধাঃ ।
মাল্যাপণেষু রাজন্তে নাদ্য পণ্যানি বা তথা ॥২-৭১-৪১॥
71.42
দৃশ্যন্তে বণিজোঽপ্যদ্য ন যথাপূর্বমত্রবৈ ।
ধ্যানসম্বিগ্নহৃদয়াঃ নষ্টব্যাপারয়ন্ত্রিতাঃ ॥২-৭১-৪২॥
71.43
দেবায়তনচৈত্যেষুদীনাঃ পক্ষিগণাস্তথা ॥২-৭১-৪৩॥
71.44
মলিনম্ চ অশ্রু পূর্ণ অক্ষম্ দীনম্ ধ্যান পরম্ কৃশম্ ।
সস্ত্রী পুম্সম্ চ পশ্যামি জনম্ উত্কণ্ঠিতম্ পুরে ॥২-৭১-৪৪॥
71.45
ইতি এবম্ উক্ত্বা ভরতঃ সূতম্ তম্ দীন মানসঃ ।
তানি অনিষ্টানি অয়োধ্যায়াম্ প্রেক্ষ্য রাজ গৃহম্ যয়ৌ ॥২-৭১-৪৫॥
71.46
তাম্ শূন্য শৃন্গ অটক বেশ্ম রথ্যাম্ ।
রজো অরুণ দ্বার কপাট যন্ত্রাম্ ।দৃষ্ট্বা পুরীম্ ইন্দ্র পুরী প্রকাশাম্ ।দুহ্খেন সম্পূর্ণতরঃ বভূব ॥২-৭১-৪৬॥
71.47
বহূনি পশ্যন্ মনসো অপ্রিয়াণি ।
যানি অন্ন্যদা ন অস্য পুরে বভূবুঃ ।অবাক্ শিরা দীন মনা নহৃষ্টঃ ।পিতুর্ মহাত্মা প্রবিবেশ বেশ্ম ॥২-৭১-৪৭॥