Utshovসর্গ 33
33.1
দত্ত্বা তু সহ বৈদেহ্যা ব্রাহ্মণেভ্যো ধনম্ বহু ।
জগ্মতুঃ পিতরম্ দ্রষ্টুম্ সীতয়া সহ রাঘবৌ ॥২-৩৩-১॥
33.2
ততো গৃহীতে দুষ্প্রেক্ষ্যেঅশোভেতাম্ তদা আয়ুধে ।
মালা দামভির্ আসক্তে সীতয়া সমলম্কৃতে ॥২-৩৩-২॥
33.3
ততঃ প্রাসাদ হর্ম্যাণি বিমান শিখরাণি চ ।
অধিরুহ্য জনঃ শ্রীমান্ উদাসীনো ব্যলোকয়ৎ ॥২-৩৩-৩॥
33.4
ন হি রথ্যাঃ স্ম শক্যন্তে গন্তুম্ বহু জন আকুলাঃ ।
আরুহ্য তস্মাৎ প্রাসাদান্ দীনাঃ পশ্যন্তি রাঘবম্ ॥২-৩৩-৪॥
33.5
পদাতিম্ বর্জিতচ্ চত্রম্ রামম্ দৃষ্ট্বা তদা জনাঃ ।
ঊচুর্ বহু বিধা বাচঃ শোক উপহত চেতসঃ ॥২-৩৩-৫॥
33.6
যম্ যান্তম্ অনুয়াতি স্ম চতুর্ অন্গ বলম্ মহৎ ।
তম্ একম্ সীতয়া সার্ধম্ অনুয়াতি স্ম লক্ষ্মণঃ ॥২-৩৩-৬॥
33.7
ঐশ্বর্যস্য রসজ্ঞঃ সন্ কামিনাম্ চৈব কামদঃ ।
ন ইচ্চতি এব অনৃতম্ কর্তুম্ পিতরম্ ধর্ম গৌরবাৎ ॥২-৩৩-৭॥
33.8
যা ন শক্যা পুরা দ্রষ্টুম্ ভূতৈঃ আকাশগৈঃ অপি ।
তাম্ অদ্য সীতাম্ পশ্যন্তি রাজ মার্গ গতা জনাঃ ॥২-৩৩-৮॥
33.9
অঙ্গ রাগ উচিতাম্ সীতাম্ রক্ত চন্দন সেবিনীম্ ।
বর্ষম্ উষ্ণম্ চ শীতম্ চ নেষ্যতি আশু বিবর্ণতাম্ ॥২-৩৩-৯॥
33.10
অদ্য নূনম্ দশরথঃ সত্ত্বম্ আবিশ্য ভাষতে ।
ন হি রাজা প্রিয়ম্ পুত্রম্ বিবাসয়িতুম্ অর্হতি ॥২-৩৩-১০॥
33.11
নির্গুণস্য অপি পুত্রস্যা কাথম্ স্যাৎ বিপ্রবাসনম্ ।
কিম্ পুনর্ যস্য লোকো অয়ম্ জিতঃ বৃত্তেন কেবলম্ ॥২-৩৩-১১॥
33.12
আনৃশম্স্যম্ অনুক্রোশঃ শ্রুতম্ শীলম্ দমঃ শমঃ ।
রাঘবম্ শোভয়ন্তি এতে ষড্ গুণাঃ পুরুষ উত্তমম্ ॥২-৩৩-১২॥
33.13
তস্মাৎ তস্য উপঘাতেন প্রজাঃ পরম পীডিতাঃ ।
ঔদকানি ইব সত্ত্বানি গ্রীষ্মে সলিল সম্ক্ষয়াৎ ॥২-৩৩-১৩॥
33.14
পীডয়া পীডিতম্ সর্বম্ জগদ্ অস্য জগৎ পতেঃ ।
মূলস্য ইব উপঘাতেন বৃক্ষঃ পুষ্প ফল উপগঃ ॥২-৩৩-১৪॥
33.15
মূলং হ্যেষ মনুষ্যাণাম্ ধর্মসারো মহাদ্যুতিঃ ।
পুষ্পম্ ফলম্ চ পত্রম্ চ শাখাশ্চা স্যেতরে জনাঃ ॥২-৩৩-১৫॥
33.16
তে লক্ষ্মণৈব ক্ষিপ্রম্ সপত্ন্যঃ সহ বান্ধবাঃ ।
গচ্চন্তম্ অনুগচ্চামঃ যেন গচ্চতি রাঘবঃ ॥২-৩৩-১৬॥
33.17
উদ্যানানি পরিত্যজ্য ক্ষেত্রাণি চ গৃহাণি চ ।
এক দুহ্খ সুখা রামম্ অনুগচ্চাম ধার্মিকম্ ॥২-৩৩-১৭॥
33.18
সমুদ্ধৃত নিধানানি পরিধ্বস্ত অজিরাণি চ ।
উপাত্ত ধন ধান্যানি হৃত সারাণি সর্বশঃ ॥২-৩৩-১৮॥
33.19
রজসা অভ্যবকীর্ণানি পরিত্যক্তানি দৈবতৈঃ ।
মূষকৈঃ পরিধাবদ্ভিরুদ্বিলৈরাবৃতানি চ ॥২-৩৩-১৯॥
33.20
অপেতোদকধূমানি হীনসম্মার্জনানি চ ।
প্রনষ্টবলিকর্মেজ্যমন্ত্রহোমজপানি চ ॥২-৩৩-২০॥
33.21
দুষ্কালেনেব ভগ্নানি ভিভাজনবন্তি চ ।
অস্মৎ ত্যক্তানি বেশ্মানি কৈকেয়ী প্রতিপদ্যতাম্ ॥২-৩৩-২১॥
33.22
বনম্ নগরম্ এব অস্তু যেন গচ্চতি রাঘবঃ ।
অস্মাভিঃ চ পরিত্যক্তম্ পুরম্ সম্পদ্যতাম্ বনম্ ॥২-৩৩-২২॥
33.23
বিলানি দম্ষ্ট্রিণঃ সর্বে সানূনি মৃগ পক্ষিণঃ ।
অস্মৎ ত্যক্তম্ প্রপদ্যন্তাম্ সেব্যমানম্ ত্যজন্তু চ ॥২-৩৩-২৩॥
33.24
ইতি এবম্ বিবিধা বাচো নানা জন সমীরিতাঃ ।
তৃণমাম্সফলাদানাম্ দেশম্ ব্যালমৃগদ্বিজম্ ॥২-৩৩-২৪॥
33.25
প্রপদ্যতাম্ হি কৈকেয়ী সপুত্রা সহবান্ধবৈঃ ।
রাঘাবেণ বনে সর্বে সহ বত্স্যাম নির্বৃতাঃ ॥২-৩৩-২৫॥
33.26
ইত্যেবম্ বিবিধা বাচো নানাজনসমীরিতাঃ।
শুশ্রাব রামঃ শ্রুত্বা চ ন বিচক্রে অস্য মানসম্ ॥২-৩৩-২৬॥
33.27
স তু বেশ্ম পিতুর্দূরা ত্কৈলাসশিখরপ্রভম্ ।
অভিচক্রাম ধর্মাত্মা মত্তমাতঙ্গবিক্রমঃ ॥২-৩৩-২৭॥
33.28
বিনীতবীরপুরুষং প্রবিশ্য তু নৃপালয়ম্ ।
দদর্শবস্থিতম্ দীনম্ সুমন্ত্রমবিদূরতঃ ॥২-৩৩-২৮॥
33.29
প্রতীক্ষমাণো অভিজনম্ তদা আর্তম্ ।
অনার্ত রূপঃ প্রহসন্ন্ ইব অথ।জগাম রামঃ পিতরম্ দিদৃক্ষুঃ ।পিতুর্ নিদেশম্ বিধিবচ্ চিকীর্ষুঃ ॥২-৩৩-২৯॥
33.30
তৎ পূর্বম্ ঐক্ষ্বাক সুতঃ মহাত্মা ।
রামঃ গমিষ্যন্ বনম্ আর্ত রূপম্ ।ব্যতিষ্ঠত প্রেক্ষ্য তদা সুমন্ত্রম্ ।পিতুর্ মহাত্মা প্রতিহারণ অর্থম্ ॥২-৩৩-৩০॥
33.31
পিতুর্নিদেশেন তু ধর্মবত্সলো ।
বন প্রবেশে কৃত বুদ্ধি নিশ্চয়ঃ ।স রাঘবঃ প্রেক্ষ্য সুমন্ত্রম্ অব্রবীন্ ।নিবেদয়স্ব আগমনম্ নৃপায় মে ॥২-৩৩-৩১॥