সর্গ 62

62.1

এবম্ তু ক্রুদ্ধয়া রাজা রাম মাত্রা সশোকয়া ।
শ্রাবিতঃ পরুষম্ বাক্যম্ চিন্তয়াম্ আস দুহ্খিতঃ ॥২-৬২-১॥

চিন্তয়িত্বা স চ নৃপো মুমোহ ব্যাকুলেন্দ্রিয়ঃ ।
অথ দীর্ঘেণ কালেন সম্জ্ঞামাপ পরতপঃ ॥২-৬২-২॥

স সম্জ্ঞাঅমুপলব্যৈব দীর্ঘমুষ্ণম্ চ নিঃসসন্ ।
কৌসল্যাম্ পার্শ্বতো দৃষ্ট্বা ততশ্চিন্তামুপাগমৎ ॥২-৬২-৩॥

তস্য চিন্তয়মানস্য প্রত্যভাৎ কর্ম দুষ্কৃতম্ ।
যদ্ অনেন কৃতম্ পূর্বম্ অজ্ঞানাৎ শব্দ বেধিনা ॥২-৬২-৪॥

অমনাঃ তেন শোকেন রাম শোকেন চ প্রভুঃ ।
দ্বাভ্যামপি মহারাজঃ শোকাব্যামভিতপ্যতো ॥২-৬২-৫॥

দহ্যমানঃ তু শোকাভ্যাম্ কৌসল্যাম্ আহ ভূ পতিঃ ।
বেপমানোঽঞ্জলিম্ কৃত্বা প্রসাদর্তমবাঙ্মুখঃ ॥২-৬২-৬॥

প্রসাদয়ে ত্বাম্ কৌসল্যে রচিতঃ অয়ম্ ময়া অন্জলিঃ ।
বত্সলা চ আনৃশম্সা চ ত্বম্ হি নিত্যম্ পরেষ্ব্ অপি ॥২-৬২-৭॥

ভর্তা তু খলু নারীণাম্ গুণবান্ নির্গুণো অপি বা ।
ধর্মম্ বিমৃশমানানাম্ প্রত্যক্ষম্ দেবি দৈবতম্ ॥২-৬২-৮॥

সা ত্বম্ ধর্ম পরা নিত্যম্ দৃষ্ট লোক পর অবর ।
ন অর্হসে বিপ্রিয়ম্ বক্তুম্ দুহ্খিতা অপি সুদুহ্খিতম্ ॥২-৬২-৯॥

তৎ বাক্যম্ করুণম্ রাজ্ঞঃ শ্রুত্বা দীনস্য ভাষিতম্ ।
কৌসল্যা ব্যসৃজদ্ বাষ্পম্ প্রণালী ইব নব উদকম্ ॥২-৬২-১০॥

স মূদ্র্হ্নি বদ্ধ্বা রুদতী রাজ্ঞঃ পদ্মম্ ইব অন্জলিম্ ।
সম্ভ্রমাৎ অব্রবীৎ ত্রস্তা ত্বরমাণ অক্ষরম্ বচঃ ॥২-৬২-১১॥

প্রসীদ শিরসা যাচে ভূমৌ নিততিতা অস্মি তে ।
যাচিতা অস্মি হতা দেব হন্তব্যা অহম্ ন হি ত্বয়া ॥২-৬২-১২॥

ন এষা হি সা স্ত্রী ভবতি শ্লাঘনীয়েন ধীমতা ।
উভয়োঃ লোকয়োঃ বীর পত্যা যা সম্প্রসাদ্যতে ॥২-৬২-১৩॥

জানামি ধর্মম্ ধর্মজ্ঞ ত্বাম্ জানে সত্যবাদিনম্ ।
পুত্র শোক আর্তয়া তৎ তু ময়া কিম্ অপি ভাষিতম্ ॥২-৬২-১৪॥

শোকো নাশয়তে ধৈর্যম্ শোকো নাশয়তে শ্রুতম্ ।
শোকো নাশয়তে সর্বম্ ন অস্তি শোক সমঃ রিপুঃ ॥২-৬২-১৫॥

শক্যম্ আপতিতঃ সোঢুম্ প্রহরঃ রিপু হস্ততঃ ।
সোঢুম্ আপতিতঃ শোকঃ সুসূক্ষ্মঃ অপি ন শক্যতে ॥২-৬২-১৬॥

দর্মজ্ঞাঃ শ্রুতিমন্তোঽপি চিন্নধর্মার্থসম্শয়াঃ ।
যতয়ো বীর মুহ্যন্তি শোকসম্মূঢচেতসঃ ॥২-৬২-১৭॥

বন বাসায় রামস্য পন্চ রাত্রঃ অদ্য গণ্যতে ।
যঃ শোক হত হর্ষায়াঃ পন্চ বর্ষ উপমঃ মম ॥২-৬২-১৮॥

তম্ হি চিন্তয়মানায়াঃ শোকো অয়ম্ হৃদি বর্ধতে ।
অদীনাম্ ইব বেগেন সমুদ্র সলিলম্ মহৎ ॥২-৬২-১৯॥

এবম্ হি কথয়ন্ত্যাঃ তু কৌসল্যায়াঃ শুভম্ বচঃ ।
মন্দ রশ্মির্ অভূৎ সুর্যো রজনী চ অভ্যবর্তত ॥২-৬২-২০॥

তথ প্রহ্লাদিতঃ বাক্যৈঃ দেব্যা কৌসল্যয়া নৃপঃ ।
শোকেন চ সমাক্রান্তঃ নিদ্রায়া বশম্ এয়িবান্ ॥২-৬২-২১॥