Utshovসর্গ 48
48.1
তেষামেবম্ বিষ্ণ্ণানাম্পীডিতানামতীব চ ।
বাষ্পবিপ্লুতনেত্রাণাম্ সশোকানাম্ মুমূর্ষয়া ॥২-৪৮-১॥
48.2
অনুগম্য নিবৃত্তানাম্ রামম্ নগর বাসিনাম্ ।
উদ্গতানি ইব সত্ত্বানি বভূবুর্ অমনস্বিনাম্ ॥২-৪৮-২॥
48.3
স্বম্ স্বম্ নিলয়ম্ আগম্য পুত্র দারৈঃ সমাবৃতাঃ ।
অশ্রূণি মুমুচুঃ সর্বে বাষ্পেণ পিহিত আননাঃ ॥২-৪৮-৩॥
48.4
ন চ আহৃষ্যন্ ন চ অমোদন্ বণিজো ন প্রসারয়ন্ ।
ন চ অশোভন্ত পণ্যানি ন অপচন্ গৃহ মেধিনঃ ॥২-৪৮-৪॥
48.5
নষ্টম্ দৃষ্ট্বা ন অভ্যনন্দন্ বিপুলম্ বা ধন আগমম্ ।
পুত্রম্ প্রথমজম্ লব্ধ্বা জননী ন অভ্যনন্দত ॥২-৪৮-৫॥
48.6
গৃহে গৃহে রুদন্ত্যঃ চ ভর্তারম্ গৃহম্ আগতম্ ।
ব্যগর্হয়ন্তঃ দুহ্খ আর্তা বাগ্ভিস্ তোত্রৈঃ ইব দ্বিপান্ ॥২-৪৮-৬॥
48.7
কিম্ নু তেষাম্ গৃহৈঃ কার্যম্ কিম্ দারৈঃ কিম্ ধনেন বা ।
পুত্রৈঃ বা কিম্ সুখৈঃ বা অপি যে ন পশ্যন্তি রাঘবম্ ॥২-৪৮-৭॥
48.8
একঃ সৎ পুরুষো লোকে লক্ষ্মণঃ সহ সীতয়া ।
যো অনুগচ্চতি কাকুত্স্থম্ রামম্ পরিচরন্ বনে ॥২-৪৮-৮॥
48.9
আপগাঃ কৃত পুণ্যাঃ তাঃ পদ্মিন্যঃ চ সরাম্সি চ ।
যেষু স্নাস্যতি কাকুত্স্থো বিগাহ্য সলিলম্ শুচি ॥২-৪৮-৯॥
48.10
শোভয়িষ্যন্তি কাকুত্স্থম্ অটব্যো রম্য কাননাঃ ।
আপগাঃ চ মহা অনূপাঃ সানুমন্তঃ চ পর্বতাঃ ॥২-৪৮-১০॥
48.11
কাননম্ বা অপি শৈলম্ বা যম্ রামঃ অভিগমিষ্যতি ।
প্রিয় অতিথিম্ ইব প্রাপ্তম্ ন এনম্ শক্ষ্যন্তি অনর্চিতুম্ ॥২-৪৮-১১॥
48.12
বিচিত্র কুসুম আপীডা বহু মন্জলি ধারিণঃ ।
অকালে চ অপি মুখ্যানি পুষ্পাণি চ ফলানি চ ॥২-৪৮-১২॥
48.13
অকালে চাপি মুখ্যানি পুষ্পাণি চ ফলানি চ ।
দর্শয়িষ্যন্তি অনুক্রোশাৎ গিরয়ো রামম্ আগতম্ ॥২-৪৮-১৩॥
48.14
প্রস্রবিষ্যন্তি তোয়ানি বিমলানি মহীধরাঃ ।
বিদর্শয়ন্তঃ বিবিধান্ ভূয়ঃ চিত্রামঃ চ নির্ঝরান্ ॥২-৪৮-১৪॥
48.15
পাদপাঃ পর্বত অগ্রেষু রময়িষ্যন্তি রাঘবম্ ।
যত্র রামঃ ভয়ম্ ন অত্র ন অস্তি তত্র পরাভবঃ ॥২-৪৮-১৫॥
48.16
স হি শূরঃ মহা বাহুঃ পুত্রঃ দশরথস্য চ ।
পুরা ভবতি নো দূরাৎ অনুগচ্চাম রাঘবম্ ॥২-৪৮-১৬॥
48.17
পাদচ্ চায়া সুখা ভর্তুস্ তাদৃশস্য মহাত্মনঃ ।
স হি নাথো জনস্য অস্য স গতিঃ স পরায়ণম্ ॥২-৪৮-১৭॥
48.18
বয়ম্ পরিচরিষ্যামঃ সীতাম্ যূয়ম্ তু রাঘবম্ ।
ইতি পৌর স্ত্রিয়ো ভর্তৃঋন্ দুহ্খ আর্তাঃ তৎ তৎ অব্রুবন্ ॥২-৪৮-১৮॥
48.19
যুষ্মাকম্ রাঘবো অরণ্যে যোগ ক্ষেমম্ বিধাস্যতি ।
সীতা নারী জনস্য অস্য যোগ ক্ষেমম্ করিষ্যতি ॥২-৪৮-১৯॥
48.20
কো ন্ব্ অনেন অপ্রতীতেন স উত্কণ্ঠিত জনেন চ ।
সম্প্রীয়েত অমনোজ্ঞেন বাসেন হৃত চেতসা ॥২-৪৮-২০॥
48.21
কৈকেয্যা যদি চেদ্ রাজ্যম্ স্যাৎ অধর্ম্যম্ অনাথবৎ ।
ন হি নো জীবিতেন অর্থঃ কুতঃ পুত্রৈঃ কুতঃ ধনৈঃ ॥২-৪৮-২১॥
48.22
যয়া পুত্রঃ চ ভর্তা চ ত্যক্তাব্ ঐশ্বর্য কারণাৎ ।
কম্ সা পরিহরেদ্ অন্যম্ কৈকেয়ী কুল পাম্সনী ॥২-৪৮-২২॥
48.23
কৈকেয্যা ন বয়ম্ রাজ্যে ভৃতকা নিবসেমহি ।
জীবন্ত্যা জাতু জীবন্ত্যঃ পুত্রৈঃ অপি শপামহে ॥২-৪৮-২৩॥
48.24
যা পুত্রম্ পার্থিব ইন্দ্রস্য প্রবাসয়তি নির্ঘৃণা ।
কঃ তাম্ প্রাপ্য সুখম্ জীবেদ্ অধর্ম্যাম্ দুষ্ট চারিণীম্ ॥২-৪৮-২৪॥
48.25
উপদ্রুতমিদম্ সর্বমনালম্বমনায়কম্ ।
কৈকেয্যা হি কৃতে সর্বম্ বিনাশমুপয়াস্যতি ॥২-৪৮-২৫॥
48.26
ন হি প্রব্রজিতে রামে জীবিষ্যতি মহী পতিঃ ।
মৃতে দশরথে ব্যক্তম্ বিলোপঃ তৎ অনন্তরম্ ॥২-৪৮-২৬॥
48.27
তে বিষম্ পিবত আলোড্য ক্ষীণ পুণ্যাঃ সুদুর্গতাঃ ।
রাঘবম্ বা অনুগচ্চধ্বম্ অশ্রুতিম্ বা অপি গচ্চত ॥২-৪৮-২৭॥
48.28
মিথ্যা প্রব্রাজিতঃ রামঃ সভার্যঃ সহ লক্ষ্মণঃ ।
ভরতে সম্নিষৃষ্টাঃ স্মঃ সৌনিকে পশবো যথা ॥২-৪৮-২৮॥
48.29
পূর্ণচন্দ্রাননঃ শ্যামো গূঢজত্রুররিংদমঃ ।
আজানুবাহুঃ পদ্মাক্ষো রামো লক্ষ্মনপূর্বজঃ ॥২-৪৮-২৯॥
48.30
পূর্বাভিভাষী মধুরঃ সত্যবাদী মহাবলঃ ।
সৌম্যঃ সর্বস্য লোকস্য চন্দ্রবত্প্রিয়দর্শনঃ ॥২-৪৮-৩০॥
48.31
নূনম্ পুরুষশার্দূলো মত্তমাতঙ্গবিক্রমঃ ।
শোভয়ুশ্যত্যরণ্যানি বিচরন্ স মহারথঃ ॥২-৪৮-৩১॥
48.32
তাস্তথা বিলপন্ত্যস্তু নগরে নাগরস্ত্রিয়ঃ ।
চুক্রুশুর্দুঃখসম্তপ্তামৃত্যোরিব ভয়াগমে ॥২-৪৮-৩২॥
48.33
ইত্যেব বিলপন্তীনাম্ স্ত্রীণাম্ বেশ্মসু রাঘবম্ ।
জগামাস্তম্ দিনকরো রজনী চাভ্যবর্তত ॥২-৪৮-৩৩॥
48.34
নষ্টজ্বলনসম্পাতা প্রশান্তাধ্যায়সত্কথা ।
তিমিরেণাভিলিপ্তেব তদা সা নগরী বভৌ ॥২-৪৮-৩৪॥
48.35
উপশান্তবণিক্পণ্যা নষ্টহর্ষা নিরাশ্রয়া ।
অয়োধ্যা নগরী চাসীন্নষ্টতারমিবাম্বরম্ ॥২-৪৮-৩৫॥
48.36
তথা স্ত্রিয়ো রাম নিমিত্তম্ আতুরা ।
যথা সুতে ভ্রাতরি বা বিবাসিতে ।বিলপ্য দীনা রুরুদুর্ বিচেতসঃ ।সুতৈঃ হি তাসাম্ অধিকো হি সো অভবৎ ॥২-৪৮-৩৬॥
48.37
প্রশান্তগীতোত্সব নৃত্তবাদনা ।
ব্যপাস্তহর্ষা পিহিতাপণোদয়া ।তদা হ্যয়োধ্যা নগরী বভূব সা ।মহার্ণবঃ সম্ক্ষপিতোদকো যথা ॥২-৪৮-৩৭॥