Utshovসর্গ 76
76.1
শ্রুত্বা তৎ জামদগ্ন্যস্য বাক্যম্ দাশরথিঃ তদা ।
গৌরবাৎ যংত্রিত কথঃ পিতূ রামম্ অথ অব্রবীৎ ॥১-৭৬-১॥
76.2
কৃতবান্ অস্মি যৎ কর্ম শ্রুতবান্ অসি ভার্গব ।
অনুরুন্ধ্যামহে ব্রহ্মন্ পিতুর্ আনৃণ্যম্ আস্থিতঃ ॥১-৭৬-২॥
76.3
বীর্য হীনম্ ইব অশক্তম্ ক্ষত্র ধর্মেণ ভার্গব ।
অবজানাসি মে তেজঃ পশ্য মে অদ্য পরাক্রমম্ ॥১-৭৬-৩॥
76.4
ইতি উক্ত্বা রাঘবঃ ক্রুদ্ধো ভার্গবস্য বর আয়ুধম্ ।
শরম্ চ প্রতিজগ্রাহ হস্তাৎ লঘু পরাক্রমঃ ॥১-৭৬-৪॥
76.5
আরোপ্য স ধনূ রামঃ শরম্ সজ্যম্ চকার হ ।
জামদগ্ন্যম্ ততো রামম্ রামঃ ক্রুদ্ধো অব্রবীৎ ইদম্ ॥১-৭৬-৫॥
76.6
ব্রাহ্মণো অসি ইতি পূজ্যো মে বিশ্বামিত্র কৃতেন চ ।
তস্মাৎ শক্তো ন তে রাম মোক্তুম্ প্রাণ হরম্ শরম্ ॥১-৭৬-৬॥
76.7
ইমাম্ বা ত্বৎ গতিম্ রাম তপো বল সমার্জিতান্ ।
লোকান্ অপ্রতিমান্ বা অপি হনিষ্যামি যৎ ইচ্ছসি ॥১-৭৬-৭॥
76.8
ন হি অয়ম্ বৈষ্ণবো দিব্যঃ শরঃ পর পুরংজয়ঃ ।
মোঘঃ পততি বীর্যেণ বল দর্প বিনাশনঃ ॥১-৭৬-৮॥
76.9
বর আয়ুধ ধরম্ রামম্ দ্রষ্টুম্ স ঋষি গণাঃ সুরাঃ ।
পিতামহম্ পুরস্কৃত্য সমেতাঃ তত্র সর্বশঃ ॥১-৭৬-৯॥
76.10
গংধর্ব অপ্সরসঃ চৈব সিদ্ধ চারণ কিন্নরাঃ ।
যক্ষ রাক্ষস নাগাঃ চ তৎ দ্রষ্টুম্ মহৎ অদ্ভুতম্ ॥১-৭৬-১০॥
76.11
জডী কৃতে তদা লোকে রামে বর ধনুর্ ধরে ।
নির্বীর্যো জামদগ্ন্যো অসৌ রমো রামম্ উদৈক্ষত ॥১-৭৬-১১॥
76.12
তেজোভিঃ হত বীর্যত্বাৎ জামদগ্ন্যো জডী কৃতঃ ।
রামম্ কমল পত্র অক্ষম্ মন্দম্ মন্দম্ উবাচ হ ॥১-৭৬-১২॥
76.13
কাশ্যপায় ময়া দত্তা যদা পূর্বম্ বসুংধরা ।
বিষয়ে মে ন বস্তব্যম্ ইতি মাম্ কাশ্যপো অব্রবীৎ ॥১-৭৬-১৩॥
76.14
সো অহম্ গুরু বচঃ কুর্বন্ পৃথিব্যাম্ ন বসে নিশাম্ ।
তদা প্রভৃতি কাকুত্স্থ কৃতা মে কাশ্যপস্য হ ॥১-৭৬-১৪॥
76.15
তম্ ইমাম্ মৎ গতিম্ বীর হন্তুম্ ন অর্হসি রাঘব ।
মনো জবম্ গমিষ্যামি মহেন্দ্রম্ পর্বত উত্তমম্ ॥১-৭৬-১৫॥
76.16
লোকাঃ তু অপ্রতিমা রাম নির্জিতাঃ তপসা ময়া ।
জহি তান্ শর মুখ্যেন মা ভূৎ কালস্য পর্যয়ঃ ॥১-৭৬-১৬॥
76.17
অক্ষয্যম্ মধু হন্তারম্ জানামি ত্বাম্ সুরেশ্বরম্ ।
ধনুষো অস্য পরামর্শাৎ স্বস্তি তে অস্তু পরংতপ ॥১-৭৬-১৭॥
76.18
এতে সুর গণাঃ সর্বে নিরীক্ষন্তে সমাগতাঃ ।
ত্বাম্ অপ্রতিম কর্মাণম্ অপ্রতিদ্বন্দ্বম্ আহবে ॥১-৭৬-১৮॥
76.19
ন চ ইয়ম্ তব কাকুত্স্থ ব্রীডা ভবিতুম্ অর্হতি ।
ত্বয়া ত্রৈলোক্য নাথেন যৎ অহম্ বিমুখী কৃতঃ ॥১-৭৬-১৯॥
76.20
শরম্ অপ্রতিমম্ রাম মোক্তুম্ অর্হসি সু ব্রত ।
শর মোক্ষে গমিষ্যামি মহেন্দ্রম্ পর্বতোত্তমম্ ॥১-৭৬-২০॥
76.21
তথা ব্রুবতি রামে তু জামদগ্ন্যে প্রতাপবান্ ।
রামো দাশরথিঃ শ্রীমান্ চিক্ষেপ শরম্ উত্তমম্ ॥১-৭৬-২১॥
76.22
স হতান্ দৃশ্য রামেণ স্বান্ লোকান্ তপসা আর্জিতান্ ।
জামদগ্ন্যো জগাম আশু মহেন্দ্রম্ পর্বতোত্তমম্ ॥১-৭৬-২২॥
76.23
ততো বি তিমিরাঃ সর্বা দিশা চ উপদিশঃ তথা ।
সুরাঃ স ঋষি গণাঃ রামম্ প্রশশংসুঃ উদায়ুধম্ ॥১-৭৬-২৩॥
76.24
রামম্ দাশরথিম্ রামো জামদগ্ন্যঃ প্রশস্য চ ।
ততঃ প্রদক্ষিণী কৃত্য জগাম আত্ম গতিম্ প্রভুঃ ॥১-৭৬-২৪॥