সর্গ 47

47.1

প্রভাতায়াম্ তু শর্বর্যাম্ পৌরাঃ তে রাঘবো বিনা ।
শোক উপহত নিশ্চেষ্টা বভূবুর্ হত চেতসঃ ॥২-৪৭-১॥

শোকজ অশ্রু পরিদ্যূনা বীক্ষমাণাঃ ততঃ ততঃ ।
আলোকম্ অপি রামস্য ন পশ্যন্তি স্ম দুহ্খিতাঃ ॥২-৪৭-২॥

তে বিষাদার্তবদনা রহিতাস্তেন ধিমতা ।
কৃপণাঃ করুণা বাচো বদন্তি স্ম মনস্বিনঃ ॥২-৪৭-৩॥

ধিগস্তু খলু নিদ্রাম্ তাম্ যয়াপহৃতচেতসঃ ।
নাদ্য পশ্যামহে রামম্ পৃথূরস্কম্ মহাভুজম্ ॥২-৪৭-৪॥

কথম্ নাম মহাবাহুঃ স তথাঽবিতথক্রিয়ঃ ।
ভক্তম্ জনম্ পরিত্যজ্য প্রবাসম্ রাঘবো গতঃ ॥২-৪৭-৫॥

যো নঃ সদা পালয়তি পিতা পুত্রানিবৌরসান্ ।
কথম্ রঘূণাম্ স শ্রেষ্ঠস্ত্যক্ত্বা নো বিপিনম্ গতঃ ॥২-৪৭-৬॥

ইহৈব নিধনম্ যামো মহাপ্রস্থানমেব বা ।
রামেণ রহিতানাম্ হি কিমর্থম্ জীবিতম্ হি নঃ ॥২-৪৭-৭॥

সন্তি শুষ্কাণি কাষ্ঠানি প্রভূতানি মহান্তি চ ।
তৈঃ প্রজ্বাল্য চিতাম্ সর্বে প্রবিশামোঽথ পাবকম্ ॥২-৪৭-৮॥

কিম্ ব্খ্স্যামো মহাবাহুরনসূয়ঃ প্রিয়ম্বদ ।
নীতঃ স রাঘবোঽস্মাভির্তি বক্তুম্ কথম্ ক্ষমম্ ॥২-৪৭-৯॥

সা নূনম্ নগরী দীনা দৃষ্ট্বাঽস্মান্ রাঘবম্ বিনা ।
ভবিষ্যতি নিরানন্দা সস্ত্রীবালবয়োধিকা ॥২-৪৭-১০॥

নির্যাতাস্তেন বীরেণ সহ নিত্যম্ জিতাত্মনা ।
বিহিনাস্তেন চ পুনঃ কথম্ পশ্যাম তাম্ পুরীম্ ॥২-৪৭-১১॥

ইতীব বহুধা বাচো বাহুমুদ্যম্য তে জনাঃ ।
বিলপন্তিস্ম দুঃখর্তা বিবত্সা ইব ধেনবঃ ॥২-৪৭-১২॥

ততঃ মার্গ অনুসারেণ গত্বা কিম্চিৎ ক্ষণম্ পুনঃমার্গ নাশাৎ বিষাদেন মহতা সমভিপ্লুতঃ ॥২-৪৭-১৩॥

রথস্য মার্গ নাশেন ন্যবর্তন্ত মনস্বিনঃ ।
কিম্ ইদম্ কিম্ করিষ্যামঃ দৈবেন উপহতাইতি ॥২-৪৭-১৪॥

ততঃ যথা আগতেন এব মার্গেণ ক্লান্ত চেতসঃ ।
অয়োধ্যাম্ অগমন্ সর্বে পুরীম্ ব্যথিত সজ্জনাম্ ॥২-৪৭-১৫॥

আলোক্য নগরীম্ তাম্ চ ক্ষয়ব্যাকুলমানসাঃ ।
আবর্তয়ন্ত তঽশ্রূণি নয়নৈঃ শোকপীডিতৈঃ ॥২-৪৭-১৬॥

এষা রামেণ নগরী রহিতা নাতিশোভতে ।
আপগা গরুডেনেব হ্রদাদুদ্ধৃতপন্নগা ॥২-৪৭-১৭॥

চন্দ্রহীনমিবাকাশম্ তোয়হীনমিবার্ণবম্ ।
অপশ্যন্নিহতানন্দম্ নগরম্ তে বিচেতসঃ ॥২-৪৭-১৮॥

তে তানি বেশ্মানি মহাধনানি ।
দুঃখেন দুঃখোপহতা বিশন্তঃ ।নৈব প্রজজ্ঞুঃ স্বজনম্ জনম্ বা ।নিরীক্ষমাণাঃ প্রবিণষ্টহর্ষাঃ ॥২-৪৭-১৯॥