Utshovসর্গ 35
35.1
ততো নির্ধূয় সহসা শিরো নিঃশ্বস্ব চাসকৃৎ ।
পাণৌ পাণিম্ বিনিষ্পিষ্য দন্তান্ কটকটায্য চ ॥২-৩৫-১॥
35.2
লোচনে কোপসম্রক্তে বর্ণম্ পূর্বোচিতম্ জহৎ ।
কোপাভিভূতঃ সহসা সম্তাপমশুভম্ গতঃ ॥২-৩৫-২॥
35.3
মনঃ সমীক্ষমাণশ্চ সূতো দশরথস্য সঃ ।
কম্পয়ন্নিব কৈকেয্যা হৃদয়ম্ বাক্ছরৈশ্শিতৈঃ ॥২-৩৫-৩॥
35.4
বাক্যবজ্রৈরনুপমৈর্নির্ভিন্দন্নিব চাশুগৈঃ ।
কৈকেয্যা সর্বমর্মাণি সুমন্ত্রঃ প্রত্যভাষত ॥২-৩৫-৪॥
35.5
যশ্যাস্তব পতিস্ত্যক্তোরাজা দশরথঃ স্বয়ম্ ।
ভর্তা সর্বস্য জগতঃ স্থাবরস্য চরশ্য চ ॥২-৩৫-৫॥
35.6
ন হ্যকার্যতমম্ কিম্চিৎ তব দেবীহ বিদ্যতে ।
পতিঘ্নীম্ ত্বামহম্ মন্যে কুলঘ্নীমপি চান্ততঃ ॥২-৩৫-৬॥
35.7
যন্ম হেম্দ্রমিবাজয্যম্ দুষ্প্রকম্প্যমিবাচলম্ ।
মহোদধিমিবাক্ষোভ্যম্ সন্তাপয়সি কর্মভিঃ ॥২-৩৫-৭॥
35.8
মাবমম্স্থা দশরথম্ ভর্তারম্ বরদম্ পতিম্ ।
ভর্তুরিচ্ছা হি নারীণাম্পুত্রকোট্যা বিশিষ্যতে ॥২-৩৫-৮॥
35.9
যথাবয়ো হি রাজ্যানি প্রাপ্নুবন্তি নৃপক্ষয়ে ।
ইক্ষ্বাকুকুলনাথেঽস্মিম্স্তল্লোপয়িতুমিচ্ছসি ॥২-৩৫-৯॥
35.10
রাজা ভবতু তে পুত্রো ভরতশ্শাস্তু মেদিনীম্ ।
বয়ম্ তত্র গমিষ্যামো রামো যত্র গমিষ্যতি ॥২-৩৫-১০॥
35.11
ন হি তে বিষয়ে কশ্চিদ্ব্রাহ্মণো বস্তুমর্হতি ।
তাদৃশম্ ত্বমমর্যাদমদ্য কর্ম চিকীর্ষসি ॥২-৩৫-১১॥
35.12
নূনম্ সর্বে গমিষ্যামো মার্গম্ রামনিষেবিতম্ ।
ত্যক্তায়া বান্ধবৈঃ সর্বৈর্ব্রাহ্মণৈঃ সাধুভিঃ সদা ॥২-৩৫-১২॥
35.13
কা প্রীতী রাজ্যলাভেন তব দেবি ভবিষ্যতি ।
তাদৃশম্ ত্বমমর্যাদম্ কর্ম কর্তুম্ চিকীর্ষসি ॥২-৩৫-১৩॥
35.14
আশ্চর্যমিব পশ্যামি যস্যাস্তে বৃত্তমীদৃশম্ ।
আচরন্ত্যা ন বিদৃতা সদ্যো ভবতি মেদিনী ॥২-৩৫-১৪॥
35.15
মহাব্রহ্মর্ষিসৃষ্টা বা জ্বলন্তো ভীমদর্শনা ।
ধিগ্বাগ্দণ্ডণা ন হিম্সন্তি রামপ্রব্রাজনে স্থিতাম্ ॥২-৩৫-১৫॥
35.16
আম্রম্ চিত্বা কুঠারেন নিম্বম্ পরিচরেত্তু যঃ ।
যশ্চেনম্ পয়সা সিঞ্চেন্নৈবাস্য মধুরো ভবেৎ ॥২-৩৫-১৬॥
35.17
অভিজাত্যম্ হি তে মন্যে যথা মাতুস্তথৈব চ ।
ন হি নিম্বাত্স্রবেত্ক্ষৌদ্রম্ লোকে নিগদিতম্ বচঃ ॥২-৩৫-১৭॥
35.18
তব মাতুরসদ্গ্রাহম্ বিদ্মঃ পূর্বম্ যথাশ্রুতম্ ।
পিতুস্তে বরদঃ কশ্চিদ্দদৌ বরমনুত্তমম্ ॥২-৩৫-১৮॥
35.19
সর্বভূতরুতম্ তস্মাত্সম্জজ্ঞে বসুধাধিপঃ ।
তেন তির্যগ্গতানাম্ চ ভূতানাম্ বিদিতম্ বচঃ ॥২-৩৫-১৯॥
35.20
ততো জৃম্ভস্য শয়নে বিরুতাদ্ভূরিবর্চসা ।
পিতুস্তে বিদিতো ভাবঃ স তত্র বহুধাঽহসৎ ॥২-৩৫-২০॥
35.21
তত্র তে জননী ক্রুদ্ধা মৃত্যুপাশমভীপ্সতী ।
হাসম্ তে নৃপতে সৌম্য জিজ্ঞাসামীতি ভাব্রবীৎ ॥২-৩৫-২১॥
35.22
নৃপশ্চোবাচ তাম্ দেবীম্ দেবি শম্সামি তে যদি ।
ততো মে মরণম্ সদ্যো ভবিষ্যতি ন সম্শয়ঃ ॥২-৩৫-২২॥
35.23
মাতা তে পিতরম্ দেবি ততহ্ কেকয়মব্রবীৎ ।
শম্স মে জীব বা মা বা ন মামপহসিষ্যসি ॥২-৩৫-২৩॥
35.24
প্রিয়য়া চ তথোক্তঃ সন্ কেকয়ঃ পৃথীবীপতিঃ ।
তস্মৈ তম্ বরদায়ার্থম্ কথয়ামাস তত্ত্বতঃ ॥২-৩৫-২৪॥
35.25
ততঃ স বরদহ্ সাধু রাজানম্ প্রত্যভাষত ।
ম্রিয়তাম্ ধ্বম্সতাম্ বেয়ম্ মা কৃথাস্ত্বম্ মহীপতে ॥২-৩৫-২৫॥
35.26
স তচ্ছ্রুত্বা বচস্তস্য প্রসন্নমনসো নৃপঃ ।
মাতরম্ তে নিরস্যাশু বিজহার কুবেরবৎ ॥২-৩৫-২৬॥
35.27
তথা ত্বমপি রাজানম্ দুর্জনাচরিতে পথি ।
অসদ্গ্রাহমিমম্ মোহাত্কুরুষে পাপদর্শিনি ॥২-৩৫-২৭॥
35.28
সত্যশ্চাদ্য প্রবাদোঽয়ম্ লৌকিকঃ প্রতিভাতি মা ।
পিত্R^ঊন্ সমনুজায়ন্তে নরা মাতরমঙ্গনাঃ ॥২-৩৫-২৮॥
35.29
নৈবম্ ভব Gঋহাণেদম্ যদাহ বসুধাধিপঃ ।
ভর্তুরিচ্চামুপাস্বেহ জনস্যাস্য গতির্ভব ॥২-৩৫-২৯॥
35.30
মা ত্বম্ প্রোত্সাহিতা পাপৈর্দেবরাজসমপ্রভম্ ।
ভর্তারম্ লোকভর্তারমসদ্ধর্মমুপাদধাঃ ॥২-৩৫-৩০॥
35.31
ন হি মিথ্যা প্রতিজ্ঞাতম্ করিষ্যতি তবানঘঃ ।
শ্রীমান্দশরথো রাজা দেবি রাজীবলোচনঃ ॥২-৩৫-৩১॥
35.32
জ্যেষ্ঠো বদান্যঃ কর্মণ্যঃ স্বধর্মপরিরক্ষিতা ।
রক্ষিতা জীবলোকস্য বলী রামোঽভিষিচ্যতাম্ ॥২-৩৫-৩২॥
35.33
পরিবাদো হি তে দেবি মহান্লোকে চরিষ্যতি ।
যদি রামো বনম্ যাতি বিহায় পিতরম্ নৃপম্ ॥২-৩৫-৩৩॥
35.34
স রাজ্যম্ রাঘবঃ পাতু ভবত্বম্ বিগতজ্বরা ।
ন হি তে রাঘবাদন্যঃ ক্ষমঃ পুরবরে বসেৎ ॥২-৩৫-৩৪॥
35.35
রামে হি যৌবরাজ্যস্থে রাজা দশরথো বনম্ ।
প্রবেক্ষ্যতি মহেষ্বাসঃ পূর্ববৃত্তমনুস্মরন্ ॥২-৩৫-৩৫॥
35.36
ইতি সান্বৈশ্চ তীক্ষ্ণৈ কৈকেয়ীম্ রাজসম্সদি ।
সুবন্ত্রঃ ক্ষোভয়ামাস ভূয় এব কৃতাঞ্জলিঃ ॥২-৩৫-৩৬॥
35.37
নৈবসাক্ষুভ্যতে দেবী ন চ স্ম পরিদূয়তে ।
ন চাস্যা মুখবর্ণস্য বিক্রিয়া লক্ষ্যতে তদা ॥২-৩৫-৩৭॥