Utshovসর্গ 32
32.1
ততঃ শাসনম্ আজ্ঞায় ভ্রাতুঃ শুভতরম্ প্রিয়ম্ ।
গত্বা স প্রবিবেশ আশু সুয়জ্ঞস্য নিবেশনম্ ॥২-৩২-১॥
32.2
তম্ বিপ্রম্ অগ্নি অগারস্থম্ বন্দিত্বা লক্ষ্মণো অব্রবীৎ ।
সখে অভ্যাগচ্চ পশ্য ত্বম্ বেশ্ম দুষ্কর কারিণঃ ॥২-৩২-২॥
32.3
ততঃ সম্ধ্যাম্ উপাস্য আশু গত্বা সৌমিত্রিণা সহ ।
জুষ্টম্ তৎ প্রাবিশল্ লক্ষ্ম্যা রম্যম্ রাম নিবেশনম্ ॥২-৩২-৩॥
32.4
তম্ আগতম্ বেদবিদম্ প্রান্জলিঃ সীতয়া সহ ।
সুয়জ্ঞম্ অভিচক্রাম রাঘবো অগ্নিম্ ইব অর্চিতম্ ॥২-৩২-৪॥
32.5
জাত রূপময়ৈঃ মুখ্যৈঃ অন্গদৈঃ কুণ্ডলৈঃ শুভৈঃ ।
সহেম সূত্রৈঃ মণিভিঃ কেয়ূরৈঃ বলয়ৈঃ অপি ॥২-৩২-৫॥
32.6
অন্যৈঃ চ রত্নৈঃ বহুভিঃ কাকুত্স্থঃ প্রত্যপূজয়ৎ ।
সুয়জ্ঞম্ স তদা উবাচ রামঃ সীতা প্রচোদিতঃ ॥২-৩২-৬॥
32.7
হারম্ চ হেম সূত্রম্ চ ভার্যায়ৈ সৌম্য হারয় ।
রশনাম্ চ অধুনা সীতা দাতুম্ ইচ্চতি তে সখে ॥২-৩২-৭॥
32.8
অঙ্গদানি বিচিত্রাণি কেয়ূরাণি শুভানি চ ।
পর্যন্কম্ অগ্র্য আস্তরণম্ নানা রত্ন বিভূষিতম্ ॥২-৩২-৮॥
32.9
পর্যঙ্কমগ্র্যাস্তরণম্ নানারত্নবিভূষিতম্ ।
তম্ অপি ইচ্চতি বৈদেহী প্রতিষ্ঠাপয়িতুম্ ত্বয়ি ॥২-৩২-৯॥
32.10
নাগঃ শত্রুম্ জয়ো নাম মাতুলো যম্ দদৌ মম ।
তম্ তে গজ সহস্রেণ দদামি দ্বিজ পুম্গব ॥২-৩২-১০॥
32.11
ইতি উক্তঃ স হি রামেণ সুয়জ্ঞঃ প্রতিগৃহ্য তৎ ।
রাম লক্ষ্মণ সীতানাম্ প্রয়ুয়োজ আশিষঃ শিবাঃ ॥২-৩২-১১॥
32.12
অথ ভ্রাতরম্ অব্যগ্রম্ প্রিয়ম্ রামঃ প্রিয়ম্ বদঃ ।
সৌমিত্রিম্ তম্ উবাচ ইদম্ ব্রহ্মা ইব ত্রিদশ ঈশ্বরম্ ॥২-৩২-১২॥
32.13
অগস্ত্যম্ কৌশিকম্ চৈব তাব্ উভৌ ব্রাহ্মণ উত্তমৌ ।
অর্চয় আহূয় সৌমিত্রে রত্নৈঃ সস্যম্ ইব অম্বুভিঃ ॥২-৩২-১৩॥
32.14
তর্পয়স্ব মহাবাহো গোসহসরৈশ্চ মানদ ।
সুবর্ণৈ রজতৈশ্চৈব মণিভিশ্চ মহাধনৈঃ ॥২-৩২-১৪॥
32.15
কৌসল্যাম্ চ যাঅশীর্ভির্ ভক্তঃ পর্যুপতিষ্ঠতি ।
আচার্যঃ তৈত্তিরীয়াণাম্ অভিরূপঃ চ বেদবিৎ ॥২-৩২-১৫॥
32.16
তস্য যানম্ চ দাসীঃ চ সৌমিত্রে সম্প্রদাপয় ।
কৌশেয়ানি চ বস্ত্রাণি যাবৎ তুষ্যতি স দ্বিজঃ ॥২-৩২-১৬॥
32.17
সূতঃ চিত্র রথঃ চ আর্যঃ সচিবঃ সুচির উষিতঃ ।
তোষয় এনম্ মহা অর্হৈঃ চ রত্নৈঃ বস্ত্রৈঃ ধনৈঅঃ তথা ॥২-৩২-১৭॥
32.18
পশুকাভিকছ সর্বাভির্গবাম্ দশশতেন চ ।
যে চেমে কথকালাপা বহবো দণ্ডমাণবাঃ ॥২-৩২-১৮॥
32.19
নিত্যস্বাধ্যায়শীলত্বান্নান্যত্কুর্বন্তি কিম্চন ।
অলসাঃ স্বাদুকামাশ্চ মহতাম্ চাপি সম্মতাঃ ॥২-৩২-১৯॥
32.20
শালি বাহ সহস্রম্ চ দ্বে শতে ভদ্রকাম্স্ তথা ।
ব্যন্জন অর্থম্ চ সৌমিত্রে গো সহস্রম্ উপাকুরু ॥২-৩২-২০॥
32.21
মেখলীনাম্ মহাসঘঃ কৌসল্যাম্ সমুপস্থিতঃ ।
তেষাম্ সহস্রম্ সৌমিত্রে প্রত্যেকম্ সম্প্রদাপয় ॥২-৩২-২১॥
32.22
অম্বা যথা চ সা নন্দেত্কৌসল্যা মম দক্ষিণাম্ ।
তথা দ্বিজাতীম্ স্তান্সর্বান্ লক্ষ্মণার্চ ॥২-৩২-২২॥
32.23
ততঃ স পুরুষ ব্যাঘ্রঃ তৎ ধনম্ লক্ষ্মণঃ স্বয়ম্ ।
যথা উক্তম্ ব্রাহ্মণ ইন্দ্রাণাম্ অদদাৎ ধনদো যথা ॥২-৩২-২৩॥
32.24
অথ অব্রবীদ্ বাষ্প কলাম্স্ তিষ্ঠতঃ চ উপজীবিনঃ ।
সম্প্রদায় বহু দ্রব্যম্ একৈকস্য উপজীবিনঃ ॥২-৩২-২৪॥
32.25
লক্ষ্মণস্য চ যদ্ বেশ্ম গৃহম্ চ যদ্ ইদম্ মম ।
অশূন্যম্ কার্যম্ একৈকম্ যাবদ্ আগমনম্ মম ॥২-৩২-২৫॥
32.26
ইতি উক্ত্বা দুহ্খিতম্ সর্বম্ জনম্ তম্ উপজীবিনম্ ।
উবাচ ইদম্ ধন ধ্যক্ষম্ ধনম্ আনীয়তাম্ ইতি ॥২-৩২-২৬॥
32.27
ততঃ অস্য ধনম্ আজহ্রুঃ সর্বম্ এব উপজীবিনঃ ।
স রাশিঃ সুমহাম্স্তত্র দর্শনীয়ো হ্যদৃশ্যত ॥২-৩২-২৭॥
32.28
ততঃ স পুরুষ ব্যাঘ্রঃ তৎ ধনম্ সহ লক্ষ্মণঃ ।
দ্বিজেভ্যো বাল বৃদ্ধেভ্যঃ কৃপণেভ্যো অভ্যদাপয়ৎ ॥২-৩২-২৮॥
32.29
তত্র আসীৎ পিন্গলো গার্গ্যঃ ত্রিজটঃ নাম বৈ দ্বিজঃ ।
ক্ষতবৃত্তির্বনে নিত্যম্ ফালকুদ্দাললাঙ্গলী ॥২-৩২-২৯॥
32.30
তম্ বৃদ্ধম্ তরুণী ভার্যা বালানাদায় দারকান্ ।
অব্রবীদ্বাহ্মণম্ বাক্যম্ দারিদ্র্যেণাভিপীডিতা ॥২-৩২-৩০॥
32.31
অপাস্য ফালম্ কুদ্দালম্ কুরুষ্ব বচনম্ মমম্ ।
রামম্ দর্শয় ধর্মজ্Jনম্ যদি কিম্চিদবাপ্স্যসি ॥২-৩২-৩১॥
32.32
স ভার্যাবচনম্ শ্রুত্বা শাটীমাচ্ছাদ্য দুশ্ছদাম্ ।
স প্রতিষ্ঠত পন্থানম্ যত্র রামনিবেশনম্ ॥২-৩২-৩২॥
32.33
ভৃগ্বঙ্গিরসমম্ দীপ্ত্যা ত্রিজটম্ জনসম্সদি ।
আ পন্চমায়াঃ কক্ষ্যায়া ন এনম্ কশ্চিৎ অবারয়ৎ ॥২-৩২-৩৩॥
32.34
স রাজ পুত্রম্ আসাদ্য ত্রিজটঃ বাক্যম্ অব্রবীৎ ।
নির্ধনো বহু পুত্রঃ অস্মি রাজ পুত্র মহা যশঃ ।ক্ষতবৃত্তির্বনে নিত্যম্ প্রত্যবেক্ষস্ব মামিতি ॥২-৩২-৩৪॥
32.35
তমুবাচ ততো রামঃ পরিহাসসমন্বিতম্ ।
গবাম্ সহস্রমপ্যেকম্ ন চ বিশ্রাণিতম্ ময়া ।পরিক্ষিপসি দণ্ডেন যাবত্তাবদবাপ্য্সসি ॥২-৩২-৩৫॥
32.36
স শাটীম্ ত্বরিতঃ কট্যাম্ সম্ব্রান্তঃ পরিবেষ্ট্য তাম্ ।
আবিদ্ধ্য দণ্ডম্ চিক্ষেপ সর্বপ্রাণেন বেগিতঃ ॥২-৩২-৩৬॥
32.37
স তীর্ত্বা সরয়ূপারম্ দণ্ডস্তস্য করাচ্চ্যুতঃ ।
গোব্রজে বহুসাহাস্রে পপাতোক্ষণসন্নিধৌ ॥২-৩২-৩৭॥
32.38
তম্ পরিষ্বজ্য ধর্মাত্মা আতস্মাত্সরয়ূতটাৎ ।
আনয়ামাস তা গোপৈস্ত্রিজটায়াশ্রমম্ প্রতি ॥২-৩২-৩৮॥
32.39
উবাচ চ ততো রামস্তম্ গার্গ্যমভিসান্ত্বয়ন্ ।
মন্যুর্ন খলু কর্তব্যঃ পরিহাসো হ্যয়ম্ মম ॥২-৩২-৩৯॥
32.40
ইদম্ হি তেজস্তব যদ্ধুরত্যয়ম্ ।
তদেব জিজ্ঞাসিতু মিচ্ছতা ময়া ।ইমম্ ভবানর্থমভিপ্রচোদিতো ।বৃণীষ্ব কিম্চেদপরম্ ব্যবস্যতি ॥২-৩২-৪০॥
32.41
ব্রবীমি সত্যেন ন তেঽস্তি যন্ত্রণা ।
ধনম্ হি যদ্যন্মম বিপ্রকারণাৎ ।ভবত্সু সম্যক্র্পতিপাদনেন ত ।ন্ময়ার্জিতম্ প্রীতিয়শ্স্করম্ ভবেৎ ॥২-৩২-৪১॥
32.42
তত স্সভার্য স্ত্রিজটো মহামুনি ।
র্গবামনীকম্ প্রতিগৃহ্য মোদিতঃ ।যশোবলপ্রীতিসুখোপবৃম্হণী ।স্তদাশিষঃ প্রত্যবদন্মহাত্মনঃ ॥২-৩২-৪২॥
32.43
স চাপি রামঃ প্রতিপূর্ণমানসো ।
মহদ্ধনম্ ধর্মবলৈরুপার্জিতম্ ।নিয়োজয়ামাস সুহৃজ্জনেঽচিরা ।দ্যথার্হসম্মানবচঃপ্রচোদিতঃ ॥২-৩২-৪৩॥
32.44
দ্বিজঃ সুহৃদ্ভৃত্যজনোঽথবা তদা ।
দরিদ্রভিক্ষাচরণশ্চ যোঽভবৎ ।ন তত্র কশ্চিন্ন বভূব তর্পিতো ।যথার্হ সম্মানন দান সম্ব্রমৈঃ ॥২-৩২-৪৪॥