Utshovসর্গ 61
61.1
বনম্ গতে ধর্ম পরে রামে রময়তাম্ বরে ।
কৌসল্যা রুদতী স্বার্তা ভর্তারম্ ইদম্ অব্রবীৎ ॥২-৬১-১॥
61.2
যদ্যপি ত্রিষু লোকেষু প্রথিতম্ তে ময়দ্ যশঃ ।
সানুক্রোশো বদান্যঃ চ প্রিয় বাদী চ রাঘবঃ ॥২-৬১-২॥
61.3
কথম্ নর বর শ্রেষ্ঠ পুত্রৌ তৌ সহ সীতয়া ।
দুহ্খিতৌ সুখ সম্বৃদ্ধৌ বনে দুহ্খম্ সহিষ্যতঃ ॥২-৬১-৩॥
61.4
সা নূনম্ তরুণী শ্যামা সুকুমারী সুখ উচিতা ।
কথম্ উষ্ণম্ চ শীতম্ চ মৈথিলী প্রসহিষ্যতে ॥২-৬১-৪॥
61.5
ভুক্ত্বা অশনম্ বিশাল অক্ষী সূপ দম্শ অন্বিতম্ শুভম্ ।
বন্যম্ নৈবারম্ আহারম্ কথম্ সীতা উপভোক্ষ্যতে ॥২-৬১-৫॥
61.6
গীত বাদিত্র নির্ঘোষম্ শ্রুত্বা শুভম্ অনিন্দিতা ।
কথম্ ক্রব্য অদ সিম্হানাম্ শব্দম্ শ্রোষ্যতি অশোভনম্ ॥২-৬১-৬॥
61.7
মহা ইন্দ্র ধ্বজ সম্কাশঃ ক্ব নু শেতে মহা ভুজঃ ।
ভুজম্ পরিঘ সম্কাশম্ উপধায় মহা বলঃ ॥২-৬১-৭॥
61.8
পদ্ম বর্ণম্ সুকেশ অন্তম্ পদ্ম নিহ্শ্বাসম্ উত্তমম্ ।
কদা দ্রক্ষ্যামি রামস্য বদনম্ পুষ্কর ঈক্ষণম্ ॥২-৬১-৮॥
61.9
বজ্র সারময়ম্ নূনম্ হৃদয়ম্ মে ন সম্শয়ঃ ।
অপশ্যন্ত্যা ন তম্ যদ্ বৈ ফলতি ইদম্ সহস্রধা ॥২-৬১-৯॥
61.10
যত্ত্বয়া করুণম্ কর্ম ব্যপোহ্য মম বান্ধবাঃ ।
নিরস্তা পরিধাবন্তি সুখার্হঃ কৃপণা বনে ॥২-৬১-১০॥
61.11
যদি পঞ্চদশে বর্ষে রাঘবঃ পুনরেষ্যতি ।
জহ্যাদ্রাজ্যম্ চ কোশম্ চ ভরতো নোপল্স্খ্যতে ॥২-৬১-১১॥
61.12
ভোজয়ন্তি কিল শ্রাদ্ধে কেচিত্স্বনেব বান্ধবান্ ।
ততঃ পশ্চাত্সমীক্ষন্তে কৃতকার্যা দ্বিজর্ষভান্ ॥২-৬১-১২॥
61.13
তত্র যে গুণবন্তশ্চ বিদ্বাম্সশ্চ দ্বিজাতয়ঃ ।
ন পশ্চাত্তেঽভিমন্যন্তে সুধামপি সুরোপমাঃ ॥২-৬১-১৩॥
61.14
ব্রাহ্মণেষ্বপি তৃপ্তেষু পশ্চাদ্ভোক্তুম্ দ্বিজর্ষভাঃ ।
নাভ্যুপৈতুমলম্ প্রাজ্ঞাঃ শৃঙ্গচ্চেদমিবর্ষ্ভাঃ ॥২-৬১-১৪॥
61.15
এবম্ কনীয়সা ভ্রাত্রা ভুক্তম্ রাজ্যম্ বিশাম্ পতে ।
ভ্রাতা জ্যেষ্ঠা বরিষ্ঠাঃ চ কিম্ অর্থম্ ন অবমম্স্যতে ॥২-৬১-১৫॥
61.16
ন পরেণ আহৃতম্ ভক্ষ্যম্ ব্যাঘ্রঃ খাদিতুম্ ইচ্চতি ।
এবম্ এব নর ব্যাঘ্রঃ পর লীঢম্ ন মম্স্যতে ॥২-৬১-১৬॥
61.17
হবির্ আজ্যম্ পুরোডাশাঃ কুশা যূপাঃ চ খাদিরাঃ ।
ন এতানি যাত যামানি কুর্বন্তি পুনর্ অধ্বরে ॥২-৬১-১৭॥
61.18
তথা হি আত্তম্ ইদম্ রাজ্যম্ হৃত সারাম্ সুরাম্ ইব ।
ন অভিমন্তুম্ অলম্ রামঃ নষ্ট সোমম্ ইব অধ্বরম্ ॥২-৬১-১৮॥
61.19
ন এবম্ বিধম্ অসত্কারম্ রাঘবো মর্ষয়িষ্যতি ।
বলবান্ ইব শার্দূলো বালধের্ অভিমর্শনম্ ॥২-৬১-১৯॥
61.20
নৈতস্য সহিতা লোকা ভয়ম্ কুর্যুর্মহামৃধে ।
অধর্মম্ ত্বিহ ধর্মাত্মা লোকম্ ধর্মেণ যোজয়েৎ ॥২-৬১-২০॥
61.21
নন্বসৌ কাঞ্চনৈর্বাণৈর্মহাবীর্যো মহাভুজঃ ।
যুগান্ত ইব ভূতানি সাগরানপি নির্দহেৎ ॥২-৬১-২১॥
61.22
স তাদৃশঃ সিম্হ বলো বৃষভ অক্ষো নর ঋষভঃ ।
স্বয়ম্ এব হতঃ পিত্রা জলজেন আত্মজো যথা ॥২-৬১-২২॥
61.23
দ্বিজাতি চরিতঃ ধর্মঃ শাস্ত্র দৃষ্টঃ সনাতনঃ ।
যদি তে ধর্ম নিরতে ত্বয়া পুত্রে বিবাসিতে ॥২-৬১-২৩॥
61.24
গতির্ এবাক্ পতির্ নার্যা দ্বিতীয়া গতির্ আত্মজঃ ।
তৃতীয়া জ্ঞাতয়ো রাজমঃ চতুর্থী ন ইহ বিদ্যতে ॥২-৬১-২৪॥
61.25
তত্র ত্বম্ চৈব মে ন অস্তি রামঃ চ বনম্ আশ্রিতঃ ।
ন বনম্ গন্তুম্ ইচ্চামি সর্বথা হি হতা ত্বয়া ॥২-৬১-২৫॥
61.26
হতম্ ত্বয়া রাজ্যম্ ইদম্ সরাষ্ট্রম্ ।
হতঃ তথা আত্মা সহ মন্ত্রিভিঃ চ ।হতা সপুত্রা অস্মি হতাঃ চ পৌরাঃ ।সুতঃ চ ভার্যা চ তব প্রহৃষ্টৌ ॥২-৬১-২৬॥
61.27
ইমাম্ গিরম্ দারুণ শব্দ সম্শ্রিতাম্ ।
নিশম্য রাজা অপি মুমোহ দুহ্খিতঃ ।ততঃ স শোকম্ প্রবিবেশ পার্থিবঃ ।স্বদুষ্কৃতম্ চ অপি পুনঃ তদা অস্মরৎ ॥২-৬১-২৭॥