Utshovসর্গ 46
46.1
ততঃ তু তমসা তীরম্ রম্যম্ আশ্রিত্য রাঘবঃ ।
সীতাম্ উদ্বীক্ষ্য সৌমিত্রিম্ ইদম্ বচনম্ অব্রবীৎ ॥২-৪৬-১॥
46.2
ইয়ম্ অদ্য নিশা পূর্বা সৌমিত্রে প্রস্থিতা বনম্ ।
বন বাসস্য ভদ্রম্ তে স ন উত্কণ্ঠিতুম্ অর্হসি ॥২-৪৬-২॥
46.3
পশ্য শূন্যানি অরণ্যানি রুদন্তি ইব সমন্ততঃ ।
যথা নিলয়ম্ আয়দ্ভির্ নিলীনানি মৃগ দ্বিজৈঃ ॥২-৪৬-৩॥
46.4
অদ্য অয়োধ্যা তু নগরী রাজ ধানী পিতুর্ মম ।
সস্ত্রী পুম্সা গতান্ অস্মান্ শোচিষ্যতি ন সম্শয়ঃ ॥২-৪৬-৪॥
46.5
অনুরক্তা হি মনুজা রাজানম্ বহুভির্গুণৈঃ ।
ত্বাম্ চ মাম্ চ নরব্যাঘ্র শত্রঘ্নভরতৌ তথা ॥২-৪৬-৫॥
46.6
পিতরম্ চানুশোচামি মাতরম্ চ যশস্বিনীম্ ।
অপি বানৌধ ভবেতাম্ তু রুদন্তৌ তাবভীক্ষ্ণশঃ ॥২-৪৬-৬॥
46.7
ভরতঃ খলু ধর্ম আত্মা পিতরম্ মাতরম্ চ মে ।
ধর্ম অর্থ কাম সহিতৈঃ বাক্যৈঃ আশ্বাসয়িষ্যতি ॥২-৪৬-৭॥
46.8
ভরতস্য আনৃশম্সত্বম্ সম্চিন্ত্য অহম্ পুনঃ পুনঃ ।
ন অনুশোচামি পিতরম্ মাতরম্ চ অপি লক্ষ্মণ ॥২-৪৬-৮॥
46.9
ত্বয়া কার্যম্ নর ব্যাঘ্র মাম্ অনুব্রজতা কৃতম্ ।
অন্বেষ্টব্যা হি বৈদেহ্যা রক্ষণ অর্থে সহায়তা ॥২-৪৬-৯॥
46.10
অদ্ভির্ এব তু সৌমিত্রে বত্স্যাম্য্ অদ্য নিশাম্ ইমাম্ ।
এতদ্দ্ হি রোচতে মহ্যম্ বন্যে অপি বিবিধে সতি ॥২-৪৬-১০॥
46.11
এবম্ উক্ত্বা তু সৌমিত্রম্ সুমন্ত্রম্ অপি রাঘবঃ ।
অপ্রমত্তঃ ত্বম্ অশ্বেষু ভব সৌম্য ইতি উবাচ হ ॥২-৪৬-১১॥
46.12
সো অশ্বান্ সুমন্ত্রঃ সম্যম্য সূর্যে অস্তম্ সমুপাগতে ।
প্রভূত যবসান্ কৃত্বা বভূব প্রত্যনন্তরঃ ॥২-৪৬-১২॥
46.13
উপাস্যতু শিবাম্ সম্ধ্যাম্ দৃষ্ট্বা রাত্রিম্ উপস্থিতাম্ ।
রামস্য শয়নম্ চক্রে সূতঃ সৌমিত্রিণা সহ ॥২-৪৬-১৩॥
46.14
তাম্ শয্যাম্ তমসা তীরে বীক্ষ্য বৃক্ষ দলৈঃ কৃতাম্ ।
রামঃ সৌমিত্রিণাম্ সার্ধম্ সভার্যঃ সম্বিবেশ হ ॥২-৪৬-১৪॥
46.15
সভার্যম্ সম্প্রসুপ্তম্ তম্ ভ্রাতরম্ বীক্ষ্য লক্ষ্মণঃ ।
কথয়াম্ আস সূতায় রামস্য বিবিধান্ গুণান্ ॥২-৪৬-১৫॥
46.16
জাগ্রতঃ হি এব তাম্ রাত্রিম্ সৌমিত্রের্ উদিতঃ রবিঃ ।
সূতস্য তমসা তীরে রামস্য ব্রুবতঃ গুণান্ ॥২-৪৬-১৬॥
46.17
গো কুল আকুল তীরায়াঃ তমসায়াঃ বিদূরতঃ ।
অবসৎ তত্র তাম্ রাত্রিম্ রামঃ প্রকৃতিভিঃ সহ ॥২-৪৬-১৭॥
46.18
উত্থায় তু মহা তেজাঃ প্রকৃতীস্ তা নিশাম্য চ ।
অব্রবীদ্ ভ্রাতরম্ রামঃ লক্ষ্মণম্ পুণ্য লক্ষণম্ ॥২-৪৬-১৮॥
46.19
অস্মদ্ ব্যপেক্ষান্ সৌমিত্রে নিরপেক্ষান্ গৃহেষ্ব্ অপি ।
বৃক্ষ মূলেষু সম্সুপ্তান্ পশ্য লক্ষ্মণ সাম্প্রতম্ ॥২-৪৬-১৯॥
46.20
যথা এতে নিয়মম্ পৌরাঃ কুর্বন্তি অস্মন্ নিবর্তনে ।
অপি প্রাণান্ অসিষ্যন্তি ন তু ত্যক্ষ্যন্তি নিশ্চয়ম্ ॥২-৪৬-২০॥
46.21
যাবদ্ এব তু সম্সুপ্তাঃ তাবদ্ এব বয়ম্ লঘু ।
রথম্ আরুহ্য গচ্চামঃ পন্থানম্ অকুতঃ ভয়ম্ ॥২-৪৬-২১॥
46.22
অতঃ ভূয়ো অপি ন ইদানীম্ ইক্ষ্বাকু পুর বাসিনঃ ।
স্বপেয়ুর্ অনুরক্তা মাম্ বৃষ্ক মূলানি সম্শ্রিতাঃ ॥২-৪৬-২২॥
46.23
পৌরা হি আত্ম কৃতাৎ দুহ্খাৎ বিপ্রমোচ্যা নৃপ আত্মজৈঃ ।
ন তু খল্ব্ আত্মনা যোজ্যা দুহ্খেন পুর বাসিনঃ ॥২-৪৬-২৩॥
46.24
অব্রবীল্ লক্ষ্মণো রামম্ সাক্ষাৎ ধর্মম্ ইব স্থিতম্ ।
রোচতে মে মহা প্রাজ্ঞ ক্ষিপ্রম্ আরুহ্যতাম্ ইতি ॥২-৪৬-২৪॥
46.25
অথ রামোঽব্রবীচ্ছ্রীমান্ সুমন্ত্রম্ যুজ্যতাম্ রথঃ ।
গমিষ্যামি ততোঽরণ্যম্ গচ্ছ শ্রীঘ্রমিতঃ প্রভো ॥২-৪৬-২৫॥
46.26
সূতঃ ততঃ সম্ত্বরিতঃ স্যন্দনম্ তৈঃ হয় উত্তমৈঃ ।
যোজয়িত্বা অথ রামায় প্রান্জলিঃ প্রত্যবেদয়ৎ ॥২-৪৬-২৬॥
46.27
অয়ম্ যুক্তো মহাবাহো রথস্তে রথিনাম্ বর ।
ত্বমারোহস্ব ভদ্রম্ তে সসীতঃ সহলক্ষ্মণঃ ॥২-৪৬-২৭॥
46.28
তম্ স্যন্দনমধিষ্ঠায় রাঘবঃ সপরিচ্ছদঃ ।
শীঘ্রগামাকুলাবর্তাম্ তমসামতরন্নদীম্ ॥২-৪৬-২৮॥
46.29
স সম্তীর্য মহাবাহুঃ শ্রীমান্ শিবমকণ্টকম্ ।
প্রাপদ্যত মহামার্গমভয়ম্ ভয়দর্শিনাম্ ॥২-৪৬-২৯॥
46.30
মোহন অর্থম্ তু পৌরাণাম্ সূতম্ রামঃ অব্রবীদ্ বচঃ ।
উদন্ মুখঃ প্রয়াহি ত্বম্ রথম্ আস্থায় সারথে ॥২-৪৬-৩০॥
46.31
মুহূর্তম্ ত্বরিতম্ গত্বা নির্গতয় রথম্ পুনঃ ।
যথা ন বিদ্যুঃ পৌরা মাম্ তথা কুরু সমাহিতঃ ॥২-৪৬-৩১॥
46.32
রামস্য বচনম্ শ্রুত্বা তথা চক্রে স সারথিঃ ।
প্রত্যাগম্য চ রামস্য স্যন্দনম্ প্রত্যবেদয়ৎ ॥২-৪৬-৩২॥
46.33
তৌ সম্প্রয়ুক্তম্ তু রথম্ সমাসিত্থৌ ।
তদা সসীতৌ রঘবম্শবর্ধনৌ ।প্রচোদয়ামাস ততস্তুরম্গমান্ ।স সারথির্যেন পথা তপোবনম্ ॥২-৪৬-৩৩॥
46.34
ততঃ সমাস্থায় রথম্ মহারথঃসসারথির্ধাশরথির্বনম্ যয়ৌ ।
উদঙ্মুখম্ তম্ তু রথম্ চকার স ।প্রয়াণমাঙ্গশ্যনিবিতদর্শনাৎ ॥২-৪৬-৩৪॥