Utshovসর্গ 37
37.1
মহা মাত্র বচঃ শ্রুত্বা রামঃ দশরথম্ তদা ।
অন্বভাষত বাক্যম্ তু বিনয়জ্ঞো বিনীতবৎ ॥২-৩৭-১॥
37.2
ত্যক্ত ভোগস্য মে রাজন্ বনে বন্যেন জীবতঃ ।
কিম্ কার্যম্ অনুয়াত্রেণ ত্যক্ত সন্গস্য সর্বতঃ ॥২-৩৭-২॥
37.3
যো হি দত্ত্বা দ্বিপ শ্রেষ্ঠম্ কক্ষ্যায়াম্ কুরুতে মনঃ ।
রজ্জু স্নেহেন কিম্ তস্য ত্যজতঃ কুন্জর উত্তমম্ ॥২-৩৭-৩॥
37.4
তথা মম সতাম্ শ্রেষ্ঠ কিম্ ধ্বজিন্যা জগৎ পতে ।
সর্বাণি এব অনুজানামি চীরাণি এব আনয়ন্তু মে ॥২-৩৭-৪॥
37.5
খনিত্র পিটকে চ উভে মম আনয়ত গচ্চতঃ ।
চতুর্ দশ বনে বাসম্ বর্ষাণি বসতঃ মম ॥২-৩৭-৫॥
37.6
অথ চীরাণি কৈকেয়ী স্বয়ম্ আহৃত্য রাঘবম্ ।
উবাচ পরিধত্স্ব ইতি জন ওঘে নিরপত্রপা ॥২-৩৭-৬॥
37.7
স চীরে পুরুষ ব্যাঘ্রঃ কৈকেয্যাঃ প্রতিগৃহ্য তে ।
সূক্ষ্ম বস্ত্রম্ অবক্ষিপ্য মুনি বস্ত্রাণি অবস্ত হ ॥২-৩৭-৭॥
37.8
লক্ষ্মণঃ চ অপি তত্র এব বিহায় বসনে শুভে ।
তাপসাচ্ চাদনে চৈব জগ্রাহ পিতুর্ অগ্রতঃ ॥২-৩৭-৮॥
37.9
অথ আত্ম পরিধান অর্থম্ সীতা কৌশেয় বাসিনী ।
সমীক্ষ্য চীরম্ সম্ত্রস্তা পৃষতী বাগুরাম্ ইব ॥২-৩৭-৯॥
37.10
সা ব্যপত্রপমাণা ইব প্রতিগৃহ্য চ দুর্মনাঃ ।
গন্ধর্ব রাজ প্রতিমম্ ভর্তারম্ ইদম্ অব্রবীৎ ॥২-৩৭-১০॥
37.11
অশ্রুসংপূর্ণ্নেত্রা চ ধর্মজ্ঞা ধর্মদর্শিনী ।
গন্ধর্বরাজপ্রতিমম্ ভর্তারমিদমব্রবীৎ ॥২-৩৭-১১॥
37.12
কথম্ নু চীরম্ বধ্নন্তি মুনয়ো বন বাসিনঃ ।
ইতি হ্যকুশলা সীতা সামুমোহ মুহুর্মুহুঃ ॥২-৩৭-১২॥
37.13
কৃত্বা কণ্ঠে চ সা চীরম্ একম্ আদায় পাণিনা ।
তস্থৌ হি অকুষলা তত্র ব্রীডিতা জনক আত্মজ ॥২-৩৭-১৩॥
37.14
তস্যাঃ তৎ ক্ষিপ্রম্ আগম্য রামঃ ধর্মভৃতাম্ বরঃ ।
চীরম্ ববন্ধ সীতায়াঃ কৌশেয়স্য উপরি স্বয়ম্ ॥২-৩৭-১৪॥
37.15
রামম্ প্রেক্ষ্য তু সীতায়াঃ বধ্নন্তম্ চীরমুত্তমম্ ।
অন্তঃপুরগতা নার্যো মুমুচুর্বারি নেত্রজম্ ॥২-৩৭-১৫॥
37.16
উচুশ্চ পরমায়স্তা রামম্ জ্বলিততেজসম্ ।
বত্স নৈবম্ নিয়ুক্তেয়ম্ বনবাসে মনস্বিনী ॥২-৩৭-১৬॥
37.17
পিতুর্বাক্যানুরোধেন গতস্য বিজনম্ বনম্ ।
তাবদ্দর্শনমস্যা নঃ সফলম্ ভবতু প্রভো ॥২-৩৭-১৭॥
37.18
লক্ষ্মণেন সহায়েন বনম্ গচ্ছস্ব পুত্রক ।
নেয়মর্হতি কল্যাণী বস্তুম্ তাপসবদ্বনে ॥২-৩৭-১৮॥
37.19
কুরু নো যাচনাম্ পুত্র! সীতা তিষ্ঠতু ভামিনী ।
ধর্মনিত্যঃ স্বয়ম্ স্থাতুম্ ন হীদানীম্ ত্বমিচ্ছসি ॥২-৩৭-১৯॥
37.20
তাসামেবম্বিধা বাচঃ শৃণ্বন্ দশরথাত্মজঃ ।
ববন্ধৈব তদা চীরম্ সীতয়া তুল্যশীলয়া ॥২-৩৭-২০॥
37.21
চীরে গৃহীতে তু তয়া সমীক্ষ্য নৃপতের্গুরুঃ ।
নিবার্য সীতাম্ কৈকেয়ীম্ বসিষ্ঠো বাক্যমব্রবীৎ ॥২-৩৭-২১॥
37.22
অতিপ্রবৃত্তে দুর্মেধে কৈকেয়ি কুলপাম্সনি ।
বঞ্যিত্বা চ রাজানম্ ন প্রমাণেঽবতিষ্ঠসে ॥২-৩৭-২২॥
37.23
ন গন্তব্যম্ বনম্ দেব্যা সীতয়া শীলবর্জিতে ।
অনুষ্ঠাস্যতি রামস্য সীতা প্রকৃতমাসনম্ ॥২-৩৭-২৩॥
37.24
আত্মা হি দারাঃ সর্বেষাম্ দারসম্গ্রহবর্তিনাম্ ।
আত্মেয়মিতি রামস্য পালয়িষ্যতি মেদিনীম্ ॥২-৩৭-২৪॥
37.25
অথ যাস্যতি বৈদেহী বনম্ রামেণ সম্গতা ।
বয়মপ্যনুয়াস্যামঃ পুরম্ চেদম্ গমিষ্যতি ॥২-৩৭-২৫॥
37.26
অন্তপালাশ্চ যাস্যন্তি সদারো যত্র রাঘবঃ ।
সহোপজীব্যম্ রাষ্ট্রম্ চ পুরম্ চ সপরিচ্ছদম্ ॥২-৩৭-২৬॥
37.27
ভরতশ্চ সশত্রুঘ্নশ্চীরবাসা বনেচরঃ ।
বনে বসন্তম্ কাকুত্থ্সমনুবত্স্যতি পূর্বজম্ ॥২-৩৭-২৭॥
37.28
ততহ্ শূন্যাম্ গতজনাম্ বসুধাম্ পাদপৈঃ সহ ।
ত্বমেকা শাধি দুর্বৃত্তা প্রজানামহিতে স্থিতা ॥২-৩৭-২৮॥
37.29
ন হি তদ্ভবিতা রাষ্ট্রম্ যত্র রামো ন ভূপতিঃ ।
তদ্বনম্ ভবিতা রাষ্ট্রম্ যত্র রামো নিবত্স্যতি ॥২-৩৭-২৯॥
37.30
ন হ্যদত্তাম্ মহীম্ পিত্রা ভরতঃ শাস্তুমর্হতি ।
ত্বয়ি বা পুত্রবদ্বস্তুম্ যদি জাতো মহীপতেঃ ॥২-৩৭-৩০॥
37.31
যদ্যপি ত্বম্ ক্ষিতিতলাদ্গগনম্ চোত্পতিষ্যসি ।
পিতুর্ব্ম্শচরিত্রজ্ঞঃ সোঽন্যথা ন করিষ্যতি ॥২-৩৭-৩১॥
37.32
তত্ত্বয়া পুত্রগর্ধিন্যা পুত্রস্য কৃতমপ্রিয়ম্ ।
লোকে হি স ন বিদ্যেত যো ন রামমনুব্রতঃ ॥২-৩৭-৩২॥
37.33
দ্রক্ষ্যস্যদ্যৈব কৈকেয়ি পশুব্যাLঅমৃগদ্বিজান্ ।
গচ্ছতঃ সহ রামেণ পাদপাম্শ্চ তদুন্মুখান্ ॥২-৩৭-৩৩॥
37.34
অথোত্তমান্যাভরণানি দেবি ।
দেহি স্নুষায়ৈ ব্যপনীয় চীরম্ ।ন চীরমস্যাঃ প্রবিধীয়তেতি ।ন্যবারয়ৎ তদ্বসনম্ বসিষ্ঠঃ ॥২-৩৭-৩৪॥
37.35
একস্য রামস্য বনে নিবাস ।
স্ত্বয়া বৃতহ্ কেকয়রাজপুত্রি ।বিভূষিতেয়ম্ প্রতিকর্মনিত্যা ।বসত্বরণ্যে সহ রাঘবেণ ॥২-৩৭-৩৫॥
37.36
যানৈশ্চ মুখ্যৈঃ পরিচারকৈশ্চ ।
সুসম্বৃতা গচ্ছতু রাজপুত্রী ।বস্রৈশ্চ সর্বৈঃ সহিতৈর্বিধানৈ ।র্নেয়ম্ বৃতা তে বরসম্প্রদানে ॥২-৩৭-৩৬॥
37.37
তস্মিম্স্তথা জল্পতি বিপ্রমুখ্যে ।
গুরৌ নৃপস্যাপ্রতিমপ্রভাবে ।নৈব স্ম সীতা বিনিবৃত্তভাবা ।প্রিয়স্য ভর্তুঃ প্রতিকারকামা ॥২-৩৭-৩৭॥