Utshovসর্গ 4
4.1
গতেষ্বথ নৃপো ভূয়ঃ পৌরেষু সহ মন্ত্রিভিঃ ।
মন্ত্রয়ুত্বা ততশ্চক্রে নিশ্চয়জ্ঞঃ স নিশ্চয়ম্ ॥২-৪-১॥
4.2
শ্ব এব পুষ্যো ভবিতা শ্বোঽভিষেচ্যস্তু মে সুতঃ ।
রামো রাজীবতাম্রাক্ষো যৌবরাজ্য ইতি প্রভুঃ ॥২-৪-২॥
4.3
অথান্তর্গৃহমাসাদ্য রাজা দশরথস্তদা ।
সূতমামন্ত্রয়ামাস রামং পুনরিহানয় ॥২-৪-৩॥
4.4
প্রতিগৃহ্য স তদ্বাক্যং সূতঃ পুনরুপায়য়ৌ ।
রামস্য ভবনং শীঘ্রং রামমানয়িতুং পুনঃ ॥২-৪-৪॥
4.5
দ্বাঃস্থৈরাবেদিতং তস্য রামায়াগমনং পুনঃ ।
শ্রুত্বৈব চাপি রামস্তং প্রাপ্তং শঙ্কান্বিতোঽভবৎ ॥২-৪-৫॥
4.6
প্রবেশ্য চৈনং ত্বরিতং রামো বচন মব্রবীৎ ।
যদাগমনকৃত্যং তে ভূয়স্তদ্ভ্রুহ্যশেষতঃ ॥২-৪-৬॥
4.7
তমুবাচ ততঃ সূতো রাজা ত্বাং দ্রষ্টু মিচ্ছতি ।
শ্রুত্বা প্রমাণমত্র ত্বং গমনায়েতরায় বা ॥২-৪-৭॥
4.8
ইতি সূতবচঃ শ্রুত্বা রামোঽথ ত্বরয়ান্বিতঃ ।
প্রয়য়ৌ রাজভবনং পুনর্দ্রষ্টুং নরেশ্বরম্ ॥২-৪-৮॥
4.9
তং শ্রুত্বা সমনুপ্রাপ্তং রামং দশরথো নৃপঃ ।
প্রবেশ্যামাস গৃহং বিবক্ষুঃ প্রিয়মুত্তমম্ ॥২-৪-৯॥
4.10
প্রবিশ্ন্নেপ চ শ্রীমান্ রাঘবো ভবনং পিতুঃ ।
দদর্শ পিতরং দূরাৎ প্রণিপত্য কৃতাঞ্জ্লিঃ ॥২-৪-১০॥
4.11
প্রণমন্তং সমুত্থাপ্য তং পরিষ্বজ্য ভূমিপঃ ।
প্রদিশ্য চাস্মৈ রুচিরমাসনং পুনরব্রবীৎ ॥২-৪-১১॥
4.12
রাম বৃদ্ধোঽস্মি দীর্ঘায়ুর্ভুক্তা ভোগা ময়েপ্সিতাঃ ।
অন্ন্বদ্ভিঃ ক্রতুশ্তৈস্তথেষ্টং ভূরিদক্ষিণৈঃ ॥২-৪-১২॥
4.13
জাতমিষ্টমপত্যং মে ত্বমদ্যানুপমং ভুবি ।
দত্তমিষ্টমধীতং চ ময়া পুরুষসত্তম ॥২-৪-১৩॥
4.14
অনুভূতানি চেষ্টানি ময়া বীর সুখান্যপি ।
দেবর্ষিপিতৃবিপ্রাণামনৃণোঽস্মি তথাত্মনঃ ॥২-৪-১৪॥
4.15
ন কিঞ্চিন্ম কর্তব্যং তবান্যত্রাভিষেচনাৎ ।
অতো যুত্ত্বামহং ব্রূয়াং তন্মে ত্বং কর্তুমর্হসি ॥২-৪-১৫॥
4.16
অদ্য প্রকৃতয়ঃ সর্বাস্ত্বামিচ্ছন্তি নরাধিপম্ ।
অতস্ত্বাং যুবরাজানমভিষেক্ষ্যামি পুত্রক ॥২-৪-১৬॥
4.17
অপি চাদ্যাশুভান্ রাম স্বপ্নে প্শ্যামি দারুণান্ ।
সনির্ঘাতা দিবোল্কা চ পরতীহ মহাস্বনা ॥২-৪-১৭॥
4.18
অবষ্টব্ধং চ মে রাম নক্ষত্রং দারুণৈর্গ্রহৈঃ ।
আবেদয়ন্তি দৈবজ্ঞাবঃ সূর্যাঙ্গারকরাহুভিঃ ॥২-৪-১৮॥
4.19
প্রায়েণ হি নিমিত্তানামীদৃশানাং সমুদ্ভবে ।
রাজা হি মৃত্যুমাপ্নোতি ঘোরং বাপদমৃচ্ছতি ॥২-৪-১৯॥
4.20
তদ্যাবদেব মে চেতো ন বিমুঞ্চতি রাঘব ।
তাবদেবাভিষিঞ্চস্ব চলা হি প্রাণিনাং মতিঃ ॥২-৪-২০॥
4.21
অদ্য চন্দ্রোভ্যুপগতঃ পুষ্যাত্পূর্বং পুনর্বসূ ।
শ্বঃ পুষ্যয়োগং নিয়তং বক্ষ্যন্তে দৈবচিন্তকাঃ ॥২-৪-২১॥
4.22
ততঃ পুষ্যেঽভিষিঞ্চস্ব মনস্ত্বরয়তীব মাম্ ।
শ্বস্ত্বাহমভিষেক্ষ্যামি যৌবরাজ্যে পরংতপ ॥২-৪-২২॥
4.23
তস্মাত্ত্বয়াদপ্রভৃতি নিশেয়ং নিয়তাত্মনা ।
সহ বধ্বোপবস্তব্যা দর্ভপ্রস্তরশায়িনা ॥২-৪-২৩॥
4.24
সুহৃদশ্চাপ্রমত্তাস্ত্বাং রক্ষন্ত্বদ্য সমন্ততঃ ।
ভবন্তি বহুবিঘ্নানি কার্যাণ্যেবংবিধানি হি ॥২-৪-২৪॥
4.25
বিপ্রোষিতশ্চ ভরতো যাবদেব পুরাদিতঃ ।
তাবদেবাভিষেকস্তে প্রাপ্তকালো মতো মম ॥২-৪-২৫॥
4.26
কামং খলু সতাং বৃত্তে ভ্রাতা তে ভরতঃ স্থিতঃ ।
জ্যেষ্ঠনুবর্তী ধর্মাত্মা সানুক্রোশো জিতেন্দ্রিয়ঃ ॥২-৪-২৬॥
4.27
কিন্তু চিত্তং মনুষ্যাণামনিত্যমিতি মে মতিঃ ।
সতাং চ ধর্মনিত্যানাং কৃতশোভি চ রাঘব ॥২-৪-২৭॥
4.28
ইত্যুক্তঃ সোওঽভ্যনুজ্ঞাতঃ শ্বোভাবিন্যভিষেচনে ।
ব্রজেতি রামঃ পিতরমভিবাদ্যাভ্যয়াদ্গৃহম্ ॥২-৪-২৮॥
4.29
প্রবিশ্য চাত্মনো বেশ্ম রাজ্ঞোদ্ধিষ্টেঽভিষেচনে ।
তত্ক্ষণেন চ নির্গম্য মাতুর্ন্তঃপুরং যয়ৌ ॥২-৪-২৯॥
4.30
তত্র তাং প্রবণামেব মাতরং ক্ষৌমবাসিনীম্ ।
বাগ্যতাং দেবতাগারে দদর্শায়াচতীং শ্রিয়ম্ ॥২-৪-৩০॥
4.31
প্রাগেব চাগতা তত্র সুমিত্রা লক্ষ্মণ স্তদা ।
সীতা চানায়িতা শ্রুত্বা প্রিয়ং রামাভিষেচনম্ ॥২-৪-৩১॥
4.32
তস্মিন্ কালে হি কৌসল্যা তস্থাবামীলিতেক্ষণা ।
সুমিত্রয়ান্বাস্যমানা সীতয়া লক্ষ্মণেন চ ॥২-৪-৩২॥
4.33
শ্রুত্বা পুষ্যেণ পুত্রস্য যৌবরাজ্যাভিষেচনম্ ।
প্রাণায়ামেন পুরুষং ধ্যায়মানা জনার্দনম্ ॥২-৪-৩৩॥
4.34
তথা সনিয়মামেব সোঽভিগম্যাভিবাদ্য চ ।
উবাচ বচনং রামো হর্ষ্যংস্তামিদং তদা ॥২-৪-৩৪॥
4.35
অম্ব পিত্রা নিয়ুক্তোঽস্মি প্রজাপালনকর্মণি ।
ভবিতা শ্বোঽভিষেকো মে যথা মি শাসনং পিতুঃ ॥২-৪-৩৫॥
4.36
সীতয়া প্যুপবস্তব্যা রজনীয়ং ময়া সহ ।
এবমৃত্বিগুপাধ্যায়ৈস্সহ মামুক্তবান্ পিতা ॥২-৪-৩৬॥
4.37
যানি যান্যত্র যোগ্যানি শ্বো ভাবিন্যভিষেচনে ।
তানি মে মঙ্গLআন্যদ্য বৈদেহ্যাশ্চৈব কারয় ॥২-৪-৩৭॥
4.38
এতচ্ছ্রুত্বা তু কৌসল্যা চিরকালাভিকাঙ্ক্ষিতম্ ।
হর্ষ্বাষ্পকলং বাক্যমিদং রাম মভাষত ॥২-৪-৩৮॥
4.39
বত্স রাম চিরং জীব হতাস্তে পরিপন্থিনঃ ।
জ্ঞাতীন্মে ত্বং শ্রিয়ায়ুক্তঃ সুমিত্রায়াশ্চ নন্দয় ॥২-৪-৩৯॥
4.40
কল্যাণে বত ন্ক্ষত্রে ময়ি জাতোঽসি পুত্রক ।
যেন ত্বয়া দশরথো গুণৈরারাধিতঃ পিতা ॥২-৪-৪০॥
4.41
অমোঘং বত মে ক্ষান্তং পুরুষে পুষ্করেক্ষণে ।
যেয়মিক্ষ্বাকুরাজ্যশ্রীঃ পুত্র ত্বাং সংশ্রয়িষ্যতি ॥২-৪-৪১॥
4.42
ইত্যেবমুক্তো মাত্রেদং রামো ভ্রাতরমব্রবীৎ ।
প্রাঞ্জলিং প্রহ্বমাসীনমভিবীখ্স্য স্ময়ন্নিব ॥২-৪-৪২॥
4.43
লক্ষ্মণেমাং মায়া সার্ধং প্রশাধি ত্বং বসুন্ধরাম্ ।
দ্বিতীয়ং মেঽন্তরাত্মানং ত্বামিয়ং শ্রীরুপস্থিতা ॥২-৪-৪৩॥
4.44
সৌমিত্রে ভুঙ্ক্ষ্ব ভোগাং স্ত্বমিষ্টান্ রাজ্যফলানি চ ।
জীবিতং চ হি রাজ্যং চ ত্বদর্থমভিকাময়ে ॥২-৪-৪৪॥
4.45
ইত্যুক্ত্বা লক্ষ্মণং রামো মাতরাবভিবাদ্য চ ।
অভ্যনুজ্ঞাপ্য সীতাং চ জগাম স্বং নিবেশ্নম্ ॥২-৪-৪৫॥