Utshovসর্গ 50
50.1
বিশালান্ কোসলান্ রম্যান্ যাত্বা লক্ষ্মণ পূর্বজঃ ।
অয়োধ্যাভিমুখো ধীমান্ প্রাঞ্ঞ্লির্বাক্বমব্রবীৎ ॥২-৫০-১॥
50.2
আপৃচ্ছে ত্বাম্ পুরীশ্রেষ্ঠে কাকুত্স্থপরিপালিতে ।
দৈবতানি চ যানি ত্বাম্ পালয়ন্ত্যাবসন্তি চ ॥২-৫০-২॥
50.3
নিবৃত্তবনবাসস্ত্বামনৃণো জগতীপতেঃ ।
পুনর্ধ্রক্ষ্যামি মাত্রা চ পিত্রা চ সহ সম্গতঃ ॥২-৫০-৩॥
50.4
ততো রুধিরতাম্রাক্ষো ভুজমুদ্যম্য দক্ষিণম্ ।
অশ্রুপূর্ণমুখো দীনোঽব্রবীজ্জানপদম্ জনম্ ॥২-৫০-৪॥
50.5
অনুক্রোশো দয়া চৈব যথার্হম্ ময়ি বহ্ কৃতঃ ।
চিরম্ দুঃখস্য পাপীয়ো গম্যতামর্থসিদ্ধয়ে ॥২-৫০-৫॥
50.6
তেঽভিবাদ্য মহাত্মানম্ কৃত্বা চাপি প্রদক্ষিণম্ ।
বিলপন্তো নরা ঘোরম্ ব্যতিষ্ঠন্ত ক্বচিৎ ক্বচিৎ ॥২-৫০-৬॥
50.7
তথা বিলপতাম্ তেষামতৃপ্তানাম্ চ রাঘবঃ ।
অচক্ষুরিষয়ম্ প্রায়াদ্যথার্কঃ ক্ষণদামুখে ॥২-৫০-৭॥
50.8
ততো ধান্যধনোপেতান্ দানশীলজনান্ শিবান্ ।
অকুতশ্চিদ্ভয়ান্ রম্যাম্ শ্চৈত্যয়ূপসমাবৃতান্ ॥২-৫০-৮॥
50.9
উদ্যানাম্রবনোপেতান্ সম্পন্নসলিলাশয়ান্ ।
তুষ্টপুষ্টজনাকীর্ণান্ গোকুলাকুলসেবিতান্ ॥২-৫০-৯॥
50.10
লক্ষণীয়ান্ন রেম্দ্রাণাম্ ব্রহ্মঘোষাভিনাদিতান্ ।
রথেন পুরুষব্যাঘ্রঃ কোসলানত্যবর্তত ॥২-৫০-১০॥
50.11
মধ্যেন মুদিতম্ স্ফীতম্ রম্যোদ্যানসমাকুলম্ ।
রাজ্যম্ ভোগ্যম্ নরেন্দ্রাণাম্ যয়ৌ ধৃতিমতাম্ বরঃ ॥২-৫০-১১॥
50.12
তত্র ত্রিপথগাম্ দিব্যাম্ শিব তোয়াম্ অশৈবলাম্ ।
দদর্শ রাঘবো গন্গাম্ পুণ্যাম্ ঋষি নিসেবিতাম্ ॥২-৫০-১২॥
50.13
আশ্রমৈরবিদূর্স্থৈঃ শ্রীমদ্ভিঃ সমলম্ কৃতাম্ ।
কালেঽপ্সরোভির্হৃষ্টাভিঃ সেবিতাম্ভোহ্রদাম্ শিবাম্ ॥২-৫০-১৩॥
50.14
দেবদানবগন্ধর্বৈঃ কিন্নরৈরুপশোভিতাম্ ।
নাগগন্ধর্বপত্নীভিঃ সেবিতাম্ সততম্ শিবাম্ ॥২-৫০-১৪॥
50.15
দেবাক্রীডশতাকীর্ণাম্ দেবোদ্যানশতায়ুতাম্ ।
দেবার্থমাকাশগমাম্ বিখ্যাতাম্ দেবপদ্মিনীম্ ॥২-৫০-১৫॥
50.16
জলঘাতাট্টহাসোগ্রাম্ ফেননির্মলহাসিনীম্ ।
ক্বচিদ্বেণীকৃতজলাম্ ক্বচিদাবর্তশোভিতাম্ ॥২-৫০-১৬॥
50.17
ক্বচিত্স্তিমিতগম্ভীরাম্ ক্বচিদ্বেগজলাকুলাম্ ।
ক্বচিদ্গম্ভীরনির্ঘোষাম্ ক্বচিদ্ভৈরবনিস্বনাম্ ॥২-৫০-১৭॥
50.18
দেবসম্ঘাপ্লুতজলাম্ নির্মলোত্পলশোভিতাম্ ।
ক্বচিদাভোগপুলিনাম্ ক্বচিন্নর্মলবালুকাম্ ॥২-৫০-১৮॥
50.19
হম্স সরস সম্ঘুষ্টাম্ চক্র বাক উপকূজিতাম্ ।
সদামদৈশ্চ বিহগৈরভিসম্নাদিতাম্ তরাম্ ॥২-৫০-১৯॥
50.20
ক্বচিত্তীররুহৈর্বৃক্ষৈর্মালাভিরিব শোভিতাম্ ।
ক্বচিত্ফুল্লোত্পলচ্ছন্নাম্ ক্বচিত্পদ্মবনাকুলাম্ ॥২-৫০-২০॥
50.21
ক্বচিত্কুমুদষ্ণ্ডৈশ্চ কুড্মলৈরুপশোভিতাম্ ।
নানাপুষ্পরজোধ্বস্তাম্ সমদামিব চ ক্বচিৎ ॥২-৫০-২১॥
50.22
ব্যপেতমলসম্ঘাতাম্ মণিনির্মলদর্শনাম্ ।
দিশাগজৈর্বনগজৈর্মত্তৈশ্চ বরবারণৈঃ ॥২-৫০-২২॥
50.23
দেবোপবাহ্যশ্চ মুহুঃ সম্নাদিতবনান্তরাম্ ।
প্রমদামিব যত্নে ন ভূষিতাম্ ভূষণোত্তমৈঃ ॥২-৫০-২৩॥
50.24
ফলৈঃ পুষ্পৈঃ কিসলয়ৈর্বঋতাম্ গুল্মৈদ্দ্বিজৈস্তথা ।
শিম্শুমরৈঃ চ নক্রৈঃ চ ভুজম্গৈঃ চ নিষেবিতাম্ ॥২-৫০-২৪॥
50.25
বিষ্ণুপাদচ্যুতাম্ দিব্যামপাপাম্ পাপনাশিনীম্ ।
তাম্ শঙ্করজটাজূটাদ্ভ্রষ্টাম্ সাগরতেজসা ॥২-৫০-২৫॥
50.26
সমুদ্রমহীষীম্ গঙ্গাম্ সারসক্রৌঞ্চনাদিতাম্ ।
আসসাদ মহাবাহুঃ শৃঙ্গিবেরপুরম্ প্রতি ॥২-৫০-২৬॥
50.27
তাম্ ঊর্মি কলিল আবর্তাম্ অন্ববেক্ষ্য মহা রথঃ ।
সুমন্ত্রম্ অব্রবীৎ সূতম্ ইহ এব অদ্য বসামহে ॥২-৫০-২৭॥
50.28
অবিদূরাৎ অয়ম্ নদ্যা বহু পুষ্প প্রবালবান্ ।
সুমহান্ ইন্গুদী বৃক্ষো বসামঃ অত্র এব সারথে ॥২-৫০-২৮॥
50.29
দ্রক্ষ্যামঃ সরিতাম্ শ্রেষ্ঠাম্ সম্মান্যসলিলাম্ শিবাম্ ।
দেবদানবগন্ধর্বমৃগমানুষপক্ষিণাম্ ॥২-৫০-২৯॥
50.30
লক্ষণঃ চ সুমন্ত্রঃ চ বাঢম্ ইতি এব রাঘবম্ ।
উক্ত্বা তম্ ইন্গুদী বৃক্ষম্ তদা উপয়য়তুর্ হয়ৈঃ ॥২-৫০-৩০॥
50.31
রামঃ অভিয়ায় তম্ রম্যম্ বৃক্ষম্ ইক্ষ্বাকু নন্দনঃ ।
রথাৎ অবাতরৎ তস্মাৎ সভার্যঃ সহ লক্ষ্মণঃ ॥২-৫০-৩১॥
50.32
সুমন্ত্রঃ অপি অবতীর্য এব মোচয়িত্বা হয় উত্তমান্ ।
বৃক্ষ মূল গতম্ রামম্ উপতস্থে কৃত অন্জলিঃ ॥২-৫০-৩২॥
50.33
তত্র রাজা গুহো নাম রামস্য আত্ম সমঃ সখা ।
নিষাদ জাত্যো বলবান্ স্থপতিঃ চ ইতি বিশ্রুতঃ ॥২-৫০-৩৩॥
50.34
স শ্রুত্বা পুরুষ ব্যাঘ্রম্ রামম্ বিষয়ম্ আগতম্ ।
বৃদ্ধৈঃ পরিবৃতঃ অমাত্যৈঃ জ্ঞাতিভিঃ চ অপি উপাগতঃ ॥২-৫০-৩৪॥
50.35
ততঃ নিষাদ অধিপতিম্ দৃষ্ট্বা দূরাৎ অবস্থিতম্ ।
সহ সৌমিত্রিণা রামঃ সমাগচ্চদ্ গুহেন সঃ ॥২-৫০-৩৫॥
50.36
তম্ আর্তঃ সম্পরিষ্বজ্য গুহো রাঘবম্ অব্রবীৎ ।
যথা অয়োধ্যা তথা ইদম্ তে রাম কিম্ করবাণি তে ॥২-৫০-৩৬॥
50.37
ঈদৃশম্ হি মহাবাহো কঃ প্রপ্স্যত্যতিথিম্ প্রিয়ম্ ।
ততঃ গুণবদ্ অন্ন অদ্যম্ উপাদায় পৃথগ্ বিধম্ ।অর্ঘ্যম্ চ উপানয়ৎ ক্ষিপ্রম্ বাক্যম্ চ ইদম্ উবাচ হ ॥২-৫০-৩৭॥
50.38
স্বাগতম্ তে মহা বাহো তব ইয়ম্ অখিলা মহী ।
বয়ম্ প্রেষ্যা ভবান্ ভর্তা সাধু রাজ্যম্ প্রশাধি নঃ ॥২-৫০-৩৮॥
50.39
ভক্ষ্যম্ ভোজ্যম্ চ পেয়ম্ চ লেহ্যম্ চ ইদম্ উপস্থিতম্ ।
শয়নানি চ মুখ্যানি বাজিনাম্ খাদনম্ চ তে ॥২-৫০-৩৯॥
50.40
গুহম্ এব ব্রুবাণম্ তম্ রাঘবঃ প্রত্যুবাচ হ ॥২-৫০-৪০॥
50.41
অর্চিতাঃ চৈব হৃষ্টাঃ চ ভবতা সর্বথা বয়ম্ ।
পদ্ভ্যাম্ অভিগমাচ্ চৈব স্নেহ সম্দর্শনেন চ ॥২-৫০-৪১॥
50.42
ভুজাভ্যাম্ সাধু বৃত্তাভ্যাম্ পীডয়ন্ বাক্যম্ অব্রবীৎ ।
দিষ্ট্যা ত্বাম্ গুহ পশ্যামিঅরোগম্ সহ বান্ধবৈঃ ॥২-৫০-৪২॥
50.43
অপি তে কূশলম্ রাষ্ট্রে মিত্রেষু চ ধনেষু চ ।
যৎ তু ইদম্ ভবতা কিম্চিৎ প্রীত্যা সমুপকল্পিতম্ ।সর্বম্ তৎ অনুজানামি ন হি বর্তে প্রতিগ্রহে ॥২-৫০-৪৩॥
50.44
কুশ চীর অজিন ধরম্ ফল মূল অশনম্ চ মাম্ ।
বিদ্ধি প্রণিহিতম্ ধর্মে তাপসম্ বন গোচরম্ ॥২-৫০-৪৪॥
50.45
অশ্বানাম্ খাদনেন অহম্ অর্থী ন অন্যেন কেনচিৎ ।
এতাবতা অত্র ভবতা ভবিষ্যামি সুপূজিতঃ ॥২-৫০-৪৫॥
50.46
এতে হি দয়িতা রাজ্ঞঃ পিতুর্ দশরথস্য মে ।
এতৈঃ সুবিহিতৈঃ অশ্বৈঃ ভবিষ্যাম্য্ অহম্ অর্চিতঃ ॥২-৫০-৪৬॥
50.47
অশ্বানাম্ প্রতিপানম্ চ খাদনম্ চৈব সো অন্বশাৎ ।
গুহঃ তত্র এব পুরুষাম্স্ ত্বরিতম্ দীয়তাম্ ইতি ॥২-৫০-৪৭॥
50.48
ততঃ চীর উত্তর আসন্গঃ সম্ধ্যাম্ অন্বাস্য পশ্চিমাম্ ।
জলম্ এব আদদে ভোজ্যম্ লক্ষ্মণেন আহৃতম্ স্বয়ম্ ॥২-৫০-৪৮॥
50.49
তস্য ভূমৌ শয়ানস্য পাদৌ প্রক্ষাল্য লক্ষ্মণঃ ।
সভার্যস্য ততঃ অভ্যেত্য তস্থৌ বৃষ্কম্ উপাশ্রিতঃ ॥২-৫০-৪৯॥
50.50
গুহো অপি সহ সূতেন সৌমিত্রিম্ অনুভাষয়ন্ ।
অন্বজাগ্রৎ ততঃ রামম্ অপ্রমত্তঃ ধনুর্ ধরঃ ॥২-৫০-৫০॥
50.51
তথা শয়ানস্য ততঃ অস্য ধীমতঃ ।
যশস্বিনো দাশরথের্ মহাত্মনঃ ।অদৃষ্ট দুহ্খস্য সুখ উচিতস্য সা ।তদা ব্যতীয়ায় চিরেণ শর্বরী ॥২-৫০-৫১॥