Utshovসর্গ 51
51.1
তম্ জাগ্রতম্ অদম্ভেন ভ্রাতুর্ অর্থায় লক্ষ্মণম্ ।
গুহঃ সম্তাপ সম্তপ্তঃ রাঘবম্ বাক্যম্ অব্রবীৎ ॥২-৫১-১॥
51.2
ইয়ম্ তাত সুখা শয্যা ত্বদ্ অর্থম্ উপকল্পিতা ।
প্রত্যাশ্বসিহি সাধ্ব্ অস্যাম্ রাজ পুত্র যথা সুখম্ ॥২-৫১-২॥
51.3
উচিতঃ অয়ম্ জনঃ সর্বঃ ক্লেশানাম্ ত্বম্ সুখ উচিতঃ ।
গুপ্তি অর্থম্ জাগরিষ্যামঃ কাকুত্স্থস্য বয়ম্ নিশাম্ ॥২-৫১-৩॥
51.4
ন হি রামাৎ প্রিয়তরঃ মম অস্তি ভুবি কশ্চন ।
ব্রবীম্য্ এতৎ অহম্ সত্যম্ সত্যেন এব চ তে শপে ॥২-৫১-৪॥
51.5
অস্য প্রসাদাৎ আশম্সে লোকে অস্মিন্ সুমহদ্ যশঃ ।
ধর্ম অবাপ্তিম্ চ বিপুলাম্ অর্থ অবাপ্তিম্ চ কেবলাম্ ॥২-৫১-৫॥
51.6
সো অহম্ প্রিয় সখম্ রামম্ শয়ানম্ সহ সীতয়া ।
রক্ষিষ্যামি ধনুষ্ পাণিঃ সর্বতঃ জ্ঞাতিভিঃ সহ ॥২-৫১-৬॥
51.7
ন হি মে অবিদিতম্ কিম্চিৎ বনে অস্মিমঃ চরতঃ সদা ।
চতুর্ অন্গম্ হি অপি বলম্ সুমহৎ প্রসহেমহি ॥২-৫১-৭॥
51.8
লক্ষ্মণঃ তম্ তদা উবাচ রক্ষ্যমাণাঃ ত্বয়া অনঘ ।
ন অত্র ভীতা বয়ম্ সর্বে ধর্মম্ এব অনুপশ্যতা ॥২-৫১-৮॥
51.9
কথম্ দাশরথৌ ভূমৌ শয়ানে সহ সীতয়া ।
শক্যা নিদ্রা ময়া লব্ধুম্ জীবিতম্ বা সুখানি বা ॥২-৫১-৯॥
51.10
যো ন দেব অসুরৈঃ সর্বৈঃ শক্যঃ প্রসহিতুম্ যুধি ।
তম্ পশ্য সুখ সম্বিষ্টম্ তৃণেষু সহ সীতয়া ॥২-৫১-১০॥
51.11
যো মন্ত্র তপসা লব্ধো বিবিধৈঃ চ পরিশ্রমৈঃ ।
একো দশরথস্য এষ পুত্রঃ সদৃশ লক্ষণঃ ॥২-৫১-১১॥
51.12
অস্মিন্ প্রব্রজিতঃ রাজা ন চিরম্ বর্তয়িষ্যতি ।
বিধবা মেদিনী নূনম্ ক্ষিপ্রম্ এব ভবিষ্যতি ॥২-৫১-১২॥
51.13
বিনদ্য সুমহা নাদম্ শ্রমেণ উপরতাঃ স্ত্রিয়ঃ ।
নির্ঘোষ উপরতম্ তাত মন্যে রাজ নিবেশনম্ ॥২-৫১-১৩॥
51.14
কৌসল্যা চৈব রাজা চ তথৈব জননী মম ।
ন আশম্সে যদি জীবন্তি সর্বে তে শর্বরীম্ ইমাম্ ॥২-৫১-১৪॥
51.15
জীবেদ্ অপি হি মে মাতা শত্রুঘ্নস্য অন্ববেক্ষয়া ।
তৎ দুহ্খম্ যৎ তু কৌসল্যা বীরসূর্ বিনশিষ্যতি ॥২-৫১-১৫॥
51.16
অনুরক্ত জন আকীর্ণা সুখ আলোক প্রিয় আবহা ।
রাজ ব্যসন সম্সৃষ্টা সা পুরী বিনশিষ্যতি ॥২-৫১-১৬॥
51.17
কথম্ পুত্রম্ মহাত্মানম্ জ্যেষ্ঠম্ প্রিয়মপস্যতঃ ।
শরীরম্ ধারয়ুষ্যান্তি প্রাণা রাজ্ঞো মহাত্মনঃ ॥২-৫১-১৭॥
51.18
বিনষ্টে নৃপতৌ পশ্চাত্কৌসল্যা বিনশিষ্যতি ।
অনন্তরম্ চ মাতাঽপি মম নাশমুপৈষ্যতি ॥২-৫১-১৮॥
51.19
অতিক্রান্তম্ অতিক্রান্তম্ অনবাপ্য মনোরথম্ ।
রাজ্যে রামম্ অনিক্ষিপ্য পিতা মে বিনশিষ্যতি ॥২-৫১-১৯॥
51.20
সিদ্ধ অর্থাঃ পিতরম্ বৃত্তম্ তস্মিন্ কালে হি উপস্থিতে ।
প্রেত কার্যেষু সর্বেষু সম্স্করিষ্যন্তি ভূমিপম্ ॥২-৫১-২০॥
51.21
রম্য চত্বর সম্স্থানাম্ সুবিভক্ত মহা পথাম্ ।
হর্ম্য প্রসাদ সম্পন্নাম্ গণিকা বর শোভিতাম্ ॥২-৫১-২১॥
51.22
রথ অশ্ব গজ সম্বাধাম্ তূর্য নাদ বিনাদিতাম্ ।
সর্ব কল্যাণ সম্পূর্ণাম্ হৃষ্ট পুষ্ট জন আকুলাম্ ॥২-৫১-২২॥
51.23
আরাম উদ্যান সম্পন্নাম্ সমাজ উত্সব শালিনীম্ ।
সুখিতা বিচরিষ্যন্তি রাজ ধানীম্ পিতুর্ মম ॥২-৫১-২৩॥
51.24
অপি জীবেদ্ধশরথো বনবাসাত্পুনর্বয়ম্ ।
প্রত্যাগম্য মহাত্মানমপি পশ্যেম সুব্রতম্ ॥২-৫১-২৪॥
51.25
অপি সত্য প্রতিজ্ঞেন সার্ধম্ কুশলিনা বয়ম্ ।
নিবৃত্তে বন বাসে অস্মিন্ন্ অয়োধ্যাম্ প্রবিশেমহি ॥২-৫১-২৫॥
51.26
পরিদেবয়মানস্য দুহ্খ আর্তস্য মহাত্মনঃ ।
তিষ্ঠতঃ রাজ পুত্রস্য শর্বরী সা অত্যবর্তত ॥২-৫১-২৬॥
51.27
তথা হি সত্যম্ ব্রুবতি প্রজা হিতে ।
নর ইন্দ্র পুত্রে গুরু সৌহৃদাৎ গুহঃ ।মুমোচ বাষ্পম্ ব্যসন অভিপীডিতঃ ।জ্বরা আতুরঃ নাগৈব ব্যথা আতুরঃ ॥২-৫১-২৭॥