Utshovসর্গ 52
52.1
প্রভাতায়াম্ তু শর্বর্যাম্ পৃথু বৃক্ষা মহা যশাঃ ।
উবাচ রামঃ সৌমিত্রিম্ লক্ষ্মণম্ শুভ লক্ষণম্ ॥২-৫২-১॥
52.2
ভাস্কর উদয় কালো অয়ম্ গতা ভগবতী নিশা ।
অসৌ সুকৃষ্ণো বিহগঃ কোকিলঃ তাত কূজতি ॥২-৫২-২॥
52.3
বর্হিণানাম্ চ নির্ঘোষঃ শ্রূয়তে নদতাম্ বনে ।
তরাম জাহ্নবীম্ সৌম্য শীঘ্রগাম্ সাগরম্ গমাম্ ॥২-৫২-৩॥
52.4
বিজ্ঞায় রামস্য বচঃ সৌমিত্রির্ মিত্র নন্দনঃ ।
গুহম্ আমন্ত্র্য সূতম্ চ সো অতিষ্ঠদ্ ভ্রাতুর্ অগ্রতঃ ॥২-৫২-৪॥
52.5
স তু রামস্য বচনম্ নিশম্য প্রতিগৃহ্য চ ।
স্থপতিস্তূর্ণমাহুয় সচিবানিদমব্রবীৎ ॥২-৫২-৫॥
52.6
অস্য বাহনসম্যুক্তাম্ কর্ণগ্রাহবতীম্ শুভাম্ ।
সুপ্রতারাম্ দৃঢাম্ তীর্খে শীগ্রম্ নাবমুপাহর ॥২-৫২-৬॥
52.7
তম্ নিশম্য সমাদেশম্ গুহামাত্যগণো মহান্ ।
উপোহ্য রুচিরাম্ নাবম্ গুহায় প্রত্যবেদয়ৎ ॥২-৫২-৭॥
52.8
ততঃ সপ্রাঞ্জলির্ভূত্বা গুহো রাঘবমব্রবীৎ ।
উপস্থিতেয়ম্ নৌর্দেব ভূয়ঃ কিম্ করবাণি তে ॥২-৫২-৮॥
52.9
তবামরসুতপ্রখ্য তর্তুম্ সাগরগাম্ নদীম্ ।
নৌরিয়ম্ পুরুষব্যাগ্র! তাম্ ত্বমারোহ সুব্রত! ॥২-৫২-৯॥
52.10
অথোবাচ মহাতেজা রামো গুহমিদম্ বচঃ ।
কৃতকামোঽস্মি ভবতা শীঘ্রমারোপ্যতামিতি ॥২-৫২-১০॥
52.11
ততঃ কলাপান্ সম্নহ্য খড্গৌ বদ্ধ্বা চ ধন্বিনৌ ।
জগ্মতুর্ যেন তৌ গন্গাম্ সীতয়া সহ রাঘবৌ ॥২-৫২-১১॥
52.12
রামম্ এব তু ধর্মজ্ঞম্ উপগম্য বিনীতবৎ ।
কিম্ অহম্ করবাণি ইতি সূতঃ প্রান্জলির্ অব্রবীৎ ॥২-৫২-১২॥
52.13
ততোঽব্রবীদ্দাশরথিঃ সুমন্ত্রম্ ।
স্পৃশন্ করেণোত্তমদক্ষিণেন ।সুমন্ত্র শীঘ্রম্ পুনরেব যাহি ।রাজ্ঞঃ সকাশে ভবচাপ্রমত্তঃ ॥২-৫২-১৩॥
52.14
নিবর্তস্ব ইতি উবাচ এনম্ এতাবদ্দ্ হি কৃতম্ মম ।
রথম্ বিহায় পদ্ভ্যাম্ তু গমিষ্যামি মহাবনম্ ॥২-৫২-১৪॥
52.15
আত্মানম্ তু অভ্যনুজ্ঞাতম্ অবেক্ষ্য আর্তঃ স সারথিঃ ।
সুমন্ত্রঃ পুরুষ ব্যাঘ্রম্ ঐক্ষ্বাকম্ ইদম্ অব্রবীৎ ॥২-৫২-১৫॥
52.16
ন অতিক্রান্তম্ ইদম্ লোকে পুরুষেণ ইহ কেনচিৎ ।
তব সভ্রাতৃ ভার্যস্য বাসঃ প্রাকৃতবদ্ বনে ॥২-৫২-১৬॥
52.17
ন মন্যে ব্রহ্ম চর্যে অস্তি স্বধীতে বা ফল উদয়ঃ ।
মার্দব আর্জবয়োঃ বা অপি ত্বাম্ চেদ্ ব্যসনম্ আগতম্ ॥২-৫২-১৭॥
52.18
সহ রাঘব বৈদেহ্যা ভ্রাত্রা চৈব বনে বসন্ ।
ত্বম্ গতিম্ প্রাপ্স্যসে বীর ত্রীম্ল্ লোকাম্স্ তু জয়ন্ন্ ইব ॥২-৫২-১৮॥
52.19
বয়ম্ খলু হতা রাম যে তয়া অপি উপবন্চিতাঃ ।
কৈকেয্যা বশম্ এষ্যামঃ পাপায়া দুহ্খ ভাগিনঃ ॥২-৫২-১৯॥
52.20
ইতি ব্রুবন্ন্ আত্ম সমম্ সুমন্ত্রঃ সারথিস্ তদা ।
দৃষ্ট্বা দুর গতম্ রামম্ দুহ্খ আর্তঃ রুরুদে চিরম্ ॥২-৫২-২০॥
52.21
ততঃ তু বিগতে বাষ্পে সূতম্ স্পৃষ্ট উদকম্ শুচিম্ ।
রামঃ তু মধুরম্ বাক্যম্ পুনঃ পুনর্ উবাচ তম্ ॥২-৫২-২১॥
52.22
ইক্ষ্বাকূণাম্ ত্বয়া তুল্যম্ সুহৃদম্ ন উপলক্ষয়ে ।
যথা দশরথো রাজা মাম্ ন শোচেৎ তথা কুরু ॥২-৫২-২২॥
52.23
শোক উপহত চেতাঃ চ বৃদ্ধঃ চ জগতী পতিঃ ।
কাম ভার অবসন্নঃ চ তস্মাৎ এতৎ ব্রবীমি তে ॥২-৫২-২৩॥
52.24
যদ্ যদ্ আজ্ঞাপয়েৎ কিম্চিৎ স মহাত্মা মহী পতিঃ ।
কৈকেয্যাঃ প্রিয় কাম অর্থম্ কার্যম্ তৎ অবিকান্ক্ষয়া ॥২-৫২-২৪॥
52.25
এতৎ অর্থম্ হি রাজ্যানি প্রশাসতি নর ঈশ্বরাঃ ।
যদ্ এষাম্ সর্ব কৃত্যেষু মনো ন প্রতিহন্যতে ॥২-৫২-২৫॥
52.26
যদ্যথা স মহা রাজো ন অলীকম্ অধিগচ্চতি ।
ন চ তাম্যতি দুহ্খেন সুমন্ত্র কুরু তৎ তথা ॥২-৫২-২৬॥
52.27
অদৃষ্ট দুহ্খম্ রাজানম্ বৃদ্ধম্ আর্যম্ জিত ইন্দ্রিয়ম্ ।
ব্রূয়াঃ ত্বম্ অভিবাদ্য এব মম হেতোর্ ইদম্ বচঃ ॥২-৫২-২৭॥
52.28
ন এব অহম্ অনুশোচামি লক্ষ্মণো ন চ মৈথিলী ।
অয়োধ্যায়াঃ চ্যুতাঃ চ ইতি বনে বত্স্যামহ ইতি বা (মহেতি!) ॥২-৫২-২৮॥
52.29
চতুর্ দশসু বর্ষেষু নিবৃত্তেষু পুনঃ পুনঃ ।
লক্ষ্মণম্ মাম্ চ সীতাম্ চ দ্রক্ষ্যসি ক্ষিপ্রম্ আগতান্ ॥২-৫২-২৯॥
52.30
এবম্ উক্ত্বা তু রাজানম্ মাতরম্ চ সুমন্ত্র মে ।
অন্যাঃ চ দেবীঃ সহিতাঃ কৈকেয়ীম্ চ পুনঃ পুনঃ ॥২-৫২-৩০॥
52.31
আরোগ্যম্ ব্রূহি কৌসল্যাম্ অথ পাদ অভিবন্দনম্ ।
সীতায়া মম চ আর্যস্য বচনাল্ লক্ষ্মণস্য চ ॥২-৫২-৩১॥
52.32
ব্রূয়াঃ চ হি মহা রাজম্ ভরতম্ ক্ষিপ্রম্ আনয় ।
আগতঃ চ অপি ভরতঃ স্থাপ্যো নৃপ মতে পদে ॥২-৫২-৩২॥
52.33
ভরতম্ চ পরিষ্বজ্য যৌবরাজ্যে অভিষিচ্য চ ।
অস্মৎ সম্তাপজম্ দুহ্খম্ ন ত্বাম্ অভিভবিষ্যতি ॥২-৫২-৩৩॥
52.34
ভরতঃ চ অপি বক্তব্যো যথা রাজনি বর্তসে ।
তথা মাতৃষু বর্তেথাঃ সর্বাস্ব্ এব অবিশেষতঃ ॥২-৫২-৩৪॥
52.35
যথা চ তব কৈকেয়ী সুমিত্রা চ অবিশেষতঃ ।
তথৈব দেবী কৌসল্যা মম মাতা বিশেষতঃ ॥২-৫২-৩৫॥
52.36
তাতস্য প্রিয়কামেন যৌবরাজ্যমপেক্ষতা ।
লোকয়োরুভয়োঃ শক্যম্ ত্বয়া যত্সুখমেধিতুম্ ॥২-৫২-৩৬॥
52.37
নিবর্ত্যমানো রামেণ সুমন্ত্রঃ শোক কর্শিতঃ ।
তৎ সর্বম্ বচনম্ শ্রুত্বা স্নেহাৎ কাকুত্স্থম্ অব্রবীৎ ॥২-৫২-৩৭॥
52.38
যদ্ অহম্ ন উপচারেণ ব্রূয়াম্ স্নেহাৎ অবিক্লবঃ ।
ভক্তিমান্ ইতি তৎ তাবদ্ বাক্যম্ ত্বম্ ক্ষন্তুম্ অর্হসি ॥২-৫২-৩৮॥
52.39
কথম্ হি ত্বদ্ বিহীনো অহম্ প্রতিয়াস্যামি তাম্ পুরীম্ ।
তব তাত বিয়োগেন পুত্র শোক আকুলাম্ ইব ॥২-৫২-৩৯॥
52.40
সরামম্ অপি তাবন্ মে রথম্ দৃষ্ট্বা তদা জনঃ ।
বিনা রামম্ রথম্ দৃষ্ট্বা বিদীর্যেত অপি সা পুরী ॥২-৫২-৪০॥
52.41
দৈন্যম্ হি নগরী গচ্চেদ্ দৃষ্ট্বা শূন্যম্ ইমম্ রথম্ ।
সূত অবশেষম্ স্বম্ সৈন্যম্ হত বীরম্ ইব আহবে ॥২-৫২-৪১॥
52.42
দূরে অপি নিবসন্তম্ ত্বাম্ মানসেন অগ্রতঃ স্থিতম্ ।
চিন্তয়ন্ত্যো অদ্য নূনম্ ত্বাম্ নিরাহারাঃ কৃতাঃ প্রজাঃ ॥২-৫২-৪২॥
52.43
দৃষ্টং তদ্ধি ত্বয়া রাম! যাদৃশম্ ত্বত্প্রবাসনে ।
প্রজানাম্ সম্কুলম্ বৃত্তম্ ত্বচ্ছোকক্লান্তচেতসাম্ ॥২-৫২-৪৩॥
52.44
আর্ত নাদো হি যঃ পৌরৈঃ মুক্তঃ তৎ বিপ্রবাসনে ।
রথস্থম্ মাম্ নিশাম্য এব কুর্যুঃ শত গুণম্ ততঃ ॥২-৫২-৪৪॥
52.45
অহম্ কিম্ চ অপি বক্ষ্যামি দেবীম্ তব সুতঃ ময়া ।
নীতঃ অসৌ মাতুল কুলম্ সম্তাপম্ মা কৃথাইতি ॥২-৫২-৪৫॥
52.46
অসত্যম্ অপি ন এব অহম্ ব্রূয়াম্ বচনম্ ঈদৃশম্ ।
কথম্ অপ্রিয়ম্ এব অহম্ ব্রূয়াম্ সত্যম্ ইদম্ বচঃ ॥২-৫২-৪৬॥
52.47
মম তাবন্ নিয়োগস্থাঃ ত্বদ্ বন্ধু জন বাহিনঃ ।
কথম্ রথম্ ত্বয়া হীনম্ প্রবক্ষ্যন্তি হয় উত্তমাঃ ॥২-৫২-৪৭॥
52.48
তন্ন শক্ষ্যাম্যহম্ গন্তুময়োধ্যাম্ ত্বদৃতেঽনঘ ।
বনবাসানুয়ানায় মামনুজ্ঞাতুমর্হসি ॥২-৫২-৪৮॥
52.49
যদি মে যাচমানস্য ত্যাগম্ এব করিষ্যসি ।
সরথো অগ্নিম্ প্রবেক্ষ্যামি ত্যক্ত মাত্রৈহ ত্বয়া ॥২-৫২-৪৯॥
52.50
ভবিষ্যন্তি বনে যানি তপো বিঘ্ন করাণি তে ।
রথেন প্রতিবাধিষ্যে তানি সত্ত্বানি রাঘব ॥২-৫২-৫০॥
52.51
তৎ কৃতেন ময়া প্রাপ্তম্ রথ চর্যা কৃতম্ সুখম্ ।
আশম্সে ত্বৎ কৃতেন অহম্ বন বাস কৃতম্ সুখম্ ॥২-৫২-৫১॥
52.52
প্রসীদ ইচ্চামি তে অরণ্যে ভবিতুম্ প্রত্যনন্তরঃ ।
প্রীত্যা অভিহিতম্ ইচ্চামি ভব মে পত্যনন্তরঃ ॥২-৫২-৫২॥
52.53
ইমে চাপি হয়া বীর যদি তে বনবাসিনঃ ।
পরিচর্যাম্ করিষ্যন্তি প্রাপ্স্যন্তি পরমাম্ গতিম্ ॥২-৫২-৫৩॥
52.54
তব শুশ্রূষণম্ মূর্ধ্না করিষ্যামি বনে বসন্ ।
অয়োধ্যাম্ দেব লোকম্ বা সর্বথা প্রজহাম্য্ অহম্ ॥২-৫২-৫৪॥
52.55
ন হি শক্যা প্রবেষ্টুম্ সা ময়া অয়োধ্যা ত্বয়া বিনা ।
রাজ ধানী মহা ইন্দ্রস্য যথা দুষ্কৃত কর্মণা ॥২-৫২-৫৫॥
52.56
বন বাসে ক্ষয়ম্ প্রাপ্তে মম এষ হি মনো রথঃ ।
যদ্ অনেন রথেন এব ত্বাম্ বহেয়ম্ পুরীম্ পুনঃ ॥২-৫২-৫৬॥
52.57
চতুর্ দশ হি বর্ষাণি সহিতস্য ত্বয়া বনে ।
ক্ষণ ভূতানি যাস্যন্তি শতশঃ তু ততঃ অন্যথা ॥২-৫২-৫৭॥
52.58
ভৃত্য বত্সল তিষ্ঠন্তম্ ভর্তৃ পুত্র গতে পথি ।
ভক্তম্ ভৃত্যম্ স্থিতম্ স্থিত্যাম্ ত্বম্ ন মাম্ হাতুম্ অর্হসি ॥২-৫২-৫৮॥
52.59
এবম্ বহু বিধম্ দীনম্ যাচমানম্ পুনঃ পুনঃ ।
রামঃ ভৃত্য অনুকম্পী তু সুমন্ত্রম্ ইদম্ অব্রবীৎ ॥২-৫২-৫৯॥
52.60
জানামি পরমাম্ ভক্তিম্ ময়ি তে ভর্তৃ বত্সল ।
শৃণু চ অপি যদ্ অর্থম্ ত্বাম্ প্রেষয়ামি পুরীম্ ইতঃ ॥২-৫২-৬০॥
52.61
নগরীম্ ত্বাম্ গতম্ দৃষ্ট্বা জননী মে যবীয়সী ।
কৈকেয়ী প্রত্যয়ম্ গচ্চেদ্ ইতি রামঃ বনম্ গতঃ ॥২-৫২-৬১॥
52.62
পরিতুষ্টা হি সা দেবি বন বাসম্ গতে ময়ি ।
রাজানম্ ন অতিশন্কেত মিথ্যা বাদী ইতি ধার্মিকম্ ॥২-৫২-৬২॥
52.63
এষ মে প্রথমঃ কল্পো যদ্ অম্বা মে যবীয়সী ।
ভরত আরক্ষিতম্ স্ফীতম্ পুত্র রাজ্যম্ অবাপ্নুয়াৎ ॥২-৫২-৬৩॥
52.64
মম প্রিয় অর্থম্ রাজ্ঞঃ চ সরথঃ ত্বম্ পুরীম্ ব্রজ ।
সম্দিষ্টঃ চ অসি যা অনর্থাম্স্ তাম্স্ তান্ ব্রূয়াঃ তথা তথা ॥২-৫২-৬৪॥
52.65
ইতি উক্ত্বা বচনম্ সূতম্ সান্ত্বয়িত্বা পুনঃ পুনঃ ।
গুহম্ বচনম্ অক্লীবম্ রামঃ হেতুমদ্ অব্রবীৎ ॥২-৫২-৬৫॥
52.66
নেদানীম্ গুহ যোগ্যোঽয়ম্ বসো মে সজনে বনে ।
অবশ্যম্ হ্যাশ্রমে বাসহ্ কর্তব্যস্তদ্গতো বিধিঃ ॥২-৫২-৬৬॥
52.67
সোঽহম্ গৃহীত্বা নিয়মম্ তপস্বিজনভূষণম্ ।
হিতকামঃ পিতুর্ভূয়ঃ সীতায়া লক্ষ্মণস্য চ ॥২-৫২-৬৭॥
52.68
জটাঃ কৃত্বা গমিষ্যামি ন্যগ্রোধ ক্ষীরম্ আনয় ।
তৎ ক্ষীরম্ রাজ পুত্রায় গুহঃ ক্ষিপ্রম্ উপাহরৎ ॥২-৫২-৬৮॥
52.69
লক্ষ্মণস্য আত্মনঃ চৈব রামঃ তেন অকরোজ্ জটাঃ ।
দীর্ঘবাহুর্নরব্যাঘ্রো জটিলত্ব মধারয়ৎ ॥২-৫২-৬৯॥
52.70
তৌ তদা চীর বসনৌ জটা মণ্ডল ধারিণৌ ।
অশোভেতাম্ ঋষি সমৌ ভ্রাতরৌ রাম রক্ষ্মণৌ ॥২-৫২-৭০॥
52.71
ততঃ বৈখানসম্ মার্গম্ আস্থিতঃ সহ লক্ষ্মণঃ ।
ব্রতম্ আদিষ্টবান্ রামঃ সহায়ম্ গুহম্ অব্রবীৎ ॥২-৫২-৭১॥
52.72
অপ্রমত্তঃ বলে কোশে দুর্গে জন পদে তথা ।
ভবেথা গুহ রাজ্যম্ হি দুরারক্ষতমম্ মতম্ ॥২-৫২-৭২॥
52.73
ততঃ তম্ সমনুজ্ঞায় গুহম্ ইক্ষ্বাকু নন্দনঃ ।
জগাম তূর্ণম্ অব্যগ্রঃ সভার্যঃ সহ লক্ষ্মণঃ ॥২-৫২-৭৩॥
52.74
স তু দৃষ্ট্বা নদী তীরে নাবম্ ইক্ষ্বাকু নন্দনঃ ।
তিতীর্ষুঃ শীঘ্রগাম্ গন্গাম্ ইদম্ লক্ষ্মণম্ অব্রবীৎ ॥২-৫২-৭৪॥
52.75
আরোহ ত্বম্ নর ব্যাঘ্র স্থিতাম্ নাবম্ ইমাম্ শনৈঃ ।
সীতাম্ চ আরোপয় অন্বক্ষম্ পরিগৃহ্য মনস্বিনীম্ ॥২-৫২-৭৫॥
52.76
স ভ্রাতুঃ শাসনম্ শ্রুত্বা সর্বম্ অপ্রতিকূলয়ন্ ।
আরোপ্য মৈথিলীম্ পূর্বম্ আরুরোহ আত্মবাম্স্ ততঃ ॥২-৫২-৭৬॥
52.77
অথ আরুরোহ তেজস্বী স্বয়ম্ লক্ষ্মণ পূর্বজঃ ।
ততঃ নিষাদ অধিপতির্ গুহো জ্ঞাতীন্ অচোদয়ৎ ॥২-৫২-৭৭॥
52.78
রাঘবোঽপি মহাতেজা নাবমারুহ্য তাম্ ততঃ ।
ব্রহ্মবৎ ক্ষত্রবচ্চৈব জজাপ হিতমাত্মনঃ ॥২-৫২-৭৮॥
52.79
আচম্য চ যথাশাস্ত্রম্ নদীম্ তাম্ সহ সীতয়া ।
প্রাণমত্প্রীতিসম্হৃষ্টো লক্ষ্মণশ্চামিতপ্রভঃ ॥২-৫২-৭৯॥
52.80
অনুজ্ঞায় সুমন্ত্রম্ চ সবলম্ চৈব তম্ গুহম্ ।
আস্থায় নাবম্ রামঃ তু চোদয়াম্ আস নাবিকান্ ॥২-৫২-৮০॥
52.81
ততঃ তৈঃ চোদিতা সা নৌঃ কর্ণ ধার সমাহিতা ।
শুভ স্ফ্য বেগ অভিহতা শীঘ্রম্ সলিলম্ অত্যগাৎ ॥২-৫২-৮১॥
52.82
মধ্যম্ তু সমনুপ্রাপ্য ভাগীরথ্যাঃ তু অনিন্দিতা ।
বৈদেহী প্রান্জলির্ ভূত্বা তাম্ নদীম্ ইদম্ অব্রবীৎ ॥২-৫২-৮২॥
52.83
পুত্রঃ দশরথস্য অয়ম্ মহা রাজস্য ধীমতঃ ।
নিদেশম্ পালয়তু এনম্ গন্গে ত্বদ্ অভিরক্ষিতঃ ॥২-৫২-৮৩॥
52.84
চতুর্ দশ হি বর্ষাণি সমগ্রাণি উষ্য কাননে ।
ভ্রাত্রা সহ ময়া চৈব পুনঃ প্রত্যাগমিষ্যতি ॥২-৫২-৮৪॥
52.85
ততঃ ত্বাম্ দেবি সুভগে ক্ষেমেণ পুনর্ আগতা ।
যক্ষ্যে প্রমুদিতা গন্গে সর্ব কাম সমৃদ্ধয়ে ॥২-৫২-৮৫॥
52.86
ত্বম্ হি ত্রিপথগা দেবি ব্রহ্ম লোকম্ সমীক্ষসে ।
ভার্যা চ উদধি রাজস্য লোকে অস্মিন্ সম্প্রদৃশ্যসে ॥২-৫২-৮৬॥
52.87
সা ত্বাম্ দেবি নমস্যামি প্রশম্সামি চ শোভনে ।
প্রাপ্ত রাজ্যে নর ব্যাঘ্র শিবেন পুনর্ আগতে ॥২-৫২-৮৭॥
52.88
গবাম্ শত সহস্রাণি বস্ত্রাণি অন্নম্ চ পেশলম্ ।
ব্রাহ্মণেভ্যঃ প্রদাস্যামি তব প্রিয় চিকীর্ষয়া ॥২-৫২-৮৮॥
52.89
সুরাঘটসহস্রেণ মাম্সভূতোদনেন চ ।
যক্ষ্যে ত্বাম্ প্রয়তা দেবি পুরীম্ পুনরুপাগতা ॥২-৫২-৮৯॥
52.90
যানি ত্বত্তীরবাসীনি দৈবতানি চ সন্তি হি ।
তানি সর্বাণি যক্ষ্যামি তীর্থান্যায়তনানি চ ॥২-৫২-৯০॥
52.91
পুনরেব মহাবাউর্ময়া ভ্রাত্রা চ সম্গতঃ ।
অয়োধ্যাম্ বনবাসাত্তু প্রবিশত্বনঘোঽনঘে ॥২-৫২-৯১॥
52.92
তথা সম্ভাষমাণা সা সীতা গন্গাম্ অনিন্দিতা ।
দক্ষিণা দক্ষিণম্ তীরম্ ক্ষিপ্রম্ এব অভ্যুপাগমৎ ॥২-৫২-৯২॥
52.93
তীরম্ তু সমনুপ্রাপ্য নাবম্ হিত্বা নর ঋষভঃ ।
প্রাতিষ্ঠত সহ ভ্রাত্রা বৈদেহ্যা চ পরম্ তপঃ ॥২-৫২-৯৩॥
52.94
অথ অব্রবীন্ মহা বাহুঃ সুমিত্র আনন্দ বর্ধনম্ ।
ভব সম্রক্ষণার্থায় সজনে বিজনেঽপি বা ॥২-৫২-৯৪॥
52.95
অবশ্যম্ রক্ষণম্ কার্যমদৃষ্টে বিজনে বনে ।
অগ্রতঃ গচ্চ সৌমিত্রে সীতা ত্বাম্ অনুগচ্চতু ॥২-৫২-৯৫॥
52.96
পৃষ্ঠতঃ অহম্ গমিষ্যামি ত্বাম্ চ সীতাম্ চ পালয়ন্ ।
অদ্য দুহ্খম্ তু বৈদেহী বন বাসস্য বেত্স্যতি ॥২-৫২-৯৬॥
52.97
ন হি তাবদতিক্রান্তা সুকরা কাচন ক্রিয়া ।
অদ্য দুঃখম্ তু বৈদেহী বনবাসস্য বেত্স্যতি ॥২-৫২-৯৭॥
52.98
প্রণষ্টজনসম্বাধম্ ক্ষেত্রারামবিবর্বিতম্ ।
বিষমম্ চ প্রপাতম্ চ বনমদ্য প্রবেক্ষ্যতি ॥২-৫২-৯৮॥
52.99
শ্রুত্বা রামস্য বচনম্ প্রতিস্থে লক্ষ্মণ্Oঽগ্রতঃ ।
অনন্তরম্ চ সীতায়া রাঘবো রঘনন্ধনঃ ॥২-৫২-৯৯॥
52.100
গতম্ তু গন্গা পর পারম্ আশু ।
রামম্ সুমন্ত্রঃ প্রততম্ নিরীক্ষ্য ।অধ্ব প্রকর্ষাৎ বিনিবৃত্ত দৃষ্টির্ ।র্মুমোচ বাষ্পম্ ব্যথিতঃ তপস্বী ॥২-৫২-১০০॥
52.101
স লোকপালপ্রতিমপ্রভাববাম্ ।
স্তীর্ত্বা মহাত্মা বরদো মহানদীম্ ।ততঃ সমৃদ্ধান্ শুভসস্যমালিনঃ ।ক্রমেণ বত্সান্ মুদিতানুপাগমৎ ॥২-৫২-১০১॥
52.102
তৌ তত্র হত্বা চতুরঃ মহা মৃগান্ ।
বরাহম্ ঋশ্যম্ পৃষতম্ মহা রুরুম্ ।আদায় মেধ্যম্ ত্বরিতম্ বুভুক্ষিতৌ।বাসায় কালে যয়তুর্ বনঃ পতিম্ ॥২-৫২-১০২॥