সর্গ 49

49.1

রামঃ অপি রাত্রি শেষেণ তেন এব মহদ্ অন্তরম্ ।
জগাম পুরুষ ব্যাঘ্রঃ পিতুর্ আজ্ঞাম্ অনুস্মরন্ ॥২-৪৯-১॥

তথৈব গচ্চতঃ তস্য ব্যপায়াৎ রজনী শিবা ।
উপাস্য স শিবাম্ সম্ধ্যাম্ বিষয় অন্তম্ ব্যগাহত ॥২-৪৯-২॥

গ্রামান্ বিকৃষ্ট সীমান্ তান্ পুষ্পিতানি বনানি চ ।
পশ্যন্ন্ অতিয়য়ৌ শীঘ্রম্ শরৈঃ ইব হয় উত্তমৈঃ ॥২-৪৯-৩॥

শৃণ্বন্ বাচো মনুষ্যাণাম্ গ্রাম সম্বাস বাসিনাম্ ।
রাজানম্ ধিগ্ দশরথম্ কামস্য বশম্ আগতম্ ॥২-৪৯-৪॥

হা নৃশম্স অদ্য কৈকেয়ী পাপা পাপ অনুবন্ধিনী ।
তীক্ষ্ণা সম্ভিন্ন মর্যাদা তীক্ষ্ণে কর্মণি বর্ততে ॥২-৪৯-৫॥

যা পুত্রম্ ঈদৃশম্ রাজ্ঞঃ প্রবাসয়তি ধার্মিকম্ ।
বন বাসে মহা প্রাজ্ঞম্ সানুক্রোশম্ অতন্দ্রিতম্ ॥২-৪৯-৬॥

কথম্ নাম মহাভাগা সীতা জনকনন্দিনী ।
সদা সুখেষ্বভিরতা দুঃখান্যনুভবিষ্যতি ॥২-৪৯-৭॥

অহো দশরথো রাজা নিস্নেহঃ স্বসুত প্রিয়ম্ ।
প্রজানামনঘম্ রামম্ পরিত্যক্তুমিহেচ্ছতি ॥২-৪৯-৮॥

এতা বাচো মনুষ্যাণাম্ গ্রাম সম্বাস বাসিনাম্ ।
শৃণ্বন্ন্ অতি যয়ৌ বীরঃ কোসলান্ কোসল ঈশ্বরঃ ॥২-৪৯-৯॥

ততঃ বেদ শ্রুতিম্ নাম শিব বারি বহাম্ নদীম্ ।
উত্তীর্য অভিমুখঃ প্রায়াৎ অগস্ত্য অধ্যুষিতাম্ দিশম্ ॥২-৪৯-১০॥

গত্বা তু সুচিরম্ কালম্ ততঃ শীত জলাম্ নদীম্ ।
গোমতীম্ গোয়ুত অনূপাম্ অতরৎ সাগরম্ গমাম্ ॥২-৪৯-১১॥

গোমতীম্ চ অপি অতিক্রম্য রাঘবঃ শীঘ্রগৈঃ হয়ৈঃ ।
ময়ূর হম্স অভিরুতাম্ ততার স্যন্দিকাম্ নদীম্ ॥২-৪৯-১২॥

স মহীম্ মনুনা রাজ্ঞা দত্তাম্ ইক্ষ্বাকবে পুরা ।
স্ফীতাম্ রাষ্ট্র আবৃতাম্ রামঃ বৈদেহীম্ অন্বদর্শয়ৎ ॥২-৪৯-১৩॥

সূতৈতি এব চ আভাষ্য সারথিম্ তম্ অভীক্ষ্ণশঃ ।
হম্স মত্ত স্বরঃ শ্রীমান্ উবাচ পুরুষ ঋষভঃ ॥২-৪৯-১৪॥

কদা অহম্ পুনর্ আগম্য সরয্বাঃ পুষ্পিতে বনে ।
মৃগয়াম্ পর্যাটষ্যামি মাত্রা পিত্রা চ সম্গতঃ ॥২-৪৯-১৫॥

ন অত্যর্থম্ অভিকান্ক্ষামি মৃগয়াম্ সরয়ূ বনে ।
রতির্ হি এষা অতুলা লোকে রাজ ঋষি গণ সম্মতা ॥২-৪৯-১৬॥

রাজর্ষীণাম্ হি লোকেঽস্মিন্ রত্যর্থম্ মৃগয়া বনে ।
কালে কৃতাম্ তাম্ মনুজৈর্ধন্বিনামভিকাঙ্ক্ষিতাম্ ॥২-৪৯-১৭॥

স তম্ অধ্বানম্ ঐক্ষ্বাকঃ সূতম্ মধুরয়া গিরাতম্ তম্ অর্থম্ অভিপ্রেত্য যয়ৌবাক্যম্ উদীরয়ন্ ॥২-৪৯-১৮॥