Utshovসর্গ 31
31.1
এবম্ শ্রুত্বা তু সম্বাদম্ লক্ষ্মণঃ পূর্বমাগতঃ ।
বাষ্পপর্যাকুলমুখঃ শোকম্ সোঢুমশক্নুবন্ ॥২-৩১-১॥
31.2
স ভ্রাতুশ্চরণৌ গাঢম্ নিপীড্য রঘুনন্দনঃ ।
সীতামুবাচাতিয়শাম্ রাঘবম্ চ মহাব্রতম্ ॥২-৩১-২॥
31.3
যদি গন্তুম্ কৃতা বুদ্ধির্বনম্ মৃগগজায়ুতম্ ।
অহম্ ত্বানুগমিষ্যামি বনমদ্রে ধনুর্ধরঃ ॥২-৩১-৩॥
31.4
ময়া সমেতোঽরণ্যানি বহূনি বিচরিষ্যসি ।
পক্ষিভির্মৃগয়ূথৈশ্চ সম্ঘুষ্টানি সমন্ততঃ ॥২-৩১-৪॥
31.5
ন দেবলোকাক্রমণম্ নামরত্বমহম্ বৃণে ।
ঐশ্বর্যম্ বাপি লোকানাম্ কাময়ে ন ত্বয়া বিনা ॥২-৩১-৫॥
31.6
এবম্ ব্রুবাণঃ সৌমিত্রির্বিনবাসায় নিশ্চিতঃ ।
রামেণ বহুভিঃ সান্বৈর্নিষিদ্ধঃ পুনরব্রবীৎ ॥২-৩১-৬॥
31.7
অনুজ্ঞাতশ্চ ভবতা পূর্বমেব যদস্ম্যহম্ ।
কিমিদানীম্ পুনরিদম্ ক্রিয়তে মে নিবারণম্ ॥২-৩১-৭॥
31.8
যদর্থম্ প্রতিষেধো মে ক্রিয়তে গন্তুমিচ্ছতঃ ।
এতদিচ্ছামি বিজ্ঞাতুম্ সম্শয়ো হি মমানঘ ॥২-৩১-৮॥
31.9
ততঃ অব্রবীন্ মহা তেজা রামঃ লক্ষ্মণম্ অগ্রতঃ ।
স্থিতম্ প্রাগ্ গামিনম্ বীরম্ যাচমানম্ কৃত অন্জলিম্ ॥২-৩১-৯॥
31.10
স্নিগ্ধো ধর্মরতো বীরস্সততম্ সত্পথে স্থিতঃ ।
প্রিয়ঃ প্রাণসমো বশো ভ্রাতা চাপি সখা চ মে ॥২-৩১-১০॥
31.11
ময়া অদ্য সহ সৌমিত্রে ত্বয়ি গচ্চতি তৎ বনম্ ।
কো ভরিষ্যতি কৌসল্যাম্ সুমিত্রাম্ বা যশস্বিনীম্ ॥২-৩১-১১॥
31.12
অভিবর্ষতি কামৈঃ যঃ পর্জন্যঃ পৃথিবীম্ ইব ।
স কাম পাশ পর্যস্তঃ মহা তেজা মহী পতিঃ ॥২-৩১-১২॥
31.13
সা হি রাজ্যম্ ইদম্ প্রাপ্য নৃপস্য অশ্ব পতেঃ সুতা ।
দুহ্খিতানাম্ সপত্নীনাম্ ন করিষ্যতি শোভনম্ ॥২-৩১-১৩॥
31.14
ন স্মরিষ্যতি কৌসল্যাম্ সুমিত্রাম্ চ সুদুঃখিতাম্ ।
ভরতো রাজ্যমাসাদ্য কৈকেয্যাম্ পর্যবস্থিতঃ ॥২-৩১-১৪॥
31.15
তামার্যাম্ স্বয়মেবেহ রাজাঽনুগ্রহণেন বা ।
সৌমিত্রে ভর কৌসল্যা মুক্তমর্থমিমম্ চর ॥২-৩১-১৫॥
31.16
এবম্ মম চ তে ভক্তির্ভবিষ্যতি সুদর্শিতা ।
ধর্মজ্ঞ গুরুপূজায়াম্ ধর্মশ্চাপ্যতুলো মহান্ ॥২-৩১-১৬॥
31.17
এবম্ কুরুষ্ব সৌমিত্রে মত্ক্R^তে রঘুনন্দন ।
অস্মাভির্বিপ্রহীনায়া মাতুর্নো ন ভবেত্সুখম্ ॥২-৩১-১৭॥
31.18
এবম্ উক্তঃ তু রামেণ লক্ষ্মণঃ শ্লক্ষ্ণয়া গিরা ।
প্রত্যুবাচ তদা রামম্ বাক্যজ্ঞো বাক্য কোবিদম্ ॥২-৩১-১৮॥
31.19
তব এব তেজসা বীর ভরতঃ পূজয়িষ্যতি ।
কৌসল্যাম্ চ সুমিত্রাম্ চ প্রয়তঃ ন অত্র সম্শয়ঃ ॥২-৩১-১৯॥
31.20
কৌসল্যা বিভৃয়াৎ আর্যা সহস্রম্ অপি মদ্ বিধান্ ।
যস্যাঃ সহস্রম্ গ্রামাণাম্ সম্প্রাপ্তম্ উপজীবনম্ ॥২-৩১-২০॥
31.21
তদাত্মভরণে চৈব মম মাতুস্তথৈব চ ।
পর্যাপ্তা মদ্বিধানাম্ চ ভরণায় যশস্বিনী ॥২-৩১-২১॥
31.22
কুরুষ্ব মামনুচরম্ বৈধর্ম্যম্ নেহ বিদ্যতে ।
কৃতার্থোঽহম্ ভবিষ্যামি তব চার্থঃ প্রকল্পতে ॥২-৩১-২২॥
31.23
ধনুর্ আদায় সশরম্ খনিত্র পিটকা ধরঃ ।
অগ্রতঃ তে গমিষ্যামি পন্থানম্ অনুদর্শয়ন্ ॥২-৩১-২৩॥
31.24
আহরিষ্যামি তে নিত্যম্ মূলানি চ ফলানি চ ।
বন্যানি যানি চ অন্যানি স্বাহারাণি তপস্বিনাম্ ॥২-৩১-২৪॥
31.25
ভবাম্স্ তু সহ বৈদেহ্যা গিরি সানুষু রম্স্যতে ।
অহম্ সর্বম্ করিষ্যামি জাগ্রতঃ স্বপতঃ চ তে ॥২-৩১-২৫॥
31.26
রামঃ তু অনেন বাক্যেন সুপ্রীতঃ প্রত্যুবাচ তম্ ।
ব্রজ আপৃচ্চস্ব সৌমিত্রে সর্বম্ এব সুহৃজ্ জনম্ ॥২-৩১-২৬॥
31.27
যে চ রাজ্ঞো দদৌ দিব্যে মহাত্মা বরুণঃ স্বয়ম্ ।
জনকস্য মহা যজ্ঞে ধনুষী রৌদ্র দর্শনে ॥২-৩১-২৭॥
31.28
অভেদ্য কবচে দিব্যে তূণী চ অক্ষয় সায়কৌ ।
আদিত্য বিমলৌ চ উভৌ খড্গৌ হেম পরিষ্কৃতৌ ॥২-৩১-২৮॥
31.29
সত্কৃত্য নিহিতম্ সর্বম্ এতৎ আচার্য সদ্মনি ।
স ত্বম্ আয়ুধম্ আদায় ক্ষিপ্রম্ আব্রজ লক্ষ্মণ ॥২-৩১-২৯॥
31.30
স সুহৃজ্ জনম্ আমন্ত্র্য বন বাসায় নিশ্চিতঃ ।
ইষ্ক্বাকু গুরুম্ আমন্ত্র্য জগ্রাহ আয়ুধম্ উত্তমম্ ॥২-৩১-৩০॥
31.31
তৎ দিব্যম্ রাজ শার্দূলঃ সত্কৃতম্ মাল্য ভূষিতম্ ।
রামায় দর্শয়াম্ আস সৌমিত্রিঃ সর্বম্ আয়ুধম্ ॥২-৩১-৩১॥
31.32
তম্ উবাচ আত্মবান্ রামঃ প্রীত্যা লক্ষ্মণম্ আগতম্ ।
কালে ত্বম্ আগতঃ সৌম্য কান্ক্ষিতে মম লক্ষ্মণ ॥২-৩১-৩২॥
31.33
অহম্ প্রদাতুম্ ইচ্চামি যদ্ ইদম্ মামকম্ ধনম্ ।
ব্রাহ্মণেভ্যঃ তপস্বিভ্যঃ ত্বয়া সহ পরম্তপ ॥২-৩১-৩৩॥
31.34
বসন্তি ইহ দৃঢম্ ভক্ত্যা গুরুষু দ্বিজ সত্তমাঃ ।
তেষাম্ অপি চ মে ভূয়ঃ সর্বেষাম্ চ উপজীবিনাম্ ॥২-৩১-৩৪॥
31.35
বসিষ্ঠ পুত্রম্ তু সুয়জ্ঞম্ আর্যম্ ।
ত্বম্ আনয় আশু প্রবরম্ দ্বিজানাম্ ।অভিপ্রয়াস্যামি বনম্ সমস্তান্ ।অভ্যর্চ্য শিষ্টান্ অপরান্ দ্বিজাতীন্ ॥২-৩১-৩৫॥